{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Exodus, Chapter 9 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Exodus",
      "slug": "exodus",
      "testament": "OT",
      "order": 2,
      "totalChapters": 40
    },
    "chapter": 9,
    "verseCount": 35,
    "navigation": {
      "htmlUrl": "https://latinprayer.org/latin/exodus/9/",
      "bookIndex": "https://latinprayer.org/latin/exodus/index.json",
      "bookHtmlUrl": "https://latinprayer.org/latin/exodus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/exodus/8.json",
      "previousChapterHtmlUrl": "https://latinprayer.org/latin/exodus/8/",
      "nextChapter": "https://latinprayer.org/latin/exodus/10.json",
      "nextChapterHtmlUrl": "https://latinprayer.org/latin/exodus/10/"
    },
    "crossReferences": {
      "english": "https://latinprayer.org/bible/exodus/9.json",
      "englishHtmlUrl": "https://latinprayer.org/bible/exodus/9/",
      "german": "https://latinprayer.org/bibel/exodus/9.json",
      "germanHtmlUrl": "https://latinprayer.org/bibel/exodus/9/"
    }
  },
  "citation": "Exodus 9 (Clementine Vulgate)",
  "verses": [
    {
      "verse": 1,
      "text": "Dixit autem Dominus ad Moysen : Ingredere ad Pharaonem, et loquere ad eum : Hæc dicit Dominus Deus Hebræorum : Dimitte populum meum ut sacrificet mihi.",
      "citation": "Exodus 9:1 (Clementine Vulgate)"
    },
    {
      "verse": 2,
      "text": "Quod si adhuc renuis, et retines eos,",
      "citation": "Exodus 9:2 (Clementine Vulgate)"
    },
    {
      "verse": 3,
      "text": "ecce manus mea erit super agros tuos, et super equos, et asinos, et camelos, et boves, et oves, pestis valde gravis.",
      "citation": "Exodus 9:3 (Clementine Vulgate)"
    },
    {
      "verse": 4,
      "text": "Et faciet Dominus mirabile inter possessiones Israël et possessiones Ægyptiorum, ut nihil omnino pereat ex eis quæ pertinent ad filios Israël.",
      "citation": "Exodus 9:4 (Clementine Vulgate)"
    },
    {
      "verse": 5,
      "text": "Constituitque Dominus tempus, dicens : Cras faciet Dominus verbum istud in terra.",
      "citation": "Exodus 9:5 (Clementine Vulgate)"
    },
    {
      "verse": 6,
      "text": "Fecit ergo Dominus verbum hoc altera die : mortuaque sunt omnia animantia Ægyptiorum ; de animalibus vero filiorum Israël, nihil omnino periit.",
      "citation": "Exodus 9:6 (Clementine Vulgate)"
    },
    {
      "verse": 7,
      "text": "Et misit Pharao ad videndum : nec erat quidquam mortuum de his quæ possidebat Israël. Ingravatumque est cor Pharaonis, et non dimisit populum.",
      "citation": "Exodus 9:7 (Clementine Vulgate)"
    },
    {
      "verse": 8,
      "text": "Et dixit Dominus ad Moysen et Aaron : Tollite plenas manus cineris de camino, et spargat illum Moyses in cælum coram Pharaone.",
      "citation": "Exodus 9:8 (Clementine Vulgate)"
    },
    {
      "verse": 9,
      "text": "Sitque pulvis super omnem terram Ægypti : erunt enim in hominibus et jumentis ulcera, et vesicæ turgentes in universa terra Ægypti.",
      "citation": "Exodus 9:9 (Clementine Vulgate)"
    },
    {
      "verse": 10,
      "text": "Tuleruntque cinerem de camino, et steterunt coram Pharaone, et sparsit illum Moyses in cælum : factaque sunt ulcera vesicarum turgentium in hominibus et jumentis :",
      "citation": "Exodus 9:10 (Clementine Vulgate)"
    },
    {
      "verse": 11,
      "text": "nec poterant malefici stare coram Moyse propter ulcera quæ in illis erant, et in omni terra Ægypti.",
      "citation": "Exodus 9:11 (Clementine Vulgate)"
    },
    {
      "verse": 12,
      "text": "Induravitque Dominus cor Pharaonis, et non audivit eos, sicut locutus est Dominus ad Moysen.",
      "citation": "Exodus 9:12 (Clementine Vulgate)"
    },
    {
      "verse": 13,
      "text": "Dixitque Dominus ad Moysen : Mane consurge, et sta coram Pharaone, et dices ad eum : Hæc dicit Dominus Deus Hebræorum : Dimitte populum meum ut sacrificet mihi.",
      "citation": "Exodus 9:13 (Clementine Vulgate)"
    },
    {
      "verse": 14,
      "text": "Quia in hac vice mittam omnes plagas meas super cor tuum, et super servos tuos, et super populum tuum : ut scias quod non sit similis mei in omni terra.",
      "citation": "Exodus 9:14 (Clementine Vulgate)"
    },
    {
      "verse": 15,
      "text": "Nunc enim extendens manum percutiam te, et populum tuum peste, peribisque de terra.",
      "citation": "Exodus 9:15 (Clementine Vulgate)"
