{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 16 — 63 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 16,
    "verseCount": 63,
    "navigation": {
      "htmlUrl": "https://latinprayer.org/latin/ezechiel/16/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/15.json",
      "previousChapterHtmlUrl": "https://latinprayer.org/latin/ezechiel/15/",
      "nextChapter": "https://latinprayer.org/latin/ezechiel/17.json",
      "nextChapterHtmlUrl": "https://latinprayer.org/latin/ezechiel/17/"
    },
    "crossReferences": {
      "english": "https://latinprayer.org/bible/ezechiel/16.json",
      "englishHtmlUrl": "https://latinprayer.org/bible/ezechiel/16/",
      "german": "https://latinprayer.org/bibel/ezechiel/16.json",
      "germanHtmlUrl": "https://latinprayer.org/bibel/hesekiel/16/"
    }
  },
  "citation": "Ezechiel 16 (Clementine Vulgate)",
  "verses": [
    {
      "verse": 1,
      "text": "Et factus est sermo Domini ad me, dicens :",
      "citation": "Ezechiel 16:1 (Clementine Vulgate)"
    },
    {
      "verse": 2,
      "text": "Fili hominis, notas fac Jerusalem abominationes suas,",
      "citation": "Ezechiel 16:2 (Clementine Vulgate)"
    },
    {
      "verse": 3,
      "text": "et dices : Hæc dicit Dominus Deus Jerusalem : Radix tua et generatio tua de terra Chanaan : pater tuus Amorrhæus, et mater tua Cethæa.",
      "citation": "Ezechiel 16:3 (Clementine Vulgate)"
    },
    {
      "verse": 4,
      "text": "Et quando nata es, in die ortus tui non est præcisus umbilicus tuus, et aqua non es lota in salutem, nec sale salita, nec involuta pannis.",
      "citation": "Ezechiel 16:4 (Clementine Vulgate)"
    },
    {
      "verse": 5,
      "text": "Non pepercit super te oculus, ut faceret tibi unum de his, misertus tui : sed projecta es super faciem terræ in abjectione animæ tuæ in die qua nata es.",
      "citation": "Ezechiel 16:5 (Clementine Vulgate)"
    },
    {
      "verse": 6,
      "text": "Transiens autem per te, vidi te conculcari in sanguine tuo : et dixi tibi cum esses in sanguine tuo : Vive, dixi, inquam, tibi : in sanguine tuo vive.",
      "citation": "Ezechiel 16:6 (Clementine Vulgate)"
    },
    {
      "verse": 7,
      "text": "Multiplicatam quasi germen agri dedi te : et multiplicata es, et grandis effecta, et ingressa es, et pervenisti ad mundum muliebrem : ubera tua intumuerunt, et pilus tuus germinavit : et eras nuda, et confusione plena.",
      "citation": "Ezechiel 16:7 (Clementine Vulgate)"
    },
    {
      "verse": 8,
      "text": "Et transivi per te, et vidi te : et ecce tempus tuum, tempus amantium : et expandi amictum meum super te, et operui ignominiam tuam : et juravi tibi, et ingressus sum pactum tecum, ait Dominus Deus, et facta es mihi.",
      "citation": "Ezechiel 16:8 (Clementine Vulgate)"
    },
    {
      "verse": 9,
      "text": "Et lavi te aqua, et emundavi sanguinem tuum ex te, et unxi te oleo.",
      "citation": "Ezechiel 16:9 (Clementine Vulgate)"
    },
    {
      "verse": 10,
      "text": "Et vestivi te discoloribus, et calceavi te janthino, et cinxi te bysso, et indui te subtilibus :",
      "citation": "Ezechiel 16:10 (Clementine Vulgate)"
    },
    {
      "verse": 11,
      "text": "et ornavi te ornamento, et dedi armillas in manibus tuis, et torquem circa collum tuum :",
      "citation": "Ezechiel 16:11 (Clementine Vulgate)"
    },
    {
      "verse": 12,
      "text": "et dedi inaurem super os tuum, et circulos auribus tuis, et coronam decoris in capite tuo.",
      "citation": "Ezechiel 16:12 (Clementine Vulgate)"
    },
    {
      "verse": 13,
      "text": "Et ornata es auro et argento, et vestita es bysso et polymito et multicoloribus : similam, et mel, et oleum comedisti : et decora facta es vehementer nimis, et profecisti in regnum.",
      "citation": "Ezechiel 16:13 (Clementine Vulgate)"
    },
    {
      "verse": 14,
