{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Esther, Chapter 15 — 19 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Esther",
      "slug": "esther",
      "testament": "OT",
      "order": 19,
      "totalChapters": 16
    },
    "chapter": 15,
    "verseCount": 19,
    "navigation": {
      "htmlUrl": "https://latinprayer.org/latin/esther/15/",
      "bookIndex": "https://latinprayer.org/latin/esther/index.json",
      "bookHtmlUrl": "https://latinprayer.org/latin/esther/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/esther/14.json",
      "previousChapterHtmlUrl": "https://latinprayer.org/latin/esther/14/",
      "nextChapter": "https://latinprayer.org/latin/esther/16.json",
      "nextChapterHtmlUrl": "https://latinprayer.org/latin/esther/16/"
    },
    "crossReferences": {
      "english": "https://latinprayer.org/bible/esther/15.json",
      "englishHtmlUrl": "https://latinprayer.org/bible/esther/15/",
      "german": "https://latinprayer.org/bibel/esther/15.json",
      "germanHtmlUrl": "https://latinprayer.org/bibel/esther/15/"
    }
  },
  "citation": "Esther 15 (Clementine Vulgate)",
  "verses": [
    {
      "verse": 1,
      "text": "Et mandavit ei (haud dubium quin esset Mardochæus) ut ingrederetur ad regem, et rogaret pro populo suo et pro patria sua.",
      "citation": "Esther 15:1 (Clementine Vulgate)"
    },
    {
      "verse": 2,
      "text": "Memorare, inquit, dierum humilitatis tuæ, quomodo nutrita sis in manu mea, quia Aman secundus a rege locutus est contra nos in mortem :",
      "citation": "Esther 15:2 (Clementine Vulgate)"
    },
    {
      "verse": 3,
      "text": "et tu invoca Dominum, et loquere regi pro nobis, et libera nos de morte.",
      "citation": "Esther 15:3 (Clementine Vulgate)"
    },
    {
      "verse": 4,
      "text": "Die autem tertio deposuit vestimenta ornatus sui, et circumdata est gloria sua.",
      "citation": "Esther 15:4 (Clementine Vulgate)"
    },
    {
      "verse": 5,
      "text": "Cumque regio fulgeret habitu, et invocasset omnium rectorem et salvatorem Deum, assumpsit duas famulas,",
      "citation": "Esther 15:5 (Clementine Vulgate)"
    },
    {
      "verse": 6,
      "text": "et super unam quidem innitebatur, quasi præ deliciis et nimia teneritudine corpus suum ferre non sustinens :",
      "citation": "Esther 15:6 (Clementine Vulgate)"
    },
    {
      "verse": 7,
      "text": "altera autem famularum sequebatur dominam, defluentia in humum indumenta sustentans.",
      "citation": "Esther 15:7 (Clementine Vulgate)"
    },
    {
      "verse": 8,
      "text": "Ipsa autem roseo colore vultum perfusa, et gratis ac nitentibus oculis, tristem celabat animum, et nimio timore contractum.",
      "citation": "Esther 15:8 (Clementine Vulgate)"
    },
    {
      "verse": 9,
      "text": "Ingressa igitur cuncta per ordinem ostia, stetit contra regem, ubi ille residebat super solium regni sui, indutus vestibus regiis, auroque fulgens, et pretiosis lapidibus : eratque terribilis aspectu.",
      "citation": "Esther 15:9 (Clementine Vulgate)"
    },
    {
      "verse": 10,
      "text": "Cumque elevasset faciem, et ardentibus oculis furorem pectoris indicasset, regina corruit, et in pallorem colore mutato, lassum super ancillulam reclinavit caput.",
      "citation": "Esther 15:10 (Clementine Vulgate)"
    },
    {
      "verse": 11,
      "text": "Convertitque Deus spiritum regis in mansuetudinem, et festinus ac metuens exilivit de solio, et sustentans eam ulnis suis donec rediret ad se, his verbis blandiebatur :",
      "citation": "Esther 15:11 (Clementine Vulgate)"
    },
    {
      "verse": 12,
      "text": "Quid habes, Esther ? ego sum frater tuus : noli metuere.",
      "citation": "Esther 15:12 (Clementine Vulgate)"
    },
    {
      "verse": 13,
      "text": "Non morieris : non enim pro te, sed pro omnibus hæc lex constituta est.",
      "citation": "Esther 15:13 (Clementine Vulgate)"
    },
    {
      "verse": 14,
      "text": "Accede igitur, et tange sceptrum.",
      "citation": "Esther 15:14 (Clementine Vulgate)"
    },
    {
      "verse": 15,
      "text": "Cumque illa reticeret, tulit auream virgam, et posuit super collum ejus, et osculatus est eam, et ait : Cur mihi non loqueris ?",
      "citation": "Esther 15:15 (Clementine Vulgate)"
    },
    {
      "verse": 16,
      "text": "Quæ respondit : Vidi te, domine, quasi angelum Dei, et conturbatum est cor meum præ timore gloriæ tuæ.",
      "citation": "Esther 15:16 (Clementine Vulgate)"
    },
    {
      "verse": 17,
      "text": "Valde enim mirabilis es, domine, et facies tua plena est gratiarum.",
      "citation": "Esther 15:17 (Clementine Vulgate)"
    },
    {
      "verse": 18,
      "text": "Cumque loqueretur, rursus corruit, et pene exanimata est.",
      "citation": "Esther 15:18 (Clementine Vulgate)"
    },
    {
      "verse": 19,
      "text": "Rex autem turbabatur, et omnes ministri ejus consolabantur eam.",
      "citation": "Esther 15:19 (Clementine Vulgate)"
    }
  ]
}