{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 29 — 21 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 29,
    "verseCount": 21,
    "navigation": {
      "htmlUrl": "https://latinprayer.org/latin/ezechiel/29/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/28.json",
      "previousChapterHtmlUrl": "https://latinprayer.org/latin/ezechiel/28/",
      "nextChapter": "https://latinprayer.org/latin/ezechiel/30.json",
      "nextChapterHtmlUrl": "https://latinprayer.org/latin/ezechiel/30/"
    },
    "crossReferences": {
      "english": "https://latinprayer.org/bible/ezechiel/29.json",
      "englishHtmlUrl": "https://latinprayer.org/bible/ezechiel/29/",
      "german": "https://latinprayer.org/bibel/ezechiel/29.json",
      "germanHtmlUrl": "https://latinprayer.org/bibel/hesekiel/29/"
    }
  },
  "citation": "Ezechiel 29 (Clementine Vulgate)",
  "verses": [
    {
      "verse": 1,
      "text": "In anno decimo, decimo mense, undecima die mensis, factum est verbum Domini ad me, dicens :",
      "citation": "Ezechiel 29:1 (Clementine Vulgate)"
    },
    {
      "verse": 2,
      "text": "Fili hominis, pone faciem tuam contra Pharaonem regem Ægypti, et prophetabis de eo, et de Ægypto universa.",
      "citation": "Ezechiel 29:2 (Clementine Vulgate)"
    },
    {
      "verse": 3,
      "text": "Loquere, et dices : Hæc dicit Dominus Deus : Ecce ego ad te, Pharao rex Ægypti, draco magne, qui cubas in medio fluminum tuorum, et dicis : Meus est fluvius, et ego feci memetipsum.",
      "citation": "Ezechiel 29:3 (Clementine Vulgate)"
    },
    {
      "verse": 4,
      "text": "Et ponam frenum in maxillis tuis, et agglutinabo pisces fluminum tuorum squamis tuis, et extraham te de medio fluminum tuorum, et universi pisces tui squamis tuis adhærebunt.",
      "citation": "Ezechiel 29:4 (Clementine Vulgate)"
    },
    {
      "verse": 5,
      "text": "Et projiciam te in desertum, et omnes pisces fluminis tui : super faciem terræ cades ; non colligeris, neque congregaberis : bestiis terræ et volatilibus cæli dedi te ad devorandum.",
      "citation": "Ezechiel 29:5 (Clementine Vulgate)"
    },
    {
      "verse": 6,
      "text": "Et scient omnes habitatores Ægypti quia ego Dominus, pro eo quod fuisti baculus arundineus domui Israël :",
      "citation": "Ezechiel 29:6 (Clementine Vulgate)"
    },
    {
      "verse": 7,
      "text": "quando apprehenderunt te manu, et confractus es, et lacerasti omnem humerum eorum : et innitentibus eis super te comminutus es, et dissolvisti omnes renes eorum.",
      "citation": "Ezechiel 29:7 (Clementine Vulgate)"
    },
    {
      "verse": 8,
      "text": "Propterea hæc dicit Dominus Deus : Ecce ego adducam super te gladium, et interficiam de te hominem et jumentum.",
      "citation": "Ezechiel 29:8 (Clementine Vulgate)"
    },
    {
      "verse": 9,
      "text": "Et erit terra Ægypti in desertum et in solitudinem : et scient quia ego Dominus, pro eo quod dixeris : Fluvius meus est, et ego feci eum.",
      "citation": "Ezechiel 29:9 (Clementine Vulgate)"
    },
    {
      "verse": 10,
      "text": "Idcirco ecce ego ad te, et ad flumina tua : daboque terram Ægypti in solitudines, gladio dissipatam, a turre Syenes usque ad terminos Æthiopiæ.",
      "citation": "Ezechiel 29:10 (Clementine Vulgate)"
    },
    {
      "verse": 11,
      "text": "Non pertransibit eam pes hominis, neque pes jumenti gradietur in ea, et non habitabitur quadraginta annis.",
      "citation": "Ezechiel 29:11 (Clementine Vulgate)"
    },
    {
      "verse": 12,
      "text": "Daboque terram Ægypti desertam in medio terrarum desertarum, et civitates ejus in medio urbium subversarum, et erunt desolatæ quadraginta annis : et dispergam Ægyptios in nationes, et ventilabo eos in terras.",
      "citation": "Ezechiel 29:12 (Clementine Vulgate)"
    },
    {
      "verse": 13,
      "text": "Quia hæc dicit Dominus Deus : Post finem quadraginta annorum congregabo Ægyptum de populis in quibus dispersi fuerant.",
      "citation": "Ezechiel 29:13 (Clementine Vulgate)"
    },
    {
      "verse": 14,
      "text": "Et reducam captivitatem Ægypti, et collocabo eos in terra Phathures, in terra nativitatis suæ, et erunt ibi in regnum humile.",
      "citation": "Ezechiel 29:14 (Clementine Vulgate)"
    },
    {
      "verse": 15,
      "text": "Inter cetera regna erit humillima, et non elevabitur ultra super nationes, et imminuam eos ne imperent gentibus.",
      "citation": "Ezechiel 29:15 (Clementine Vulgate)"
    },
    {
      "verse": 16,
      "text": "Neque erunt ultra domui Israël in confidentia, docentes iniquitatem ut fugiant, et sequantur eos : et scient quia ego Dominus Deus.",
      "citation": "Ezechiel 29:16 (Clementine Vulgate)"
    },
    {
      "verse": 17,
      "text": "Et factum est in vigesimo et septimo anno, in primo, in una mensis : factum est verbum Domini ad me, dicens :",
      "citation": "Ezechiel 29:17 (Clementine Vulgate)"
    },
    {
      "verse": 18,
      "text": "Fili hominis, Nabuchodonosor rex Babylonis servire fecit exercitum suum servitute magna adversum Tyrum : omne caput decalvatum, et omnis humerus depilatus est : et merces non est reddita ei, neque exercitui ejus, de Tyro, pro servitute qua servivit mihi adversus eam.",
      "citation": "Ezechiel 29:18 (Clementine Vulgate)"
    },
    {
      "verse": 19,
      "text": "Propterea hæc dicit Dominus Deus : Ecce ego dabo Nabuchodonosor regem Babylonis in terra Ægypti : et accipiet multitudinem ejus, et deprædabitur manubias ejus, et diripiet spolia ejus : et erit merces exercitui illius,",
      "citation": "Ezechiel 29:19 (Clementine Vulgate)"
    },
    {
      "verse": 20,
      "text": "et operi quo servivit adversus eam : dedi ei terram Ægypti pro eo quod laboraverit mihi, ait Dominus Deus.",
      "citation": "Ezechiel 29:20 (Clementine Vulgate)"
    },
    {
      "verse": 21,
      "text": "In die illo pullulabit cornu domui Israël, et tibi dabo apertum os in medio eorum, et scient quia ego Dominus.",
      "citation": "Ezechiel 29:21 (Clementine Vulgate)"
    }
  ]
}