{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 34 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 34,
    "verseCount": 35,
    "navigation": {
      "htmlUrl": "https://latinprayer.org/latin/exodus/34/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/33.json",
      "previousChapterHtmlUrl": "https://latinprayer.org/latin/exodus/33/",
      "nextChapter": "https://latinprayer.org/latin/exodus/35.json",
      "nextChapterHtmlUrl": "https://latinprayer.org/latin/exodus/35/"
    },
    "crossReferences": {
      "english": "https://latinprayer.org/bible/exodus/34.json",
      "englishHtmlUrl": "https://latinprayer.org/bible/exodus/34/",
      "german": "https://latinprayer.org/bibel/exodus/34.json",
      "germanHtmlUrl": "https://latinprayer.org/bibel/exodus/34/"
    }
  },
  "citation": "Exodus 34 (Clementine Vulgate)",
  "verses": [
    {
      "verse": 1,
      "text": "Ac deinceps : Præcide, ait, tibi duas tabulas lapideas instar priorum, et scribam super eas verba, quæ habuerunt tabulæ quas fregisti.",
      "citation": "Exodus 34:1 (Clementine Vulgate)"
    },
    {
      "verse": 2,
      "text": "Esto paratus mane, ut ascendas statim in montem Sinai, stabisque mecum super verticem montis.",
      "citation": "Exodus 34:2 (Clementine Vulgate)"
    },
    {
      "verse": 3,
      "text": "Nullus ascendat tecum, nec videatur quispiam per totum montem : boves quoque et oves non pascantur e contra.",
      "citation": "Exodus 34:3 (Clementine Vulgate)"
    },
    {
      "verse": 4,
      "text": "Excidit ergo duas tabulas lapideas, quales antea fuerant : et de nocte consurgens ascendit in montem Sinai, sicut præceperat ei Dominus, portans secum tabulas.",
      "citation": "Exodus 34:4 (Clementine Vulgate)"
    },
    {
      "verse": 5,
      "text": "Cumque descendisset Dominus per nubem, stetit Moyses cum eo, invocans nomen Domini.",
      "citation": "Exodus 34:5 (Clementine Vulgate)"
    },
    {
      "verse": 6,
      "text": "Quo transeunte coram eo, ait : Dominator Domine Deus, misericors et clemens, patiens et multæ miserationis, ac verax,",
      "citation": "Exodus 34:6 (Clementine Vulgate)"
    },
    {
      "verse": 7,
      "text": "qui custodis misericordiam in millia ; qui aufers iniquitatem, et scelera, atque peccata, nullusque apud te per se innocens est ; qui reddis iniquitatem patrum filiis, ac nepotibus in tertiam et quartam progeniem.",
      "citation": "Exodus 34:7 (Clementine Vulgate)"
    },
    {
      "verse": 8,
      "text": "Festinusque Moyses, curvatus est pronus in terram, et adorans",
      "citation": "Exodus 34:8 (Clementine Vulgate)"
    },
    {
      "verse": 9,
      "text": "ait : Si inveni gratiam in conspectu tuo, Domine, obsecro ut gradiaris nobiscum (populus enim duræ cervicis est) et auferas iniquitates nostras atque peccata, nosque possideas.",
      "citation": "Exodus 34:9 (Clementine Vulgate)"
    },
    {
      "verse": 10,
      "text": "Respondit Dominus : Ego inibo pactum videntibus cunctis : signa faciam quæ numquam visa sunt super terram, nec in ullis gentibus, ut cernat populus iste, in cujus es medio, opus Domini terribile quod facturus sum.",
      "citation": "Exodus 34:10 (Clementine Vulgate)"
    },
    {
      "verse": 11,
      "text": "Observa cuncta quæ hodie mando tibi : ego ipse ejiciam ante faciem tuam Amorrhæum, et Chananæum, et Hethæum, Pherezæum quoque, et Hevæum, et Jebusæum.",
      "citation": "Exodus 34:11 (Clementine Vulgate)"
    },
    {
      "verse": 12,
      "text": "Cave ne umquam cum habitatoribus terræ illius jungas amicitias, quæ sint tibi in ruinam :",
      "citation": "Exodus 34:12 (Clementine Vulgate)"
    },
    {
      "verse": 13,
      "text": "sed aras eorum destrue, confringe statuas, lucosque succide :",
      "citation": "Exodus 34:13 (Clementine Vulgate)"
    },
    {
      "verse": 14,
      "text": "noli adorare deum alienum. Dominus zelotes nomen ejus ; Deus est æmulator.",
      "citation": "Exodus 34:14 (Clementine Vulgate)"
    },
    {
      "verse": 15,
      "text": "Ne ineas pactum cum hominibus illarum regionum : ne, cum fornicati fuerint cum diis suis, et adoraverint simulacra eorum, vocet te quispiam ut comedas de immolatis.",
      "citation": "Exodus 34:15 (Clementine Vulgate)"
    },
    {
      "verse": 16,
