{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 33 — 33 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 33,
    "verseCount": 33,
    "navigation": {
      "htmlUrl": "https://latinprayer.org/latin/ezechiel/33/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/32.json",
      "previousChapterHtmlUrl": "https://latinprayer.org/latin/ezechiel/32/",
      "nextChapter": "https://latinprayer.org/latin/ezechiel/34.json",
      "nextChapterHtmlUrl": "https://latinprayer.org/latin/ezechiel/34/"
    },
    "crossReferences": {
      "english": "https://latinprayer.org/bible/ezechiel/33.json",
      "englishHtmlUrl": "https://latinprayer.org/bible/ezechiel/33/",
      "german": "https://latinprayer.org/bibel/ezechiel/33.json",
      "germanHtmlUrl": "https://latinprayer.org/bibel/hesekiel/33/"
    }
  },
  "citation": "Ezechiel 33 (Clementine Vulgate)",
  "verses": [
    {
      "verse": 1,
      "text": "Et factum est verbum Domini ad me, dicens :",
      "citation": "Ezechiel 33:1 (Clementine Vulgate)"
    },
    {
      "verse": 2,
      "text": "Fili hominis, loquere ad filios populi tui, et dices ad eos : Terra, cum induxero super eam gladium, et tulerit populus terræ virum unum de novissimis suis, et constituerit eum super se speculatorem :",
      "citation": "Ezechiel 33:2 (Clementine Vulgate)"
    },
    {
      "verse": 3,
      "text": "et ille viderit gladium venientem super terram, et cecinerit buccina, et annuntiaverit populo :",
      "citation": "Ezechiel 33:3 (Clementine Vulgate)"
    },
    {
      "verse": 4,
      "text": "audiens autem quisquis ille est sonitum buccinæ, et non se observaverit, veneritque gladius, et tulerit eum : sanguis ipsius super caput ejus erit.",
      "citation": "Ezechiel 33:4 (Clementine Vulgate)"
    },
    {
      "verse": 5,
      "text": "Sonum buccinæ audivit, et non se observavit : sanguis ejus in ipso erit. Si autem se custodierit, animam suam salvabit.",
      "citation": "Ezechiel 33:5 (Clementine Vulgate)"
    },
    {
      "verse": 6,
      "text": "Quod si speculator viderit gladium venientem, et non insonuerit buccina, et populus se non custodierit, veneritque gladius, et tulerit de eis animam : ille quidem in iniquitate sua captus est ; sanguinem autem ejus de manu speculatoris requiram.",
      "citation": "Ezechiel 33:6 (Clementine Vulgate)"
    },
    {
      "verse": 7,
      "text": "Et tu, fili hominis, speculatorem dedi te domui Israël : audiens ergo ex ore meo sermonem, annuntiabis eis ex me.",
      "citation": "Ezechiel 33:7 (Clementine Vulgate)"
    },
    {
      "verse": 8,
      "text": "Si me dicente ad impium : Impie, morte morieris : non fueris locutus ut se custodiat impius a via sua, ipse impius in iniquitate sua morietur ; sanguinem autem ejus de manu tua requiram.",
      "citation": "Ezechiel 33:8 (Clementine Vulgate)"
    },
    {
      "verse": 9,
      "text": "Si autem annuntiante te ad impium ut a viis suis convertatur, non fuerit conversus a via sua, ipse in iniquitate sua morietur, porro tu animam tuam liberasti.",
      "citation": "Ezechiel 33:9 (Clementine Vulgate)"
    },
    {
      "verse": 10,
      "text": "Tu ergo, fili hominis, dic ad domum Israël : Sic locuti estis, dicentes : Iniquitates nostræ et peccata nostra super nos sunt, et in ipsis nos tabescimus : quomodo ergo vivere poterimus ?",
      "citation": "Ezechiel 33:10 (Clementine Vulgate)"
    },
    {
      "verse": 11,
      "text": "Dic ad eos : Vivo ego, dicit Dominus Deus, nolo mortem impii, sed ut convertatur impius a via sua, et vivat. Convertimini, convertimini a viis vestris pessimis, et quare moriemini, domus Israël ?",
      "citation": "Ezechiel 33:11 (Clementine Vulgate)"
    },
    {
      "verse": 12,
      "text": "Tu itaque, fili hominis, dic ad filios populi tui : Justitia justi non liberabit eum, in quacumque die peccaverit, et impietas impii non nocebit ei, in quacumque die conversus fuerit ab impietate sua : et justus non poterit vivere in justitia sua, in quacumque die peccaverit.",
      "citation": "Ezechiel 33:12 (Clementine Vulgate)"
    },
    {
      "verse": 13,
      "text": "Etiamsi dixero justo quod vita vivat, et confisus in justitia sua fecerit iniquitatem, omnes justitiæ ejus oblivioni tradentur, et in iniquitate sua quam operatus est, in ipsa morietur.",
      "citation": "Ezechiel 33:13 (Clementine Vulgate)"
    },
    {
      "verse": 14,
      "text": "Si autem dixero impio : Morte morieris : et egerit pœnitentiam a peccato suo, feceritque judicium et justitiam,",
      "citation": "Ezechiel 33:14 (Clementine Vulgate)"
    },
    {
