{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 24 — 67 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 24,
    "verseCount": 67,
    "navigation": {
      "htmlUrl": "https://latinprayer.org/latin/genesis/24/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/23.json",
      "previousChapterHtmlUrl": "https://latinprayer.org/latin/genesis/23/",
      "nextChapter": "https://latinprayer.org/latin/genesis/25.json",
      "nextChapterHtmlUrl": "https://latinprayer.org/latin/genesis/25/"
    },
    "crossReferences": {
      "english": "https://latinprayer.org/bible/genesis/24.json",
      "englishHtmlUrl": "https://latinprayer.org/bible/genesis/24/",
      "german": "https://latinprayer.org/bibel/genesis/24.json",
      "germanHtmlUrl": "https://latinprayer.org/bibel/genesis/24/"
    }
  },
  "citation": "Genesis 24 (Clementine Vulgate)",
  "verses": [
    {
      "verse": 1,
      "text": "Erat autem Abraham senex, dierumque multorum : et Dominus in cunctis benedixerat ei.",
      "citation": "Genesis 24:1 (Clementine Vulgate)"
    },
    {
      "verse": 2,
      "text": "Dixitque ad servum seniorem domus suæ, qui præerat omnibus quæ habebat : Pone manum tuam subter femur meum,",
      "citation": "Genesis 24:2 (Clementine Vulgate)"
    },
    {
      "verse": 3,
      "text": "ut adjurem te per Dominum Deum cæli et terræ, ut non accipias uxorem filio meo de filiabus Chananæorum, inter quos habito :",
      "citation": "Genesis 24:3 (Clementine Vulgate)"
    },
    {
      "verse": 4,
      "text": "sed ad terram et cognationem meam proficiscaris et inde accipias uxorem filio meo Isaac.",
      "citation": "Genesis 24:4 (Clementine Vulgate)"
    },
    {
      "verse": 5,
      "text": "Respondit servus : Si noluerit mulier venire mecum in terram hanc, numquid reducere debeo filium tuum ad locum, de quo egressus es ?",
      "citation": "Genesis 24:5 (Clementine Vulgate)"
    },
    {
      "verse": 6,
      "text": "Dixitque Abraham : Cave nequando reducas filium meum illuc.",
      "citation": "Genesis 24:6 (Clementine Vulgate)"
    },
    {
      "verse": 7,
      "text": "Dominus Deus cæli, qui tulit me de domo patris mei, et de terra nativitatis meæ, qui locutus est mihi, et juravit mihi, dicens : Semini tuo dabo terram hanc : ipse mittet angelum suum coram te, et accipies inde uxorem filio meo :",
      "citation": "Genesis 24:7 (Clementine Vulgate)"
    },
    {
      "verse": 8,
      "text": "sin autem mulier noluerit sequi te, non teneberis juramento : filium meum tantum ne reducas illuc.",
      "citation": "Genesis 24:8 (Clementine Vulgate)"
    },
    {
      "verse": 9,
      "text": "Posuit ergo servus manum sub femore Abraham domini sui, et juravit illi super sermone hoc.",
      "citation": "Genesis 24:9 (Clementine Vulgate)"
    },
    {
      "verse": 10,
      "text": "Tulitque decem camelos de grege domini sui, et abiit, ex omnibus bonis ejus portans secum, profectusque perrexit in Mesopotamiam ad urbem Nachor.",
      "citation": "Genesis 24:10 (Clementine Vulgate)"
    },
    {
      "verse": 11,
      "text": "Cumque camelos fecisset accumbere extra oppidum juxta puteum aquæ vespere, tempore quo solent mulieres egredi ad hauriendam aquam, dixit :",
      "citation": "Genesis 24:11 (Clementine Vulgate)"
    },
    {
      "verse": 12,
      "text": "Domine Deus domini mei Abraham, occurre, obsecro, mihi hodie, et fac misericordiam cum domino meo Abraham.",
      "citation": "Genesis 24:12 (Clementine Vulgate)"
    },
    {
      "verse": 13,
      "text": "Ecce ego sto prope fontem aquæ, et filiæ habitatorum hujus civitatis egredientur ad hauriendam aquam.",
      "citation": "Genesis 24:13 (Clementine Vulgate)"
    },
    {
      "verse": 14,
      "text": "Igitur puella, cui ego dixero : Inclina hydriam tuam ut bibam : et illa responderit : Bibe, quin et camelis tuis dabo potum : ipsa est quam præparasti servo tuo Isaac : et per hoc intelligam quod feceris misericordiam cum domino meo.",
