{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 1 — 28 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 1,
    "verseCount": 28,
    "navigation": {
      "htmlUrl": "https://latinprayer.org/latin/ezechiel/1/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": null,
      "previousChapterHtmlUrl": null,
      "nextChapter": "https://latinprayer.org/latin/ezechiel/2.json",
      "nextChapterHtmlUrl": "https://latinprayer.org/latin/ezechiel/2/"
    },
    "crossReferences": {
      "english": "https://latinprayer.org/bible/ezechiel/1.json",
      "englishHtmlUrl": "https://latinprayer.org/bible/ezechiel/1/",
      "german": "https://latinprayer.org/bibel/ezechiel/1.json",
      "germanHtmlUrl": "https://latinprayer.org/bibel/hesekiel/1/"
    }
  },
  "citation": "Ezechiel 1 (Clementine Vulgate)",
  "verses": [
    {
      "verse": 1,
      "text": "Et factum est in trigesimo anno, in quarto, in quinta mensis, cum essem in medio captivorum juxta fluvium Chobar, aperti sunt cæli, et vidi visiones Dei.",
      "citation": "Ezechiel 1:1 (Clementine Vulgate)"
    },
    {
      "verse": 2,
      "text": "In quinta mensis, ipse est annus quintus transmigrationis regis Joachin,",
      "citation": "Ezechiel 1:2 (Clementine Vulgate)"
    },
    {
      "verse": 3,
      "text": "factum est verbum Domini ad Ezechielem filium Buzi sacerdotem, in terra Chaldæorum, secus flumen Chobar : et facta est super eum ibi manus Domini.",
      "citation": "Ezechiel 1:3 (Clementine Vulgate)"
    },
    {
      "verse": 4,
      "text": "Et vidi, et ecce ventus turbinis veniebat ab aquilone, et nubes magna, et ignis involvens, et splendor in circuitu ejus : et de medio ejus, quasi species electri, id est, de medio ignis :",
      "citation": "Ezechiel 1:4 (Clementine Vulgate)"
    },
    {
      "verse": 5,
      "text": "et in medio ejus similitudo quatuor animalium. Et hic aspectus eorum, similitudo hominis in eis.",
      "citation": "Ezechiel 1:5 (Clementine Vulgate)"
    },
    {
      "verse": 6,
      "text": "Quatuor facies uni, et quatuor pennæ uni.",
      "citation": "Ezechiel 1:6 (Clementine Vulgate)"
    },
    {
      "verse": 7,
      "text": "Pedes eorum, pedes recti, et planta pedis eorum quasi planta pedis vituli : et scintillæ quasi aspectus æris candentis.",
      "citation": "Ezechiel 1:7 (Clementine Vulgate)"
    },
    {
      "verse": 8,
      "text": "Et manus hominis sub pennis eorum, in quatuor partibus : et facies et pennas per quatuor partes habebant.",
      "citation": "Ezechiel 1:8 (Clementine Vulgate)"
    },
    {
      "verse": 9,
      "text": "Junctæque erant pennæ eorum alterius ad alterum : non revertebantur cum incederent, sed unumquodque ante faciem suam gradiebatur.",
      "citation": "Ezechiel 1:9 (Clementine Vulgate)"
    },
    {
      "verse": 10,
      "text": "Similitudo autem vultus eorum, facies hominis et facies leonis a dextris ipsorum quatuor, facies autem bovis a sinistris ipsorum quatuor, et facies aquilæ desuper ipsorum quatuor.",
      "citation": "Ezechiel 1:10 (Clementine Vulgate)"
    },
    {
      "verse": 11,
      "text": "Facies eorum et pennæ eorum extentæ desuper : duæ pennæ singulorum jungebantur, et duæ tegebant corpora eorum.",
      "citation": "Ezechiel 1:11 (Clementine Vulgate)"
    },
    {
      "verse": 12,
      "text": "Et unumquodque eorum coram facie sua ambulabat : ubi erat impetus spiritus, illuc gradiebantur, nec revertebantur cum ambularent.",
      "citation": "Ezechiel 1:12 (Clementine Vulgate)"
    },
    {
      "verse": 13,
      "text": "Et similitudo animalium, aspectus eorum quasi carbonum ignis ardentium, et quasi aspectus lampadarum : hæc erat visio discurrens in medio animalium, splendor ignis, et de igne fulgur egrediens.",
