{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Daniel, Chapter 8 — 27 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Daniel",
      "slug": "daniel",
      "testament": "OT",
      "order": 32,
      "totalChapters": 14
    },
    "chapter": 8,
    "verseCount": 27,
    "navigation": {
      "htmlUrl": "https://latinprayer.org/latin/daniel/8/",
      "bookIndex": "https://latinprayer.org/latin/daniel/index.json",
      "bookHtmlUrl": "https://latinprayer.org/latin/daniel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/daniel/7.json",
      "previousChapterHtmlUrl": "https://latinprayer.org/latin/daniel/7/",
      "nextChapter": "https://latinprayer.org/latin/daniel/9.json",
      "nextChapterHtmlUrl": "https://latinprayer.org/latin/daniel/9/"
    },
    "crossReferences": {
      "english": "https://latinprayer.org/bible/daniel/8.json",
      "englishHtmlUrl": "https://latinprayer.org/bible/daniel/8/",
      "german": "https://latinprayer.org/bibel/daniel/8.json",
      "germanHtmlUrl": "https://latinprayer.org/bibel/daniel/8/"
    }
  },
  "citation": "Daniel 8 (Clementine Vulgate)",
  "verses": [
    {
      "verse": 1,
      "text": "Anno tertio regni Baltassar regis, visio apparuit mihi. Ego Daniel, post id quod videram in principio,",
      "citation": "Daniel 8:1 (Clementine Vulgate)"
    },
    {
      "verse": 2,
      "text": "vidi in visione mea, cum essem in Susis castro, quod est in Ælam regione : vidi autem in visione esse me super portam Ulai.",
      "citation": "Daniel 8:2 (Clementine Vulgate)"
    },
    {
      "verse": 3,
      "text": "Et levavi oculus meos, et vidi : et ecce aries unus stabat ante paludem, habens cornua excelsa, et unum excelsius altero atque succrescens. Postea",
      "citation": "Daniel 8:3 (Clementine Vulgate)"
    },
    {
      "verse": 4,
      "text": "vidi arietem cornibus ventilantem contra occidentem, et contra aquilonem, et contra meridiem, et omnes bestiæ non poterant resistere ei, neque liberari de manu ejus : fecitque secundum voluntatem suam, et magnificatus est.",
      "citation": "Daniel 8:4 (Clementine Vulgate)"
    },
    {
      "verse": 5,
      "text": "Et ego intelligebam : ecce autem hircus caprarum veniebat ab occidente super faciem totius terræ, et non tangebat terram : porro hircus habebat cornu insigne inter oculos suos.",
      "citation": "Daniel 8:5 (Clementine Vulgate)"
    },
    {
      "verse": 6,
      "text": "Et venit usque ad arietem illum cornutum, quem videram stantem ante portam, et cucurrit ad eum in impetu fortitudinis suæ.",
      "citation": "Daniel 8:6 (Clementine Vulgate)"
    },
    {
      "verse": 7,
      "text": "Cumque appropinquasset prope arietem, efferatus est in eum, et percussit arietem : et comminuit duo cornua ejus, et non poterat aries resistere ei : cumque eum misisset in terram, conculcavit, et nemo quibat liberare arietem de manu ejus.",
      "citation": "Daniel 8:7 (Clementine Vulgate)"
    },
    {
      "verse": 8,
      "text": "Hircus autem caprarum magnus factus est nimis : cumque crevisset, fractum est cornu magnum, et orta sunt quatuor cornua subter illud per quatuor ventos cæli.",
      "citation": "Daniel 8:8 (Clementine Vulgate)"
    },
    {
      "verse": 9,
      "text": "De uno autem ex eis egressum est cornu unum modicum : et factum est grande contra meridiem, et contra orientem, et contra fortitudinem.",
      "citation": "Daniel 8:9 (Clementine Vulgate)"
    },
    {
      "verse": 10,
      "text": "Et magnificatum est usque ad fortitudinem cæli : et dejecit de fortitudine, et de stellis, et conculcavit eas.",
      "citation": "Daniel 8:10 (Clementine Vulgate)"
    },
    {
      "verse": 11,
      "text": "Et usque ad principem fortitudinis magnificatum est : et ab eo tulit juge sacrificium, et dejecit locum sanctificationis ejus.",
