{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ezechiel, Chapter 46 — 24 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ezechiel",
      "slug": "ezechiel",
      "testament": "OT",
      "order": 31,
      "totalChapters": 48
    },
    "chapter": 46,
    "verseCount": 24,
    "navigation": {
      "htmlUrl": "https://latinprayer.org/latin/ezechiel/46/",
      "bookIndex": "https://latinprayer.org/latin/ezechiel/index.json",
      "bookHtmlUrl": "https://latinprayer.org/latin/ezechiel/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/ezechiel/45.json",
      "previousChapterHtmlUrl": "https://latinprayer.org/latin/ezechiel/45/",
      "nextChapter": "https://latinprayer.org/latin/ezechiel/47.json",
      "nextChapterHtmlUrl": "https://latinprayer.org/latin/ezechiel/47/"
    },
    "crossReferences": {
      "english": "https://latinprayer.org/bible/ezechiel/46.json",
      "englishHtmlUrl": "https://latinprayer.org/bible/ezechiel/46/",
      "german": "https://latinprayer.org/bibel/ezechiel/46.json",
      "germanHtmlUrl": "https://latinprayer.org/bibel/hesekiel/46/"
    }
  },
  "citation": "Ezechiel 46 (Clementine Vulgate)",
  "verses": [
    {
      "verse": 1,
      "text": "Hæc dicit Dominus Deus : Porta atrii interioris quæ respicit ad orientem, erit clausa sex diebus in quibus opus fit : die autem sabbati aperietur, sed et in die calendarum aperietur.",
      "citation": "Ezechiel 46:1 (Clementine Vulgate)"
    },
    {
      "verse": 2,
      "text": "Et intrabit princeps per viam vestibuli portæ deforis, et stabit in limine portæ : et facient sacerdotes holocaustum ejus, et pacifica ejus : et adorabit super limen portæ, et egredietur : porta autem non claudetur usque ad vesperam.",
      "citation": "Ezechiel 46:2 (Clementine Vulgate)"
    },
    {
      "verse": 3,
      "text": "Et adorabit populus terræ ad ostium portæ illius in sabbatis et in calendis coram Domino.",
      "citation": "Ezechiel 46:3 (Clementine Vulgate)"
    },
    {
      "verse": 4,
      "text": "Holocaustum autem hoc offeret princeps Domino : in die sabbati, sex agnos immaculatos, et arietem immaculatum,",
      "citation": "Ezechiel 46:4 (Clementine Vulgate)"
    },
    {
      "verse": 5,
      "text": "et sacrificium ephi per arietem, in agnis autem sacrificium quod dederit manus ejus, et olei hin per singula ephi.",
      "citation": "Ezechiel 46:5 (Clementine Vulgate)"
    },
    {
      "verse": 6,
      "text": "In die autem calendarum vitulum de armento immaculatum, et sex agni et arietes immaculati erunt.",
      "citation": "Ezechiel 46:6 (Clementine Vulgate)"
    },
    {
      "verse": 7,
      "text": "Et ephi per vitulum, ephi quoque per arietem faciet sacrificium : de agnis autem sicut invenerit manus ejus, et olei hin per singula ephi.",
      "citation": "Ezechiel 46:7 (Clementine Vulgate)"
    },
    {
      "verse": 8,
      "text": "Cumque ingressurus est princeps, per viam vestibuli portæ ingrediatur, et per eamdem viam exeat.",
      "citation": "Ezechiel 46:8 (Clementine Vulgate)"
    },
    {
      "verse": 9,
      "text": "Et cum intrabit populus terræ in conspectu Domini in solemnitatibus, qui ingreditur per portam aquilonis ut adoret, egrediatur per viam portæ meridianæ : porro qui ingreditur per viam portæ meridianæ, egrediatur per viam portæ aquilonis. Non revertetur per viam portæ per quam ingressus est, sed e regione illius egredietur.",
      "citation": "Ezechiel 46:9 (Clementine Vulgate)"
    },
    {
      "verse": 10,
      "text": "Princeps autem in medio eorum cum ingredientibus ingredietur, et cum egredientibus egredietur.",
