{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 41 — 26 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 41,
    "verseCount": 26,
    "navigation": {
      "htmlUrl": "https://latinprayer.org/latin/ezechiel/41/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/40.json",
      "previousChapterHtmlUrl": "https://latinprayer.org/latin/ezechiel/40/",
      "nextChapter": "https://latinprayer.org/latin/ezechiel/42.json",
      "nextChapterHtmlUrl": "https://latinprayer.org/latin/ezechiel/42/"
    },
    "crossReferences": {
      "english": "https://latinprayer.org/bible/ezechiel/41.json",
      "englishHtmlUrl": "https://latinprayer.org/bible/ezechiel/41/",
      "german": "https://latinprayer.org/bibel/ezechiel/41.json",
      "germanHtmlUrl": "https://latinprayer.org/bibel/hesekiel/41/"
    }
  },
  "citation": "Ezechiel 41 (Clementine Vulgate)",
  "verses": [
    {
      "verse": 1,
      "text": "Et introduxit me in templum, et mensus est frontes : sex cubitos latitudinis hinc, et sex cubitos latitudinis inde, latitudinem tabernaculi.",
      "citation": "Ezechiel 41:1 (Clementine Vulgate)"
    },
    {
      "verse": 2,
      "text": "Et latitudo portæ decem cubitorum erat : et latera portæ, quinque cubitis hinc, et quinque cubitis inde : et mensus est longitudinem ejus quadraginta cubitorum, et latitudinem viginti cubitorum.",
      "citation": "Ezechiel 41:2 (Clementine Vulgate)"
    },
    {
      "verse": 3,
      "text": "Et introgressus intrinsecus, mensus est in fronte portæ duos cubitos : et portam, sex cubitorum : et latitudinem portæ septem cubitorum.",
      "citation": "Ezechiel 41:3 (Clementine Vulgate)"
    },
    {
      "verse": 4,
      "text": "Et mensus est longitudinem ejus viginti cubitorum, et latitudinem ejus viginti cubitorum, ante faciem templi. Et dixit ad me : Hoc est Sanctum sanctorum.",
      "citation": "Ezechiel 41:4 (Clementine Vulgate)"
    },
    {
      "verse": 5,
      "text": "Et mensus est parietem domus sex cubitorum : et latitudinem lateris quatuor cubitorum undique per circuitum domus.",
      "citation": "Ezechiel 41:5 (Clementine Vulgate)"
    },
    {
      "verse": 6,
      "text": "Latera autem, latus ad latus, bis triginta tria : et erant eminentia, quæ ingrederentur per parietem domus, in lateribus per circuitum, ut continerent, et non attingerent parietem templi.",
      "citation": "Ezechiel 41:6 (Clementine Vulgate)"
    },
    {
      "verse": 7,
      "text": "Et platea erat in rotundum, ascendens sursum per cochleam, et in cœnaculum templi deferebat per gyrum : idcirco latius erat templum in superioribus : et sic de inferioribus ascendebatur ad superiora in medium.",
      "citation": "Ezechiel 41:7 (Clementine Vulgate)"
    },
    {
      "verse": 8,
      "text": "Et vidi in domo altitudinem per circuitum, fundata latera ad mensuram calami sex cubitorum spatio :",
      "citation": "Ezechiel 41:8 (Clementine Vulgate)"
    },
    {
      "verse": 9,
      "text": "et latitudinem per parietem lateris forinsecus quinque cubitorum : et erat interior domus in lateribus domus.",
      "citation": "Ezechiel 41:9 (Clementine Vulgate)"
    },
    {
      "verse": 10,
      "text": "Et inter gazophylacia latitudinem viginti cubitorum in circuitu domus undique,",
      "citation": "Ezechiel 41:10 (Clementine Vulgate)"
    },
    {
      "verse": 11,
      "text": "et ostium lateris ad orationem : ostium unum ad viam aquilonis, et ostium unum ad viam australem : et latitudinem loci ad orationem, quinque cubitorum in circuitu.",
      "citation": "Ezechiel 41:11 (Clementine Vulgate)"
