{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 18 — 27 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 18,
    "verseCount": 27,
    "navigation": {
      "htmlUrl": "https://latinprayer.org/latin/exodus/18/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/17.json",
      "previousChapterHtmlUrl": "https://latinprayer.org/latin/exodus/17/",
      "nextChapter": "https://latinprayer.org/latin/exodus/19.json",
      "nextChapterHtmlUrl": "https://latinprayer.org/latin/exodus/19/"
    },
    "crossReferences": {
      "english": "https://latinprayer.org/bible/exodus/18.json",
      "englishHtmlUrl": "https://latinprayer.org/bible/exodus/18/",
      "german": "https://latinprayer.org/bibel/exodus/18.json",
      "germanHtmlUrl": "https://latinprayer.org/bibel/exodus/18/"
    }
  },
  "citation": "Exodus 18 (Clementine Vulgate)",
  "verses": [
    {
      "verse": 1,
      "text": "Cumque audisset Jethro, sacerdos Madian, cognatus Moysi, omnia quæ fecerat Deus Moysi, et Israëli populo suo, et quod eduxisset Dominus Israël de Ægypto,",
      "citation": "Exodus 18:1 (Clementine Vulgate)"
    },
    {
      "verse": 2,
      "text": "tulit Sephoram uxorem Moysi quam remiserat,",
      "citation": "Exodus 18:2 (Clementine Vulgate)"
    },
    {
      "verse": 3,
      "text": "et duos filios ejus : quorum unus vocabatur Gersam, dicente patre : Advena fui in terra aliena ;",
      "citation": "Exodus 18:3 (Clementine Vulgate)"
    },
    {
      "verse": 4,
      "text": "alter vero Eliezer : Deus enim, ait, patris mei adjutor meus, et eruit me de gladio Pharaonis.",
      "citation": "Exodus 18:4 (Clementine Vulgate)"
    },
    {
      "verse": 5,
      "text": "Venit ergo Jethro cognatus Moysi, et filii ejus, et uxor ejus ad Moysen in desertum, ubi erat castrametatus juxta montem Dei.",
      "citation": "Exodus 18:5 (Clementine Vulgate)"
    },
    {
      "verse": 6,
      "text": "Et mandavit Moysi, dicens : Ego Jethro cognatus tuus venio ad te, et uxor tua, et duo filii cum ea.",
      "citation": "Exodus 18:6 (Clementine Vulgate)"
    },
    {
      "verse": 7,
      "text": "Qui egressus in occursum cognati sui, adoravit, et osculatus est eum : salutaveruntque se mutuo verbis pacificis. Cumque intrasset tabernaculum,",
      "citation": "Exodus 18:7 (Clementine Vulgate)"
    },
    {
      "verse": 8,
      "text": "narravit Moyses cognato suo cuncta quæ fecerat Dominus Pharaoni et Ægyptiis propter Israël : universumque laborem, qui accidisset eis in itinere, et quod liberaverat eos Dominus.",
      "citation": "Exodus 18:8 (Clementine Vulgate)"
    },
    {
      "verse": 9,
      "text": "Lætatusque est Jethro super omnibus bonis, quæ fecerat Dominus Israëli, eo quod eruisset eum de manu Ægyptiorum.",
      "citation": "Exodus 18:9 (Clementine Vulgate)"
    },
    {
      "verse": 10,
      "text": "Et ait : Benedictus Dominus, qui liberavit vos de manu Ægyptiorum, et de manu Pharaonis ; qui eruit populum suum de manu Ægypti.",
      "citation": "Exodus 18:10 (Clementine Vulgate)"
    },
    {
      "verse": 11,
      "text": "Nunc cognovi, quia magnus Dominus super omnes deos : eo quod superbe egerint contra illos.",
      "citation": "Exodus 18:11 (Clementine Vulgate)"
    },
    {
      "verse": 12,
      "text": "Obtulit ergo Jethro cognatus Moysi holocausta et hostias Deo : veneruntque Aaron et omnes seniores Israël, ut comederent panem cum eo coram Deo.",
