{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 32 — 32 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 32,
    "verseCount": 32,
    "navigation": {
      "htmlUrl": "https://latinprayer.org/latin/ezechiel/32/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/31.json",
      "previousChapterHtmlUrl": "https://latinprayer.org/latin/ezechiel/31/",
      "nextChapter": "https://latinprayer.org/latin/ezechiel/33.json",
      "nextChapterHtmlUrl": "https://latinprayer.org/latin/ezechiel/33/"
    },
    "crossReferences": {
      "english": "https://latinprayer.org/bible/ezechiel/32.json",
      "englishHtmlUrl": "https://latinprayer.org/bible/ezechiel/32/",
      "german": "https://latinprayer.org/bibel/ezechiel/32.json",
      "germanHtmlUrl": "https://latinprayer.org/bibel/hesekiel/32/"
    }
  },
  "citation": "Ezechiel 32 (Clementine Vulgate)",
  "verses": [
    {
      "verse": 1,
      "text": "Et factum est, duodecimo anno, in mense duodecimo, in una mensis : factum est verbum Domini ad me, dicens :",
      "citation": "Ezechiel 32:1 (Clementine Vulgate)"
    },
    {
      "verse": 2,
      "text": "Fili hominis, assume lamentum super Pharaonem regem Ægypti, et dices ad eum : Leoni gentium assimilatus es, et draconi qui est in mari : et ventilabas cornu in fluminibus tuis, et conturbabas aquas pedibus tuis, et conculcabas flumina earum.",
      "citation": "Ezechiel 32:2 (Clementine Vulgate)"
    },
    {
      "verse": 3,
      "text": "Propterea hæc dicit Dominus Deus : Expandam super te rete meum in multitudine populorum multorum, et extraham te in sagena mea.",
      "citation": "Ezechiel 32:3 (Clementine Vulgate)"
    },
    {
      "verse": 4,
      "text": "Et projiciam te in terram ; super faciem agri abjiciam te : et habitare faciam super te omnia volatilia cæli, et saturabo de te bestias universæ terræ.",
      "citation": "Ezechiel 32:4 (Clementine Vulgate)"
    },
    {
      "verse": 5,
      "text": "Et dabo carnes tuas super montes, et implebo colles tuos sanie tua.",
      "citation": "Ezechiel 32:5 (Clementine Vulgate)"
    },
    {
      "verse": 6,
      "text": "Et irrigabo terram fœtore sanguinis tui super montes, et valles implebuntur ex te.",
      "citation": "Ezechiel 32:6 (Clementine Vulgate)"
    },
    {
      "verse": 7,
      "text": "Et operiam, cum extinctus fueris, cælum, et nigrescere faciam stellas ejus : solem nube tegam, et luna non dabit lumen suum.",
      "citation": "Ezechiel 32:7 (Clementine Vulgate)"
    },
    {
      "verse": 8,
      "text": "Omnia luminaria cæli mœrere faciam super te, et dabo tenebras super terram tuam, dicit Dominus Deus, cum ceciderint vulnerati tui in medio terræ, ait Dominus Deus.",
      "citation": "Ezechiel 32:8 (Clementine Vulgate)"
    },
    {
      "verse": 9,
      "text": "Et irritabo cor populorum multorum, cum induxero contritionem tuam in gentibus super terras quas nescis.",
      "citation": "Ezechiel 32:9 (Clementine Vulgate)"
    },
    {
      "verse": 10,
      "text": "Et stupescere faciam super te populos multos, et reges eorum horrore nimio formidabunt super te, cum volare cœperit gladius meus super facies eorum : et obstupescent repente singuli pro anima sua in die ruinæ tuæ.",
      "citation": "Ezechiel 32:10 (Clementine Vulgate)"
    },
    {
      "verse": 11,
      "text": "Quia hæc dicit Dominus Deus : Gladius regis Babylonis veniet tibi.",
      "citation": "Ezechiel 32:11 (Clementine Vulgate)"
    },
    {
      "verse": 12,
      "text": "In gladiis fortium dejiciam multitudinem tuam : inexpugnabiles omnes gentes hæ, et vastabunt superbiam Ægypti, et dissipabitur multitudo ejus.",
      "citation": "Ezechiel 32:12 (Clementine Vulgate)"
    },
    {
      "verse": 13,
      "text": "Et perdam omnia jumenta ejus, quæ erant super aquas plurimas : et non conturbabit eas pes hominis ultra, neque ungula jumentorum turbabit eas.",
      "citation": "Ezechiel 32:13 (Clementine Vulgate)"
    },
    {
      "verse": 14,
      "text": "Tunc purissimas reddam aquas eorum, et flumina eorum quasi oleum adducam, ait Dominus Deus,",
      "citation": "Ezechiel 32:14 (Clementine Vulgate)"
    },
    {
      "verse": 15,
      "text": "cum dedero terram Ægypti desolatam : deseretur autem terra a plenitudine sua quando percussero omnes habitatores ejus : et scient quia ego Dominus.",
      "citation": "Ezechiel 32:15 (Clementine Vulgate)"
    },
    {
      "verse": 16,
