{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 21 — 34 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 21,
    "verseCount": 34,
    "navigation": {
      "htmlUrl": "https://latinprayer.org/latin/genesis/21/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/20.json",
      "previousChapterHtmlUrl": "https://latinprayer.org/latin/genesis/20/",
      "nextChapter": "https://latinprayer.org/latin/genesis/22.json",
      "nextChapterHtmlUrl": "https://latinprayer.org/latin/genesis/22/"
    },
    "crossReferences": {
      "english": "https://latinprayer.org/bible/genesis/21.json",
      "englishHtmlUrl": "https://latinprayer.org/bible/genesis/21/",
      "german": "https://latinprayer.org/bibel/genesis/21.json",
      "germanHtmlUrl": "https://latinprayer.org/bibel/genesis/21/"
    }
  },
  "citation": "Genesis 21 (Clementine Vulgate)",
  "verses": [
    {
      "verse": 1,
      "text": "Visitavit autem Dominus Saram, sicut promiserat : et implevit quæ locutus est.",
      "citation": "Genesis 21:1 (Clementine Vulgate)"
    },
    {
      "verse": 2,
      "text": "Concepitque et peperit filium in senectute sua, tempore quo prædixerat ei Deus.",
      "citation": "Genesis 21:2 (Clementine Vulgate)"
    },
    {
      "verse": 3,
      "text": "Vocavitque Abraham nomen filii sui, quem genuit ei Sara, Isaac :",
      "citation": "Genesis 21:3 (Clementine Vulgate)"
    },
    {
      "verse": 4,
      "text": "et circumcidit eum octavo die, sicut præceperat ei Deus,",
      "citation": "Genesis 21:4 (Clementine Vulgate)"
    },
    {
      "verse": 5,
      "text": "cum centum esset annorum : hac quippe ætate patris, natus est Isaac.",
      "citation": "Genesis 21:5 (Clementine Vulgate)"
    },
    {
      "verse": 6,
      "text": "Dixitque Sara : Risum fecit mihi Deus : quicumque audierit, corridebit mihi.",
      "citation": "Genesis 21:6 (Clementine Vulgate)"
    },
    {
      "verse": 7,
      "text": "Rursumque ait : Quis auditurus crederet Abraham quod Sara lactaret filium, quem peperit ei jam seni ?",
      "citation": "Genesis 21:7 (Clementine Vulgate)"
    },
    {
      "verse": 8,
      "text": "Crevit igitur puer, et ablactatus est : fecitque Abraham grande convivium in die ablactationis ejus.",
      "citation": "Genesis 21:8 (Clementine Vulgate)"
    },
    {
      "verse": 9,
      "text": "Cumque vidisset Sara filium Agar Ægyptiæ ludentem cum Isaac filio suo, dixit ad Abraham :",
      "citation": "Genesis 21:9 (Clementine Vulgate)"
    },
    {
      "verse": 10,
      "text": "Ejice ancillam hanc, et filium ejus : non enim erit hæres filius ancillæ cum filio meo Isaac.",
      "citation": "Genesis 21:10 (Clementine Vulgate)"
    },
    {
      "verse": 11,
      "text": "Dure accepit hoc Abraham pro filio suo.",
      "citation": "Genesis 21:11 (Clementine Vulgate)"
    },
    {
      "verse": 12,
      "text": "Cui dixit Deus : Non tibi videatur asperum super puero, et super ancilla tua : omnia quæ dixerit tibi Sara, audi vocem ejus : quia in Isaac vocabitur tibi semen.",
      "citation": "Genesis 21:12 (Clementine Vulgate)"
    },
    {
      "verse": 13,
      "text": "Sed et filium ancillæ faciam in gentem magnam, quia semen tuum est.",
      "citation": "Genesis 21:13 (Clementine Vulgate)"
    },
    {
      "verse": 14,
      "text": "Surrexit itaque Abraham mane, et tollens panem et utrem aquæ, imposuit scapulæ ejus, tradiditque puerum, et dimisit eam. Quæ cum abiisset, errabat in solitudine Bersabee.",
      "citation": "Genesis 21:14 (Clementine Vulgate)"
    },
    {
      "verse": 15,
      "text": "Cumque consumpta esset aqua in utre, abjecit puerum subter unam arborum, quæ ibi erant.",
      "citation": "Genesis 21:15 (Clementine Vulgate)"
    },
    {
      "verse": 16,
