{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 26 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 26,
    "verseCount": 35,
    "navigation": {
      "htmlUrl": "https://latinprayer.org/latin/genesis/26/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/25.json",
      "previousChapterHtmlUrl": "https://latinprayer.org/latin/genesis/25/",
      "nextChapter": "https://latinprayer.org/latin/genesis/27.json",
      "nextChapterHtmlUrl": "https://latinprayer.org/latin/genesis/27/"
    },
    "crossReferences": {
      "english": "https://latinprayer.org/bible/genesis/26.json",
      "englishHtmlUrl": "https://latinprayer.org/bible/genesis/26/",
      "german": "https://latinprayer.org/bibel/genesis/26.json",
      "germanHtmlUrl": "https://latinprayer.org/bibel/genesis/26/"
    }
  },
  "citation": "Genesis 26 (Clementine Vulgate)",
  "verses": [
    {
      "verse": 1,
      "text": "Orta autem fame super terram post eam sterilitatem, quæ acciderat in diebus Abraham, abiit Isaac ad Abimelech regem Palæstinorum in Gerara.",
      "citation": "Genesis 26:1 (Clementine Vulgate)"
    },
    {
      "verse": 2,
      "text": "Apparuitque ei Dominus, et ait : Ne descendas in Ægyptum, sed quiesce in terra quam dixero tibi,",
      "citation": "Genesis 26:2 (Clementine Vulgate)"
    },
    {
      "verse": 3,
      "text": "et peregrinare in ea : eroque tecum, et benedicam tibi : tibi enim et semini tuo dabo universas regiones has, complens juramentum quod spopondi Abraham patri tuo.",
      "citation": "Genesis 26:3 (Clementine Vulgate)"
    },
    {
      "verse": 4,
      "text": "Et multiplicabo semen tuum sicut stellas cæli : daboque posteris tuis universas regiones has : et benedicentur in semine tuo omnes gentes terræ,",
      "citation": "Genesis 26:4 (Clementine Vulgate)"
    },
    {
      "verse": 5,
      "text": "eo quod obedierit Abraham voci meæ, et custodierit præcepta et mandata mea, et cæremonias legesque servaverit.",
      "citation": "Genesis 26:5 (Clementine Vulgate)"
    },
    {
      "verse": 6,
      "text": "Mansit itaque Isaac in Geraris.",
      "citation": "Genesis 26:6 (Clementine Vulgate)"
    },
    {
      "verse": 7,
      "text": "Qui cum interrogaretur a viris loci illius super uxore sua, respondit : Soror mea est : timuerat enim confiteri quod sibi esset sociata conjugio, reputans ne forte interficerent eum propter illius pulchritudinem.",
      "citation": "Genesis 26:7 (Clementine Vulgate)"
    },
    {
      "verse": 8,
      "text": "Cumque pertransissent dies plurimi, et ibidem moraretur, prospiciens Abimelech rex Palæstinorum per fenestram, vidit eum jocantem cum Rebecca uxore sua.",
      "citation": "Genesis 26:8 (Clementine Vulgate)"
    },
    {
      "verse": 9,
      "text": "Et accersito eo, ait : Perspicuum est quod uxor tua sit : cur mentitus es eam sororem tuam esse ? Respondit : Timui ne morerer propter eam.",
      "citation": "Genesis 26:9 (Clementine Vulgate)"
    },
    {
      "verse": 10,
      "text": "Dixitque Abimelech : Quare imposuisti nobis ? potuit coire quispiam de populo cum uxore tua, et induxeras super nos grande peccatum. Præcepitque omni populo, dicens :",
      "citation": "Genesis 26:10 (Clementine Vulgate)"
    },
    {
      "verse": 11,
      "text": "Qui tetigerit hominis hujus uxorem, morte morietur.",
      "citation": "Genesis 26:11 (Clementine Vulgate)"
    },
    {
      "verse": 12,
      "text": "Sevit autem Isaac in terra illa, et invenit in ipso anno centuplum : benedixitque ei Dominus.",
      "citation": "Genesis 26:12 (Clementine Vulgate)"
    },
    {
      "verse": 13,
      "text": "Et locupletatus est homo, et ibat proficiens atque succrescens, donec magnus vehementer effectus est :",
      "citation": "Genesis 26:13 (Clementine Vulgate)"
    },
    {
      "verse": 14,
      "text": "habuit quoque possessiones ovium et armentorum, et familiæ plurimum. Ob hoc invidentes ei Palæstini,",
      "citation": "Genesis 26:14 (Clementine Vulgate)"
    },
    {
      "verse": 15,
      "text": "omnes puteos, quos foderant servi patris illius Abraham, illo tempore obstruxerunt, implentes humo :",
      "citation": "Genesis 26:15 (Clementine Vulgate)"
    },