      "text": "Et egressum est nomen tuum in gentes propter speciem tuam, quia perfecta eras in decore meo quem posueram super te, dicit Dominus Deus.",
      "citation": "Ezechiel 16:14 (Clementine Vulgate)"
    },
    {
      "verse": 15,
      "text": "Et habens fiduciam in pulchritudine tua, fornicata es in nomine tuo : et exposuisti fornicationem tuam omni transeunti, ut ejus fieres.",
      "citation": "Ezechiel 16:15 (Clementine Vulgate)"
    },
    {
      "verse": 16,
      "text": "Et sumens de vestimentis tuis, fecisti tibi excelsa hinc inde consuta, et fornicata es super eis sicut non est factum, neque futurum est.",
      "citation": "Ezechiel 16:16 (Clementine Vulgate)"
    },
    {
      "verse": 17,
      "text": "Et tulisti vasa decoris tui de auro meo atque argento meo, quæ dedi tibi, et fecisti tibi imagines masculinas, et fornicata es in eis.",
      "citation": "Ezechiel 16:17 (Clementine Vulgate)"
    },
    {
      "verse": 18,
      "text": "Et sumpsisti vestimenta tua multicoloria, et operuisti illas, et oleum meum et thymiama meum posuisti coram eis.",
      "citation": "Ezechiel 16:18 (Clementine Vulgate)"
    },
    {
      "verse": 19,
      "text": "Et panem meum quem dedi tibi, similam, et oleum, et mel, quibus enutrivi te, posuisti in conspectu eorum in odorem suavitatis : et factum est, ait Dominus Deus.",
      "citation": "Ezechiel 16:19 (Clementine Vulgate)"
    },
    {
      "verse": 20,
      "text": "Et tulisti filios tuos et filias tuas quas generasti mihi, et immolasti eis ad devorandum. Numquid parva est fornicatio tua ?",
      "citation": "Ezechiel 16:20 (Clementine Vulgate)"
    },
    {
      "verse": 21,
      "text": "Immolasti filios meos, et dedisti, illos consecrans, eis.",
      "citation": "Ezechiel 16:21 (Clementine Vulgate)"
    },
    {
      "verse": 22,
      "text": "Et post omnes abominationes tuas et fornicationes, non es recordata dierum adolescentiæ tuæ, quando eras nuda et confusione plena, conculcata in sanguine tuo.",
      "citation": "Ezechiel 16:22 (Clementine Vulgate)"
    },
    {
      "verse": 23,
      "text": "Et accidit post omnem malitiam tuam (væ, væ tibi ! ait Dominus Deus),",
      "citation": "Ezechiel 16:23 (Clementine Vulgate)"
    },
    {
      "verse": 24,
      "text": "et ædificasti tibi lupanar, et fecisti tibi prostibulum in cunctis plateis.",
      "citation": "Ezechiel 16:24 (Clementine Vulgate)"
    },
    {
      "verse": 25,
      "text": "Ad omne caput viæ ædificasti signum prostitutionis tuæ, et abominabilem fecisti decorem tuum : et divisisti pedes tuos omni transeunti, et multiplicasti fornicationes tuas :",
      "citation": "Ezechiel 16:25 (Clementine Vulgate)"
    },
    {
      "verse": 26,
      "text": "et fornicata es cum filiis Ægypti, vicinis tuis, magnarum carnium : et multiplicasti fornicationem tuam ad irritandum me.",
      "citation": "Ezechiel 16:26 (Clementine Vulgate)"
    },
    {
      "verse": 27,
      "text": "Ecce ego extendam manum meam super te, et auferam justificationem tuam, et dabo te in animas odientium te filiarum Palæstinarum, quæ erubescunt in via tua scelerata.",
      "citation": "Ezechiel 16:27 (Clementine Vulgate)"
    },
    {
      "verse": 28,
      "text": "Et fornicata es in filiis Assyriorum eo quod necdum fueris expleta : et postquam fornicata es, nec sic es satiata :",
      "citation": "Ezechiel 16:28 (Clementine Vulgate)"
    },
    {
      "verse": 29,
      "text": "et multiplicasti fornicationem tuam in terra Chanaan cum Chaldæis, et nec sic satiata es.",
      "citation": "Ezechiel 16:29 (Clementine Vulgate)"
    },
    {
      "verse": 30,
      "text": "In quo mundabo cor tuum, ait Dominus Deus, cum facias omnia hæc opera mulieris meretricis et procacis ?",
      "citation": "Ezechiel 16:30 (Clementine Vulgate)"
    },
    {
      "verse": 31,
      "text": "Quia fabricasti lupanar tuum in capite omnis viæ, et excelsum tuum fecisti in omni platea : nec facta es quasi meretrix fastidio augens pretium,",