      "text": "Planctus est, et plangent eum : filiæ gentium plangent eum : super Ægyptum et super multitudinem ejus plangent eum, ait Dominus Deus.",
      "citation": "Ezechiel 32:16 (Clementine Vulgate)"
    },
    {
      "verse": 17,
      "text": "Et factum est in duodecimo anno, in quintadecima mensis : factum est verbum Domini ad me, dicens :",
      "citation": "Ezechiel 32:17 (Clementine Vulgate)"
    },
    {
      "verse": 18,
      "text": "Fili hominis, cane lugubre super multitudinem Ægypti : et detrahe eam ipsam, et filias gentium robustarum, ad terram ultimam, cum his qui descendunt in lacum.",
      "citation": "Ezechiel 32:18 (Clementine Vulgate)"
    },
    {
      "verse": 19,
      "text": "Quo pulchrior es ? descende, et dormi cum incircumcisis.",
      "citation": "Ezechiel 32:19 (Clementine Vulgate)"
    },
    {
      "verse": 20,
      "text": "In medio interfectorum gladio cadent ; gladius datus est : attraxerunt eam et omnes populos ejus.",
      "citation": "Ezechiel 32:20 (Clementine Vulgate)"
    },
    {
      "verse": 21,
      "text": "Loquentur ei potentissimi robustorum de medio inferni, qui cum auxiliatoribus ejus descenderunt, et dormierunt incircumcisi interfecti gladio.",
      "citation": "Ezechiel 32:21 (Clementine Vulgate)"
    },
    {
      "verse": 22,
      "text": "Ibi Assur, et omnis multitudo ejus : in circuitu illius sepulchra ejus, omnes interfecti, et qui ceciderunt gladio.",
      "citation": "Ezechiel 32:22 (Clementine Vulgate)"
    },
    {
      "verse": 23,
      "text": "Quorum data sunt sepulchra in novissimis laci, et facta est multitudo ejus per gyrum sepulchri ejus : universi interfecti, cadentesque gladio, qui dederant quondam formidinem in terra viventium.",
      "citation": "Ezechiel 32:23 (Clementine Vulgate)"
    },
    {
      "verse": 24,
      "text": "Ibi Ælam, et omnis multitudo ejus per gyrum sepulchri sui : omnes hi interfecti, ruentesque gladio, qui descenderunt incircumcisi ad terram ultimam ; qui posuerunt terrorem suum in terra viventium, et portaverunt ignominiam suam cum his qui descendunt in lacum.",
      "citation": "Ezechiel 32:24 (Clementine Vulgate)"
    },
    {
      "verse": 25,
      "text": "In medio interfectorum posuerunt cubile ejus in universis populis ejus : in circuitu ejus sepulchrum illius : omnes hi incircumcisi, interfectique gladio. Dederunt enim terrorem suum in terra viventium, et portaverunt ignominiam suam cum his qui descendunt in lacum : in medio interfectorum positi sunt.",
      "citation": "Ezechiel 32:25 (Clementine Vulgate)"
    },
    {
      "verse": 26,
      "text": "Ibi Mosoch et Thubal, et omnis multitudo ejus : in circuitu ejus sepulchra illius : omnes hi incircumcisi, interfectique et cadentes gladio, quia dederunt formidinem suam in terra viventium.",
      "citation": "Ezechiel 32:26 (Clementine Vulgate)"
    },
    {
      "verse": 27,
      "text": "Et non dormient cum fortibus, cadentibusque, et incircumcisis, qui descenderunt ad infernum cum armis suis, et posuerunt gladios suos sub capitibus suis, et fuerunt iniquitates eorum in ossibus eorum : quia terror fortium facti sunt in terra viventium.",
      "citation": "Ezechiel 32:27 (Clementine Vulgate)"
    },
    {
      "verse": 28,
      "text": "Et tu ergo in medio incircumcisorum contereris, et dormies cum interfectis gladio.",
      "citation": "Ezechiel 32:28 (Clementine Vulgate)"
    },
    {
      "verse": 29,
      "text": "Ibi Idumæa, et reges ejus, et omnes duces ejus, qui dati sunt cum exercitu suo cum interfectis gladio, et qui cum incircumcisis dormierunt, et cum his qui descendunt in lacum.",
      "citation": "Ezechiel 32:29 (Clementine Vulgate)"
    },
    {
      "verse": 30,
      "text": "Ibi principes aquilonis omnes, et universi venatores, qui deducti sunt cum interfectis, paventes, et in sua fortitudine confusi : qui dormierunt incircumcisi cum interfectis gladio, et portaverunt confusionem suam cum his qui descendunt in lacum.",
      "citation": "Ezechiel 32:30 (Clementine Vulgate)"
    },
    {
      "verse": 31,
      "text": "Vidit eos Pharao, et consolatus est super universa multitudine sua, quæ interfecta est gladio : Pharao, et omnis exercitus ejus, ait Dominus Deus.",
      "citation": "Ezechiel 32:31 (Clementine Vulgate)"
    },
    {
      "verse": 32,
      "text": "Quia dedi terrorem meum in terra viventium, et dormivit in medio incircumcisorum cum interfectis gladio : Pharao, et omnis multitudo ejus, ait Dominus Deus.",
      "citation": "Ezechiel 32:32 (Clementine Vulgate)"
    }
  ]
}