{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 32 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 32,
    "verseCount": 35,
    "navigation": {
      "htmlUrl": "https://latinprayer.org/latin/exodus/32/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/31.json",
      "previousChapterHtmlUrl": "https://latinprayer.org/latin/exodus/31/",
      "nextChapter": "https://latinprayer.org/latin/exodus/33.json",
      "nextChapterHtmlUrl": "https://latinprayer.org/latin/exodus/33/"
    },
    "crossReferences": {
      "english": "https://latinprayer.org/bible/exodus/32.json",
      "englishHtmlUrl": "https://latinprayer.org/bible/exodus/32/",
      "german": "https://latinprayer.org/bibel/exodus/32.json",
      "germanHtmlUrl": "https://latinprayer.org/bibel/exodus/32/"
    }
  },
  "citation": "Exodus 32 (Clementine Vulgate)",
  "verses": [
    {
      "verse": 1,
      "text": "Videns autem populus quod moram faceret descendendi de monte Moyses, congregatus adversus Aaron, dixit : Surge, fac nobis deos, qui nos præcedant : Moysi enim huic viro, qui nos eduxit de terra Ægypti, ignoramus quid acciderit.",
      "citation": "Exodus 32:1 (Clementine Vulgate)"
    },
    {
      "verse": 2,
      "text": "Dixitque ad eos Aaron : Tollite inaures aureas de uxorum, filiorumque et filiarum vestrarum auribus, et afferte ad me.",
      "citation": "Exodus 32:2 (Clementine Vulgate)"
    },
    {
      "verse": 3,
      "text": "Fecitque populus quæ jusserat, deferens inaures ad Aaron.",
      "citation": "Exodus 32:3 (Clementine Vulgate)"
    },
    {
      "verse": 4,
      "text": "Quas cum ille accepisset, formavit opere fusorio, et fecit ex eis vitulum conflatilem : dixeruntque : Hi sunt dii tui Israël, qui te eduxerunt de terra Ægypti.",
      "citation": "Exodus 32:4 (Clementine Vulgate)"
    },
    {
      "verse": 5,
      "text": "Quod cum vidisset Aaron, ædificavit altare coram eo, et præconis voce clamavit dicens : Cras solemnitas Domini est.",
      "citation": "Exodus 32:5 (Clementine Vulgate)"
    },
    {
      "verse": 6,
      "text": "Surgentesque mane, obtulerunt holocausta, et hostias pacificas, et sedit populus manducare, et bibere, et surrexerunt ludere.",
      "citation": "Exodus 32:6 (Clementine Vulgate)"
    },
    {
      "verse": 7,
      "text": "Locutus est autem Dominus ad Moysen, dicens : Vade, descende : peccavit populus tuus, quem eduxisti de terra Ægypti.",
      "citation": "Exodus 32:7 (Clementine Vulgate)"
    },
    {
      "verse": 8,
      "text": "Recesserunt cito de via, quam ostendisti eis : feceruntque sibi vitulum conflatilem, et adoraverunt, atque immolantes ei hostias, dixerunt : Isti sunt dii tui Israël, qui te eduxerunt de terra Ægypti.",
      "citation": "Exodus 32:8 (Clementine Vulgate)"
    },
    {
      "verse": 9,
      "text": "Rursumque ait Dominus ad Moysen : Cerno quod populus iste duræ cervicis sit :",
      "citation": "Exodus 32:9 (Clementine Vulgate)"
    },
    {
      "verse": 10,
      "text": "dimitte me, ut irascatur furor meus contra eos, et deleam eos, faciamque te in gentem magnam.",
      "citation": "Exodus 32:10 (Clementine Vulgate)"
    },
    {
      "verse": 11,
      "text": "Moyses autem orabat Dominum Deum suum, dicens : Cur, Domine, irascitur furor tuus contra populum tuum, quem eduxisti de terra Ægypti, in fortitudine magna, et in manu robusta ?",
      "citation": "Exodus 32:11 (Clementine Vulgate)"
    },
    {
      "verse": 12,
      "text": "Ne quæso dicant Ægyptii : Callide eduxit eos, ut interficeret in montibus, et deleret e terra : quiescat ira tua, et esto placabilis super nequitia populi tui.",
      "citation": "Exodus 32:12 (Clementine Vulgate)"
    },
    {
      "verse": 13,
      "text": "Recordare Abraham, Isaac, et Israël servorum tuorum, quibus jurasti per temetipsum, dicens : Multiplicabo semen vestrum sicut stellas cæli ; et universam terram hanc, de qua locutus sum, dabo semini vestro, et possidebitis eam semper.",
      "citation": "Exodus 32:13 (Clementine Vulgate)"
    },
    {
      "verse": 14,
      "text": "Placatusque est Dominus ne faceret malum quod locutus fuerat adversus populum suum.",
      "citation": "Exodus 32:14 (Clementine Vulgate)"
    },
    {
      "verse": 15,
      "text": "Et reversus est Moyses de monte, portans duas tabulas testimonii in manu sua, scriptas ex utraque parte,",
      "citation": "Exodus 32:15 (Clementine Vulgate)"
