{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 19 — 25 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 19,
    "verseCount": 25,
    "navigation": {
      "htmlUrl": "https://latinprayer.org/latin/exodus/19/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/18.json",
      "previousChapterHtmlUrl": "https://latinprayer.org/latin/exodus/18/",
      "nextChapter": "https://latinprayer.org/latin/exodus/20.json",
      "nextChapterHtmlUrl": "https://latinprayer.org/latin/exodus/20/"
    },
    "crossReferences": {
      "english": "https://latinprayer.org/bible/exodus/19.json",
      "englishHtmlUrl": "https://latinprayer.org/bible/exodus/19/",
      "german": "https://latinprayer.org/bibel/exodus/19.json",
      "germanHtmlUrl": "https://latinprayer.org/bibel/exodus/19/"
    }
  },
  "citation": "Exodus 19 (Clementine Vulgate)",
  "verses": [
    {
      "verse": 1,
      "text": "Mense tertio egressionis Israël de terra Ægypti, in die hac venerunt in solitudinem Sinai.",
      "citation": "Exodus 19:1 (Clementine Vulgate)"
    },
    {
      "verse": 2,
      "text": "Nam profecti de Raphidim, et pervenientes usque in desertum Sinai, castrametati sunt in eodem loco, ibique Israël fixit tentoria e regione montis.",
      "citation": "Exodus 19:2 (Clementine Vulgate)"
    },
    {
      "verse": 3,
      "text": "Moyses autem ascendit ad Deum : vocavitque eum Dominus de monte, et ait : Hæc dices domui Jacob, et annuntiabis filiis Israël :",
      "citation": "Exodus 19:3 (Clementine Vulgate)"
    },
    {
      "verse": 4,
      "text": "Vos ipsi vidistis quæ fecerim Ægyptiis, quomodo portaverim vos super alas aquilarum, et assumpserim mihi.",
      "citation": "Exodus 19:4 (Clementine Vulgate)"
    },
    {
      "verse": 5,
      "text": "Si ergo audieritis vocem meam, et custodieritis pactum meum, eritis mihi in peculium de cunctis populis : mea est enim omnis terra :",
      "citation": "Exodus 19:5 (Clementine Vulgate)"
    },
    {
      "verse": 6,
      "text": "et vos eritis mihi in regnum sacerdotale, et gens sancta. Hæc sunt verba quæ loqueris ad filios Israël.",
      "citation": "Exodus 19:6 (Clementine Vulgate)"
    },
    {
      "verse": 7,
      "text": "Venit Moyses : et convocatis majoribus natu populi, exposuit omnes sermones quos mandaverat Dominus.",
      "citation": "Exodus 19:7 (Clementine Vulgate)"
    },
    {
      "verse": 8,
      "text": "Responditque omnis populus simul : Cuncta quæ locutus est Dominus, faciemus. Cumque retulisset Moyses verba populi ad Dominum,",
      "citation": "Exodus 19:8 (Clementine Vulgate)"
    },
    {
      "verse": 9,
      "text": "ait ei Dominus : Jam nunc veniam ad te in caligine nubis, ut audiat me populus loquentem ad te, et credat tibi in perpetuum. Nuntiavit ergo Moyses verba populi ad Dominum.",
      "citation": "Exodus 19:9 (Clementine Vulgate)"
    },
    {
      "verse": 10,
      "text": "Qui dixit ei : Vade ad populum, et sanctifica illos hodie, et cras, laventque vestimenta sua.",
      "citation": "Exodus 19:10 (Clementine Vulgate)"
    },
    {
      "verse": 11,
      "text": "Et sint parati in diem tertium : in die enim tertia descendet Dominus coram omni plebe super montem Sinai.",
      "citation": "Exodus 19:11 (Clementine Vulgate)"
    },
    {
      "verse": 12,
      "text": "Constituesque terminos populo per circuitum, et dices ad eos : Cavete ne ascendatis in montem, nec tangatis fines illius : omnis qui tetigerit montem, morte morietur.",
      "citation": "Exodus 19:12 (Clementine Vulgate)"
    },
    {
      "verse": 13,
      "text": "Manus non tanget eum, sed lapidibus opprimetur, aut confodietur jaculis : sive jumentum fuerit, sive homo, non vivet : cum cœperit clangere buccina, tunc ascendant in montem.",
      "citation": "Exodus 19:13 (Clementine Vulgate)"
    },
    {
      "verse": 14,
      "text": "Descenditque Moyses de monte ad populum, et sanctificavit eum. Cumque lavissent vestimenta sua,",
      "citation": "Exodus 19:14 (Clementine Vulgate)"
    },
    {
      "verse": 15,
      "text": "ait ad eos : Estote parati in diem tertium, et ne appropinquetis uxoribus vestris.",
      "citation": "Exodus 19:15 (Clementine Vulgate)"
    },
    {
      "verse": 16,
      "text": "Jamque advenerat tertius dies, et mane inclaruerat : et ecce cœperunt audiri tonitrua, ac micare fulgura, et nubes densissima operire montem, clangorque buccinæ vehementius perstrepebat : et timuit populus qui erat in castris.",
      "citation": "Exodus 19:16 (Clementine Vulgate)"
    },
    {
      "verse": 17,
      "text": "Cumque eduxisset eos Moyses in occursum Dei de loco castrorum, steterunt ad radices montis.",
      "citation": "Exodus 19:17 (Clementine Vulgate)"
    },
    {
      "verse": 18,
      "text": "Totus autem mons Sinai fumabat, eo quod descendisset Dominus super eum in igne : et ascenderet fumus ex eo quasi de fornace, eratque omnis mons terribilis.",
      "citation": "Exodus 19:18 (Clementine Vulgate)"
    },
    {
      "verse": 19,
      "text": "Et sonitus buccinæ paulatim crescebat in majus, et prolixius tendebatur : Moyses loquebatur, et Deus respondebat ei.",
      "citation": "Exodus 19:19 (Clementine Vulgate)"
    },
    {
      "verse": 20,
      "text": "Descenditque Dominus super montem Sinai in ipso montis vertice, et vocavit Moysen in cacumen ejus. Quo cum ascendisset,",
      "citation": "Exodus 19:20 (Clementine Vulgate)"
    },
    {
      "verse": 21,
      "text": "dixit ad eum : Descende, et contestare populum : ne forte velit transcendere terminos ad videndum Dominum, et pereat ex eis plurima multitudo.",
      "citation": "Exodus 19:21 (Clementine Vulgate)"
    },
    {
      "verse": 22,
      "text": "Sacerdotes quoque qui accedunt ad Dominum, sanctificentur, ne percutiat eos.",
      "citation": "Exodus 19:22 (Clementine Vulgate)"
    },
    {
      "verse": 23,
      "text": "Dixitque Moyses ad Dominum : Non poterit vulgus ascendere in montem Sinai : tu enim testificatus es, et jussisti, dicens : Pone terminos circa montem, et sanctifica illum.",
      "citation": "Exodus 19:23 (Clementine Vulgate)"
    },
    {
      "verse": 24,
      "text": "Cui ait Dominus : Vade, descende : ascendesque tu, et Aaron tecum : sacerdotes autem et populus ne transeant terminos, nec ascendant ad Dominum, ne forte interficiat illos.",
      "citation": "Exodus 19:24 (Clementine Vulgate)"
    },
    {
      "verse": 25,
      "text": "Descenditque Moyses ad populum, et omnia narravit eis.",
      "citation": "Exodus 19:25 (Clementine Vulgate)"
    }
  ]
}