      "citation": "Genesis 24:14 (Clementine Vulgate)"
    },
    {
      "verse": 15,
      "text": "Necdum intra se verba compleverat, et ecce Rebecca egrediebatur, filia Bathuel, filii Melchæ uxoris Nachor fratris Abraham, habens hydriam in scapula sua :",
      "citation": "Genesis 24:15 (Clementine Vulgate)"
    },
    {
      "verse": 16,
      "text": "puella decora nimis, virgoque pulcherrima, et incognita viro : descenderat autem ad fontem, et impleverat hydriam, ac revertebatur.",
      "citation": "Genesis 24:16 (Clementine Vulgate)"
    },
    {
      "verse": 17,
      "text": "Occurritque ei servus, et ait : Pauxillum aquæ mihi ad bibendum præbe de hydria tua.",
      "citation": "Genesis 24:17 (Clementine Vulgate)"
    },
    {
      "verse": 18,
      "text": "Quæ respondit : Bibe, domine mi : celeriterque deposuit hydriam super ulnam suam, et dedit ei potum.",
      "citation": "Genesis 24:18 (Clementine Vulgate)"
    },
    {
      "verse": 19,
      "text": "Cumque ille bibisset, adjecit : Quin et camelis tuis hauriam aquam, donec cuncti bibant.",
      "citation": "Genesis 24:19 (Clementine Vulgate)"
    },
    {
      "verse": 20,
      "text": "Effundensque hydriam in canalibus, recurrit ad puteum ut hauriret aquam : et haustam omnibus camelis dedit.",
      "citation": "Genesis 24:20 (Clementine Vulgate)"
    },
    {
      "verse": 21,
      "text": "Ipse autem contemplabatur eam tacitus, scire volens utrum prosperum iter suum fecisset Dominus, an non.",
      "citation": "Genesis 24:21 (Clementine Vulgate)"
    },
    {
      "verse": 22,
      "text": "Postquam autem biberunt cameli, protulit vir inaures aureas, appendentes siclos duos, et armillas totidem pondo siclorum decem.",
      "citation": "Genesis 24:22 (Clementine Vulgate)"
    },
    {
      "verse": 23,
      "text": "Dixitque ad eam : Cujus es filia ? indica mihi, est in domo patris tui locus ad manendum ?",
      "citation": "Genesis 24:23 (Clementine Vulgate)"
    },
    {
      "verse": 24,
      "text": "Quæ respondit : Filia sum Bathuelis, filii Melchæ, quem peperit ipsi Nachor.",
      "citation": "Genesis 24:24 (Clementine Vulgate)"
    },
    {
      "verse": 25,
      "text": "Et addidit, dicens : Palearum quoque et fœni plurimum est apud nos, et locus spatiosus ad manendum.",
      "citation": "Genesis 24:25 (Clementine Vulgate)"
    },
    {
      "verse": 26,
      "text": "Inclinavit se homo, et adoravit Dominum,",
      "citation": "Genesis 24:26 (Clementine Vulgate)"
    },
    {
      "verse": 27,
      "text": "dicens : Benedictus Dominus Deus domini mei Abraham, qui non abstulit misericordiam et veritatem suam a domino meo, et recto itinere me perduxit in domum fratris domini mei.",
      "citation": "Genesis 24:27 (Clementine Vulgate)"
    },
    {
      "verse": 28,
      "text": "Cucurrit itaque puella, et nuntiavit in domum matris suæ omnia quæ audierat.",
      "citation": "Genesis 24:28 (Clementine Vulgate)"
    },
    {
      "verse": 29,
      "text": "Habebat autem Rebecca fratrem nomine Laban, qui festinus egressus est ad hominem, ubi erat fons.",
      "citation": "Genesis 24:29 (Clementine Vulgate)"
    },
    {
      "verse": 30,
      "text": "Cumque vidisset inaures et armillas in manibus sororis suæ, et audisset cuncta verba referentis : Hæc locutus est mihi homo : venit ad virum qui stabat juxta camelos, et prope fontem aquæ :",
      "citation": "Genesis 24:30 (Clementine Vulgate)"
    },
    {
      "verse": 31,
      "text": "dixitque ad eum : Ingredere, benedicte Domini : cur foris stas ? præparavi domum, et locum camelis.",
      "citation": "Genesis 24:31 (Clementine Vulgate)"
    },
    {
      "verse": 32,
      "text": "Et introduxit eum in hospitium : ac destravit camelos, deditque paleas et fœnum, et aquam ad lavandos pedes ejus, et virorum qui venerant cum eo.",
