{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 14 — 23 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 14,
    "verseCount": 23,
    "navigation": {
      "htmlUrl": "https://latinprayer.org/latin/ezechiel/14/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/13.json",
      "previousChapterHtmlUrl": "https://latinprayer.org/latin/ezechiel/13/",
      "nextChapter": "https://latinprayer.org/latin/ezechiel/15.json",
      "nextChapterHtmlUrl": "https://latinprayer.org/latin/ezechiel/15/"
    },
    "crossReferences": {
      "english": "https://latinprayer.org/bible/ezechiel/14.json",
      "englishHtmlUrl": "https://latinprayer.org/bible/ezechiel/14/",
      "german": "https://latinprayer.org/bibel/ezechiel/14.json",
      "germanHtmlUrl": "https://latinprayer.org/bibel/hesekiel/14/"
    }
  },
  "citation": "Ezechiel 14 (Clementine Vulgate)",
  "verses": [
    {
      "verse": 1,
      "text": "Et venerunt ad me viri seniorum Israël, et sederunt coram me.",
      "citation": "Ezechiel 14:1 (Clementine Vulgate)"
    },
    {
      "verse": 2,
      "text": "Et factus est sermo Domini ad me, dicens :",
      "citation": "Ezechiel 14:2 (Clementine Vulgate)"
    },
    {
      "verse": 3,
      "text": "Fili hominis, viri isti posuerunt immunditias suas in cordibus suis, et scandalum iniquitatis suæ statuerunt contra faciem suam : numquid interrogatus respondebo eis ?",
      "citation": "Ezechiel 14:3 (Clementine Vulgate)"
    },
    {
      "verse": 4,
      "text": "Propter hoc loquere eis, et dices ad eos : Hæc dicit Dominus Deus : Homo, homo de domo Israël, qui posuerit immunditias suas in corde suo, et scandalum iniquitatis suæ statuerit contra faciem suam, et venerit ad prophetam interrogans per eum me : ego Dominus respondebo ei in multitudine immunditiarum suarum,",
      "citation": "Ezechiel 14:4 (Clementine Vulgate)"
    },
    {
      "verse": 5,
      "text": "ut capiatur domus Israël in corde suo, quo recesserunt a me in cunctis idolis suis.",
      "citation": "Ezechiel 14:5 (Clementine Vulgate)"
    },
    {
      "verse": 6,
      "text": "Propterea dic ad domum Israël : Hæc dicit Dominus Deus : Convertimini, et recedite ab idolis vestris, et ab universis contaminationibus vestris avertite facies vestras.",
      "citation": "Ezechiel 14:6 (Clementine Vulgate)"
    },
    {
      "verse": 7,
      "text": "Quia homo, homo de domo Israël, et de proselytis quicumque advena fuerit in Israël, si alienatus fuerit a me, et posuerit idola sua in corde suo, et scandalum iniquitatis suæ statuerit contra faciem suam, et venerit ad prophetam ut interroget per eum me : ego Dominus respondebo ei per me :",
      "citation": "Ezechiel 14:7 (Clementine Vulgate)"
    },
    {
      "verse": 8,
      "text": "et ponam faciem meam super hominem illum, et faciam eum in exemplum et in proverbium, et disperdam eum de medio populi mei : et scietis quia ego Dominus.",
      "citation": "Ezechiel 14:8 (Clementine Vulgate)"
    },
    {
      "verse": 9,
      "text": "Et propheta cum erraverit, et locutus fuerit verbum, ego Dominus decepi prophetam illum, et extendam manum meam super illum, et delebo eum de medio populi mei Israël.",
      "citation": "Ezechiel 14:9 (Clementine Vulgate)"
    },
    {
      "verse": 10,
      "text": "Et portabunt iniquitatem suam : juxta iniquitatem interrogantis, sic iniquitas prophetæ erit :",
