{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Daniel, Chapter 7 — 28 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Daniel",
      "slug": "daniel",
      "testament": "OT",
      "order": 32,
      "totalChapters": 14
    },
    "chapter": 7,
    "verseCount": 28,
    "navigation": {
      "htmlUrl": "https://latinprayer.org/latin/daniel/7/",
      "bookIndex": "https://latinprayer.org/latin/daniel/index.json",
      "bookHtmlUrl": "https://latinprayer.org/latin/daniel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/daniel/6.json",
      "previousChapterHtmlUrl": "https://latinprayer.org/latin/daniel/6/",
      "nextChapter": "https://latinprayer.org/latin/daniel/8.json",
      "nextChapterHtmlUrl": "https://latinprayer.org/latin/daniel/8/"
    },
    "crossReferences": {
      "english": "https://latinprayer.org/bible/daniel/7.json",
      "englishHtmlUrl": "https://latinprayer.org/bible/daniel/7/",
      "german": "https://latinprayer.org/bibel/daniel/7.json",
      "germanHtmlUrl": "https://latinprayer.org/bibel/daniel/7/"
    }
  },
  "citation": "Daniel 7 (Clementine Vulgate)",
  "verses": [
    {
      "verse": 1,
      "text": "Anno primo Baltassar regis Babylonis, Daniel somnium vidit : visio autem capitis ejus in cubili suo : et somnium scribens, brevi sermone comprehendit : summatimque perstringens, ait :",
      "citation": "Daniel 7:1 (Clementine Vulgate)"
    },
    {
      "verse": 2,
      "text": "Videbam in visione mea nocte : et ecce quatuor venti cæli pugnabant in mari magno.",
      "citation": "Daniel 7:2 (Clementine Vulgate)"
    },
    {
      "verse": 3,
      "text": "Et quatuor bestiæ grandes ascendebant de mari diversæ inter se.",
      "citation": "Daniel 7:3 (Clementine Vulgate)"
    },
    {
      "verse": 4,
      "text": "Prima quasi leæna, et alas habebat aquilæ : aspiciebam donec evulsæ sunt alæ ejus, et sublata est de terra, et super pedes quasi homo stetit ; et cor hominis datum est ei.",
      "citation": "Daniel 7:4 (Clementine Vulgate)"
    },
    {
      "verse": 5,
      "text": "Et ecce bestia alia similis urso in parte stetit : et tres ordines erant in ore ejus, et in dentibus ejus, et sic dicebant ei : Surge, comede carnes plurimas.",
      "citation": "Daniel 7:5 (Clementine Vulgate)"
    },
    {
      "verse": 6,
      "text": "Post hæc aspiciebam, et ecce alia quasi pardus, et alas habebat quasi avis, quatuor super se : et quatuor capita erant in bestia, et potestas data est ei.",
      "citation": "Daniel 7:6 (Clementine Vulgate)"
    },
    {
      "verse": 7,
      "text": "Post hæc aspiciebam in visione noctis, et ecce bestia quarta terribilis atque mirabilis, et fortis nimis : dentes ferreos habebat magnos, comedens atque comminuens, et reliqua pedibus suis conculcans : dissimilis autem erat ceteris bestiis quas videram ante eam, et habebat cornua decem.",
      "citation": "Daniel 7:7 (Clementine Vulgate)"
    },
    {
      "verse": 8,
      "text": "Considerabam cornua, et ecce cornu aliud parvulum ortum est de medio eorum : et tria de cornibus primis evulsa sunt a facie ejus : et ecce oculi, quasi oculi hominis erant in cornu isto, et os loquens ingentia.",
      "citation": "Daniel 7:8 (Clementine Vulgate)"
    },
    {
      "verse": 9,
      "text": "Aspiciebam donec throni positi sunt, et antiquus dierum sedit. Vestimentum ejus candidum quasi nix, et capilli capitis ejus quasi lana munda : thronus ejus flammæ ignis : rotæ ejus ignis accensus.",
      "citation": "Daniel 7:9 (Clementine Vulgate)"
    },
    {
      "verse": 10,
      "text": "Fluvius igneus rapidusque egrediebatur a facie ejus. Millia millium ministrabant ei, et decies millies centena millia assistebant ei : judicium sedit, et libri aperti sunt.",
      "citation": "Daniel 7:10 (Clementine Vulgate)"
    },
    {
      "verse": 11,
      "text": "Aspiciebam propter vocem sermonum grandium, quos cornu illud loquebatur : et vidi quoniam interfecta esset bestia, et perisset corpus ejus, et traditum esset ad comburendum igni :",
      "citation": "Daniel 7:11 (Clementine Vulgate)"
    },
    {