      "citation": "Daniel 8:11 (Clementine Vulgate)"
    },
    {
      "verse": 12,
      "text": "Robur autem datum est ei contra juge sacrificium propter peccata : et prosternetur veritas in terra, et faciet, et prosperabitur.",
      "citation": "Daniel 8:12 (Clementine Vulgate)"
    },
    {
      "verse": 13,
      "text": "Et audivi unum de sanctis loquentem : et dixit unus sanctus alteri nescio cui loquenti : Usquequo visio, et juge sacrificium, et peccatum desolationis quæ facta est : et sanctuarium, et fortitudo conculcabitur ?",
      "citation": "Daniel 8:13 (Clementine Vulgate)"
    },
    {
      "verse": 14,
      "text": "Et dixit ei : Usque ad vesperam et mane, dies duo millia trecenti : et mundabitur sanctuarium.",
      "citation": "Daniel 8:14 (Clementine Vulgate)"
    },
    {
      "verse": 15,
      "text": "Factum est autem cum viderem ego Daniel visionem, et quærerem intelligentiam : ecce stetit in conspectu meo quasi species viri.",
      "citation": "Daniel 8:15 (Clementine Vulgate)"
    },
    {
      "verse": 16,
      "text": "Et audivi vocem viri inter Ulai : et clamavit, et ait : Gabriel, fac intelligere istam visionem.",
      "citation": "Daniel 8:16 (Clementine Vulgate)"
    },
    {
      "verse": 17,
      "text": "Et venit, et stetit juxta ubi ego stabam : cumque venisset, pavens corrui in faciem meam : et ait ad me : Intellige, fili hominis, quoniam in tempore finis complebitur visio.",
      "citation": "Daniel 8:17 (Clementine Vulgate)"
    },
    {
      "verse": 18,
      "text": "Cumque loqueretur ad me, collapsus sum pronus in terram : et tetigit me, et statuit me in gradu meo,",
      "citation": "Daniel 8:18 (Clementine Vulgate)"
    },
    {
      "verse": 19,
      "text": "dixitque mihi : Ego ostendam tibi quæ futura sunt in novissimo maledictionis : quoniam habet tempus finem suum.",
      "citation": "Daniel 8:19 (Clementine Vulgate)"
    },
    {
      "verse": 20,
      "text": "Aries, quem vidisti habere cornua, rex Medorum est atque Persarum.",
      "citation": "Daniel 8:20 (Clementine Vulgate)"
    },
    {
      "verse": 21,
      "text": "Porro hircus caprarum, rex Græcorum est ; et cornu grande, quod erat inter oculos ejus, ipse est rex primus.",
      "citation": "Daniel 8:21 (Clementine Vulgate)"
    },
    {
      "verse": 22,
      "text": "Quod autem fracto illo surrexerunt quatuor pro eo : quatuor reges de gente ejus consurgent, sed non in fortitudine ejus.",
      "citation": "Daniel 8:22 (Clementine Vulgate)"
    },
    {
      "verse": 23,
      "text": "Et post regnum eorum, cum creverint iniquitates, consurget rex impudens facie, et intelligens propositiones ;",
      "citation": "Daniel 8:23 (Clementine Vulgate)"
    },
    {
      "verse": 24,
      "text": "et roborabitur fortitudo ejus, sed non in viribus suis : et supra quam credi potest, universa vastabit, et prosperabitur, et faciet. Et interficiet robustos, et populum sanctorum",
      "citation": "Daniel 8:24 (Clementine Vulgate)"
    },
    {
      "verse": 25,
      "text": "secundum voluntatem suam, et dirigetur dolus in manu ejus : et cor suum magnificabit, et in copia rerum omnium occidet plurimos : et contra principem principum consurget, et sine manu conteretur.",
      "citation": "Daniel 8:25 (Clementine Vulgate)"
    },
    {
      "verse": 26,
      "text": "Et visio vespere et mane, quæ dicta est, vera est : tu ergo visionem signa, quia post multos dies erit.",
      "citation": "Daniel 8:26 (Clementine Vulgate)"
    },
    {
      "verse": 27,
      "text": "Et ego Daniel langui, et ægrotavi per dies : cumque surrexissem, faciebam opera regis, et stupebam ad visionem, et non erat qui interpretaretur.",
      "citation": "Daniel 8:27 (Clementine Vulgate)"
    }
  ]
}