{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 27 — 46 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 27,
    "verseCount": 46,
    "navigation": {
      "htmlUrl": "https://latinprayer.org/latin/genesis/27/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/26.json",
      "previousChapterHtmlUrl": "https://latinprayer.org/latin/genesis/26/",
      "nextChapter": "https://latinprayer.org/latin/genesis/28.json",
      "nextChapterHtmlUrl": "https://latinprayer.org/latin/genesis/28/"
    },
    "crossReferences": {
      "english": "https://latinprayer.org/bible/genesis/27.json",
      "englishHtmlUrl": "https://latinprayer.org/bible/genesis/27/",
      "german": "https://latinprayer.org/bibel/genesis/27.json",
      "germanHtmlUrl": "https://latinprayer.org/bibel/genesis/27/"
    }
  },
  "citation": "Genesis 27 (Clementine Vulgate)",
  "verses": [
    {
      "verse": 1,
      "text": "Senuit autem Isaac, et caligaverunt oculi ejus, et videre non poterat : vocavitque Esau filium suum majorem, et dixit ei : Fili mi ? Qui respondit : Adsum.",
      "citation": "Genesis 27:1 (Clementine Vulgate)"
    },
    {
      "verse": 2,
      "text": "Cui pater : Vides, inquit, quod senuerim, et ignorem diem mortis meæ.",
      "citation": "Genesis 27:2 (Clementine Vulgate)"
    },
    {
      "verse": 3,
      "text": "Sume arma tua, pharetram, et arcum, et egredere foras : cumque venatu aliquid apprehenderis,",
      "citation": "Genesis 27:3 (Clementine Vulgate)"
    },
    {
      "verse": 4,
      "text": "fac mihi inde pulmentum sicut velle me nosti, et affer ut comedam : et benedicat tibi anima mea antequam moriar.",
      "citation": "Genesis 27:4 (Clementine Vulgate)"
    },
    {
      "verse": 5,
      "text": "Quod cum audisset Rebecca, et ille abiisset in agrum ut jussionem patris impleret,",
      "citation": "Genesis 27:5 (Clementine Vulgate)"
    },
    {
      "verse": 6,
      "text": "dixit filio suo Jacob : Audivi patrem tuum loquentem cum Esau fratre tuo, et dicentem ei :",
      "citation": "Genesis 27:6 (Clementine Vulgate)"
    },
    {
      "verse": 7,
      "text": "Affer mihi de venatione tua, et fac cibos ut comedam, et benedicam tibi coram Domino antequam moriar.",
      "citation": "Genesis 27:7 (Clementine Vulgate)"
    },
    {
      "verse": 8,
      "text": "Nunc ergo, fili mi, acquiesce consiliis meis :",
      "citation": "Genesis 27:8 (Clementine Vulgate)"
    },
    {
      "verse": 9,
      "text": "et pergens ad gregem, affer mihi duos hædos optimos, ut faciam ex eis escas patri tuo, quibus libenter vescitur :",
      "citation": "Genesis 27:9 (Clementine Vulgate)"
    },
    {
      "verse": 10,
      "text": "quas cum intuleris, et comederit, benedicat tibi priusquam moriatur.",
      "citation": "Genesis 27:10 (Clementine Vulgate)"
    },
    {
      "verse": 11,
      "text": "Cui ille respondit : Nosti quod Esau frater meus homo pilosus sit, et ego lenis :",
      "citation": "Genesis 27:11 (Clementine Vulgate)"
    },
    {
      "verse": 12,
      "text": "si attrectaverit me pater meus, et senserit, timeo ne putet me sibi voluisse illudere, et inducam super me maledictionem pro benedictione.",
      "citation": "Genesis 27:12 (Clementine Vulgate)"
    },
    {
      "verse": 13,
      "text": "Ad quem mater : In me sit, ait, ista maledictio, fili mi : tantum audi vocem meam, et pergens, affer quæ dixi.",
      "citation": "Genesis 27:13 (Clementine Vulgate)"
    },
    {
      "verse": 14,
      "text": "Abiit, et attulit, deditque matri. Paravit illa cibos, sicut velle noverat patrem illius.",
      "citation": "Genesis 27:14 (Clementine Vulgate)"
    },
    {
      "verse": 15,
      "text": "Et vestibus Esau valde bonis, quas apud se habebat domi, induit eum :",
      "citation": "Genesis 27:15 (Clementine Vulgate)"
    },
    {
      "verse": 16,
      "text": "pelliculasque hædorum circumdedit manibus, et colli nuda protexit :",
      "citation": "Genesis 27:16 (Clementine Vulgate)"
    },
    {
      "verse": 17,
      "text": "deditque pulmentum, et panes, quos coxerat, tradidit.",
      "citation": "Genesis 27:17 (Clementine Vulgate)"
    },
    {
      "verse": 18,
      "text": "Quibus illatis, dixit : Pater mi ? At ille respondit : Audio. Quis es tu, fili mi ?",
      "citation": "Genesis 27:18 (Clementine Vulgate)"
    },
    {
      "verse": 19,
