{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Daniel, Chapter 6 — 28 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Daniel",
      "slug": "daniel",
      "testament": "OT",
      "order": 32,
      "totalChapters": 14
    },
    "chapter": 6,
    "verseCount": 28,
    "navigation": {
      "htmlUrl": "https://latinprayer.org/latin/daniel/6/",
      "bookIndex": "https://latinprayer.org/latin/daniel/index.json",
      "bookHtmlUrl": "https://latinprayer.org/latin/daniel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/daniel/5.json",
      "previousChapterHtmlUrl": "https://latinprayer.org/latin/daniel/5/",
      "nextChapter": "https://latinprayer.org/latin/daniel/7.json",
      "nextChapterHtmlUrl": "https://latinprayer.org/latin/daniel/7/"
    },
    "crossReferences": {
      "english": "https://latinprayer.org/bible/daniel/6.json",
      "englishHtmlUrl": "https://latinprayer.org/bible/daniel/6/",
      "german": "https://latinprayer.org/bibel/daniel/6.json",
      "germanHtmlUrl": "https://latinprayer.org/bibel/daniel/6/"
    }
  },
  "citation": "Daniel 6 (Clementine Vulgate)",
  "verses": [
    {
      "verse": 1,
      "text": "Placuit Dario, et constituit super regnum satrapas centum viginti ut essent in toto regno suo.",
      "citation": "Daniel 6:1 (Clementine Vulgate)"
    },
    {
      "verse": 2,
      "text": "Et super eos principes tres, ex quibus Daniel unus erat : ut satrapæ illis redderent rationem, et rex non sustineret molestiam.",
      "citation": "Daniel 6:2 (Clementine Vulgate)"
    },
    {
      "verse": 3,
      "text": "Igitur Daniel superabat omnes principes et satrapas, quia spiritus Dei amplior erat in illo.",
      "citation": "Daniel 6:3 (Clementine Vulgate)"
    },
    {
      "verse": 4,
      "text": "Porro rex cogitabat constituere eum super omne regnum : unde principes, et satrapæ quærebant occasionem ut invenirent Danieli ex latere regis : nullamque causam, et suspicionem reperire potuerunt, eo quod fidelis esset, et omnis culpa, et suspicio non inveniretur in eo.",
      "citation": "Daniel 6:4 (Clementine Vulgate)"
    },
    {
      "verse": 5,
      "text": "Dixerunt ergo viri illi : Non inveniemus Danieli huic aliquam occasionem, nisi forte in lege Dei sui.",
      "citation": "Daniel 6:5 (Clementine Vulgate)"
    },
    {
      "verse": 6,
      "text": "Tunc principes et satrapæ surripuerunt regi, et sic locuti sunt ei : Dari rex, in æternum vive !",
      "citation": "Daniel 6:6 (Clementine Vulgate)"
    },
    {
      "verse": 7,
      "text": "consilium inierunt omnes principes regni tui, magistratus, et satrapæ, senatores, et judices, ut decretum imperatorium exeat, et edictum : ut omnis, qui petierit aliquam petitionem a quocumque deo et homine usque ad triginta dies, nisi a te, rex, mittatur in lacum leonum.",
      "citation": "Daniel 6:7 (Clementine Vulgate)"
    },
    {
      "verse": 8,
      "text": "Nunc itaque rex, confirma sententiam, et scribe decretum : ut non immutetur quod statutum est a Medis et Persis, nec prævaricari cuiquam liceat.",
      "citation": "Daniel 6:8 (Clementine Vulgate)"
    },
    {
      "verse": 9,
      "text": "Porro rex Darius proposuit edictum, et statuit.",
      "citation": "Daniel 6:9 (Clementine Vulgate)"
    },
    {
      "verse": 10,
      "text": "Quod cum Daniel comperisset, id est, constitutam legem, ingressus est domum suam : et fenestris apertis in cœnaculo suo contra Jerusalem tribus temporibus in die flectebat genua sua, et adorabat, confitebaturque coram Deo suo sicut et ante facere consueverat.",
      "citation": "Daniel 6:10 (Clementine Vulgate)"
    },
    {
      "verse": 11,
      "text": "Viri ergo illi curiosius inquirentes invenerunt Danielem orantem, et obsecrantem Deum suum.",
      "citation": "Daniel 6:11 (Clementine Vulgate)"
    },
    {
      "verse": 12,
      "text": "Et accedentes locuti sunt regi super edicto : Rex, numquid non constituisti ut omnis homo qui rogaret quemquam de diis et hominibus usque ad dies triginta, nisi te, rex, mitteretur in lacum leonum ? Ad quos respondens rex, ait : Verus est sermo juxta decretum Medorum atque Persarum, quod prævaricari non licet.",
