{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Daniel, Chapter 2 — 49 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Daniel",
      "slug": "daniel",
      "testament": "OT",
      "order": 32,
      "totalChapters": 14
    },
    "chapter": 2,
    "verseCount": 49,
    "navigation": {
      "htmlUrl": "https://latinprayer.org/latin/daniel/2/",
      "bookIndex": "https://latinprayer.org/latin/daniel/index.json",
      "bookHtmlUrl": "https://latinprayer.org/latin/daniel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/daniel/1.json",
      "previousChapterHtmlUrl": "https://latinprayer.org/latin/daniel/1/",
      "nextChapter": "https://latinprayer.org/latin/daniel/3.json",
      "nextChapterHtmlUrl": "https://latinprayer.org/latin/daniel/3/"
    },
    "crossReferences": {
      "english": "https://latinprayer.org/bible/daniel/2.json",
      "englishHtmlUrl": "https://latinprayer.org/bible/daniel/2/",
      "german": "https://latinprayer.org/bibel/daniel/2.json",
      "germanHtmlUrl": "https://latinprayer.org/bibel/daniel/2/"
    }
  },
  "citation": "Daniel 2 (Clementine Vulgate)",
  "verses": [
    {
      "verse": 1,
      "text": "In anno secundo regni Nabuchodonosor, vidit Nabuchodonosor somnium, et conterritus est spiritus ejus, et somnium ejus fugit ab eo.",
      "citation": "Daniel 2:1 (Clementine Vulgate)"
    },
    {
      "verse": 2,
      "text": "Præcepit autem rex ut convocarentur arioli, et magi, et malefici, et Chaldæi, ut indicarent regi somnia sua. Qui cum venissent, steterunt coram rege.",
      "citation": "Daniel 2:2 (Clementine Vulgate)"
    },
    {
      "verse": 3,
      "text": "Et dixit ad eos rex : Vidi somnium, et mente confusus ignoro quid viderim.",
      "citation": "Daniel 2:3 (Clementine Vulgate)"
    },
    {
      "verse": 4,
      "text": "Responderuntque Chaldæi regi syriace : Rex, in sempiternum vive ! dic somnium servis tuis, et interpretationem ejus indicabimus.",
      "citation": "Daniel 2:4 (Clementine Vulgate)"
    },
    {
      "verse": 5,
      "text": "Et respondens rex ait Chaldæis : Sermo recessit a me : nisi indicaveritis mihi somnium, et conjecturam ejus, peribitis vos, et domus vestræ publicabuntur.",
      "citation": "Daniel 2:5 (Clementine Vulgate)"
    },
    {
      "verse": 6,
      "text": "Si autem somnium, et conjecturam ejus narraveritis, præmia, et dona, et honorem multum accipietis a me. Somnium igitur, et interpretationem ejus indicate mihi.",
      "citation": "Daniel 2:6 (Clementine Vulgate)"
    },
    {
      "verse": 7,
      "text": "Responderunt secundo, atque dixerunt : Rex somnium dicat servis suis, et interpretationem illius indicabimus.",
      "citation": "Daniel 2:7 (Clementine Vulgate)"
    },
    {
      "verse": 8,
      "text": "Respondit rex, et ait : Certe novi quod tempus redimitis, scientes quod recesserit a me sermo.",
      "citation": "Daniel 2:8 (Clementine Vulgate)"
    },
    {
      "verse": 9,
      "text": "Si ergo somnium non indicaveritis mihi, una est de vobis sententia, quod interpretationem quoque fallacem, et deceptione plenam composueritis, ut loquamini mihi donec tempus pertranseat. Somnium itaque dicite mihi, ut sciam quod interpretationem quoque ejus veram loquamini.",
      "citation": "Daniel 2:9 (Clementine Vulgate)"
    },
    {
      "verse": 10,
      "text": "Respondentes ergo Chaldæi coram rege, dixerunt : Non est homo super terram, qui sermonem tuum, rex, possit implere : sed neque regum quisquam magnus et potens verbum hujuscemodi sciscitatur ab omni ariolo, et mago, et Chaldæo.",
      "citation": "Daniel 2:10 (Clementine Vulgate)"
    },
    {
      "verse": 11,
      "text": "Sermo enim, quem tu quæris, rex, gravis est : nec reperietur quisquam qui indicet illum in conspectu regis, exceptis diis, quorum non est cum hominibus conversatio.",
      "citation": "Daniel 2:11 (Clementine Vulgate)"
    },
    {
      "verse": 12,
      "text": "Quo audito, rex, in furore et in ira magna, præcepit ut perirent omnes sapientes Babylonis.",
      "citation": "Daniel 2:12 (Clementine Vulgate)"
    },
    {
      "verse": 13,
      "text": "Et egressa sententia, sapientes interficiebantur : quærebanturque Daniel et socii ejus, ut perirent.",
      "citation": "Daniel 2:13 (Clementine Vulgate)"
    },
    {
      "verse": 14,