      "verse": 12,
      "text": "aliarum quoque bestiarum ablata esset potestas, et tempora vitæ constituta essent eis usque ad tempus et tempus.",
      "citation": "Daniel 7:12 (Clementine Vulgate)"
    },
    {
      "verse": 13,
      "text": "Aspiciebam ergo in visione noctis, et ecce cum nubibus cæli quasi filius hominis veniebat, et usque ad antiquum dierum pervenit : et in conspectu ejus obtulerunt eum.",
      "citation": "Daniel 7:13 (Clementine Vulgate)"
    },
    {
      "verse": 14,
      "text": "Et dedit ei potestatem, et honorem, et regnum : et omnes populi, tribus, et linguæ ipsi servient : potestas ejus, potestas æterna, quæ non auferetur : et regnum ejus, quod non corrumpetur.",
      "citation": "Daniel 7:14 (Clementine Vulgate)"
    },
    {
      "verse": 15,
      "text": "Horruit spiritus meus : ego Daniel territus sum in his, et visiones capitis mei conturbaverunt me.",
      "citation": "Daniel 7:15 (Clementine Vulgate)"
    },
    {
      "verse": 16,
      "text": "Accessi ad unum de assistentibus, et veritatem quærebam ab eo de omnibus his. Qui dixit mihi interpretationem sermonum, et docuit me :",
      "citation": "Daniel 7:16 (Clementine Vulgate)"
    },
    {
      "verse": 17,
      "text": "Hæ quatuor bestiæ magnæ, quatuor sunt regna, quæ consurgent de terra.",
      "citation": "Daniel 7:17 (Clementine Vulgate)"
    },
    {
      "verse": 18,
      "text": "Suscipient autem regnum sancti Dei altissimi, et obtinebunt regnum usque in sæculum, et sæculum sæculorum.",
      "citation": "Daniel 7:18 (Clementine Vulgate)"
    },
    {
      "verse": 19,
      "text": "Post hoc volui diligenter discere de bestia quarta, quæ erat dissimilis valde ab omnibus, et terribilis nimis : dentes et ungues ejus ferrei : comedebat, et comminuebat, et reliqua pedibus suis conculcabat :",
      "citation": "Daniel 7:19 (Clementine Vulgate)"
    },
    {
      "verse": 20,
      "text": "et de cornibus decem, quæ habebat in capite, et de alio, quod ortum fuerat, ante quod ceciderant tria cornua : et de cornu illo, quod habebat oculos, et os loquens grandia, et majus erat ceteris.",
      "citation": "Daniel 7:20 (Clementine Vulgate)"
    },
    {
      "verse": 21,
      "text": "Aspiciebam, et ecce cornu illud faciebat bellum adversus sanctos, et prævalebat eis,",
      "citation": "Daniel 7:21 (Clementine Vulgate)"
    },
    {
      "verse": 22,
      "text": "donec venit antiquus dierum, et judicium dedit sanctis Excelsi, et tempus advenit, et regnum obtinuerunt sancti.",
      "citation": "Daniel 7:22 (Clementine Vulgate)"
    },
    {
      "verse": 23,
      "text": "Et sic ait : Bestia quarta, regnum quartum erit in terra, quod majus erit omnibus regnis, et devorabit universam terram, et conculcabit, et comminuet eam.",
      "citation": "Daniel 7:23 (Clementine Vulgate)"
    },
    {
      "verse": 24,
      "text": "Porro cornua decem ipsius regni, decem reges erunt : et alius consurget post eos, et ipse potentior erit prioribus, et tres reges humiliabit.",
      "citation": "Daniel 7:24 (Clementine Vulgate)"
    },
    {
      "verse": 25,
      "text": "Et sermones contra Excelsum loquetur, et sanctos Altissimi conteret : et putabit quod possit mutare tempora, et leges : et tradentur in manu ejus usque ad tempus, et tempora, et dimidium temporis.",
      "citation": "Daniel 7:25 (Clementine Vulgate)"
    },
    {
      "verse": 26,
      "text": "Et judicium sedebit, ut auferatur potentia, et conteratur, et dispereat usque in finem.",
      "citation": "Daniel 7:26 (Clementine Vulgate)"
    },
    {
      "verse": 27,
      "text": "Regnum autem, et potestas, et magnitudo regni, quæ est subter omne cælum, detur populo sanctorum Altissimi : cujus regnum, regnum sempiternum est, et omnes reges servient ei, et obedient.",
      "citation": "Daniel 7:27 (Clementine Vulgate)"
    },
    {
      "verse": 28,
      "text": "Hucusque finis verbi. Ego Daniel multum cogitationibus meis conturbabar, et facies mea mutata est in me : verbum autem in corde meo conservavi.",
      "citation": "Daniel 7:28 (Clementine Vulgate)"
    }
  ]
}