      "citation": "Ezechiel 46:10 (Clementine Vulgate)"
    },
    {
      "verse": 11,
      "text": "Et in nundinis, et in solemnitatibus, erit sacrificium ephi per vitulum, et ephi per arietem : agnis autem erit sacrificium sicut invenerit manus ejus, et olei hin per singula ephi.",
      "citation": "Ezechiel 46:11 (Clementine Vulgate)"
    },
    {
      "verse": 12,
      "text": "Cum autem fecerit princeps spontaneum holocaustum, aut pacifica voluntaria Domino, aperietur ei porta quæ respicit ad orientem, et faciet holocaustum suum et pacifica sua, sicut fieri solet in die sabbati : et egredietur, claudeturque porta postquam exierit.",
      "citation": "Ezechiel 46:12 (Clementine Vulgate)"
    },
    {
      "verse": 13,
      "text": "Et agnum ejusdem anni immaculatum faciet holocaustum quotidie Domino : semper mane faciet illud.",
      "citation": "Ezechiel 46:13 (Clementine Vulgate)"
    },
    {
      "verse": 14,
      "text": "Et faciet sacrificium super eo cata mane mane sextam partem ephi, et de oleo tertiam partem hin, ut misceatur similæ : sacrificium Domino legitimum, juge atque perpetuum.",
      "citation": "Ezechiel 46:14 (Clementine Vulgate)"
    },
    {
      "verse": 15,
      "text": "Faciet agnum, et sacrificium, et oleum cata mane mane, holocaustum sempiternum.",
      "citation": "Ezechiel 46:15 (Clementine Vulgate)"
    },
    {
      "verse": 16,
      "text": "Hæc dicit Dominus Deus : Si dederit princeps donum alicui de filiis suis, hæreditas ejus filiorum suorum erit : possidebunt eam hæreditarie.",
      "citation": "Ezechiel 46:16 (Clementine Vulgate)"
    },
    {
      "verse": 17,
      "text": "Si autem dederit legatum de hæreditate sua uni servorum suorum, erit illius usque ad annum remissionis, et revertetur ad principem : hæreditas autem ejus filiis ejus erit.",
      "citation": "Ezechiel 46:17 (Clementine Vulgate)"
    },
    {
      "verse": 18,
      "text": "Et non accipiet princeps de hæreditate populi per violentiam, et de possessione eorum : sed de possessione sua hæreditatem dabit filiis suis, ut non dispergatur populus meus unusquisque a possessione sua.",
      "citation": "Ezechiel 46:18 (Clementine Vulgate)"
    },
    {
      "verse": 19,
      "text": "Et introduxit me per ingressum qui erat ex latere portæ, in gazophylacia sanctuarii ad sacerdotes, quæ respiciebant ad aquilonem : et erat ibi locus vergens ad occidentem.",
      "citation": "Ezechiel 46:19 (Clementine Vulgate)"
    },
    {
      "verse": 20,
      "text": "Et dixit ad me : Iste est locus ubi coquent sacerdotes pro peccato et pro delicto : ubi coquent sacrificium, ut non efferant in atrium exterius, et sanctificetur populus.",
      "citation": "Ezechiel 46:20 (Clementine Vulgate)"
    },
    {
      "verse": 21,
      "text": "Et eduxit me in atrium exterius, et circumduxit me per quatuor angulos atrii : et ecce atriolum erat in angulo atrii, atriola singula per angulos atrii.",
      "citation": "Ezechiel 46:21 (Clementine Vulgate)"
    },
    {
      "verse": 22,
      "text": "In quatuor angulis atrii atriola disposita, quadraginta cubitorum per longum, et triginta per latum : mensuræ unius quatuor erant.",
      "citation": "Ezechiel 46:22 (Clementine Vulgate)"
    },
    {
      "verse": 23,
      "text": "Et paries per circuitum ambiens quatuor atriola : et culinæ fabricatæ erant subter porticus per gyrum.",
      "citation": "Ezechiel 46:23 (Clementine Vulgate)"
    },
    {
      "verse": 24,
      "text": "Et dixit ad me : Hæc est domus culinarum, in qua coquent ministri domus Domini victimas populi.",
      "citation": "Ezechiel 46:24 (Clementine Vulgate)"
    }
  ]
}