{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 12 — 20 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 12,
    "verseCount": 20,
    "navigation": {
      "htmlUrl": "https://latinprayer.org/latin/genesis/12/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/11.json",
      "previousChapterHtmlUrl": "https://latinprayer.org/latin/genesis/11/",
      "nextChapter": "https://latinprayer.org/latin/genesis/13.json",
      "nextChapterHtmlUrl": "https://latinprayer.org/latin/genesis/13/"
    },
    "crossReferences": {
      "english": "https://latinprayer.org/bible/genesis/12.json",
      "englishHtmlUrl": "https://latinprayer.org/bible/genesis/12/",
      "german": "https://latinprayer.org/bibel/genesis/12.json",
      "germanHtmlUrl": "https://latinprayer.org/bibel/genesis/12/"
    }
  },
  "citation": "Genesis 12 (Clementine Vulgate)",
  "verses": [
    {
      "verse": 1,
      "text": "Dixit autem Dominus ad Abram : Egredere de terra tua, et de cognatione tua, et de domo patris tui, et veni in terram quam monstrabo tibi.",
      "citation": "Genesis 12:1 (Clementine Vulgate)"
    },
    {
      "verse": 2,
      "text": "Faciamque te in gentem magnam, et benedicam tibi, et magnificabo nomen tuum, erisque benedictus.",
      "citation": "Genesis 12:2 (Clementine Vulgate)"
    },
    {
      "verse": 3,
      "text": "Benedicam benedicentibus tibi, et maledicam maledicentibus tibi, atque in te benedicentur universæ cognationes terræ.",
      "citation": "Genesis 12:3 (Clementine Vulgate)"
    },
    {
      "verse": 4,
      "text": "Egressus est itaque Abram sicut præceperat ei Dominus, et ivit cum eo Lot : septuaginta quinque annorum erat Abram cum egrederetur de Haran.",
      "citation": "Genesis 12:4 (Clementine Vulgate)"
    },
    {
      "verse": 5,
      "text": "Tulitque Sarai uxorem suam, et Lot filium fratris sui, universamque substantiam quam possederant, et animas quas fecerant in Haran : et egressi sunt ut irent in terram Chanaan. Cumque venissent in eam,",
      "citation": "Genesis 12:5 (Clementine Vulgate)"
    },
    {
      "verse": 6,
      "text": "pertransivit Abram terram usque ad locum Sichem, usque ad convallem illustrem : Chananæus autem tunc erat in terra.",
      "citation": "Genesis 12:6 (Clementine Vulgate)"
    },
    {
      "verse": 7,
      "text": "Apparuit autem Dominus Abram, et dixit ei : Semini tuo dabo terram hanc. Qui ædificavit ibi altare Domino, qui apparuerat ei.",
      "citation": "Genesis 12:7 (Clementine Vulgate)"
    },
    {
      "verse": 8,
      "text": "Et inde transgrediens ad montem, qui erat contra orientem Bethel, tetendit ibi tabernaculum suum, ab occidente habens Bethel, et ab oriente Hai : ædificavit quoque ibi altare Domino, et invocavit nomen ejus.",
      "citation": "Genesis 12:8 (Clementine Vulgate)"
    },
    {
      "verse": 9,
      "text": "Perrexitque Abram vadens, et ultra progrediens ad meridiem.",
      "citation": "Genesis 12:9 (Clementine Vulgate)"
    },
    {
      "verse": 10,
      "text": "Facta est autem fames in terra : descenditque Abram in Ægyptum, ut peregrinaretur ibi : prævaluerat enim fames in terra.",
      "citation": "Genesis 12:10 (Clementine Vulgate)"
    },
    {
      "verse": 11,
      "text": "Cumque prope esset ut ingrederetur Ægyptum, dixit Sarai uxori suæ : Novi quod pulchra sis mulier :",
      "citation": "Genesis 12:11 (Clementine Vulgate)"
    },
    {
      "verse": 12,
      "text": "et quod cum viderint te Ægyptii, dicturi sunt : Uxor ipsius est : et interficient me, et te reservabunt.",
      "citation": "Genesis 12:12 (Clementine Vulgate)"
    },
    {
      "verse": 13,
      "text": "Dic ergo, obsecro te, quod soror mea sis : ut bene sit mihi propter te, et vivat anima mea ob gratiam tui.",
      "citation": "Genesis 12:13 (Clementine Vulgate)"
    },
    {
      "verse": 14,
      "text": "Cum itaque ingressus esset Abram Ægyptum, viderunt Ægyptii mulierem quod esset pulchra nimis.",
      "citation": "Genesis 12:14 (Clementine Vulgate)"
    },
    {
      "verse": 15,
      "text": "Et nuntiaverunt principes Pharaoni, et laudaverunt eam apud illum : et sublata est mulier in domum Pharaonis.",
      "citation": "Genesis 12:15 (Clementine Vulgate)"
    },
    {
      "verse": 16,
      "text": "Abram vero bene usi sunt propter illam : fueruntque ei oves et boves et asini, et servi et famulæ, et asinæ et cameli.",
      "citation": "Genesis 12:16 (Clementine Vulgate)"
    },
    {
      "verse": 17,
      "text": "Flagellavit autem Dominus Pharaonem plagis maximis, et domum ejus, propter Sarai uxorem Abram.",
      "citation": "Genesis 12:17 (Clementine Vulgate)"
    },
    {
      "verse": 18,
      "text": "Vocavitque Pharao Abram, et dixit ei : Quidnam est hoc quod fecisti mihi ? quare non indicasti quod uxor tua esset ?",
      "citation": "Genesis 12:18 (Clementine Vulgate)"
    },
    {
      "verse": 19,
      "text": "quam ob causam dixisti esse sororem tuam, ut tollerem eam mihi in uxorem ? Nunc igitur ecce conjux tua, accipe eam, et vade.",
      "citation": "Genesis 12:19 (Clementine Vulgate)"
    },
    {
      "verse": 20,
      "text": "Præcepitque Pharao super Abram viris : et deduxerunt eum, et uxorem illius, et omnia quæ habebat.",
      "citation": "Genesis 12:20 (Clementine Vulgate)"
    }
  ]
}