{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 3 — 27 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 3,
    "verseCount": 27,
    "navigation": {
      "htmlUrl": "https://latinprayer.org/latin/ezechiel/3/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/2.json",
      "previousChapterHtmlUrl": "https://latinprayer.org/latin/ezechiel/2/",
      "nextChapter": "https://latinprayer.org/latin/ezechiel/4.json",
      "nextChapterHtmlUrl": "https://latinprayer.org/latin/ezechiel/4/"
    },
    "crossReferences": {
      "english": "https://latinprayer.org/bible/ezechiel/3.json",
      "englishHtmlUrl": "https://latinprayer.org/bible/ezechiel/3/",
      "german": "https://latinprayer.org/bibel/ezechiel/3.json",
      "germanHtmlUrl": "https://latinprayer.org/bibel/hesekiel/3/"
    }
  },
  "citation": "Ezechiel 3 (Clementine Vulgate)",
  "verses": [
    {
      "verse": 1,
      "text": "Et dixit ad me : Fili hominis, quodcumque inveneris, comede : comede volumen istud, et vadens loquere ad filios Israël.",
      "citation": "Ezechiel 3:1 (Clementine Vulgate)"
    },
    {
      "verse": 2,
      "text": "Et aperui os meum, et cibavit me volumine illo :",
      "citation": "Ezechiel 3:2 (Clementine Vulgate)"
    },
    {
      "verse": 3,
      "text": "et dixit ad me : Fili hominis, venter tuus comedet, et viscera tua complebuntur volumine isto quod ego do tibi. Et comedi illud, et factum est in ore meo sicut mel dulce.",
      "citation": "Ezechiel 3:3 (Clementine Vulgate)"
    },
    {
      "verse": 4,
      "text": "Et dixit ad me : Fili hominis, vade ad domum Israël, et loqueris verba mea ad eos.",
      "citation": "Ezechiel 3:4 (Clementine Vulgate)"
    },
    {
      "verse": 5,
      "text": "Non enim ad populum profundi sermonis et ignotæ linguæ tu mitteris ad domum Israël :",
      "citation": "Ezechiel 3:5 (Clementine Vulgate)"
    },
    {
      "verse": 6,
      "text": "neque ad populos multos profundi sermonis et ignotæ linguæ, quorum non possis audire sermones : et si ad illos mittereris, ipsi audirent te :",
      "citation": "Ezechiel 3:6 (Clementine Vulgate)"
    },
    {
      "verse": 7,
      "text": "domus autem Israël nolunt audire te, quia nolunt audire me : omnis quippe domus Israël attrita fronte est, et duro corde.",
      "citation": "Ezechiel 3:7 (Clementine Vulgate)"
    },
    {
      "verse": 8,
      "text": "Ecce dedi faciem tuam valentiorem faciebus eorum, et frontem tuam duriorem frontibus eorum :",
      "citation": "Ezechiel 3:8 (Clementine Vulgate)"
    },
    {
      "verse": 9,
      "text": "ut adamantem et ut silicem dedi faciem tuam : ne timeas eos, neque metuas a facie eorum, quia domus exasperans est.",
      "citation": "Ezechiel 3:9 (Clementine Vulgate)"
    },
    {
      "verse": 10,
      "text": "Et dixit ad me : Fili hominis, omnes sermones meos quos ego loquor ad te, assume in corde tuo, et auribus tuis audi :",
      "citation": "Ezechiel 3:10 (Clementine Vulgate)"
    },
    {
      "verse": 11,
      "text": "et vade, ingredere ad transmigrationem, ad filios populi tui, et loqueris ad eos : et dices eis : Hæc dicit Dominus Deus : si forte audiant et quiescant.",
      "citation": "Ezechiel 3:11 (Clementine Vulgate)"
    },
    {
      "verse": 12,
      "text": "Et assumpsit me spiritus, et audivi post me vocem commotionis magnæ : Benedicta gloria Domini de loco suo :",
      "citation": "Ezechiel 3:12 (Clementine Vulgate)"
    },
    {
      "verse": 13,
      "text": "et vocem alarum animalium percutientium alteram ad alteram, et vocem rotarum sequentium animalia, et vocem commotionis magnæ.",
