{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 27 — 36 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 27,
    "verseCount": 36,
    "navigation": {
      "htmlUrl": "https://latinprayer.org/latin/ezechiel/27/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/26.json",
      "previousChapterHtmlUrl": "https://latinprayer.org/latin/ezechiel/26/",
      "nextChapter": "https://latinprayer.org/latin/ezechiel/28.json",
      "nextChapterHtmlUrl": "https://latinprayer.org/latin/ezechiel/28/"
    },
    "crossReferences": {
      "english": "https://latinprayer.org/bible/ezechiel/27.json",
      "englishHtmlUrl": "https://latinprayer.org/bible/ezechiel/27/",
      "german": "https://latinprayer.org/bibel/ezechiel/27.json",
      "germanHtmlUrl": "https://latinprayer.org/bibel/hesekiel/27/"
    }
  },
  "citation": "Ezechiel 27 (Clementine Vulgate)",
  "verses": [
    {
      "verse": 1,
      "text": "Et factum est verbum Domini ad me, dicens :",
      "citation": "Ezechiel 27:1 (Clementine Vulgate)"
    },
    {
      "verse": 2,
      "text": "Tu ergo, fili hominis, assume super Tyrum lamentum :",
      "citation": "Ezechiel 27:2 (Clementine Vulgate)"
    },
    {
      "verse": 3,
      "text": "et dices Tyro, quæ habitat in introitu maris, negotiationi populorum ad insulas multas : Hæc dicit Dominus Deus : O Tyre, tu dixisti : Perfecti decoris ego sum,",
      "citation": "Ezechiel 27:3 (Clementine Vulgate)"
    },
    {
      "verse": 4,
      "text": "et in corde maris sita. Finitimi tui qui te ædificaverunt, impleverunt decorem tuum :",
      "citation": "Ezechiel 27:4 (Clementine Vulgate)"
    },
    {
      "verse": 5,
      "text": "abietibus de Sanir exstruxerunt te cum omnibus tabulatis maris : cedrum de Libano tulerunt ut facerent tibi malum.",
      "citation": "Ezechiel 27:5 (Clementine Vulgate)"
    },
    {
      "verse": 6,
      "text": "Quercus de Basan dolaverunt in remos tuos, et transtra tua fecerunt tibi ex ebore indico, et prætoriola de insulis Italiæ.",
      "citation": "Ezechiel 27:6 (Clementine Vulgate)"
    },
    {
      "verse": 7,
      "text": "Byssus varia de Ægypto texta est tibi in velum ut poneretur in malo : hyacinthus et purpura de insulis Elisa facta sunt operimentum tuum.",
      "citation": "Ezechiel 27:7 (Clementine Vulgate)"
    },
    {
      "verse": 8,
      "text": "Habitatores Sidonis et Aradii fuerunt remiges tui : sapientes tui, Tyre, facti sunt gubernatores tui.",
      "citation": "Ezechiel 27:8 (Clementine Vulgate)"
    },
    {
      "verse": 9,
      "text": "Senes Giblii et prudentes ejus habuerunt nautas ad ministerium variæ supellectilis tuæ : omnes naves maris, et nautæ earum, fuerunt in populo negotiationis tuæ.",
      "citation": "Ezechiel 27:9 (Clementine Vulgate)"
    },
    {
      "verse": 10,
      "text": "Persæ, et Lydii, et Libyes erant in exercitu tuo viri bellatores tui : clypeum et galeam suspenderunt in te pro ornatu tuo.",
      "citation": "Ezechiel 27:10 (Clementine Vulgate)"
    },
    {
      "verse": 11,
      "text": "Filii Aradii cum exercitu tuo erant super muros tuos in circuitu : sed et Pigmæi qui erant in turribus tuis, pharetras suas suspenderunt in muris tuis per gyrum : ipsi compleverunt pulchritudinem tuam.",
      "citation": "Ezechiel 27:11 (Clementine Vulgate)"
    },
    {
      "verse": 12,
      "text": "Carthaginenses negotiatores tui, a multitudine cunctarum divitiarum, argento, ferro, stanno, plumboque repleverunt nundinas tuas.",
      "citation": "Ezechiel 27:12 (Clementine Vulgate)"
    },
    {
      "verse": 13,
      "text": "Græcia, Thubal, et Mosoch, ipsi institores tui : mancipia, et vasa ærea advexerunt populo tuo.",
      "citation": "Ezechiel 27:13 (Clementine Vulgate)"
    },
    {
      "verse": 14,
      "text": "De domo Thogorma, equos, et equites, et mulos adduxerunt ad forum tuum.",
      "citation": "Ezechiel 27:14 (Clementine Vulgate)"
    },
    {
      "verse": 15,
      "text": "Filii Dedan negotiatores tui ; insulæ multæ, negotiatio manus tuæ : dentes eburneos et hebeninos commutaverunt in pretio tuo.",
      "citation": "Ezechiel 27:15 (Clementine Vulgate)"
    },
    {
      "verse": 16,
      "text": "Syrus negotiator tuus propter multitudinem operum tuorum : gemmam, et purpuram, et scutulata, et byssum, et sericum, et chodchod proposuerunt in mercatu tuo.",
      "citation": "Ezechiel 27:16 (Clementine Vulgate)"
    },
    {
      "verse": 17,