    },
    {
      "verse": 16,
      "text": "Idcirco autem posui te, ut ostendam in te fortitudinem meam, et narretur nomen meum in omni terra.",
      "citation": "Exodus 9:16 (Clementine Vulgate)"
    },
    {
      "verse": 17,
      "text": "Adhuc retines populum meum, et non vis dimittere eum ?",
      "citation": "Exodus 9:17 (Clementine Vulgate)"
    },
    {
      "verse": 18,
      "text": "En pluam cras hac ipsa hora grandinem multam nimis, qualis non fuit in Ægypto a die qua fundata est, usque in præsens tempus.",
      "citation": "Exodus 9:18 (Clementine Vulgate)"
    },
    {
      "verse": 19,
      "text": "Mitte ergo jam nunc, et congrega jumenta tua, et omnia quæ habes in agro : homines enim, et jumenta, et universa quæ inventa fuerint foris, nec congregata de agris, cecideritque super ea grando, morientur.",
      "citation": "Exodus 9:19 (Clementine Vulgate)"
    },
    {
      "verse": 20,
      "text": "Qui timuit verbum Domini de servis Pharaonis, facit confugere servos suos et jumenta in domos :",
      "citation": "Exodus 9:20 (Clementine Vulgate)"
    },
    {
      "verse": 21,
      "text": "qui autem neglexit sermonem Domini, dimisit servos suos et jumenta in agris.",
      "citation": "Exodus 9:21 (Clementine Vulgate)"
    },
    {
      "verse": 22,
      "text": "Et dixit Dominus ad Moysen : Extende manum tuam in cælum, ut fiat grando in universa terra Ægypti super homines, et super jumenta, et super omnem herbam agri in terra Ægypti.",
      "citation": "Exodus 9:22 (Clementine Vulgate)"
    },
    {
      "verse": 23,
      "text": "Extenditque Moyses virgam in cælum, et Dominus dedit tonitrua, et grandinem, ac discurrentia fulgura super terram : pluitque Dominus grandinem super terram Ægypti.",
      "citation": "Exodus 9:23 (Clementine Vulgate)"
    },
    {
      "verse": 24,
      "text": "Et grando et ignis mista pariter ferebantur : tantæque fuit magnitudinis, quanta ante numquam apparuit in universa terra Ægypti ex quo gens illa condita est.",
      "citation": "Exodus 9:24 (Clementine Vulgate)"
    },
    {
      "verse": 25,
      "text": "Et percussit grando in omni terra Ægypti cuncta quæ fuerunt in agris, ab homine usque ad jumentum : cunctamque herbam agri percussit grando, et omne lignum regionis confregit.",
      "citation": "Exodus 9:25 (Clementine Vulgate)"
    },
    {
      "verse": 26,
      "text": "Tantum in terra Gessen, ubi erant filii Israël, grando non cecidit.",
      "citation": "Exodus 9:26 (Clementine Vulgate)"
    },
    {
      "verse": 27,
      "text": "Misitque Pharao, et vocavit Moysen et Aaron, dicens ad eos : Peccavi etiam nunc : Dominus justus ; ego et populus meus, impii.",
      "citation": "Exodus 9:27 (Clementine Vulgate)"
    },
    {
      "verse": 28,
      "text": "Orate Dominum ut desinant tonitrua Dei, et grando : ut dimittam vos, et nequaquam hic ultra maneatis.",
      "citation": "Exodus 9:28 (Clementine Vulgate)"
    },
    {
      "verse": 29,
      "text": "Ait Moyses : Cum egressus fuero de urbe, extendam palmas meas ad Dominum, et cessabunt tonitrua, et grando non erit, ut scias quia Domini est terra :",
      "citation": "Exodus 9:29 (Clementine Vulgate)"
    },
    {
      "verse": 30,
      "text": "novi autem quod et tu et servi tui necdum timeatis Dominum Deum.",
      "citation": "Exodus 9:30 (Clementine Vulgate)"
    },
    {
      "verse": 31,
      "text": "Linum ergo et hordeum læsum est, eo quod hordeum esset virens, et linum jam folliculos germinaret :",
      "citation": "Exodus 9:31 (Clementine Vulgate)"
    },
    {
      "verse": 32,
      "text": "triticum autem et far non sunt læsa, quia serotina erant.",
      "citation": "Exodus 9:32 (Clementine Vulgate)"
    },
    {
      "verse": 33,
      "text": "Egressusque Moyses a Pharaone ex urbe, tetendit manus ad Dominum : et cessaverunt tonitrua et grando, nec ultra stillavit pluvia super terram.",
      "citation": "Exodus 9:33 (Clementine Vulgate)"
    },
    {
      "verse": 34,
      "text": "Videns autem Pharao quod cessasset pluvia, et grando, et tonitrua, auxit peccatum :",
      "citation": "Exodus 9:34 (Clementine Vulgate)"
    },
    {
      "verse": 35,
      "text": "et ingravatum est cor ejus, et servorum illius, et induratum nimis : nec dimisit filios Israël, sicut præceperat Dominus per manum Moysi.",
      "citation": "Exodus 9:35 (Clementine Vulgate)"
    }
  ]
}