      "text": "Tunc Daniel requisivit de lege atque sententia ab Arioch principe militiæ regis, qui egressus fuerat ad interficiendos sapientes Babylonis.",
      "citation": "Daniel 2:14 (Clementine Vulgate)"
    },
    {
      "verse": 15,
      "text": "Et interrogavit eum, qui a rege potestatem acceperat, quam ob causam tam crudelis sententia a facie regis esset egressa. Cum ergo rem indicasset Arioch Danieli,",
      "citation": "Daniel 2:15 (Clementine Vulgate)"
    },
    {
      "verse": 16,
      "text": "Daniel ingressus rogavit regem ut tempus daret sibi ad solutionem indicandam regi.",
      "citation": "Daniel 2:16 (Clementine Vulgate)"
    },
    {
      "verse": 17,
      "text": "Et ingressus est domum suam, Ananiæque et Misaëli et Azariæ, sociis suis, indicavit negotium,",
      "citation": "Daniel 2:17 (Clementine Vulgate)"
    },
    {
      "verse": 18,
      "text": "ut quærerent misericordiam a facie Dei cæli super sacramento isto, et non perirent Daniel et socii ejus cum ceteris sapientibus Babylonis.",
      "citation": "Daniel 2:18 (Clementine Vulgate)"
    },
    {
      "verse": 19,
      "text": "Tunc Danieli mysterium per visionem nocte revelatum est : et benedixit Daniel Deum cæli,",
      "citation": "Daniel 2:19 (Clementine Vulgate)"
    },
    {
      "verse": 20,
      "text": "et locutus ait : Sit nomen Domini benedictum a sæculo et usque in sæculum : quia sapientia et fortitudo ejus sunt.",
      "citation": "Daniel 2:20 (Clementine Vulgate)"
    },
    {
      "verse": 21,
      "text": "Et ipse mutat tempora, et ætates : transfert regna, atque constituit : dat sapientiam sapientibus, et scientiam intelligentibus disciplinam.",
      "citation": "Daniel 2:21 (Clementine Vulgate)"
    },
    {
      "verse": 22,
      "text": "Ipse revelat profunda et abscondita, et novit in tenebris constituta : et lux cum eo est.",
      "citation": "Daniel 2:22 (Clementine Vulgate)"
    },
    {
      "verse": 23,
      "text": "Tibi, Deus patrum nostrorum, confiteor, teque laudo, quia sapientiam et fortitudinem dedisti mihi, et nunc ostendisti mihi quæ rogavimus te, quia sermonem regis aperuisti nobis.",
      "citation": "Daniel 2:23 (Clementine Vulgate)"
    },
    {
      "verse": 24,
      "text": "Post hæc Daniel ingressus ad Arioch, quem constituerat rex ut perderet sapientes Babylonis, sic ei locutus est : Sapientes Babylonis ne perdas : introduc me in conspectu regis, et solutionem regi narrabo.",
      "citation": "Daniel 2:24 (Clementine Vulgate)"
    },
    {
      "verse": 25,
      "text": "Tunc Arioch festinus introduxit Danielem ad regem, et dixit ei : Inveni hominem de filiis transmigrationis Juda, qui solutionem regi annuntiet.",
      "citation": "Daniel 2:25 (Clementine Vulgate)"
    },
    {
      "verse": 26,
      "text": "Respondit rex, et dixit Danieli, cujus nomen erat Baltassar : Putasne vere potes mihi indicare somnium, quod vidi, et interpretationem ejus ?",
      "citation": "Daniel 2:26 (Clementine Vulgate)"
    },
    {
      "verse": 27,
      "text": "Et respondens Daniel coram rege, ait : Mysterium, quod rex interrogat, sapientes, magi, arioli, et aruspices nequeunt indicare regi :",
      "citation": "Daniel 2:27 (Clementine Vulgate)"
    },
    {
      "verse": 28,
      "text": "sed est Deus in cælo revelans mysteria, qui indicavit tibi, rex Nabuchodonosor, quæ ventura sunt in novissimis temporibus. Somnium tuum, et visiones capitis tui in cubili tuo hujuscemodi sunt.",
      "citation": "Daniel 2:28 (Clementine Vulgate)"
    },
    {
      "verse": 29,
      "text": "Tu, rex, cogitare cœpisti in strato tuo, quid esset futurum post hæc : et qui revelat mysteria, ostendit tibi quæ ventura sunt.",
      "citation": "Daniel 2:29 (Clementine Vulgate)"
    },
    {
      "verse": 30,
      "text": "Mihi quoque non in sapientia, quæ est in me plus quam in cunctis viventibus, sacramentum hoc revelatum est : sed ut interpretatio regi manifesta fieret, et cogitationes mentis tuæ scires.",
      "citation": "Daniel 2:30 (Clementine Vulgate)"
    },
    {
      "verse": 31,
      "text": "Tu, rex, videbas, et ecce quasi statua una grandis : statua illa magna, et statura sublimis stabat contra te, et intuitus ejus erat terribilis.",
      "citation": "Daniel 2:31 (Clementine Vulgate)"
    },
    {
      "verse": 32,
      "text": "Hujus statuæ caput ex auro optimo erat, pectus autem et brachia de argento, porro venter et femora ex ære,",