      "citation": "Ezechiel 14:10 (Clementine Vulgate)"
    },
    {
      "verse": 11,
      "text": "ut non erret ultra domus Israël a me, neque polluatur in universis prævaricationibus suis : sed sint mihi in populum, et ego sim eis in Deum, ait Dominus exercituum.",
      "citation": "Ezechiel 14:11 (Clementine Vulgate)"
    },
    {
      "verse": 12,
      "text": "Et factus est sermo Domini ad me, dicens :",
      "citation": "Ezechiel 14:12 (Clementine Vulgate)"
    },
    {
      "verse": 13,
      "text": "Fili hominis, terra cum peccaverit mihi, ut prævaricetur prævaricans, extendam manum meam super eam, et conteram virgam panis ejus, et immittam in eam famem, et interficiam de ea hominem et jumentum.",
      "citation": "Ezechiel 14:13 (Clementine Vulgate)"
    },
    {
      "verse": 14,
      "text": "Et si fuerint tres viri isti in medio ejus, Noë, Daniel, et Job, ipsi justitia sua liberabunt animas suas, ait Dominus exercituum.",
      "citation": "Ezechiel 14:14 (Clementine Vulgate)"
    },
    {
      "verse": 15,
      "text": "Quod si et bestias pessimas induxero super terram ut vastem eam, et fuerit invia, eo quod non sit pertransiens propter bestias :",
      "citation": "Ezechiel 14:15 (Clementine Vulgate)"
    },
    {
      "verse": 16,
      "text": "tres viri isti si fuerint in ea, vivo ego, dicit Dominus Deus, quia nec filios nec filias liberabunt, sed ipsi soli liberabuntur, terra autem desolabitur.",
      "citation": "Ezechiel 14:16 (Clementine Vulgate)"
    },
    {
      "verse": 17,
      "text": "Vel si gladium induxero super terram illam, et dixero gladio : Transi per terram : et interfecero de ea hominem et jumentum,",
      "citation": "Ezechiel 14:17 (Clementine Vulgate)"
    },
    {
      "verse": 18,
      "text": "et tres viri isti fuerint in medio ejus : vivo ego, dicit Dominus Deus, non liberabunt filios neque filias, sed ipsi soli liberabuntur.",
      "citation": "Ezechiel 14:18 (Clementine Vulgate)"
    },
    {
      "verse": 19,
      "text": "Si autem et pestilentiam immisero super terram illam, et effudero indignationem meam super eam in sanguine, ut auferam ex ea hominem et jumentum,",
      "citation": "Ezechiel 14:19 (Clementine Vulgate)"
    },
    {
      "verse": 20,
      "text": "et Noë, et Daniel, et Job fuerint in medio ejus : vivo ego, dicit Dominus Deus, quia filium et filiam non liberabunt, sed ipsi justitia sua liberabunt animas suas.",
      "citation": "Ezechiel 14:20 (Clementine Vulgate)"
    },
    {
      "verse": 21,
      "text": "Quoniam hæc dicit Dominus Deus : Quod etsi quatuor judicia mea pessima, gladium, et famem, ac bestias malas, et pestilentiam, immisero in Jerusalem, ut interficiam de ea hominem et pecus,",
      "citation": "Ezechiel 14:21 (Clementine Vulgate)"
    },
    {
      "verse": 22,
      "text": "tamen relinquetur in ea salvatio educentium filios et filias : ecce ipsi ingredientur ad vos, et videbitis viam eorum et adinventiones eorum, et consolabimini super malo quod induxi in Jerusalem, in omnibus quæ importavi super eam.",
      "citation": "Ezechiel 14:22 (Clementine Vulgate)"
    },
    {
      "verse": 23,
      "text": "Et consolabuntur vos, cum videritis viam eorum et adinventiones eorum : et cognoscetis quod non frustra fecerim omnia quæ feci in ea, ait Dominus Deus.",
      "citation": "Ezechiel 14:23 (Clementine Vulgate)"
    }
  ]
}