      "citation": "Ezechiel 16:31 (Clementine Vulgate)"
    },
    {
      "verse": 32,
      "text": "sed quasi mulier adultera, quæ super virum suum inducit alienos.",
      "citation": "Ezechiel 16:32 (Clementine Vulgate)"
    },
    {
      "verse": 33,
      "text": "Omnibus meretricibus dantur mercedes : tu autem dedisti mercedes cunctis amatoribus tuis, et dona donabas eis, ut intrarent ad te undique ad fornicandum tecum.",
      "citation": "Ezechiel 16:33 (Clementine Vulgate)"
    },
    {
      "verse": 34,
      "text": "Factumque est in te contra consuetudinem mulierum in fornicationibus tuis, et post te non erit fornicatio : in eo enim quod dedisti mercedes, et mercedes non accepisti, factum est in te contrarium.",
      "citation": "Ezechiel 16:34 (Clementine Vulgate)"
    },
    {
      "verse": 35,
      "text": "Propterea, meretrix, audi verbum Domini.",
      "citation": "Ezechiel 16:35 (Clementine Vulgate)"
    },
    {
      "verse": 36,
      "text": "Hæc dicit Dominus Deus : Quia effusum est æs tuum et revelata est ignominia tua in fornicationibus tuis super amatores tuos, et super idola abominationum tuarum, in sanguine filiorum tuorum quos dedisti eis,",
      "citation": "Ezechiel 16:36 (Clementine Vulgate)"
    },
    {
      "verse": 37,
      "text": "ecce ego congregabo omnes amatores tuos quibus commista es, et omnes quos dilexisti, cum universis quos oderas : et congregabo eos super te undique, et nudabo ignominiam tuam coram eis, et videbunt omnem turpitudinem tuam.",
      "citation": "Ezechiel 16:37 (Clementine Vulgate)"
    },
    {
      "verse": 38,
      "text": "Et judicabo te judiciis adulterarum, et effundentium sanguinem : et dabo te in sanguinem furoris et zeli.",
      "citation": "Ezechiel 16:38 (Clementine Vulgate)"
    },
    {
      "verse": 39,
      "text": "Et dabo te in manus eorum, et destruent lupanar tuum, et demolientur prostibulum tuum : et denudabunt te vestimentis tuis, et auferent vasa decoris tui, et derelinquent te nudam, plenamque ignominia :",
      "citation": "Ezechiel 16:39 (Clementine Vulgate)"
    },
    {
      "verse": 40,
      "text": "et adducent super te multitudinem, et lapidabunt te lapidibus, et trucidabunt te gladiis suis :",
      "citation": "Ezechiel 16:40 (Clementine Vulgate)"
    },
    {
      "verse": 41,
      "text": "et comburent domos tuas igni, et facient in te judicia in oculis mulierum plurimarum. Et desines fornicari, et mercedes ultra non dabis :",
      "citation": "Ezechiel 16:41 (Clementine Vulgate)"
    },
    {
      "verse": 42,
      "text": "et requiescet indignatio mea in te, et auferetur zelus meus a te : et quiescam, nec irascar amplius.",
      "citation": "Ezechiel 16:42 (Clementine Vulgate)"
    },
    {
      "verse": 43,
      "text": "Eo quod non fueris recordata dierum adolescentiæ tuæ, et provocasti me in omnibus his, quapropter et ego vias tuas in capite tuo dedi, ait Dominus Deus, et non feci juxta scelera tua in omnibus abominationibus tuis.",
      "citation": "Ezechiel 16:43 (Clementine Vulgate)"
    },
    {
      "verse": 44,
      "text": "Ecce omnis qui dicit vulgo proverbium, in te assumet illud, dicens : Sicut mater, ita et filia ejus.",
      "citation": "Ezechiel 16:44 (Clementine Vulgate)"
    },
    {
      "verse": 45,
      "text": "Filia matris tuæ es tu, quæ projecit virum suum et filios suos : et soror sororum tuarum es tu, quæ projecerunt viros suos et filios suos : mater vestra Cethæa, et pater vester Amorrhæus.",
      "citation": "Ezechiel 16:45 (Clementine Vulgate)"
    },
    {
      "verse": 46,
      "text": "Et soror tua major, Samaria, ipsa et filiæ ejus, quæ habitant ad sinistram tuam : soror autem tua minor te, quæ habitat a dextris tuis, Sodoma, et filiæ ejus.",
      "citation": "Ezechiel 16:46 (Clementine Vulgate)"
    },
    {
      "verse": 47,
