{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 18 — 32 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 18,
    "verseCount": 32,
    "navigation": {
      "htmlUrl": "https://latinprayer.org/latin/ezechiel/18/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/17.json",
      "previousChapterHtmlUrl": "https://latinprayer.org/latin/ezechiel/17/",
      "nextChapter": "https://latinprayer.org/latin/ezechiel/19.json",
      "nextChapterHtmlUrl": "https://latinprayer.org/latin/ezechiel/19/"
    },
    "crossReferences": {
      "english": "https://latinprayer.org/bible/ezechiel/18.json",
      "englishHtmlUrl": "https://latinprayer.org/bible/ezechiel/18/",
      "german": "https://latinprayer.org/bibel/ezechiel/18.json",
      "germanHtmlUrl": "https://latinprayer.org/bibel/hesekiel/18/"
    }
  },
  "citation": "Ezechiel 18 (Clementine Vulgate)",
  "verses": [
    {
      "verse": 1,
      "text": "Et factus est sermo Domini ad me, dicens :",
      "citation": "Ezechiel 18:1 (Clementine Vulgate)"
    },
    {
      "verse": 2,
      "text": "Quid est quod inter vos parabolam vertitis in proverbium istud in terra Israël, dicentes : Patres comederunt uvam acerbam, et dentes filiorum obstupescunt ?",
      "citation": "Ezechiel 18:2 (Clementine Vulgate)"
    },
    {
      "verse": 3,
      "text": "Vivo ego, dicit Dominus Deus, si erit ultra vobis parabola hæc in proverbium in Israël.",
      "citation": "Ezechiel 18:3 (Clementine Vulgate)"
    },
    {
      "verse": 4,
      "text": "Ecce omnes animæ meæ sunt : ut anima patris, ita et anima filii mea est : anima quæ peccaverit, ipsa morietur.",
      "citation": "Ezechiel 18:4 (Clementine Vulgate)"
    },
    {
      "verse": 5,
      "text": "Et vir si fuerit justus, et fecerit judicium et justitiam,",
      "citation": "Ezechiel 18:5 (Clementine Vulgate)"
    },
    {
      "verse": 6,
      "text": "in montibus non comederit, et oculos suos non levaverit ad idola domus Israël : et uxorem proximi sui non violaverit, et ad mulierem menstruatam non accesserit :",
      "citation": "Ezechiel 18:6 (Clementine Vulgate)"
    },
    {
      "verse": 7,
      "text": "et hominem non contristaverit, pignus debitori reddiderit, per vim nihil rapuerit : panem suum esurienti dederit, et nudum operuerit vestimento :",
      "citation": "Ezechiel 18:7 (Clementine Vulgate)"
    },
    {
      "verse": 8,
      "text": "ad usuram non commodaverit, et amplius non acceperit : ab iniquitate averterit manum suam, et judicium verum fecerit inter virum et virum :",
      "citation": "Ezechiel 18:8 (Clementine Vulgate)"
    },
    {
      "verse": 9,
      "text": "in præceptis meis ambulaverit, et judicia mea custodierit, ut faciat veritatem : hic justus est ; vita vivet, ait Dominus Deus.",
      "citation": "Ezechiel 18:9 (Clementine Vulgate)"
    },
    {
      "verse": 10,
      "text": "Quod si genuerit filium latronem, effundentem sanguinem, et fecerit unum de istis :",
      "citation": "Ezechiel 18:10 (Clementine Vulgate)"
    },
    {
      "verse": 11,
      "text": "et hæc quidem omnia non facientem, sed in montibus comedentem, et uxorem proximi sui polluentem :",
      "citation": "Ezechiel 18:11 (Clementine Vulgate)"
    },
    {
      "verse": 12,
      "text": "egenum et pauperem contristantem, rapientem rapinas, pignus non reddentem, et ad idola levantem oculos suos, abominationem facientem :",
      "citation": "Ezechiel 18:12 (Clementine Vulgate)"
    },
    {
      "verse": 13,
      "text": "ad usuram dantem, et amplius accipientem : numquid vivet ? Non vivet : cum universa hæc detestanda fecerit, morte morietur ; sanguis ejus in ipso erit.",
      "citation": "Ezechiel 18:13 (Clementine Vulgate)"
    },
    {
      "verse": 14,
      "text": "Quod si genuerit filium, qui videns omnia peccata patris sui quæ fecit, timuerit, et non fecerit simile eis :",
      "citation": "Ezechiel 18:14 (Clementine Vulgate)"
    },
    {
      "verse": 15,
      "text": "super montes non comederit, et oculos suos non levaverit ad idola domus Israël, et uxorem proximi sui non violaverit :",
      "citation": "Ezechiel 18:15 (Clementine Vulgate)"
    },
    {
      "verse": 16,
