{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 16 — 36 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 16,
    "verseCount": 36,
    "navigation": {
      "htmlUrl": "https://latinprayer.org/latin/exodus/16/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/15.json",
      "previousChapterHtmlUrl": "https://latinprayer.org/latin/exodus/15/",
      "nextChapter": "https://latinprayer.org/latin/exodus/17.json",
      "nextChapterHtmlUrl": "https://latinprayer.org/latin/exodus/17/"
    },
    "crossReferences": {
      "english": "https://latinprayer.org/bible/exodus/16.json",
      "englishHtmlUrl": "https://latinprayer.org/bible/exodus/16/",
      "german": "https://latinprayer.org/bibel/exodus/16.json",
      "germanHtmlUrl": "https://latinprayer.org/bibel/exodus/16/"
    }
  },
  "citation": "Exodus 16 (Clementine Vulgate)",
  "verses": [
    {
      "verse": 1,
      "text": "Profectique sunt de Elim, et venit omnis multitudo filiorum Israël in desertum Sin, quod est inter Elim et Sinai, quintodecimo die mensis secundi, postquam egressi sunt de terra Ægypti.",
      "citation": "Exodus 16:1 (Clementine Vulgate)"
    },
    {
      "verse": 2,
      "text": "Et murmuravit omnis congregatio filiorum Israël contra Moysen et Aaron in solitudine.",
      "citation": "Exodus 16:2 (Clementine Vulgate)"
    },
    {
      "verse": 3,
      "text": "Dixeruntque filii Israël ad eos : Utinam mortui essemus per manum Domini in terra Ægypti, quando sedebamus super ollas carnium, et comedebamus panem in saturitate : cur eduxistis nos in desertum istud, ut occideretis omnem multitudinem fame ?",
      "citation": "Exodus 16:3 (Clementine Vulgate)"
    },
    {
      "verse": 4,
      "text": "Dixit autem Dominus ad Moysen : Ecce ego pluam vobis panes de cælo : egrediatur populus, et colligat quæ sufficiunt per singulos dies : ut tentem eum utrum ambulet in lege mea, an non.",
      "citation": "Exodus 16:4 (Clementine Vulgate)"
    },
    {
      "verse": 5,
      "text": "Die autem sexto parent quod inferant : et sit duplum quam colligere solebant per singulos dies.",
      "citation": "Exodus 16:5 (Clementine Vulgate)"
    },
    {
      "verse": 6,
      "text": "Dixeruntque Moyses et Aaron ad omnes filios Israël : Vespere scietis quod Dominus eduxerit vos de terra Ægypti,",
      "citation": "Exodus 16:6 (Clementine Vulgate)"
    },
    {
      "verse": 7,
      "text": "et mane videbitis gloriam Domini : audivit enim murmur vestrum contra Dominum : nos vero quid sumus, quia mussitastis contra nos ?",
      "citation": "Exodus 16:7 (Clementine Vulgate)"
    },
    {
      "verse": 8,
      "text": "Et ait Moyses : Dabit vobis Dominus vespere carnes edere, et mane panes in saturitate : eo quod audierit murmurationes vestras quibus murmurati estis contra eum : nos enim quid sumus ? nec contra nos est murmur vestrum, sed contra Dominum.",
      "citation": "Exodus 16:8 (Clementine Vulgate)"
    },
    {
      "verse": 9,
      "text": "Dixit quoque Moyses ad Aaron : Dic universæ congregationi filiorum Israël : Accedite coram Domino : audivit enim murmur vestrum.",
      "citation": "Exodus 16:9 (Clementine Vulgate)"
    },
    {
      "verse": 10,
      "text": "Cumque loqueretur Aaron ad omnem cœtum filiorum Israël, respexerunt ad solitudinem : et ecce gloria Domini apparuit in nube.",
      "citation": "Exodus 16:10 (Clementine Vulgate)"
    },
    {
      "verse": 11,
      "text": "Locutus est autem Dominus ad Moysen, dicens :",
      "citation": "Exodus 16:11 (Clementine Vulgate)"
    },
    {
      "verse": 12,
      "text": "Audivi murmurationes filiorum Israël. Loquere ad eos : Vespere comedetis carnes, et mane saturabimini panibus : scietisque quod ego sum Dominus Deus vester.",
      "citation": "Exodus 16:12 (Clementine Vulgate)"
    },
    {
      "verse": 13,
      "text": "Factum est ergo vespere, et ascendens coturnix, cooperuit castra : mane quoque ros jacuit per circuitum castrorum.",
      "citation": "Exodus 16:13 (Clementine Vulgate)"
    },
    {
      "verse": 14,
      "text": "Cumque operuisset superficiem terræ, apparuit in solitudine minutum, et quasi pilo tusum in similitudinem pruinæ super terram.",
      "citation": "Exodus 16:14 (Clementine Vulgate)"
    },
    {
      "verse": 15,
      "text": "Quod cum vidissent filii Israël, dixerunt ad invicem : Manhu ? quod significat : Quid est hoc ? ignorabant enim quid esset. Quibus ait Moyses : Iste est panis quem Dominus dedit vobis ad vescendum.",
      "citation": "Exodus 16:15 (Clementine Vulgate)"
    },
    {
      "verse": 16,