      "text": "Sed nec in viis earum ambulasti, neque secundum scelera earum fecisti pauxillum minus : pene sceleratiora fecisti illis in omnibus viis tuis.",
      "citation": "Ezechiel 16:47 (Clementine Vulgate)"
    },
    {
      "verse": 48,
      "text": "Vivo ego, dicit Dominus Deus, quia non fecit Sodoma soror tua, ipsa et filiæ ejus, sicut fecisti tu et filiæ tuæ.",
      "citation": "Ezechiel 16:48 (Clementine Vulgate)"
    },
    {
      "verse": 49,
      "text": "Ecce hæc fuit iniquitas Sodomæ sororis tuæ : superbia, saturitas panis et abundantia, et otium ipsius et filiarum ejus : et manum egeno et pauperi non porrigebant :",
      "citation": "Ezechiel 16:49 (Clementine Vulgate)"
    },
    {
      "verse": 50,
      "text": "et elevatæ sunt, et fecerunt abominationes coram me : et abstuli eas sicut vidisti.",
      "citation": "Ezechiel 16:50 (Clementine Vulgate)"
    },
    {
      "verse": 51,
      "text": "Et Samaria dimidium peccatorum tuorum non peccavit : sed vicisti eas sceleribus tuis, et justificasti sorores tuas in omnibus abominationibus tuis quas operata es.",
      "citation": "Ezechiel 16:51 (Clementine Vulgate)"
    },
    {
      "verse": 52,
      "text": "Ergo et tu porta confusionem tuam, quæ vicisti sorores tuas peccatis tuis, sceleratius agens ab eis : justificatæ sunt enim a te : ergo et tu confundere, et porta ignominiam tuam, quæ justificasti sorores tuas.",
      "citation": "Ezechiel 16:52 (Clementine Vulgate)"
    },
    {
      "verse": 53,
      "text": "Et convertam restituens eas conversione Sodomorum cum filiabus suis, et conversione Samariæ et filiarum ejus, et convertam reversionem tuam in medio earum,",
      "citation": "Ezechiel 16:53 (Clementine Vulgate)"
    },
    {
      "verse": 54,
      "text": "ut portes ignominiam tuam, et confundaris in omnibus quæ fecisti consolans eas.",
      "citation": "Ezechiel 16:54 (Clementine Vulgate)"
    },
    {
      "verse": 55,
      "text": "Et soror tua Sodoma et filiæ ejus revertentur ad antiquitatem suam, et Samaria et filiæ ejus revertentur ad antiquitatem suam, et tu et filiæ tuæ revertemini ad antiquitatem vestram.",
      "citation": "Ezechiel 16:55 (Clementine Vulgate)"
    },
    {
      "verse": 56,
      "text": "Non fuit autem Sodoma soror tua audita in ore tuo in die superbiæ tuæ,",
      "citation": "Ezechiel 16:56 (Clementine Vulgate)"
    },
    {
      "verse": 57,
      "text": "antequam revelaretur malitia tua, sicut hoc tempore in opprobrium filiarum Syriæ, et cunctarum in circuitu tuo filiarum Palæstinarum quæ ambiunt te per gyrum.",
      "citation": "Ezechiel 16:57 (Clementine Vulgate)"
    },
    {
      "verse": 58,
      "text": "Scelus tuum et ignominiam tuam tu portasti, ait Dominus Deus.",
      "citation": "Ezechiel 16:58 (Clementine Vulgate)"
    },
    {
      "verse": 59,
      "text": "Quia hæc dicit Dominus Deus : Et faciam tibi sicut despexisti juramentum, ut irritum faceres pactum :",
      "citation": "Ezechiel 16:59 (Clementine Vulgate)"
    },
    {
      "verse": 60,
      "text": "et recordabor ego pacti mei tecum in diebus adolescentiæ tuæ, et suscitabo tibi pactum sempiternum.",
      "citation": "Ezechiel 16:60 (Clementine Vulgate)"
    },
    {
      "verse": 61,
      "text": "Et recordaberis viarum tuarum, et confunderis, cum receperis sorores tuas te majores cum minoribus tuis : et dabo eas tibi in filias, sed non ex pacto tuo.",
      "citation": "Ezechiel 16:61 (Clementine Vulgate)"
    },
    {
      "verse": 62,
      "text": "Et suscitabo ego pactum meum tecum, et scies quia ego Dominus :",
      "citation": "Ezechiel 16:62 (Clementine Vulgate)"
    },
    {
      "verse": 63,
      "text": "ut recorderis, et confundaris, et non sit tibi ultra aperire os præ confusione tua, cum placatus tibi fuero in omnibus quæ fecisti, ait Dominus Deus.",
      "citation": "Ezechiel 16:63 (Clementine Vulgate)"
    }
  ]
}