      "text": "et virum non contristaverit, pignus non retinuerit, et rapinam non rapuerit : panem suum esurienti dederit, et nudum operuerit vestimento :",
      "citation": "Ezechiel 18:16 (Clementine Vulgate)"
    },
    {
      "verse": 17,
      "text": "a pauperis injuria averterit manum suam, usuram et superabundantiam non acceperit, judicia mea fecerit, in præceptis meis ambulaverit : hic non morietur in iniquitate patris sui, sed vita vivet.",
      "citation": "Ezechiel 18:17 (Clementine Vulgate)"
    },
    {
      "verse": 18,
      "text": "Pater ejus, quia calumniatus est, et vim fecit fratri, et malum operatus est in medio populi sui, ecce mortuus est in iniquitate sua.",
      "citation": "Ezechiel 18:18 (Clementine Vulgate)"
    },
    {
      "verse": 19,
      "text": "Et dicitis : Quare non portavit filius iniquitatem patris ? Videlicet quia filius judicium et justitiam operatus est, omnia præcepta mea custodivit, et fecit illa, vivet vita.",
      "citation": "Ezechiel 18:19 (Clementine Vulgate)"
    },
    {
      "verse": 20,
      "text": "Anima quæ peccaverit, ipsa morietur : filius non portabit iniquitatem patris, et pater non portabit iniquitatem filii : justitia justi super eum erit, et impietas impii erit super eum.",
      "citation": "Ezechiel 18:20 (Clementine Vulgate)"
    },
    {
      "verse": 21,
      "text": "Si autem impius egerit pœnitentiam ab omnibus peccatis suis quæ operatus est, et custodierit omnia præcepta mea, et fecerit judicium et justitiam, vita vivet, et non morietur.",
      "citation": "Ezechiel 18:21 (Clementine Vulgate)"
    },
    {
      "verse": 22,
      "text": "Omnium iniquitatum ejus quas operatus est, non recordabor : in justitia sua quam operatus est, vivet.",
      "citation": "Ezechiel 18:22 (Clementine Vulgate)"
    },
    {
      "verse": 23,
      "text": "Numquid voluntatis meæ est mors impii, dicit Dominus Deus, et non ut convertatur a viis suis, et vivat ?",
      "citation": "Ezechiel 18:23 (Clementine Vulgate)"
    },
    {
      "verse": 24,
      "text": "Si autem averterit se justus a justitia sua, et fecerit iniquitatem secundum omnes abominationes quas operari solet impius, numquid vivet ? Omnes justitiæ ejus quas fecerat, non recordabuntur : in prævaricatione qua prævaricatus est, et in peccato suo quod peccavit, in ipsis morietur.",
      "citation": "Ezechiel 18:24 (Clementine Vulgate)"
    },
    {
      "verse": 25,
      "text": "Et dixistis : Non est æqua via Domini ! Audite ergo, domus Israël : numquid via mea non est æqua, et non magis viæ vestræ pravæ sunt ?",
      "citation": "Ezechiel 18:25 (Clementine Vulgate)"
    },
    {
      "verse": 26,
      "text": "Cum enim averterit se justus a justitia sua, et fecerit iniquitatem, morietur in eis : in injustitia quam operatus est morietur.",
      "citation": "Ezechiel 18:26 (Clementine Vulgate)"
    },
    {
      "verse": 27,
      "text": "Et cum averterit se impius ab impietate sua quam operatus est, et fecerit judicium et justitiam, ipse animam suam vivificabit :",
      "citation": "Ezechiel 18:27 (Clementine Vulgate)"
    },
    {
      "verse": 28,
      "text": "considerans enim, et avertens se ab omnibus iniquitatibus suis quas operatus est, vita vivet, et non morietur.",
      "citation": "Ezechiel 18:28 (Clementine Vulgate)"
    },
    {
      "verse": 29,
      "text": "Et dicunt filii Israël : Non est æqua via Domini ! Numquid viæ meæ non sunt æquæ, domus Israël, et non magis viæ vestræ pravæ ?",
      "citation": "Ezechiel 18:29 (Clementine Vulgate)"
    },
    {
      "verse": 30,
      "text": "Idcirco unumquemque juxta vias suas judicabo, domus Israël, ait Dominus Deus. Convertimini, et agite pœnitentiam ab omnibus iniquitatibus vestris, et non erit vobis in ruinam iniquitas.",
      "citation": "Ezechiel 18:30 (Clementine Vulgate)"
    },
    {
      "verse": 31,
      "text": "Projicite a vobis omnes prævaricationes vestras in quibus prævaricati estis, et facite vobis cor novum, et spiritum novum : et quare moriemini, domus Israël ?",
      "citation": "Ezechiel 18:31 (Clementine Vulgate)"
    },
    {
      "verse": 32,
      "text": "Quia nolo mortem morientis, dicit Dominus Deus : revertimini, et vivite.",
      "citation": "Ezechiel 18:32 (Clementine Vulgate)"
    }
  ]
}