      "text": "Et abiit, seditque e regione procul quantum potest arcus jacere : dixit enim : Non videbo morientem puerum : et sedens contra, levavit vocem suam et flevit.",
      "citation": "Genesis 21:16 (Clementine Vulgate)"
    },
    {
      "verse": 17,
      "text": "Exaudivit autem Deus vocem pueri : vocavitque angelus Dei Agar de cælo, dicens : Quid agis Agar ? noli timere : exaudivit enim Deus vocem pueri de loco in quo est.",
      "citation": "Genesis 21:17 (Clementine Vulgate)"
    },
    {
      "verse": 18,
      "text": "Surge, tolle puerum, et tene manum illius : quia in gentem magnam faciam eum.",
      "citation": "Genesis 21:18 (Clementine Vulgate)"
    },
    {
      "verse": 19,
      "text": "Aperuitque oculos ejus Deus : quæ videns puteum aquæ, abiit, et implevit utrem, deditque puero bibere.",
      "citation": "Genesis 21:19 (Clementine Vulgate)"
    },
    {
      "verse": 20,
      "text": "Et fuit cum eo : qui crevit, et moratus est in solitudine, factusque est juvenis sagittarius.",
      "citation": "Genesis 21:20 (Clementine Vulgate)"
    },
    {
      "verse": 21,
      "text": "Habitavitque in deserto Pharan, et accepit illi mater sua uxorem de terra Ægypti.",
      "citation": "Genesis 21:21 (Clementine Vulgate)"
    },
    {
      "verse": 22,
      "text": "Eodem tempore dixit Abimelech, et Phicol princeps exercitus ejus, ad Abraham : Deus tecum est in universis quæ agis.",
      "citation": "Genesis 21:22 (Clementine Vulgate)"
    },
    {
      "verse": 23,
      "text": "Jura ergo per Deum, ne noceas mihi, et posteris meis, stirpique meæ : sed juxta misericordiam, quam feci tibi, facies mihi, et terræ in qua versatus es advena.",
      "citation": "Genesis 21:23 (Clementine Vulgate)"
    },
    {
      "verse": 24,
      "text": "Dixitque Abraham : Ego jurabo.",
      "citation": "Genesis 21:24 (Clementine Vulgate)"
    },
    {
      "verse": 25,
      "text": "Et increpavit Abimelech propter puteum aquæ quem vi abstulerunt servi ejus.",
      "citation": "Genesis 21:25 (Clementine Vulgate)"
    },
    {
      "verse": 26,
      "text": "Responditque Abimelech : Nescivi quis fecerit hanc rem : sed et tu non indicasti mihi, et ego non audivi præter hodie.",
      "citation": "Genesis 21:26 (Clementine Vulgate)"
    },
    {
      "verse": 27,
      "text": "Tulit itaque Abraham oves et boves, et dedit Abimelech : percusseruntque ambo fœdus.",
      "citation": "Genesis 21:27 (Clementine Vulgate)"
    },
    {
      "verse": 28,
      "text": "Et statuit Abraham septem agnas gregis seorsum.",
      "citation": "Genesis 21:28 (Clementine Vulgate)"
    },
    {
      "verse": 29,
      "text": "Cui dixit Abimelech : Quid sibi volunt septem agnæ istæ, quas stare fecisti seorsum ?",
      "citation": "Genesis 21:29 (Clementine Vulgate)"
    },
    {
      "verse": 30,
      "text": "At ille : Septem, inquit, agnas accipies de manu mea : ut sint mihi in testimonium, quoniam ego fodi puteum istum.",
      "citation": "Genesis 21:30 (Clementine Vulgate)"
    },
    {
      "verse": 31,
      "text": "Idcirco vocatus est locus ille Bersabee : quia ibi uterque juravit.",
      "citation": "Genesis 21:31 (Clementine Vulgate)"
    },
    {
      "verse": 32,
      "text": "Et inierunt fœdus pro puteo juramenti.",
      "citation": "Genesis 21:32 (Clementine Vulgate)"
    },
    {
      "verse": 33,
      "text": "Surrexit autem Abimelech, et Phicol princeps exercitus ejus, reversique sunt in terram Palæstinorum. Abraham vero plantavit nemus in Bersabee, et invocavit ibi nomen Domini Dei æterni.",
      "citation": "Genesis 21:33 (Clementine Vulgate)"
    },
    {
      "verse": 34,
      "text": "Et fuit colonus terræ Palæstinorum diebus multis.",
      "citation": "Genesis 21:34 (Clementine Vulgate)"
    }
  ]
}