      "citation": "Daniel 6:12 (Clementine Vulgate)"
    },
    {
      "verse": 13,
      "text": "Tunc respondentes dixerunt coram rege : Daniel de filiis captivitatis Juda, non curavit de lege tua, et de edicto quod constituisti : sed tribus temporibus per diem orat obsecratione sua.",
      "citation": "Daniel 6:13 (Clementine Vulgate)"
    },
    {
      "verse": 14,
      "text": "Quod verbum cum audisset rex, satis contristatus est : et pro Daniele posuit cor ut liberaret eum, et usque ad occasum solis laborabat ut erueret illum.",
      "citation": "Daniel 6:14 (Clementine Vulgate)"
    },
    {
      "verse": 15,
      "text": "Viri autem illi, intelligentes regem, dixerunt ei : Scito, rex, quia lex Medorum atque Persarum est ut omne decretum, quod constituerit rex, non liceat immutari.",
      "citation": "Daniel 6:15 (Clementine Vulgate)"
    },
    {
      "verse": 16,
      "text": "Tunc rex præcepit, et adduxerunt Danielem, et miserunt eum in lacum leonum. Dixitque rex Danieli : Deus tuus, quem colis semper, ipse liberabit te.",
      "citation": "Daniel 6:16 (Clementine Vulgate)"
    },
    {
      "verse": 17,
      "text": "Allatusque est lapis unus, et positus est super os laci : quem obsignavit rex annulo suo, et annulo optimatum suorum, ne quid fieret contra Danielem.",
      "citation": "Daniel 6:17 (Clementine Vulgate)"
    },
    {
      "verse": 18,
      "text": "Et abiit rex in domum suam, et dormivit incœnatus, cibique non sunt allati coram eo, insuper et somnus recessit ab eo.",
      "citation": "Daniel 6:18 (Clementine Vulgate)"
    },
    {
      "verse": 19,
      "text": "Tunc rex primo diluculo consurgens, festinus ad lacum leonum perrexit :",
      "citation": "Daniel 6:19 (Clementine Vulgate)"
    },
    {
      "verse": 20,
      "text": "appropinquansque lacui, Danielem voce lacrimabili inclamavit, et affatus est eum : Daniel serve Dei viventis, Deus tuus, cui tu servis semper, putasne valuit te liberare a leonibus ?",
      "citation": "Daniel 6:20 (Clementine Vulgate)"
    },
    {
      "verse": 21,
      "text": "Et Daniel regi respondens ait : Rex, in æternum vive !",
      "citation": "Daniel 6:21 (Clementine Vulgate)"
    },
    {
      "verse": 22,
      "text": "Deus meus misit angelum suum, et conclusit ora leonum, et non nocuerunt mihi : quia coram eo justitia inventa est in me : sed et coram te, rex, delictum non feci.",
      "citation": "Daniel 6:22 (Clementine Vulgate)"
    },
    {
      "verse": 23,
      "text": "Tunc vehementer rex gavisus est super eo, et Danielem præcepit educi de lacu : eductusque est Daniel de lacu, et nulla læsio inventa est in eo, quia credidit Deo suo.",
      "citation": "Daniel 6:23 (Clementine Vulgate)"
    },
    {
      "verse": 24,
      "text": "Jubente autem rege, adducti sunt viri illi, qui accusaverant Danielem : et in lacum leonum missi sunt, ipsi, et filii, et uxores eorum : et non pervenerunt usque ad pavimentum laci, donec arriperent eos leones, et omnia ossa eorum comminuerunt.",
      "citation": "Daniel 6:24 (Clementine Vulgate)"
    },
    {
      "verse": 25,
      "text": "Tunc Darius rex scripsit universis populis, tribubus, et linguis habitantibus in universa terra : Pax vobis multiplicetur.",
      "citation": "Daniel 6:25 (Clementine Vulgate)"
    },
    {
      "verse": 26,
      "text": "A me constitutum est decretum, ut in universo imperio et regno meo, tremiscant et paveant Deum Danielis : ipse est enim Deus vivens, et æternus in sæcula, et regnum ejus non dissipabitur, et potestas ejus usque in æternum.",
      "citation": "Daniel 6:26 (Clementine Vulgate)"
    },
    {
      "verse": 27,
      "text": "Ipse liberator atque salvator, faciens signa et mirabilia in cælo et in terra : qui liberavit Danielem de lacu leonum.",
      "citation": "Daniel 6:27 (Clementine Vulgate)"
    },
    {
      "verse": 28,
      "text": "Porro Daniel perseveravit usque ad regnum Darii, regnumque Cyri Persæ.",
      "citation": "Daniel 6:28 (Clementine Vulgate)"
    }
  ]
}