    {
      "verse": 16,
      "text": "in tantum, ut ipse Abimelech diceret ad Isaac : Recede a nobis, quoniam potentior nobis factus es valde.",
      "citation": "Genesis 26:16 (Clementine Vulgate)"
    },
    {
      "verse": 17,
      "text": "Et ille discedens, ut veniret ad torrentem Geraræ, habitaretque ibi,",
      "citation": "Genesis 26:17 (Clementine Vulgate)"
    },
    {
      "verse": 18,
      "text": "rursum fodit alios puteos, quos foderant servi patris sui Abraham, et quos, illo mortuo, olim obstruxerant Philisthiim : appellavitque eos eisdem nominibus quibus ante pater vocaverat.",
      "citation": "Genesis 26:18 (Clementine Vulgate)"
    },
    {
      "verse": 19,
      "text": "Foderuntque in torrente, et repererunt aquam vivam.",
      "citation": "Genesis 26:19 (Clementine Vulgate)"
    },
    {
      "verse": 20,
      "text": "Sed et ibi jurgium fuit pastorum Geraræ adversus pastores Isaac, dicentium : Nostra est aqua, quam ob rem nomen putei ex eo, quod acciderat, vocavit Calumniam.",
      "citation": "Genesis 26:20 (Clementine Vulgate)"
    },
    {
      "verse": 21,
      "text": "Foderunt autem et alium : et pro illo quoque rixati sunt, appellavitque eum Inimicitias.",
      "citation": "Genesis 26:21 (Clementine Vulgate)"
    },
    {
      "verse": 22,
      "text": "Profectus inde fodit alium puteum, pro quo non contenderunt : itaque vocavit nomen ejus Latitudo, dicens : Nunc dilatavit nos Dominus, et fecit crescere super terram.",
      "citation": "Genesis 26:22 (Clementine Vulgate)"
    },
    {
      "verse": 23,
      "text": "Ascendit autem ex illo loco in Bersabee,",
      "citation": "Genesis 26:23 (Clementine Vulgate)"
    },
    {
      "verse": 24,
      "text": "ubi apparuit ei Dominus in ipsa nocte, dicens : Ego sum Deus Abraham patris tui : noli timere, quia ego tecum sum : benedicam tibi, et multiplicabo semen tuum propter servum meum Abraham.",
      "citation": "Genesis 26:24 (Clementine Vulgate)"
    },
    {
      "verse": 25,
      "text": "Itaque ædificavit ibi altare : et invocato nomine Domini, extendit tabernaculum, præcepitque servis suis ut foderent puteum.",
      "citation": "Genesis 26:25 (Clementine Vulgate)"
    },
    {
      "verse": 26,
      "text": "Ad quem locum cum venissent de Geraris Abimelech, et Ochozath amicus illius, et Phicol dux militum,",
      "citation": "Genesis 26:26 (Clementine Vulgate)"
    },
    {
      "verse": 27,
      "text": "locutus est eis Isaac : Quid venistis ad me, hominem quem odistis, et expulistis a vobis ?",
      "citation": "Genesis 26:27 (Clementine Vulgate)"
    },
    {
      "verse": 28,
      "text": "Qui responderunt : Vidimus tecum esse Dominum, et idcirco nos diximus : Sit juramentum inter nos, et ineamus fœdus,",
      "citation": "Genesis 26:28 (Clementine Vulgate)"
    },
    {
      "verse": 29,
      "text": "ut non facias nobis quidquam mali, sicut et nos nihil tuorum attigimus, nec fecimus quod te læderet : sed cum pace dimisimus auctum benedictione Domini.",
      "citation": "Genesis 26:29 (Clementine Vulgate)"
    },
    {
      "verse": 30,
      "text": "Fecit ergo eis convivium, et post cibum et potum",
      "citation": "Genesis 26:30 (Clementine Vulgate)"
    },
    {
      "verse": 31,
      "text": "surgentes mane, juraverunt sibi mutuo : dimisitque eos Isaac pacifice in locum suum.",
      "citation": "Genesis 26:31 (Clementine Vulgate)"
    },
    {
      "verse": 32,
      "text": "Ecce autem venerunt in ipso die servi Isaac annuntiantes ei de puteo, quem foderant, atque dicentes : Invenimus aquam.",
      "citation": "Genesis 26:32 (Clementine Vulgate)"
    },
    {
      "verse": 33,
      "text": "Unde appellavit eum Abundantiam : et nomen urbi impositum est Bersabee, usque in præsentem diem.",
      "citation": "Genesis 26:33 (Clementine Vulgate)"
    },
    {
      "verse": 34,
      "text": "Esau vero quadragenarius duxit uxores, Judith filiam Beeri Hethæi, et Basemath filiam Elon ejusdem loci :",
      "citation": "Genesis 26:34 (Clementine Vulgate)"
    },
    {
      "verse": 35,
      "text": "quæ ambæ offenderant animum Isaac et Rebeccæ.",
      "citation": "Genesis 26:35 (Clementine Vulgate)"
    }
  ]
}