      "citation": "Ezechiel 1:13 (Clementine Vulgate)"
    },
    {
      "verse": 14,
      "text": "Et animalia ibant et revertebantur, in similitudinem fulguris coruscantis.",
      "citation": "Ezechiel 1:14 (Clementine Vulgate)"
    },
    {
      "verse": 15,
      "text": "Cumque aspicerem animalia, apparuit rota una super terram juxta animalia, habens quatuor facies.",
      "citation": "Ezechiel 1:15 (Clementine Vulgate)"
    },
    {
      "verse": 16,
      "text": "Et aspectus rotarum et opus earum quasi visio maris : et una similitudo ipsarum quatuor : et aspectus earum et opera quasi sit rota in medio rotæ.",
      "citation": "Ezechiel 1:16 (Clementine Vulgate)"
    },
    {
      "verse": 17,
      "text": "Per quatuor partes earum euntes ibant, et non revertebantur cum ambularent.",
      "citation": "Ezechiel 1:17 (Clementine Vulgate)"
    },
    {
      "verse": 18,
      "text": "Statura quoque erat rotis, et altitudo, et horribilis aspectus : et totum corpus oculis plenum in circuitu ipsarum quatuor.",
      "citation": "Ezechiel 1:18 (Clementine Vulgate)"
    },
    {
      "verse": 19,
      "text": "Cumque ambularent animalia, ambulabant pariter et rotæ juxta ea : et cum elevarentur animalia de terra, elevabantur simul et rotæ.",
      "citation": "Ezechiel 1:19 (Clementine Vulgate)"
    },
    {
      "verse": 20,
      "text": "Quocumque ibat spiritus, illuc, eunte spiritu, et rotæ pariter elevabantur sequentes eum : spiritus enim vitæ erat in rotis.",
      "citation": "Ezechiel 1:20 (Clementine Vulgate)"
    },
    {
      "verse": 21,
      "text": "Cum euntibus ibant, et cum stantibus stabant : et cum elevatis a terra, pariter elevabantur et rotæ sequentes ea, quia spiritus vitæ erat in rotis.",
      "citation": "Ezechiel 1:21 (Clementine Vulgate)"
    },
    {
      "verse": 22,
      "text": "Et similitudo super capita animalium firmamenti, quasi aspectus crystalli horribilis, et extenti super capita eorum desuper.",
      "citation": "Ezechiel 1:22 (Clementine Vulgate)"
    },
    {
      "verse": 23,
      "text": "Sub firmamento autem pennæ eorum rectæ alterius ad alterum : unumquodque duabus alis velabat corpus suum, et alterum similiter velabatur.",
      "citation": "Ezechiel 1:23 (Clementine Vulgate)"
    },
    {
      "verse": 24,
      "text": "Et audiebam sonum alarum, quasi sonum aquarum multarum, quasi sonum sublimis Dei : cum ambularent, quasi sonus erat multitudinis ut sonus castrorum : cumque starent, demittebantur pennæ eorum.",
      "citation": "Ezechiel 1:24 (Clementine Vulgate)"
    },
    {
      "verse": 25,
      "text": "Nam cum fieret vox super firmamentum quod erat super caput eorum, stabant, et submittebant alas suas.",
      "citation": "Ezechiel 1:25 (Clementine Vulgate)"
    },
    {
      "verse": 26,
      "text": "Et super firmamentum quod erat imminens capiti eorum, quasi aspectus lapidis sapphiri similitudo throni : et super similitudinem throni similitudo quasi aspectus hominis desuper.",
      "citation": "Ezechiel 1:26 (Clementine Vulgate)"
    },
    {
      "verse": 27,
      "text": "Et vidi quasi speciem electri, velut aspectum ignis, intrinsecus ejus per circuitum : a lumbis ejus et desuper, et a lumbis ejus usque deorsum, vidi quasi speciem ignis splendentis in circuitu,",
      "citation": "Ezechiel 1:27 (Clementine Vulgate)"
    },
    {
      "verse": 28,
      "text": "velut aspectum arcus cum fuerit in nube in die pluviæ. Hic erat aspectus splendoris per gyrum.",
      "citation": "Ezechiel 1:28 (Clementine Vulgate)"
    }
  ]
}