{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Deuteronomy, Chapter 30 — 20 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Deuteronomy",
      "slug": "deuteronomy",
      "testament": "OT",
      "order": 5,
      "totalChapters": 34
    },
    "chapter": 30,
    "verseCount": 20,
    "navigation": {
      "htmlUrl": "https://latinprayer.org/latin/deuteronomy/30/",
      "bookIndex": "https://latinprayer.org/latin/deuteronomy/index.json",
      "bookHtmlUrl": "https://latinprayer.org/latin/deuteronomy/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/deuteronomy/29.json",
      "previousChapterHtmlUrl": "https://latinprayer.org/latin/deuteronomy/29/",
      "nextChapter": "https://latinprayer.org/latin/deuteronomy/31.json",
      "nextChapterHtmlUrl": "https://latinprayer.org/latin/deuteronomy/31/"
    },
    "crossReferences": {
      "english": "https://latinprayer.org/bible/deuteronomy/30.json",
      "englishHtmlUrl": "https://latinprayer.org/bible/deuteronomy/30/",
      "german": "https://latinprayer.org/bibel/deuteronomy/30.json",
      "germanHtmlUrl": "https://latinprayer.org/bibel/deuteronomium/30/"
    }
  },
  "citation": "Deuteronomy 30 (Clementine Vulgate)",
  "verses": [
    {
      "verse": 1,
      "text": "Cum ergo venerint super te omnes sermones isti, benedictio sive maledictio, quam proposui in conspectu tuo : et ductus pœnitudine cordis tui in universis gentibus, in quas disperserit te Dominus Deus tuus,",
      "citation": "Deuteronomy 30:1 (Clementine Vulgate)"
    },
    {
      "verse": 2,
      "text": "et reversus fueris ad eum, et obedieris ejus imperiis, sicut ego hodie præcipio tibi, cum filiis tuis, in toto corde tuo, et in tota anima tua :",
      "citation": "Deuteronomy 30:2 (Clementine Vulgate)"
    },
    {
      "verse": 3,
      "text": "reducet Dominus Deus tuus captivitatem tuam, ac miserebitur tui, et rursum congregabit te de cunctis populis, in quos te ante dispersit.",
      "citation": "Deuteronomy 30:3 (Clementine Vulgate)"
    },
    {
      "verse": 4,
      "text": "Si ad cardines cæli fueris dissipatus, inde te retrahet Dominus Deus tuus,",
      "citation": "Deuteronomy 30:4 (Clementine Vulgate)"
    },
    {
      "verse": 5,
      "text": "et assumet, atque introducet in terram, quam possederunt patres tui, et obtinebis eam : et benedicens tibi, majoris numeri te esse faciat quam fuerunt patres tui.",
      "citation": "Deuteronomy 30:5 (Clementine Vulgate)"
    },
    {
      "verse": 6,
      "text": "Circumcidet Dominus Deus tuus cor tuum, et cor seminis tui, ut diligas Dominum Deum tuum in toto corde tuo, et in tota anima tua, ut possis vivere.",
      "citation": "Deuteronomy 30:6 (Clementine Vulgate)"
    },
    {
      "verse": 7,
      "text": "Omnes autem maledictiones has convertet super inimicos tuos, et eos qui oderunt te et persequuntur.",
      "citation": "Deuteronomy 30:7 (Clementine Vulgate)"
    },
    {
      "verse": 8,
      "text": "Tu autem reverteris, et audies vocem Domini Dei tui, faciesque universa mandata quæ ego præcipio tibi hodie :",
      "citation": "Deuteronomy 30:8 (Clementine Vulgate)"
    },
    {
      "verse": 9,
      "text": "et abundare te faciet Dominus Deus tuus in cunctis operibus manuum tuarum, in sobole uteri tui, et in fructu jumentorum tuorum, in ubertate terræ tuæ, et in rerum omnium largitate. Revertetur enim Dominus, ut gaudeat super te in omnibus bonis, sicut gavisus est in patribus tuis :",
      "citation": "Deuteronomy 30:9 (Clementine Vulgate)"
    },
    {
      "verse": 10,
      "text": "si tamen audieris vocem Domini Dei tui, et custodieris præcepta ejus et cæremonias, quæ in hac lege conscripta sunt : et revertaris ad Dominum Deum tuum in toto corde tuo, et in tota anima tua.",
      "citation": "Deuteronomy 30:10 (Clementine Vulgate)"
    },
    {
      "verse": 11,
      "text": "Mandatum hoc, quod ego præcipio tibi hodie, non supra te est, neque procul positum,",
      "citation": "Deuteronomy 30:11 (Clementine Vulgate)"
    },
    {
      "verse": 12,
      "text": "nec in cælo situm, ut possis dicere : Quis nostrum valet ad cælum ascendere, ut deferat illud ad nos, et audiamus atque opere compleamus ?",
      "citation": "Deuteronomy 30:12 (Clementine Vulgate)"
    },
    {
      "verse": 13,
      "text": "neque trans mare positum : ut causeris, et dicas : Quis ex nobis poterit transfretare mare, et illud ad nos usque deferre, ut possimus audire et facere quod præceptum est ?",
      "citation": "Deuteronomy 30:13 (Clementine Vulgate)"
    },
    {
      "verse": 14,
      "text": "sed juxta te est sermo valde, in ore tuo, et in corde tuo, ut facias illum.",
      "citation": "Deuteronomy 30:14 (Clementine Vulgate)"
    },
    {
      "verse": 15,
      "text": "Considera quod hodie proposuerim in conspectu tuo, vitam et bonum, et e contrario mortem et malum :",
      "citation": "Deuteronomy 30:15 (Clementine Vulgate)"
    },
    {
      "verse": 16,
      "text": "ut diligas Dominum Deum tuum, et ambules in viis ejus, et custodias mandata illius ac cæremonias atque judicia : et vivas, atque multiplicet te, benedicatque tibi in terra, ad quam ingredieris possidendam.",
      "citation": "Deuteronomy 30:16 (Clementine Vulgate)"
    },
    {
      "verse": 17,
      "text": "Si autem aversum fuerit cor tuum, et audire nolueris, atque errore deceptus adoraveris deos alienos, et servieris eis :",
      "citation": "Deuteronomy 30:17 (Clementine Vulgate)"
    },
    {
      "verse": 18,
      "text": "prædico tibi hodie quod pereas, et parvo tempore moreris in terra, ad quam, Jordane transmisso, ingredieris possidendam.",
      "citation": "Deuteronomy 30:18 (Clementine Vulgate)"
    },
    {
      "verse": 19,
      "text": "Testes invoco hodie cælum et terram, quod proposuerim vobis vitam et mortem, benedictionem et maledictionem. Elige ergo vitam, ut et tu vivas, et semen tuum :",
      "citation": "Deuteronomy 30:19 (Clementine Vulgate)"
    },
    {
      "verse": 20,
      "text": "et diligas Dominum Deum tuum, atque obedias voci ejus, et illi adhæreas (ipse est enim vita tua, et longitudo dierum tuorum), ut habites in terra, pro qua juravit Dominus patribus tuis, Abraham, Isaac, et Jacob, ut daret eam illis.",
      "citation": "Deuteronomy 30:20 (Clementine Vulgate)"
    }
  ]
}