      "verse": 15,
      "text": "et pignus restituerit ille impius, rapinamque reddiderit, in mandatis vitæ ambulaverit, nec fecerit quidquam injustum : vita vivet, et non morietur.",
      "citation": "Ezechiel 33:15 (Clementine Vulgate)"
    },
    {
      "verse": 16,
      "text": "Omnia peccata ejus quæ peccavit, non imputabuntur ei : judicium et justitiam fecit : vita vivet.",
      "citation": "Ezechiel 33:16 (Clementine Vulgate)"
    },
    {
      "verse": 17,
      "text": "Et dixerunt filii populi tui : Non est æqui ponderis via Domini : et ipsorum via injusta est.",
      "citation": "Ezechiel 33:17 (Clementine Vulgate)"
    },
    {
      "verse": 18,
      "text": "Cum enim recesserit justus a justitia sua, feceritque iniquitates, morietur in eis.",
      "citation": "Ezechiel 33:18 (Clementine Vulgate)"
    },
    {
      "verse": 19,
      "text": "Et cum recesserit impius ab impietate sua, feceritque judicium et justitiam, vivet in eis.",
      "citation": "Ezechiel 33:19 (Clementine Vulgate)"
    },
    {
      "verse": 20,
      "text": "Et dicitis : Non est recta via Domini. Unumquemque juxta vias suas judicabo de vobis, domus Israël.",
      "citation": "Ezechiel 33:20 (Clementine Vulgate)"
    },
    {
      "verse": 21,
      "text": "Et factum est in duodecimo anno, in decimo mense, in quinta mensis transmigrationis nostræ, venit ad me qui fugerat de Jerusalem, dicens : Vastata est civitas.",
      "citation": "Ezechiel 33:21 (Clementine Vulgate)"
    },
    {
      "verse": 22,
      "text": "Manus autem Domini facta fuerat ad me vespere, antequam veniret qui fugerat : aperuitque os meum donec veniret ad me mane : et aperto ore meo, non silui amplius.",
      "citation": "Ezechiel 33:22 (Clementine Vulgate)"
    },
    {
      "verse": 23,
      "text": "Et factum est verbum Domini ad me, dicens :",
      "citation": "Ezechiel 33:23 (Clementine Vulgate)"
    },
    {
      "verse": 24,
      "text": "Fili hominis, qui habitant in ruinosis his super humum Israël, loquentes aiunt : Unus erat Abraham, et hæreditate possedit terram : nos autem multi sumus : nobis data est terra in possessionem.",
      "citation": "Ezechiel 33:24 (Clementine Vulgate)"
    },
    {
      "verse": 25,
      "text": "Idcirco dices ad eos : Hæc dicit Dominus Deus : Qui in sanguine comeditis, et oculos vestros levatis ad immunditias vestras, et sanguinem funditis, numquid terram hæreditate possidebitis ?",
      "citation": "Ezechiel 33:25 (Clementine Vulgate)"
    },
    {
      "verse": 26,
      "text": "stetistis in gladiis vestris, fecistis abominationes, et unusquisque uxorem proximi sui polluit : et terram hæreditate possidebitis ?",
      "citation": "Ezechiel 33:26 (Clementine Vulgate)"
    },
    {
      "verse": 27,
      "text": "Hæc dices ad eos : Sic dicit Dominus Deus : Vivo ego, quia qui in ruinosis habitant, gladio cadent : et qui in agro est, bestiis tradetur ad devorandum : qui autem in præsidiis et speluncis sunt, peste morientur.",
      "citation": "Ezechiel 33:27 (Clementine Vulgate)"
    },
    {
      "verse": 28,
      "text": "Et dabo terram in solitudinem et in desertum, et deficiet superba fortitudo ejus : et desolabuntur montes Israël, eo quod nullus sit qui per eos transeat :",
      "citation": "Ezechiel 33:28 (Clementine Vulgate)"
    },
    {
      "verse": 29,
      "text": "et scient quia ego Dominus, cum dedero terram eorum desolatam et desertam, propter universas abominationes suas quas operati sunt.",
      "citation": "Ezechiel 33:29 (Clementine Vulgate)"
    },
    {
      "verse": 30,
      "text": "Et tu, fili hominis, filii populi tui, qui loquuntur de te juxta muros et in ostiis domorum, et dicunt unus ad alterum, vir ad proximum suum, loquentes : Venite, et audiamus quis sit sermo egrediens a Domino.",
      "citation": "Ezechiel 33:30 (Clementine Vulgate)"
    },
    {
      "verse": 31,
      "text": "Et veniunt ad te, quasi si ingrediatur populus, et sedent coram te populus meus : et audiunt sermones tuos, et non faciunt eos : quia in canticum oris sui vertunt illos, et avaritiam suam sequitur cor eorum.",
      "citation": "Ezechiel 33:31 (Clementine Vulgate)"
    },
    {
      "verse": 32,
      "text": "Et es eis quasi carmen musicum, quod suavi dulcique sono canitur : et audiunt verba tua, et non faciunt ea.",
      "citation": "Ezechiel 33:32 (Clementine Vulgate)"
    },
    {
      "verse": 33,
      "text": "Et cum venerit quod prædictum est (ecce enim venit), tunc scient quod prophetes fuerit inter eos.",
      "citation": "Ezechiel 33:33 (Clementine Vulgate)"
    }
  ]
}