      "citation": "Ezechiel 3:13 (Clementine Vulgate)"
    },
    {
      "verse": 14,
      "text": "Spiritus quoque levavit me, et assumpsit me : et abii amarus in indignatione spiritus mei : manus enim Domini erat mecum, confortans me.",
      "citation": "Ezechiel 3:14 (Clementine Vulgate)"
    },
    {
      "verse": 15,
      "text": "Et veni ad transmigrationem, ad acervum novarum frugum, ad eos qui habitabant juxta flumen Chobar : et sedi ubi illi sedebant, et mansi ibi septem diebus mœrens in medio eorum.",
      "citation": "Ezechiel 3:15 (Clementine Vulgate)"
    },
    {
      "verse": 16,
      "text": "Cum autem pertransissent septem dies, factum est verbum Domini ad me, dicens :",
      "citation": "Ezechiel 3:16 (Clementine Vulgate)"
    },
    {
      "verse": 17,
      "text": "Fili hominis, speculatorem dedi te domui Israël, et audies de ore meo verbum, et annuntiabis eis ex me.",
      "citation": "Ezechiel 3:17 (Clementine Vulgate)"
    },
    {
      "verse": 18,
      "text": "Si, dicente me ad impium : Morte morieris, non annuntiaveris ei, neque locutus fueris ut avertatur a via sua impia et vivat, ipse impius in iniquitate sua morietur, sanguinem autem ejus de manu tua requiram.",
      "citation": "Ezechiel 3:18 (Clementine Vulgate)"
    },
    {
      "verse": 19,
      "text": "Si autem tu annuntiaveris impio, et ille non fuerit conversus ab impietate sua et a via sua impia, ipse quidem in iniquitate sua morietur : tu autem animam tuam liberasti.",
      "citation": "Ezechiel 3:19 (Clementine Vulgate)"
    },
    {
      "verse": 20,
      "text": "Sed et si conversus justus a justitia sua fuerit, et fecerit iniquitatem, ponam offendiculum coram eo : ipse morietur quia non annuntiasti ei. In peccato suo morietur, et non erunt in memoria justitiæ ejus quas fecit : sanguinem vero ejus de manu tua requiram.",
      "citation": "Ezechiel 3:20 (Clementine Vulgate)"
    },
    {
      "verse": 21,
      "text": "Si autem tu annuntiaveris justo ut non peccet justus, et ille non peccaverit, vivens vivet, quia annuntiasti ei, et tu animam tuam liberasti.",
      "citation": "Ezechiel 3:21 (Clementine Vulgate)"
    },
    {
      "verse": 22,
      "text": "Et facta est super me manus Domini, et dixit ad me : Surgens egredere in campum, et ibi loquar tecum.",
      "citation": "Ezechiel 3:22 (Clementine Vulgate)"
    },
    {
      "verse": 23,
      "text": "Et surgens egressus sum in campum : et ecce ibi gloria Domini stabat, quasi gloria quam vidi juxta fluvium Chobar : et cecidi in faciem meam.",
      "citation": "Ezechiel 3:23 (Clementine Vulgate)"
    },
    {
      "verse": 24,
      "text": "Et ingressus est in me spiritus, et statuit me super pedes meos, et locutus est mihi, et dixit ad me : Ingredere, et includere in medio domus tuæ.",
      "citation": "Ezechiel 3:24 (Clementine Vulgate)"
    },
    {
      "verse": 25,
      "text": "Et tu, fili hominis, ecce data sunt super te vincula, et ligabunt te in eis, et non egredieris de medio eorum.",
      "citation": "Ezechiel 3:25 (Clementine Vulgate)"
    },
    {
      "verse": 26,
      "text": "Et linguam tuam adhærere faciam palato tuo, et eris mutus, nec quasi vir objurgans, quia domus exasperans est.",
      "citation": "Ezechiel 3:26 (Clementine Vulgate)"
    },
    {
      "verse": 27,
      "text": "Cum autem locutus fuero tibi, aperiam os tuum, et dices ad eos : Hæc dicit Dominus Deus : Qui audit, audiat, et qui quiescit, quiescat : quia domus exasperans est.",
      "citation": "Ezechiel 3:27 (Clementine Vulgate)"
    }
  ]
}