{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 13 — 22 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 13,
    "verseCount": 22,
    "navigation": {
      "htmlUrl": "https://latinprayer.org/latin/exodus/13/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/12.json",
      "previousChapterHtmlUrl": "https://latinprayer.org/latin/exodus/12/",
      "nextChapter": "https://latinprayer.org/latin/exodus/14.json",
      "nextChapterHtmlUrl": "https://latinprayer.org/latin/exodus/14/"
    },
    "crossReferences": {
      "english": "https://latinprayer.org/bible/exodus/13.json",
      "englishHtmlUrl": "https://latinprayer.org/bible/exodus/13/",
      "german": "https://latinprayer.org/bibel/exodus/13.json",
      "germanHtmlUrl": "https://latinprayer.org/bibel/exodus/13/"
    }
  },
  "citation": "Exodus 13 (Clementine Vulgate)",
  "verses": [
    {
      "verse": 1,
      "text": "Locutusque est Dominus ad Moysen, dicens :",
      "citation": "Exodus 13:1 (Clementine Vulgate)"
    },
    {
      "verse": 2,
      "text": "Sanctifica mihi omne primogenitum quod aperit vulvam in filiis Israël, tam de hominibus quam de jumentis : mea sunt enim omnia.",
      "citation": "Exodus 13:2 (Clementine Vulgate)"
    },
    {
      "verse": 3,
      "text": "Et ait Moyses ad populum : Mementote diei hujus in qua egressi estis de Ægypto et de domo servitutis, quoniam in manu forti eduxit vos Dominus de loco isto : ut non comedatis fermentatum panem.",
      "citation": "Exodus 13:3 (Clementine Vulgate)"
    },
    {
      "verse": 4,
      "text": "Hodie egredimini mense novarum frugum.",
      "citation": "Exodus 13:4 (Clementine Vulgate)"
    },
    {
      "verse": 5,
      "text": "Cumque introduxerit te Dominus in terram Chananæi, et Hethæi, et Amorrhæi, et Hevæi, et Jebusæi, quam juravit patribus tuis ut daret tibi, terram fluentem lacte et melle, celebrabis hunc morem sacrorum mense isto.",
      "citation": "Exodus 13:5 (Clementine Vulgate)"
    },
    {
      "verse": 6,
      "text": "Septem diebus vesceris azymis : et in die septimo erit solemnitas Domini.",
      "citation": "Exodus 13:6 (Clementine Vulgate)"
    },
    {
      "verse": 7,
      "text": "Azyma comedetis septem diebus : non apparebit apud te aliquid fermentatum, nec in cunctis finibus tuis.",
      "citation": "Exodus 13:7 (Clementine Vulgate)"
    },
    {
      "verse": 8,
      "text": "Narrabisque filio tuo in die illo, dicens : Hoc est quod fecit mihi Dominus quando egressus sum de Ægypto.",
      "citation": "Exodus 13:8 (Clementine Vulgate)"
    },
    {
      "verse": 9,
      "text": "Et erit quasi signum in manu tua, et quasi monimentum ante oculos tuos : et ut lex Domini semper sit in ore tuo, in manu enim forti eduxit te Dominus de Ægypto.",
      "citation": "Exodus 13:9 (Clementine Vulgate)"
    },
    {
      "verse": 10,
      "text": "Custodies hujuscemodi cultum statuto tempore a diebus in dies.",
      "citation": "Exodus 13:10 (Clementine Vulgate)"
    },
    {
      "verse": 11,
      "text": "Cumque introduxerit te Dominus in terram Chananæi, sicut juravit tibi et patribus tuis, et dederit tibi eam :",
      "citation": "Exodus 13:11 (Clementine Vulgate)"
    },
    {
      "verse": 12,
      "text": "separabis omne quod aperit vulvam Domino, et quod primitivum est in pecoribus tuis : quidquid habueris masculini sexus, consecrabis Domino.",
      "citation": "Exodus 13:12 (Clementine Vulgate)"
    },
    {
      "verse": 13,
      "text": "Primogenitum asini mutabis ove : quod si non redemeris, interficies. Omne autem primogenitum hominis de filiis tuis, pretio redimes.",
      "citation": "Exodus 13:13 (Clementine Vulgate)"
    },
    {
      "verse": 14,
      "text": "Cumque interrogaverit te filius tuus cras, dicens : Quid est hoc ? respondebis ei : In manu forti eduxit nos Dominus de terra Ægypti, de domo servitutis.",
      "citation": "Exodus 13:14 (Clementine Vulgate)"
    },
    {
      "verse": 15,
      "text": "Nam cum induratus esset Pharao, et nollet nos dimittere, occidit Dominus omne primogenitum in terra Ægypti, a primogenito hominis usque ad primogenitum jumentorum : idcirco immolo Domino omne quod aperit vulvam masculini sexus, et omnia primogenita filiorum meorum redimo.",
      "citation": "Exodus 13:15 (Clementine Vulgate)"
    },
    {
      "verse": 16,
      "text": "Erit igitur quasi signum in manu tua, et quasi appensum quid, ob recordationem, inter oculos tuos : eo quod in manu forti eduxit nos Dominus de Ægypto.",
      "citation": "Exodus 13:16 (Clementine Vulgate)"
    },
    {
      "verse": 17,
      "text": "Igitur cum emisisset Pharao populum, non eos duxit Deus per viam terræ Philisthiim quæ vicina est : reputans ne forte pœniteret eum, si vidisset adversum se bella consurgere, et reverteretur in Ægyptum.",
      "citation": "Exodus 13:17 (Clementine Vulgate)"
    },
    {
      "verse": 18,
      "text": "Sed circumduxit per viam deserti, quæ est juxta mare Rubrum : et armati ascenderunt filii Israël de terra Ægypti.",
      "citation": "Exodus 13:18 (Clementine Vulgate)"
    },
    {
      "verse": 19,
      "text": "Tulit quoque Moyses ossa Joseph secum : eo quod adjurasset filios Israël, dicens : Visitabit vos Deus ; efferte ossa mea hinc vobiscum.",
      "citation": "Exodus 13:19 (Clementine Vulgate)"
    },
    {
      "verse": 20,
      "text": "Profectique de Socoth castrametati sunt in Etham, in extremis finibus solitudinis.",
      "citation": "Exodus 13:20 (Clementine Vulgate)"
    },
    {
      "verse": 21,
      "text": "Dominus autem præcedebat eos ad ostendendam viam per diem in columna nubis, et per noctem in columna ignis : ut dux esset itineris utroque tempore.",
      "citation": "Exodus 13:21 (Clementine Vulgate)"
    },
    {
      "verse": 22,
      "text": "Numquam defuit columna nubis per diem, nec columna ignis per noctem, coram populo.",
      "citation": "Exodus 13:22 (Clementine Vulgate)"
    }
  ]
}