    },
    {
      "verse": 12,
      "text": "Et ædificium, quod erat separatum, versumque ad viam respicientem ad mare, latitudinis septuaginta cubitorum : paries autem ædificii, quinque cubitorum latitudinis per circuitum : et longitudo ejus nonaginta cubitorum.",
      "citation": "Ezechiel 41:12 (Clementine Vulgate)"
    },
    {
      "verse": 13,
      "text": "Et mensus est domus longitudinem, centum cubitorum : et quod separatum erat ædificium, et parietes ejus, longitudinis centum cubitorum.",
      "citation": "Ezechiel 41:13 (Clementine Vulgate)"
    },
    {
      "verse": 14,
      "text": "Latitudo autem ante faciem domus, et ejus quod erat separatum contra orientem, centum cubitorum.",
      "citation": "Ezechiel 41:14 (Clementine Vulgate)"
    },
    {
      "verse": 15,
      "text": "Et mensus est longitudinem ædificii contra faciem ejus, quod erat separatum ad dorsum : ethecas ex utraque parte centum cubitorum : et templum interius, et vestibula atrii.",
      "citation": "Ezechiel 41:15 (Clementine Vulgate)"
    },
    {
      "verse": 16,
      "text": "Limina, et fenestras obliquas, et ethecas in circuitu per tres partes, contra uniuscujusque limen, stratumque ligno per gyrum in circuitu : terra autem usque ad fenestras, et fenestræ clausæ super ostia.",
      "citation": "Ezechiel 41:16 (Clementine Vulgate)"
    },
    {
      "verse": 17,
      "text": "Et usque ad domum interiorem, et forinsecus per omnem parietem in circuitu, intrinsecus et forinsecus, ad mensuram.",
      "citation": "Ezechiel 41:17 (Clementine Vulgate)"
    },
    {
      "verse": 18,
      "text": "Et fabrefacta cherubim et palmæ : et palma inter cherub et cherub, duasque facies habebat cherub.",
      "citation": "Ezechiel 41:18 (Clementine Vulgate)"
    },
    {
      "verse": 19,
      "text": "Faciem hominis juxta palmam ex hac parte, et faciem leonis juxta palmam ex alia parte : expressam per omnem domum in circuitu.",
      "citation": "Ezechiel 41:19 (Clementine Vulgate)"
    },
    {
      "verse": 20,
      "text": "De terra usque ad superiora portæ, cherubim et palmæ cælatæ erant in pariete templi.",
      "citation": "Ezechiel 41:20 (Clementine Vulgate)"
    },
    {
      "verse": 21,
      "text": "Limen quadrangulum, et facies sanctuarii, aspectus contra aspectum.",
      "citation": "Ezechiel 41:21 (Clementine Vulgate)"
    },
    {
      "verse": 22,
      "text": "Altaris lignei trium cubitorum altitudo, et longitudo ejus duorum cubitorum : et anguli ejus, et longitudo ejus, et parietes ejus lignei. Et locutus est ad me : Hæc est mensa coram Domino.",
      "citation": "Ezechiel 41:22 (Clementine Vulgate)"
    },
    {
      "verse": 23,
      "text": "Et duo ostia erant in templo et in sanctuario.",
      "citation": "Ezechiel 41:23 (Clementine Vulgate)"
    },
    {
      "verse": 24,
      "text": "Et in duobus ostiis ex utraque parte bina erant ostiola quæ in se invicem plicabantur : bina enim ostia erant ex utraque parte ostiorum.",
      "citation": "Ezechiel 41:24 (Clementine Vulgate)"
    },
    {
      "verse": 25,
      "text": "Et cælata erant in ipsis ostiis templi cherubim, et sculpturæ palmarum, sicut in parietibus quoque expressæ erant : quam ob rem et grossiora erant ligna in vestibuli fronte forinsecus.",
      "citation": "Ezechiel 41:25 (Clementine Vulgate)"
    },
    {
      "verse": 26,
      "text": "Super quæ fenestræ obliquæ, et similitudo palmarum hinc atque inde in humerulis vestibuli, secundum latera domus, latitudinemque parietum.",
      "citation": "Ezechiel 41:26 (Clementine Vulgate)"
    }
  ]
}