{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Esther, Chapter 16 — 24 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Esther",
      "slug": "esther",
      "testament": "OT",
      "order": 19,
      "totalChapters": 16
    },
    "chapter": 16,
    "verseCount": 24,
    "navigation": {
      "htmlUrl": "https://latinprayer.org/latin/esther/16/",
      "bookIndex": "https://latinprayer.org/latin/esther/index.json",
      "bookHtmlUrl": "https://latinprayer.org/latin/esther/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/esther/15.json",
      "previousChapterHtmlUrl": "https://latinprayer.org/latin/esther/15/",
      "nextChapter": null,
      "nextChapterHtmlUrl": null
    },
    "crossReferences": {
      "english": "https://latinprayer.org/bible/esther/16.json",
      "englishHtmlUrl": "https://latinprayer.org/bible/esther/16/",
      "german": "https://latinprayer.org/bibel/esther/16.json",
      "germanHtmlUrl": "https://latinprayer.org/bibel/esther/16/"
    }
  },
  "citation": "Esther 16 (Clementine Vulgate)",
  "verses": [
    {
      "verse": 1,
      "text": "Rex magnus Artaxerxes ab India usque Æthiopiam, centum viginti septem provinciarum ducibus ac principibus qui nostræ jussioni obediunt, salutem dicit.",
      "citation": "Esther 16:1 (Clementine Vulgate)"
    },
    {
      "verse": 2,
      "text": "Multi bonitate principum et honore, qui in eos collatus est, abusi sunt in superbiam :",
      "citation": "Esther 16:2 (Clementine Vulgate)"
    },
    {
      "verse": 3,
      "text": "et non solum subjectos regibus nituntur opprimere, sed datam sibi gloriam non ferentes, in ipsos qui dederunt, moliuntur insidias.",
      "citation": "Esther 16:3 (Clementine Vulgate)"
    },
    {
      "verse": 4,
      "text": "Nec contenti sunt gratias non agere beneficiis, et humanitatis in se jura violare, sed Dei quoque cuncta cernentis arbitrantur se posse fugere sententiam.",
      "citation": "Esther 16:4 (Clementine Vulgate)"
    },
    {
      "verse": 5,
      "text": "Et in tantum vesaniæ proruperunt, ut eos qui credita sibi officia diligenter observant, et ita cuncta agunt ut omnium laude digni sint, mendaciorum cuniculis conentur subvertere,",
      "citation": "Esther 16:5 (Clementine Vulgate)"
    },
    {
      "verse": 6,
      "text": "dum aures principum simplices, et ex sua natura alios æstimantes, callida fraude decipiunt.",
      "citation": "Esther 16:6 (Clementine Vulgate)"
    },
    {
      "verse": 7,
      "text": "Quæ res et ex veteribus probatur historiis, et ex his quæ geruntur quotidie, quomodo malis quorumdam suggestionibus regum studia depraventur.",
      "citation": "Esther 16:7 (Clementine Vulgate)"
    },
    {
      "verse": 8,
      "text": "Unde providendum est paci omnium provinciarum.",
      "citation": "Esther 16:8 (Clementine Vulgate)"
    },
    {
      "verse": 9,
      "text": "Nec putare debetis, si diversa jubeamus, ex animi nostri venire levitate, sed pro qualitate et necessitate temporum, ut reipublicæ poscit utilitas, ferre sententiam.",
      "citation": "Esther 16:9 (Clementine Vulgate)"
    },
    {
      "verse": 10,
      "text": "Et ut manifestius quod dicimus intelligatis, Aman filius Amadathi, et animo et gente Macedo, alienusque a Persarum sanguine, et pietatem nostram sua crudelitate commaculans, peregrinus a nobis susceptus est :",
      "citation": "Esther 16:10 (Clementine Vulgate)"
    },
    {
      "verse": 11,
      "text": "et tantam in se expertus humanitatem, ut pater noster vocaretur, et adoraretur ab omnibus post regem secundus :",
      "citation": "Esther 16:11 (Clementine Vulgate)"
    },
    {
      "verse": 12,
      "text": "qui in tantum arrogantiæ tumorem sublatus est, ut regno privare nos niteretur et spiritu.",
      "citation": "Esther 16:12 (Clementine Vulgate)"
    },
    {
      "verse": 13,
      "text": "Nam Mardochæum, cujus fide et beneficiis vivimus, et consortem regni nostri Esther cum omni gente sua, novis quibusdam atque inauditis machinis expetivit in mortem :",
      "citation": "Esther 16:13 (Clementine Vulgate)"
    },
    {
      "verse": 14,
      "text": "hoc cogitans ut illis interfectis, insidiaretur nostræ solitudini, et regnum Persarum transferret in Macedonas.",
      "citation": "Esther 16:14 (Clementine Vulgate)"
    },
    {
      "verse": 15,
      "text": "Nos autem a pessimo mortalium Judæos neci destinatos, in nulla penitus culpa reperimus, sed e contrario justis utentes legibus,",
      "citation": "Esther 16:15 (Clementine Vulgate)"
    },
    {
      "verse": 16,
      "text": "et filios altissimi et maximi semperque viventis Dei, cujus beneficio et patribus nostris et nobis regnum est traditum, et usque hodie custoditur.",
      "citation": "Esther 16:16 (Clementine Vulgate)"
    },
    {
      "verse": 17,
      "text": "Unde eas litteras, quas sub nomine nostro ille direxerat, sciatis esse irritas.",
      "citation": "Esther 16:17 (Clementine Vulgate)"
    },
    {
      "verse": 18,
      "text": "Pro quo scelere ante portas hujus urbis, id est, Susan, et ipse qui machinatus est, et omnis cognatio ejus pendet in patibulis : non nobis, sed Deo reddente ei quod meruit.",
      "citation": "Esther 16:18 (Clementine Vulgate)"
    },
    {
      "verse": 19,
      "text": "Hoc autem edictum, quod nunc mittimus, in cunctis urbibus proponatur, ut liceat Judæis uti legibus suis.",
      "citation": "Esther 16:19 (Clementine Vulgate)"
    },
    {
      "verse": 20,
      "text": "Quibus debetis esse adminiculo, ut eos qui se ad necem eorum paraverant, possint interficere tertiadecima die mensis duodecimi, qui vocatur Adar.",
      "citation": "Esther 16:20 (Clementine Vulgate)"
    },
    {
      "verse": 21,
      "text": "Hanc enim diem, Deus omnipotens, mœroris et luctus, eis vertit in gaudium.",
      "citation": "Esther 16:21 (Clementine Vulgate)"
    },
    {
      "verse": 22,
      "text": "Unde et vos inter ceteros festos dies, hanc habetote diem, et celebrate eam cum omni lætitia, ut et in posterum cognoscatur,",
      "citation": "Esther 16:22 (Clementine Vulgate)"
    },
    {
      "verse": 23,
      "text": "omnes qui fideliter Persis obediunt, dignam pro fide recipere mercedem ; qui autem insidiantur regno eorum, perire pro scelere.",
      "citation": "Esther 16:23 (Clementine Vulgate)"
    },
    {
      "verse": 24,
      "text": "Omnis autem provincia et civitas quæ noluerit solemnitatis hujus esse particeps, gladio et igne pereat, et sic deleatur, ut non solum hominibus, sed etiam bestiis invia sit in sempiternum, pro exemplo contemptus et inobedientiæ.",
      "citation": "Esther 16:24 (Clementine Vulgate)"
    }
  ]
}