{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 14 — 24 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 14,
    "verseCount": 24,
    "navigation": {
      "htmlUrl": "https://latinprayer.org/latin/genesis/14/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/13.json",
      "previousChapterHtmlUrl": "https://latinprayer.org/latin/genesis/13/",
      "nextChapter": "https://latinprayer.org/latin/genesis/15.json",
      "nextChapterHtmlUrl": "https://latinprayer.org/latin/genesis/15/"
    },
    "crossReferences": {
      "english": "https://latinprayer.org/bible/genesis/14.json",
      "englishHtmlUrl": "https://latinprayer.org/bible/genesis/14/",
      "german": "https://latinprayer.org/bibel/genesis/14.json",
      "germanHtmlUrl": "https://latinprayer.org/bibel/genesis/14/"
    }
  },
  "citation": "Genesis 14 (Clementine Vulgate)",
  "verses": [
    {
      "verse": 1,
      "text": "Factum est autem in illo tempore, ut Amraphel rex Sennaar, et Arioch rex Ponti, et Chodorlahomor rex Elamitarum, et Thadal rex gentium",
      "citation": "Genesis 14:1 (Clementine Vulgate)"
    },
    {
      "verse": 2,
      "text": "inirent bellum contra Bara regem Sodomorum, et contra Bersa regem Gomorrhæ, et contra Sennaab regem Adamæ, et contra Semeber regem Seboim, contraque regem Balæ, ipsa est Segor.",
      "citation": "Genesis 14:2 (Clementine Vulgate)"
    },
    {
      "verse": 3,
      "text": "Omnes hi convenerunt in vallem Silvestrem, quæ nunc est mare salis.",
      "citation": "Genesis 14:3 (Clementine Vulgate)"
    },
    {
      "verse": 4,
      "text": "Duodecim enim annis servierunt Chodorlahomor, et tertiodecimo anno recesserunt ab eo.",
      "citation": "Genesis 14:4 (Clementine Vulgate)"
    },
    {
      "verse": 5,
      "text": "Igitur quartodecimo anno venit Chodorlahomor, et reges qui erant cum eo : percusseruntque Raphaim in Astarothcarnaim, et Zuzim cum eis, et Emim in Save Cariathaim,",
      "citation": "Genesis 14:5 (Clementine Vulgate)"
    },
    {
      "verse": 6,
      "text": "et Chorræos in montibus Seir, usque ad Campestria Pharan, quæ est in solitudine.",
      "citation": "Genesis 14:6 (Clementine Vulgate)"
    },
    {
      "verse": 7,
      "text": "Reversique sunt, et venerunt ad fontem Misphat, ipsa est Cades : et percusserunt omnem regionem Amalecitarum, et Amorrhæum, qui habitabat in Asasonthamar.",
      "citation": "Genesis 14:7 (Clementine Vulgate)"
    },
    {
      "verse": 8,
      "text": "Et egressi sunt rex Sodomorum, et rex Gomorrhæ, rexque Adamæ, et rex Seboim, necnon et rex Balæ, quæ est Segor : et direxerunt aciem contra eos in valle Silvestri :",
      "citation": "Genesis 14:8 (Clementine Vulgate)"
    },
    {
      "verse": 9,
      "text": "scilicet adversus Chodorlahomor regem Elamitarum, et Thadal regem Gentium, et Amraphel regem Sennaar, et Arioch regem Ponti : quatuor reges adversus quinque.",
      "citation": "Genesis 14:9 (Clementine Vulgate)"
    },
    {
      "verse": 10,
      "text": "Vallis autem Silvestris habebat puteos multos bituminis. Itaque rex Sodomorum, et Gomorrhæ, terga verterunt, cecideruntque ibi : et qui remanserant, fugerunt ad montem.",
      "citation": "Genesis 14:10 (Clementine Vulgate)"
    },
    {
      "verse": 11,
      "text": "Tulerunt autem omnem substantiam Sodomorum et Gomorrhæ, et universa quæ ad cibum pertinent, et abierunt :",
      "citation": "Genesis 14:11 (Clementine Vulgate)"
    },
    {
      "verse": 12,
      "text": "necnon et Lot, et substantiam ejus, filium fratris Abram, qui habitabat in Sodomis.",
      "citation": "Genesis 14:12 (Clementine Vulgate)"
    },
    {
      "verse": 13,
      "text": "Et ecce unus, qui evaserat, nuntiavit Abram Hebræo, qui habitabat in convalle Mambre Amorrhæi, fratris Escol, et fratris Aner : hi enim pepigerant fœdus cum Abram.",
      "citation": "Genesis 14:13 (Clementine Vulgate)"
    },
    {
      "verse": 14,
      "text": "Quod cum audisset Abram, captum videlicet Lot fratrem suum, numeravit expeditos vernaculos suos trecentos decem et octo : et persecutus est usque Dan.",
      "citation": "Genesis 14:14 (Clementine Vulgate)"
    },
    {
      "verse": 15,
      "text": "Et divisis sociis, irruit super eos nocte : percussitque eos, et persecutus est eos usque Hoba, quæ est ad lævam Damasci.",
      "citation": "Genesis 14:15 (Clementine Vulgate)"
    },
    {
      "verse": 16,
      "text": "Reduxitque omnem substantiam, et Lot fratrem suum cum substantia illius, mulieres quoque et populum.",
      "citation": "Genesis 14:16 (Clementine Vulgate)"
    },
    {
      "verse": 17,
      "text": "Egressus est autem rex Sodomorum in occursum ejus postquam reversus est a cæde Chodorlahomor, et regum qui cum eo erant in valle Save, quæ est vallis regis.",
      "citation": "Genesis 14:17 (Clementine Vulgate)"
    },
    {
      "verse": 18,
      "text": "At vero Melchisedech rex Salem, proferens panem et vinum, erat enim sacerdos Dei altissimi,",
      "citation": "Genesis 14:18 (Clementine Vulgate)"
    },
    {
      "verse": 19,
      "text": "benedixit ei, et ait : Benedictus Abram Deo excelso, qui creavit cælum et terram :",
      "citation": "Genesis 14:19 (Clementine Vulgate)"
    },
    {
      "verse": 20,
      "text": "et benedictus Deus excelsus, quo protegente, hostes in manibus tuis sunt. Et dedit ei decimas ex omnibus.",
      "citation": "Genesis 14:20 (Clementine Vulgate)"
    },
    {
      "verse": 21,
      "text": "Dixit autem rex Sodomorum ad Abram : Da mihi animas, cetera tolle tibi.",
      "citation": "Genesis 14:21 (Clementine Vulgate)"
    },
    {
      "verse": 22,
      "text": "Qui respondit ei : Levo manum meam ad Dominum Deum excelsum possessorem cæli et terræ,",
      "citation": "Genesis 14:22 (Clementine Vulgate)"
    },
    {
      "verse": 23,
      "text": "quod a filo subtegminis usque ad corigiam caligæ, non accipiam ex omnibus quæ tua sunt, ne dicas : Ego ditavi Abram :",
      "citation": "Genesis 14:23 (Clementine Vulgate)"
    },
    {
      "verse": 24,
      "text": "exceptis his, quæ comederunt juvenes, et partibus virorum, qui venerunt mecum, Aner, Escol et Mambre : isti accipient partes suas.",
      "citation": "Genesis 14:24 (Clementine Vulgate)"
    }
  ]
}