      "text": "Juda et terra Israël, ipsi institores tui in frumento primo : balsamum, et mel, et oleum, et resinam proposuerunt in nundinis tuis.",
      "citation": "Ezechiel 27:17 (Clementine Vulgate)"
    },
    {
      "verse": 18,
      "text": "Damascenus negotiator tuus in multitudine operum tuorum, in multitudine diversarum opum, in vino pingui, in lanis coloris optimi.",
      "citation": "Ezechiel 27:18 (Clementine Vulgate)"
    },
    {
      "verse": 19,
      "text": "Dan, et Græcia, et Mosel, in nundinis tuis proposuerunt ferrum fabrefactum : stacte et calamus in negotiatione tua.",
      "citation": "Ezechiel 27:19 (Clementine Vulgate)"
    },
    {
      "verse": 20,
      "text": "Dedan institores tui in tapetibus ad sedendum.",
      "citation": "Ezechiel 27:20 (Clementine Vulgate)"
    },
    {
      "verse": 21,
      "text": "Arabia et universi principes Cedar, ipsi negotiatores manus tuæ : cum agnis, et arietibus, et hædis, venerunt ad te negotiatores tui.",
      "citation": "Ezechiel 27:21 (Clementine Vulgate)"
    },
    {
      "verse": 22,
      "text": "Venditores Saba et Reema, ipsi negotiatores tui : cum universis primis aromatibus, et lapide pretioso, et auro, quod proposuerunt in mercatu tuo.",
      "citation": "Ezechiel 27:22 (Clementine Vulgate)"
    },
    {
      "verse": 23,
      "text": "Haran, et Chene, et Eden, negotiatores tui ; Saba, Assur, et Chelmad venditores tui.",
      "citation": "Ezechiel 27:23 (Clementine Vulgate)"
    },
    {
      "verse": 24,
      "text": "Ipsi negotiatores tui multifariam, involucris hyacinthi, et polymitorum, gazarumque pretiosarum, quæ obvolutæ et astrictæ erant funibus : cedros quoque habebant in negotiationibus tuis.",
      "citation": "Ezechiel 27:24 (Clementine Vulgate)"
    },
    {
      "verse": 25,
      "text": "Naves maris, principes tui in negotiatione tua : et repleta es, et glorificata nimis in corde maris.",
      "citation": "Ezechiel 27:25 (Clementine Vulgate)"
    },
    {
      "verse": 26,
      "text": "In aquis multis adduxerunt te remiges tui : ventus auster contrivit te in corde maris.",
      "citation": "Ezechiel 27:26 (Clementine Vulgate)"
    },
    {
      "verse": 27,
      "text": "Divitiæ tuæ, et thesauri tui, et multiplex instrumentum tuum : nautæ tui et gubernatores tui, qui tenebant supellectilem tuam, et populo tuo præerant : viri quoque bellatores tui, qui erant in te, cum universa multitudine tua quæ est in medio tui, cadent in corde maris in die ruinæ tuæ :",
      "citation": "Ezechiel 27:27 (Clementine Vulgate)"
    },
    {
      "verse": 28,
      "text": "a sonitu clamoris gubernatorum tuorum conturbabuntur classes.",
      "citation": "Ezechiel 27:28 (Clementine Vulgate)"
    },
    {
      "verse": 29,
      "text": "Et descendent de navibus suis omnes qui tenebant remum : nautæ et universi gubernatores maris in terra stabunt.",
      "citation": "Ezechiel 27:29 (Clementine Vulgate)"
    },
    {
      "verse": 30,
      "text": "Et ejulabunt super te voce magna : et clamabunt amare, et superjacient pulverem capitibus suis, et cinere conspergentur.",
      "citation": "Ezechiel 27:30 (Clementine Vulgate)"
    },
    {
      "verse": 31,
      "text": "Et radent super te calvitium, et accingentur ciliciis : et plorabunt te in amaritudine animæ, ploratu amarissimo.",
      "citation": "Ezechiel 27:31 (Clementine Vulgate)"
    },
    {
      "verse": 32,
      "text": "Et assument super te carmen lugubre, et plangent te : Quæ est ut Tyrus, quæ obmutuit in medio maris ?",
      "citation": "Ezechiel 27:32 (Clementine Vulgate)"
    },
    {
      "verse": 33,
      "text": "Quæ in exitu negotiationum tuarum de mari implesti populos multos : in multitudine divitiarum tuarum, et populorum tuorum, ditasti reges terræ.",
      "citation": "Ezechiel 27:33 (Clementine Vulgate)"
    },
    {
      "verse": 34,
      "text": "Nunc contrita es a mari : in profundis aquarum opes tuæ, et omnis multitudo tua quæ erat in medio tui, ceciderunt.",
      "citation": "Ezechiel 27:34 (Clementine Vulgate)"
    },
    {
      "verse": 35,
      "text": "Universi habitatores insularum obstupuerunt super te, et reges earum omnes tempestate perculsi mutaverunt vultus.",
      "citation": "Ezechiel 27:35 (Clementine Vulgate)"
    },
    {
      "verse": 36,
      "text": "Negotiatores populorum sibilaverunt super te : ad nihilum deducta es, et non eris usque in perpetuum.",
      "citation": "Ezechiel 27:36 (Clementine Vulgate)"
    }
  ]
}