      "citation": "Exodus 18:12 (Clementine Vulgate)"
    },
    {
      "verse": 13,
      "text": "Altera autem die sedit Moyses ut judicaret populum, qui assistebat Moysi a mane usque ad vesperam.",
      "citation": "Exodus 18:13 (Clementine Vulgate)"
    },
    {
      "verse": 14,
      "text": "Quod cum vidisset cognatus ejus, omnia scilicet quæ agebat in populo, ait : Quid est hoc quod facis in plebe ? cur solus sedes, et omnis populus præstolatur de mane usque ad vesperam ?",
      "citation": "Exodus 18:14 (Clementine Vulgate)"
    },
    {
      "verse": 15,
      "text": "Cui respondit Moyses : Venit ad me populus quærens sententiam Dei :",
      "citation": "Exodus 18:15 (Clementine Vulgate)"
    },
    {
      "verse": 16,
      "text": "cumque acciderit eis aliqua disceptatio, veniunt ad me ut judicem inter eos, et ostendam præcepta Dei, et leges ejus.",
      "citation": "Exodus 18:16 (Clementine Vulgate)"
    },
    {
      "verse": 17,
      "text": "At ille : Non bonam, inquit, rem facis.",
      "citation": "Exodus 18:17 (Clementine Vulgate)"
    },
    {
      "verse": 18,
      "text": "Stulto labore consumeris et tu, et populus iste qui tecum est : ultra vires tuas est negotium ; solus illud non poteris sustinere.",
      "citation": "Exodus 18:18 (Clementine Vulgate)"
    },
    {
      "verse": 19,
      "text": "Sed audi verba mea atque consilia, et erit Deus tecum. Esto tu populo in his quæ ad Deum pertinent, ut referas quæ dicuntur ad eum :",
      "citation": "Exodus 18:19 (Clementine Vulgate)"
    },
    {
      "verse": 20,
      "text": "ostendasque populo cæremonias et ritum colendi, viamque per quam ingredi debeant, et opus quod facere debeant.",
      "citation": "Exodus 18:20 (Clementine Vulgate)"
    },
    {
      "verse": 21,
      "text": "Provide autem de omni plebe viros potentes, et timentes Deum, in quibus sit veritas, et qui oderint avaritiam, et constitue ex eis tribunos, et centuriones, et quinquagenarios, et decanos,",
      "citation": "Exodus 18:21 (Clementine Vulgate)"
    },
    {
      "verse": 22,
      "text": "qui judicent populum omni tempore : quidquid autem majus fuerit, referant ad te, et ipsi minora tantummodo judicent : leviusque sit tibi, partito in alios onere.",
      "citation": "Exodus 18:22 (Clementine Vulgate)"
    },
    {
      "verse": 23,
      "text": "Si hoc feceris, implebis imperium Dei, et præcepta ejus poteris sustentare : et omnis hic populus revertetur ad loca sua cum pace.",
      "citation": "Exodus 18:23 (Clementine Vulgate)"
    },
    {
      "verse": 24,
      "text": "Quibus auditis, Moyses fecit omnia quæ ille suggesserat.",
      "citation": "Exodus 18:24 (Clementine Vulgate)"
    },
    {
      "verse": 25,
      "text": "Et electis viris strenuis de cuncto Israël, constituit eos principes populi, tribunos, et centuriones, et quinquagenarios, et decanos.",
      "citation": "Exodus 18:25 (Clementine Vulgate)"
    },
    {
      "verse": 26,
      "text": "Qui judicabant plebem omni tempore : quidquid autem gravius erat, referebant ad eum, faciliora tantummodo judicantes.",
      "citation": "Exodus 18:26 (Clementine Vulgate)"
    },
    {
      "verse": 27,
      "text": "Dimisitque cognatum suum : qui reversus abiit in terram suam.",
      "citation": "Exodus 18:27 (Clementine Vulgate)"
    }
  ]
}