      "citation": "Daniel 2:32 (Clementine Vulgate)"
    },
    {
      "verse": 33,
      "text": "tibiæ autem ferreæ : pedum quædam pars erat ferrea, quædam autem fictilis.",
      "citation": "Daniel 2:33 (Clementine Vulgate)"
    },
    {
      "verse": 34,
      "text": "Videbas ita, donec abscissus est lapis de monte sine manibus : et percussit statuam in pedibus ejus ferreis et fictilibus, et comminuit eos.",
      "citation": "Daniel 2:34 (Clementine Vulgate)"
    },
    {
      "verse": 35,
      "text": "Tunc contrita sunt pariter ferrum, testa, æs, argentum, et aurum, et redacta quasi in favillam æstivæ areæ, quæ rapta sunt vento, nullusque locus inventus est eis : lapis autem, qui percusserat statuam, factus est mons magnus, et implevit universam terram.",
      "citation": "Daniel 2:35 (Clementine Vulgate)"
    },
    {
      "verse": 36,
      "text": "Hoc est somnium : interpretationem quoque ejus dicemus coram te, rex.",
      "citation": "Daniel 2:36 (Clementine Vulgate)"
    },
    {
      "verse": 37,
      "text": "Tu rex regum es : et Deus cæli regnum, et fortitudinem, et imperium, et gloriam dedit tibi :",
      "citation": "Daniel 2:37 (Clementine Vulgate)"
    },
    {
      "verse": 38,
      "text": "et omnia, in quibus habitant filii hominum, et bestiæ agri : volucres quoque cæli dedit in manu tua, et sub ditione tua universa constituit : tu es ergo caput aureum.",
      "citation": "Daniel 2:38 (Clementine Vulgate)"
    },
    {
      "verse": 39,
      "text": "Et post te consurget regnum aliud minus te argenteum : et regnum tertium aliud æreum, quod imperabit universæ terræ.",
      "citation": "Daniel 2:39 (Clementine Vulgate)"
    },
    {
      "verse": 40,
      "text": "Et regnum quartum erit velut ferrum : quomodo ferrum comminuit, et domat omnia, sic comminuet, et conteret omnia hæc.",
      "citation": "Daniel 2:40 (Clementine Vulgate)"
    },
    {
      "verse": 41,
      "text": "Porro quia vidisti pedum, et digitorum partem testæ figuli, et partem ferream, regnum divisum erit : quod tamen de plantario ferri orietur, secundum quod vidisti ferrum mistum testæ ex luto.",
      "citation": "Daniel 2:41 (Clementine Vulgate)"
    },
    {
      "verse": 42,
      "text": "Et digitos pedum ex parte ferreos, et ex parte fictiles : ex parte regnum erit solidum, et ex parte contritum.",
      "citation": "Daniel 2:42 (Clementine Vulgate)"
    },
    {
      "verse": 43,
      "text": "Quod autem vidisti ferrum mistum testæ ex luto, commiscebuntur quidem humano semine, sed non adhærebunt sibi, sicut ferrum misceri non potest testæ.",
      "citation": "Daniel 2:43 (Clementine Vulgate)"
    },
    {
      "verse": 44,
      "text": "In diebus autem regnorum illorum suscitabit Deus cæli regnum, quod in æternum non dissipabitur, et regnum ejus alteri populo non tradetur : comminuet autem, et consumet universa regna hæc, et ipsum stabit in æternum.",
      "citation": "Daniel 2:44 (Clementine Vulgate)"
    },
    {
      "verse": 45,
      "text": "Secundum quod vidisti, quod de monte abscissus est lapis sine manibus, et comminuit testam, et ferrum, et æs, et argentum, et aurum, Deus magnus ostendit regi quæ ventura sunt postea : et verum est somnium, et fidelis interpretatio ejus.",
      "citation": "Daniel 2:45 (Clementine Vulgate)"
    },
    {
      "verse": 46,
      "text": "Tunc rex Nabuchodonosor cecidit in faciem suam, et Danielem adoravit, et hostias, et incensum præcepit ut sacrificarent ei.",
      "citation": "Daniel 2:46 (Clementine Vulgate)"
    },
    {
      "verse": 47,
      "text": "Loquens ergo rex, ait Danieli : Vere Deus vester Deus deorum est, et Dominus regum, et revelans mysteria : quoniam tu potuisti aperire hoc sacramentum.",
      "citation": "Daniel 2:47 (Clementine Vulgate)"
    },
    {
      "verse": 48,
      "text": "Tunc rex Danielem in sublime extulit, et munera multa et magna dedit ei : et constituit eum principem super omnes provincias Babylonis, et præfectum magistratuum super cunctos sapientes Babylonis.",
      "citation": "Daniel 2:48 (Clementine Vulgate)"
    },
    {
      "verse": 49,
      "text": "Daniel autem postulavit a rege, et constituit super opera provinciæ Babylonis Sidrach, Misach, et Abdenago : ipse autem Daniel erat in foribus regis.",
      "citation": "Daniel 2:49 (Clementine Vulgate)"
    }
  ]
}