      "text": "Hic est sermo, quem præcepit Dominus : Colligat unusquisque ex eo quantum sufficit ad vescendum : gomor per singula capita, juxta numerum animarum vestrarum quæ habitant in tabernaculo sic tolletis.",
      "citation": "Exodus 16:16 (Clementine Vulgate)"
    },
    {
      "verse": 17,
      "text": "Feceruntque ita filii Israël : et collegerunt, alius plus, alius minus.",
      "citation": "Exodus 16:17 (Clementine Vulgate)"
    },
    {
      "verse": 18,
      "text": "Et mensi sunt ad mensuram gomor : nec qui plus collegerat, habuit amplius : nec qui minus paraverat, reperit minus : sed singuli juxta id quod edere poterant, congregaverunt.",
      "citation": "Exodus 16:18 (Clementine Vulgate)"
    },
    {
      "verse": 19,
      "text": "Dixitque Moyses ad eos : Nullus relinquat ex eo in mane.",
      "citation": "Exodus 16:19 (Clementine Vulgate)"
    },
    {
      "verse": 20,
      "text": "Qui non audierunt eum, sed dimiserunt quidam ex eis usque mane, et scatere cœpit vermibus, atque computruit : et iratus est contra eos Moyses.",
      "citation": "Exodus 16:20 (Clementine Vulgate)"
    },
    {
      "verse": 21,
      "text": "Colligebant autem mane singuli, quantum sufficere poterat ad vescendum : cumque incaluisset sol, liquefiebat.",
      "citation": "Exodus 16:21 (Clementine Vulgate)"
    },
    {
      "verse": 22,
      "text": "In die autem sexta collegerunt cibos duplices, id est, duo gomor per singulos homines : venerunt autem omnes principes multitudinis, et narraverunt Moysi.",
      "citation": "Exodus 16:22 (Clementine Vulgate)"
    },
    {
      "verse": 23,
      "text": "Qui ait eis : Hoc est quod locutus est Dominus : Requies sabbati sanctificata est Domino cras : quodcumque operandum est, facite, et quæ coquenda sunt coquite : quidquid autem reliquum fuerit, reponite usque in mane.",
      "citation": "Exodus 16:23 (Clementine Vulgate)"
    },
    {
      "verse": 24,
      "text": "Feceruntque ita ut præceperat Moyses, et non computruit, neque vermis inventus est in eo.",
      "citation": "Exodus 16:24 (Clementine Vulgate)"
    },
    {
      "verse": 25,
      "text": "Dixitque Moyses : Comedite illud hodie, quia sabbatum est Domini : non invenietur hodie in agro.",
      "citation": "Exodus 16:25 (Clementine Vulgate)"
    },
    {
      "verse": 26,
      "text": "Sex diebus colligite : in die autem septimo sabbatum est Domini, idcirco non invenietur.",
      "citation": "Exodus 16:26 (Clementine Vulgate)"
    },
    {
      "verse": 27,
      "text": "Venitque septima dies : et egressi de populo ut colligerent, non invenerunt.",
      "citation": "Exodus 16:27 (Clementine Vulgate)"
    },
    {
      "verse": 28,
      "text": "Dixit autem Dominus ad Moysen : Usquequo non vultis custodire mandata mea et legem meam ?",
      "citation": "Exodus 16:28 (Clementine Vulgate)"
    },
    {
      "verse": 29,
      "text": "videte quod Dominus dederit vobis sabbatum, et propter hoc die sexta tribuit vobis cibos duplices : maneat unusquisque apud semetipsum ; nullus egrediatur de loco suo die septimo.",
      "citation": "Exodus 16:29 (Clementine Vulgate)"
    },
    {
      "verse": 30,
      "text": "Et sabbatizavit populus die septimo.",
      "citation": "Exodus 16:30 (Clementine Vulgate)"
    },
    {
      "verse": 31,
      "text": "Appellavitque domus Israël nomen ejus Man : quod erat quasi semen coriandri album, gustusque ejus quasi similæ cum melle.",
      "citation": "Exodus 16:31 (Clementine Vulgate)"
    },
    {
      "verse": 32,
      "text": "Dixit autem Moyses : Iste est sermo, quem præcepit Dominus : Imple gomor ex eo, et custodiatur in futuras retro generationes : ut noverint panem, quo alui vos in solitudine, quando educti estis de terra Ægypti.",
      "citation": "Exodus 16:32 (Clementine Vulgate)"
    },
    {
      "verse": 33,
      "text": "Dixitque Moyses ad Aaron : Sume vas unum, et mitte ibi man, quantum potest capere gomor, et repone coram Domino ad servandum in generationes vestras,",
      "citation": "Exodus 16:33 (Clementine Vulgate)"
    },
    {
      "verse": 34,
      "text": "sicut præcepit Dominus Moysi. Posuitque illud Aaron in tabernaculo reservandum.",
      "citation": "Exodus 16:34 (Clementine Vulgate)"
    },
    {
      "verse": 35,
      "text": "Filii autem Israël comederunt man quadraginta annis, donec venirent in terram habitabilem : hoc cibo aliti sunt, usquequo tangerent fines terræ Chanaan.",
      "citation": "Exodus 16:35 (Clementine Vulgate)"
    },
    {
      "verse": 36,
      "text": "Gomor autem decima pars est ephi.",
      "citation": "Exodus 16:36 (Clementine Vulgate)"
    }
  ]
}