      "citation": "Genesis 24:32 (Clementine Vulgate)"
    },
    {
      "verse": 33,
      "text": "Et appositus est in conspectu ejus panis. Qui ait : Non comedam, donec loquar sermones meos. Respondit ei : Loquere.",
      "citation": "Genesis 24:33 (Clementine Vulgate)"
    },
    {
      "verse": 34,
      "text": "At ille : Servus, inquit, Abraham sum :",
      "citation": "Genesis 24:34 (Clementine Vulgate)"
    },
    {
      "verse": 35,
      "text": "et Dominus benedixit domino meo valde, magnificatusque est : et dedit ei oves et boves, argentum et aurum, servos et ancillas, camelos et asinos.",
      "citation": "Genesis 24:35 (Clementine Vulgate)"
    },
    {
      "verse": 36,
      "text": "Et peperit Sara uxor domini mei filium domino meo in senectute sua, deditque illi omnia quæ habuerat.",
      "citation": "Genesis 24:36 (Clementine Vulgate)"
    },
    {
      "verse": 37,
      "text": "Et adjuravit me dominus meus, dicens : Non accipies uxorem filio meo de filiabus Chananæorum, in quorum terra habito :",
      "citation": "Genesis 24:37 (Clementine Vulgate)"
    },
    {
      "verse": 38,
      "text": "sed ad domum patris mei perges, et de cognatione mea accipies uxorem filio meo.",
      "citation": "Genesis 24:38 (Clementine Vulgate)"
    },
    {
      "verse": 39,
      "text": "Ego vero respondi domino meo : Quid si noluerit venire mecum mulier ?",
      "citation": "Genesis 24:39 (Clementine Vulgate)"
    },
    {
      "verse": 40,
      "text": "Dominus, ait, in cujus conspectu ambulo, mittet angelum suum tecum, et diriget viam tuam : accipiesque uxorem filio meo de cognatione mea, et de domo patris mei.",
      "citation": "Genesis 24:40 (Clementine Vulgate)"
    },
    {
      "verse": 41,
      "text": "Innocens eris a maledictione mea, cum veneris ad propinquos meos, et non dederint tibi.",
      "citation": "Genesis 24:41 (Clementine Vulgate)"
    },
    {
      "verse": 42,
      "text": "Veni ergo hodie ad fontem aquæ, et dixi : Domine Deus domini mei Abraham, si direxisti viam meam, in qua nunc ambulo,",
      "citation": "Genesis 24:42 (Clementine Vulgate)"
    },
    {
      "verse": 43,
      "text": "ecce sto juxta fontem aquæ, et virgo, quæ egredietur ad hauriendam aquam, audierit a me : Da mihi pauxillum aquæ ad bibendum ex hydria tua :",
      "citation": "Genesis 24:43 (Clementine Vulgate)"
    },
    {
      "verse": 44,
      "text": "et dixerit mihi : Et tu bibe, et camelis tuis hauriam : ipsa est mulier, quam præparavit Dominus filio domini mei.",
      "citation": "Genesis 24:44 (Clementine Vulgate)"
    },
    {
      "verse": 45,
      "text": "Dumque hæc tacitus mecum volverem, apparuit Rebecca veniens cum hydria, quam portabat in scapula : descenditque ad fontem, et hausit aquam. Et aio ad eam : Da mihi paululum bibere.",
      "citation": "Genesis 24:45 (Clementine Vulgate)"
    },
    {
      "verse": 46,
      "text": "Quæ festinans deposuit hydriam de humero, et dixit mihi : Et tu bibe, et camelis tuis tribuam potum. Bibi, et adaquavit camelos.",
      "citation": "Genesis 24:46 (Clementine Vulgate)"
    },
    {
      "verse": 47,
      "text": "Interrogavique eam, et dixi : Cujus es filia ? Quæ respondit : Filia Bathuelis sum, filii Nachor, quem peperit ei Melcha. Suspendi itaque inaures ad ornandam faciem ejus, et armillas posui in manibus ejus.",
      "citation": "Genesis 24:47 (Clementine Vulgate)"
    },
    {
      "verse": 48,
      "text": "Pronusque adoravi Dominum, benedicens Domino Deo domini mei Abraham, qui perduxit me recto itinere, ut sumerem filiam fratris domini mei filio ejus.",
      "citation": "Genesis 24:48 (Clementine Vulgate)"
    },
    {
      "verse": 49,
      "text": "Quam ob rem si facitis misericordiam et veritatem cum domino meo, indicate mihi : sin autem aliud placet, et hoc dicite mihi, ut vadam ad dextram, sive ad sinistram.",
