{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 31 — 18 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 31,
    "verseCount": 18,
    "navigation": {
      "htmlUrl": "https://latinprayer.org/latin/ezechiel/31/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/30.json",
      "previousChapterHtmlUrl": "https://latinprayer.org/latin/ezechiel/30/",
      "nextChapter": "https://latinprayer.org/latin/ezechiel/32.json",
      "nextChapterHtmlUrl": "https://latinprayer.org/latin/ezechiel/32/"
    },
    "crossReferences": {
      "english": "https://latinprayer.org/bible/ezechiel/31.json",
      "englishHtmlUrl": "https://latinprayer.org/bible/ezechiel/31/",
      "german": "https://latinprayer.org/bibel/ezechiel/31.json",
      "germanHtmlUrl": "https://latinprayer.org/bibel/hesekiel/31/"
    }
  },
  "citation": "Ezechiel 31 (Clementine Vulgate)",
  "verses": [
    {
      "verse": 1,
      "text": "Et factum est in anno undecimo, tertio mense, una mensis : factum est verbum Domini ad me, dicens :",
      "citation": "Ezechiel 31:1 (Clementine Vulgate)"
    },
    {
      "verse": 2,
      "text": "Fili hominis, dic Pharaoni regi Ægypti et populo ejus : Cui similis factus es in magnitudine tua ?",
      "citation": "Ezechiel 31:2 (Clementine Vulgate)"
    },
    {
      "verse": 3,
      "text": "ecce Assur quasi cedrus in Libano, pulcher ramis, et frondibus nemorosus, excelsusque altitudine, et inter condensas frondes elevatum est cacumen ejus.",
      "citation": "Ezechiel 31:3 (Clementine Vulgate)"
    },
    {
      "verse": 4,
      "text": "Aquæ nutrierunt illum ; abyssus exaltavit illum : flumina ejus manabant in circuitu radicum ejus, et rivos suos emisit ad universa ligna regionis.",
      "citation": "Ezechiel 31:4 (Clementine Vulgate)"
    },
    {
      "verse": 5,
      "text": "Propterea elevata est altitudo ejus super omnia ligna regionis, et multiplicata sunt arbusta ejus, et elevati sunt rami ejus præ aquis multis.",
      "citation": "Ezechiel 31:5 (Clementine Vulgate)"
    },
    {
      "verse": 6,
      "text": "Cumque extendisset umbram suam, in ramis ejus fecerunt nidos omnia volatilia cæli : et sub frondibus ejus genuerunt omnes bestiæ saltuum, et sub umbraculo illius habitabat cœtus gentium plurimarum.",
      "citation": "Ezechiel 31:6 (Clementine Vulgate)"
    },
    {
      "verse": 7,
      "text": "Eratque pulcherrimus in magnitudine sua, et in dilatatione arbustorum suorum : erat enim radix illius juxta aquas multas.",
      "citation": "Ezechiel 31:7 (Clementine Vulgate)"
    },
    {
      "verse": 8,
      "text": "Cedri non fuerunt altiores illo in paradiso Dei ; abietes non adæquaverunt summitatem ejus, et platani non fuerunt æquæ frondibus illius : omne lignum paradisi Dei non est assimilatum illi, et pulchritudini ejus.",
      "citation": "Ezechiel 31:8 (Clementine Vulgate)"
    },
    {
      "verse": 9,
      "text": "Quoniam speciosum feci eum, et multis condensisque frondibus, et æmulata sunt eum omnia ligna voluptatis quæ erant in paradiso Dei.",
      "citation": "Ezechiel 31:9 (Clementine Vulgate)"
    },
    {
      "verse": 10,
      "text": "Propterea hæc dicit Dominus Deus : Pro eo quod sublimatus est in altitudine, et dedit summitatem suam virentem atque condensam, et elevatum est cor ejus in altitudine sua :",
      "citation": "Ezechiel 31:10 (Clementine Vulgate)"
    },
    {
      "verse": 11,
      "text": "tradidi eum in manu fortissimi gentium : faciens faciet ei : juxta impietatem ejus ejeci eum.",
      "citation": "Ezechiel 31:11 (Clementine Vulgate)"
    },
    {
      "verse": 12,
      "text": "Et succident eum alieni, et crudelissimi nationum, et projicient eum super montes : et in cunctis convallibus corruent rami ejus, et confringentur arbusta ejus in universis rupibus terræ : et recedent de umbraculo ejus omnes populi terræ, et relinquent eum.",
      "citation": "Ezechiel 31:12 (Clementine Vulgate)"
    },
    {
      "verse": 13,
      "text": "In ruina ejus habitaverunt omnia volatilia cæli, et in ramis ejus fuerunt universæ bestiæ regionis.",
      "citation": "Ezechiel 31:13 (Clementine Vulgate)"
    },
    {
      "verse": 14,
      "text": "Quam ob rem non elevabuntur in altitudine sua omnia ligna aquarum, nec ponent sublimitatem suam inter nemorosa atque frondosa, nec stabunt in sublimitate sua omnia quæ irrigantur aquis : quia omnes traditi sunt in mortem ad terram ultimam, in medio filiorum hominum, ad eos qui descendunt in lacum.",
      "citation": "Ezechiel 31:14 (Clementine Vulgate)"
    },
    {
      "verse": 15,
      "text": "Hæc dicit Dominus Deus : In die quando descendit ad inferos, induxi luctum : operui eum abysso, et prohibui flumina ejus, et coërcui aquas multas : contristatus est super eum Libanus, et omnia ligna agri concussa sunt.",
      "citation": "Ezechiel 31:15 (Clementine Vulgate)"
    },
    {
      "verse": 16,
      "text": "A sonitu ruinæ ejus commovi gentes cum deducerem eum ad infernum cum his qui descendebant in lacum : et consolata sunt in terra infima omnia ligna voluptatis egregia atque præclara in Libano, universa quæ irrigabantur aquis.",
      "citation": "Ezechiel 31:16 (Clementine Vulgate)"
    },
    {
      "verse": 17,
      "text": "Nam et ipsi cum eo descendent in infernum ad interfectos gladio : et brachium uniuscujusque sedebit sub umbraculo ejus in medio nationum.",
      "citation": "Ezechiel 31:17 (Clementine Vulgate)"
    },
    {
      "verse": 18,
      "text": "Cui assimilatus es, o inclyte atque sublimis inter ligna voluptatis ? ecce deductus es cum lignis voluptatis ad terram ultimam : in medio incircumcisorum dormies, cum eis qui interfecti sunt gladio : ipse est Pharao, et omnis multitudo ejus, dicit Dominus Deus.",
      "citation": "Ezechiel 31:18 (Clementine Vulgate)"
    }
  ]
}