    },
    {
      "verse": 16,
      "text": "et factas opere Dei : scriptura quoque Dei erat sculpta in tabulis.",
      "citation": "Exodus 32:16 (Clementine Vulgate)"
    },
    {
      "verse": 17,
      "text": "Audiens autem Josue tumultum populi vociferantis, dixit ad Moysen : Ululatus pugnæ auditur in castris.",
      "citation": "Exodus 32:17 (Clementine Vulgate)"
    },
    {
      "verse": 18,
      "text": "Qui respondit : Non est clamor adhortantium ad pugnam, neque vociferatio compellentium ad fugam : sed vocem cantantium ego audio.",
      "citation": "Exodus 32:18 (Clementine Vulgate)"
    },
    {
      "verse": 19,
      "text": "Cumque appropinquasset ad castra, vidit vitulum, et choros : iratusque valde, projecit de manu tabulas, et confregit eas ad radicem montis :",
      "citation": "Exodus 32:19 (Clementine Vulgate)"
    },
    {
      "verse": 20,
      "text": "arripiensque vitulum quem fecerant, combussit, et contrivit usque ad pulverem, quem sparsit in aquam, et dedit ex eo potum filiis Israël.",
      "citation": "Exodus 32:20 (Clementine Vulgate)"
    },
    {
      "verse": 21,
      "text": "Dixitque ad Aaron : Quid tibi fecit hic populus, ut induceres super eum peccatum maximum ?",
      "citation": "Exodus 32:21 (Clementine Vulgate)"
    },
    {
      "verse": 22,
      "text": "Cui ille respondit : Ne indignetur dominus meus : tu enim nosti populum istum, quod pronus sit ad malum :",
      "citation": "Exodus 32:22 (Clementine Vulgate)"
    },
    {
      "verse": 23,
      "text": "dixerunt mihi : Fac nobis deos, qui nos præcedant : huic enim Moysi, qui nos eduxit de terra Ægypti, nescimus quid acciderit.",
      "citation": "Exodus 32:23 (Clementine Vulgate)"
    },
    {
      "verse": 24,
      "text": "Quibus ego dixi : Quis vestrum habet aurum ? Tulerunt, et dederunt mihi : et projeci illud in ignem, egressusque est hic vitulus.",
      "citation": "Exodus 32:24 (Clementine Vulgate)"
    },
    {
      "verse": 25,
      "text": "Videns ergo Moyses populum quod esset nudatus (spoliaverat enim eum Aaron propter ignominiam sordis, et inter hostes nudum constituerat),",
      "citation": "Exodus 32:25 (Clementine Vulgate)"
    },
    {
      "verse": 26,
      "text": "et stans in porta castrorum, ait : Si quis est Domini, jungatur mihi. Congregatique sunt ad eum omnes filii Levi :",
      "citation": "Exodus 32:26 (Clementine Vulgate)"
    },
    {
      "verse": 27,
      "text": "quibus ait : Hæc dicit Dominus Deus Israël : Ponat vir gladium super femur suum : ite, et redite de porta usque ad portam per medium castrorum, et occidat unusquisque fratrem, et amicum, et proximum suum.",
      "citation": "Exodus 32:27 (Clementine Vulgate)"
    },
    {
      "verse": 28,
      "text": "Feceruntque filii Levi juxta sermonem Moysi, cecideruntque in die illa quasi viginti tria millia hominum.",
      "citation": "Exodus 32:28 (Clementine Vulgate)"
    },
    {
      "verse": 29,
      "text": "Et ait Moyses : Consecrastis manus vestras hodie Domino, unusquisque in filio, et in fratre suo, ut detur vobis benedictio.",
      "citation": "Exodus 32:29 (Clementine Vulgate)"
    },
    {
      "verse": 30,
      "text": "Facto autem altero die, locutus est Moyses ad populum : Peccastis peccatum maximum : ascendam ad Dominum, si quomodo quivero eum deprecari pro scelere vestro.",
      "citation": "Exodus 32:30 (Clementine Vulgate)"
    },
    {
      "verse": 31,
      "text": "Reversusque ad Dominum, ait : Obsecro, peccavit populus iste peccatum maximum, feceruntque sibi deos aureos : aut dimitte eis hanc noxam,",
      "citation": "Exodus 32:31 (Clementine Vulgate)"
    },
    {
      "verse": 32,
      "text": "aut si non facis, dele me de libro tuo quem scripsisti.",
      "citation": "Exodus 32:32 (Clementine Vulgate)"
    },
    {
      "verse": 33,
      "text": "Cui respondit Dominus : Qui peccaverit mihi, delebo eum de libro meo :",
      "citation": "Exodus 32:33 (Clementine Vulgate)"
    },
    {
      "verse": 34,
      "text": "tu autem vade, et duc populum istum quo locutus sum tibi : angelus meus præcedet te. Ego autem in die ultionis visitabo et hoc peccatum eorum.",
      "citation": "Exodus 32:34 (Clementine Vulgate)"
    },
    {
      "verse": 35,
      "text": "Percussit ergo Dominus populum pro reatu vituli, quem fecerat Aaron.",
      "citation": "Exodus 32:35 (Clementine Vulgate)"
    }
  ]
}