      "text": "Nec uxorem de filiabus eorum accipies filiis tuis : ne, postquam ipsæ fuerint fornicatæ, fornicari faciant et filios tuos in deos suos.",
      "citation": "Exodus 34:16 (Clementine Vulgate)"
    },
    {
      "verse": 17,
      "text": "Deos conflatiles non facies tibi.",
      "citation": "Exodus 34:17 (Clementine Vulgate)"
    },
    {
      "verse": 18,
      "text": "Solemnitatem azymorum custodies. Septem diebus vesceris azymis, sicut præcepi tibi, in tempore mensis novorum : mense enim verni temporis egressus es de Ægypto.",
      "citation": "Exodus 34:18 (Clementine Vulgate)"
    },
    {
      "verse": 19,
      "text": "Omne quod aperit vulvam generis masculini, meum erit. De cunctis animantibus, tam de bobus, quam de ovibus, meum erit.",
      "citation": "Exodus 34:19 (Clementine Vulgate)"
    },
    {
      "verse": 20,
      "text": "Primogenitum asini redimes ove : sin autem nec pretium pro eo dederis, occidetur. Primogenitum filiorum tuorum redimes : nec apparebis in conspectu meo vacuus.",
      "citation": "Exodus 34:20 (Clementine Vulgate)"
    },
    {
      "verse": 21,
      "text": "Sex diebus operaberis ; die septimo cessabis arare et metere.",
      "citation": "Exodus 34:21 (Clementine Vulgate)"
    },
    {
      "verse": 22,
      "text": "Solemnitatem hebdomadarum facies tibi in primitiis frugum messis tuæ triticeæ, et solemnitatem, quando redeunte anni tempore cuncta conduntur.",
      "citation": "Exodus 34:22 (Clementine Vulgate)"
    },
    {
      "verse": 23,
      "text": "Tribus temporibus anni apparebit omne masculinum tuum in conspectu omnipotentis Domini Dei Israël.",
      "citation": "Exodus 34:23 (Clementine Vulgate)"
    },
    {
      "verse": 24,
      "text": "Cum enim tulero gentes a facie tua, et dilatavero terminos tuos, nullus insidiabitur terræ tuæ, ascendente te, et apparente in conspectu Domini Dei tui ter in anno.",
      "citation": "Exodus 34:24 (Clementine Vulgate)"
    },
    {
      "verse": 25,
      "text": "Non immolabis super fermento sanguinem hostiæ meæ : neque residebit mane de victima solemnitatis Phase.",
      "citation": "Exodus 34:25 (Clementine Vulgate)"
    },
    {
      "verse": 26,
      "text": "Primitias frugum terræ tuæ offeres in domo Domini Dei tui. Non coques hædum in lacte matris suæ.",
      "citation": "Exodus 34:26 (Clementine Vulgate)"
    },
    {
      "verse": 27,
      "text": "Dixitque Dominus ad Moysen : Scribe tibi verba hæc, quibus et tecum et cum Israël pepigi fœdus.",
      "citation": "Exodus 34:27 (Clementine Vulgate)"
    },
    {
      "verse": 28,
      "text": "Fuit ergo ibi cum Domino quadraginta dies et quadraginta noctes : panem non comedit, et aquam non bibit, et scripsit in tabulis verba fœderis decem.",
      "citation": "Exodus 34:28 (Clementine Vulgate)"
    },
    {
      "verse": 29,
      "text": "Cumque descenderet Moyses de monte Sinai, tenebat duas tabulas testimonii, et ignorabat quod cornuta esset facies sua ex consortio sermonis Domini.",
      "citation": "Exodus 34:29 (Clementine Vulgate)"
    },
    {
      "verse": 30,
      "text": "Videntes autem Aaron et filii Israël cornutam Moysi faciem, timuerunt prope accedere.",
      "citation": "Exodus 34:30 (Clementine Vulgate)"
    },
    {
      "verse": 31,
      "text": "Vocatique ab eo, reversi sunt tam Aaron, quam principes synagogæ. Et postquam locutus est ad eos,",
      "citation": "Exodus 34:31 (Clementine Vulgate)"
    },
    {
      "verse": 32,
      "text": "venerunt ad eum etiam omnes filii Israël : quibus præcepit cuncta quæ audierat a Domino in monte Sinai.",
      "citation": "Exodus 34:32 (Clementine Vulgate)"
    },
    {
      "verse": 33,
      "text": "Impletisque sermonibus, posuit velamen super faciem suam.",
      "citation": "Exodus 34:33 (Clementine Vulgate)"
    },
    {
      "verse": 34,
      "text": "Quod ingressus ad Dominum, et loquens cum eo, auferebat donec exiret, et tunc loquebatur ad filios Israël omnia quæ sibi fuerant imperata.",
      "citation": "Exodus 34:34 (Clementine Vulgate)"
    },
    {
      "verse": 35,
      "text": "Qui videbant faciem egredientis Moysi esse cornutam, sed operiebat ille rursus faciem suam, siquando loquebatur ad eos.",
      "citation": "Exodus 34:35 (Clementine Vulgate)"
    }
  ]
}