      "citation": "Genesis 24:49 (Clementine Vulgate)"
    },
    {
      "verse": 50,
      "text": "Responderuntque Laban et Bathuel : A Domino egressus est sermo : non possumus extra placitum ejus quidquam aliud loqui tecum.",
      "citation": "Genesis 24:50 (Clementine Vulgate)"
    },
    {
      "verse": 51,
      "text": "En Rebecca coram te est, tolle eam, et proficiscere, et sit uxor filii domini tui, sicut locutus est Dominus.",
      "citation": "Genesis 24:51 (Clementine Vulgate)"
    },
    {
      "verse": 52,
      "text": "Quod cum audisset puer Abraham, procidens adoravit in terram Dominum.",
      "citation": "Genesis 24:52 (Clementine Vulgate)"
    },
    {
      "verse": 53,
      "text": "Prolatisque vasis argenteis, et aureis, ac vestibus, dedit ea Rebeccæ pro munere : fratribus quoque ejus et matri dona obtulit.",
      "citation": "Genesis 24:53 (Clementine Vulgate)"
    },
    {
      "verse": 54,
      "text": "Inito convivio, vescentes pariter et bibentes manserunt ibi. Surgens autem mane, locutus est puer : Dimitte me, ut vadam ad dominum meum.",
      "citation": "Genesis 24:54 (Clementine Vulgate)"
    },
    {
      "verse": 55,
      "text": "Responderuntque fratres ejus et mater : Maneat puella saltem decem dies apud nos, et postea proficiscetur.",
      "citation": "Genesis 24:55 (Clementine Vulgate)"
    },
    {
      "verse": 56,
      "text": "Nolite, ait, me retinere, quia Dominus direxit viam meam : dimittite me ut pergam ad dominum meum.",
      "citation": "Genesis 24:56 (Clementine Vulgate)"
    },
    {
      "verse": 57,
      "text": "Et dixerunt : Vocemus puellam, et quæramus ipsius voluntatem.",
      "citation": "Genesis 24:57 (Clementine Vulgate)"
    },
    {
      "verse": 58,
      "text": "Cumque vocata venisset, sciscitati sunt : Vis ire cum homine isto ? Quæ ait : Vadam.",
      "citation": "Genesis 24:58 (Clementine Vulgate)"
    },
    {
      "verse": 59,
      "text": "Dimiserunt ergo eam, et nutricem illius, servumque Abraham, et comites ejus,",
      "citation": "Genesis 24:59 (Clementine Vulgate)"
    },
    {
      "verse": 60,
      "text": "imprecantes prospera sorori suæ, atque dicentes : Soror nostra es, crescas in mille millia, et possideat semen tuum portas inimicorum suorum.",
      "citation": "Genesis 24:60 (Clementine Vulgate)"
    },
    {
      "verse": 61,
      "text": "Igitur Rebecca et puellæ illius, ascensis camelis, secutæ sunt virum : qui festinus revertebatur ad dominum suum.",
      "citation": "Genesis 24:61 (Clementine Vulgate)"
    },
    {
      "verse": 62,
      "text": "Eo autem tempore deambulabat Isaac per viam quæ ducit ad puteum, cujus nomen est Viventis et videntis : habitabat enim in terra australi :",
      "citation": "Genesis 24:62 (Clementine Vulgate)"
    },
    {
      "verse": 63,
      "text": "et egressus fuerat ad meditandum in agro, inclinata jam die : cumque elevasset oculos, vidit camelos venientes procul.",
      "citation": "Genesis 24:63 (Clementine Vulgate)"
    },
    {
      "verse": 64,
      "text": "Rebecca quoque, conspecto Isaac, descendit de camelo,",
      "citation": "Genesis 24:64 (Clementine Vulgate)"
    },
    {
      "verse": 65,
      "text": "et ait ad puerum : Quis est ille homo qui venit per agrum in occursum nobis ? Dixitque ei : Ipse est dominus meus. At illa tollens cito pallium, operuit se.",
      "citation": "Genesis 24:65 (Clementine Vulgate)"
    },
    {
      "verse": 66,
      "text": "Servus autem cuncta, quæ gesserat, narravit Isaac.",
      "citation": "Genesis 24:66 (Clementine Vulgate)"
    },
    {
      "verse": 67,
      "text": "Qui introduxit eam in tabernaculum Saræ matris suæ, et accepit eam uxorem : et in tantum dilexit eam, ut dolorem, qui ex morte matris ejus acciderat, temperaret.",
      "citation": "Genesis 24:67 (Clementine Vulgate)"
    }
  ]
}