      "text": "Dixitque Jacob : Ego sum primogenitus tuus Esau : feci sicut præcepisti mihi : surge, sede, et comede de venatione mea, ut benedicat mihi anima tua.",
      "citation": "Genesis 27:19 (Clementine Vulgate)"
    },
    {
      "verse": 20,
      "text": "Rursumque Isaac ad filium suum : Quomodo, inquit, tam cito invenire potuisti, fili mi ? Qui respondit : Voluntas Dei fuit ut cito occurreret mihi quod volebam.",
      "citation": "Genesis 27:20 (Clementine Vulgate)"
    },
    {
      "verse": 21,
      "text": "Dixitque Isaac : Accede huc, ut tangam te, fili mi, et probem utrum tu sis filius meus Esau, an non.",
      "citation": "Genesis 27:21 (Clementine Vulgate)"
    },
    {
      "verse": 22,
      "text": "Accessit ille ad patrem, et palpato eo, dixit Isaac : Vox quidem, vox Jacob est : sed manus, manus sunt Esau.",
      "citation": "Genesis 27:22 (Clementine Vulgate)"
    },
    {
      "verse": 23,
      "text": "Et non cognovit eum, quia pilosæ manus similitudinem majoris expresserant. Benedicens ergo illi,",
      "citation": "Genesis 27:23 (Clementine Vulgate)"
    },
    {
      "verse": 24,
      "text": "ait : Tu es filius meus Esau ? Respondit : Ego sum.",
      "citation": "Genesis 27:24 (Clementine Vulgate)"
    },
    {
      "verse": 25,
      "text": "At ille : Affer mihi, inquit, cibos de venatione tua, fili mi, ut benedicat tibi anima mea. Quos cum oblatos comedisset, obtulit ei etiam vinum. Quo hausto,",
      "citation": "Genesis 27:25 (Clementine Vulgate)"
    },
    {
      "verse": 26,
      "text": "dixit ad eum : Accede ad me, et da mihi osculum, fili mi.",
      "citation": "Genesis 27:26 (Clementine Vulgate)"
    },
    {
      "verse": 27,
      "text": "Accessit, et osculatus est eum. Statimque ut sensit vestimentorum illius fragrantiam, benedicens illi, ait : Ecce odor filii mei sicut odor agri pleni, cui benedixit Dominus.",
      "citation": "Genesis 27:27 (Clementine Vulgate)"
    },
    {
      "verse": 28,
      "text": "Det tibi Deus de rore cæli et de pinguedine terræ abundantiam frumenti et vini.",
      "citation": "Genesis 27:28 (Clementine Vulgate)"
    },
    {
      "verse": 29,
      "text": "Et serviant tibi populi, et adorent te tribus : esto dominus fratrum tuorum, et incurventur ante te filii matris tuæ : qui maledixerit tibi, sit ille maledictus, et qui benedixerit tibi, benedictionibus repleatur.",
      "citation": "Genesis 27:29 (Clementine Vulgate)"
    },
    {
      "verse": 30,
      "text": "Vix Isaac sermonem impleverat, et egresso Jacob foras, venit Esau,",
      "citation": "Genesis 27:30 (Clementine Vulgate)"
    },
    {
      "verse": 31,
      "text": "coctosque de venatione cibos intulit patri, dicens : Surge, pater mi, et comede de venatione filii tui, ut benedicat mihi anima tua.",
      "citation": "Genesis 27:31 (Clementine Vulgate)"
    },
    {
      "verse": 32,
      "text": "Dixitque illi Isaac : Quis enim es tu ? Qui respondit : Ego sum filius tuus primogenitus Esau.",
      "citation": "Genesis 27:32 (Clementine Vulgate)"
    },
    {
      "verse": 33,
      "text": "Expavit Isaac stupore vehementi : et ultra quam credi potest admirans, ait : Quis igitur ille est qui dudum captam venationem attulit mihi, et comedi ex omnibus priusquam tu venires ; benedixique ei, et erit benedictus ?",
      "citation": "Genesis 27:33 (Clementine Vulgate)"
    },
    {
      "verse": 34,
      "text": "Auditis Esau sermonibus patris, irrugiit clamore magno : et consternatus, ait : Benedic etiam et mihi, pater mi.",
      "citation": "Genesis 27:34 (Clementine Vulgate)"
    },
    {
      "verse": 35,
      "text": "Qui ait : Venit germanus tuus fraudulenter, et accepit benedictionem tuam.",
      "citation": "Genesis 27:35 (Clementine Vulgate)"
    },
    {
      "verse": 36,
      "text": "At ille subjunxit : Juste vocatum est nomen ejus Jacob : supplantavit enim me en altera vice : primogenita mea ante tulit, et nunc secundo surripuit benedictionem meam. Rursumque ad patrem : Numquid non reservasti, ait, et mihi benedictionem ?",
      "citation": "Genesis 27:36 (Clementine Vulgate)"
    },
    {
      "verse": 37,
      "text": "Respondit Isaac : Dominum tuum illum constitui, et omnes fratres ejus servituti illius subjugavi ; frumento et vino stabilivi eum : et tibi post hæc, fili mi, ultra quid faciam ?",
      "citation": "Genesis 27:37 (Clementine Vulgate)"
    },
    {
      "verse": 38,
      "text": "Cui Esau : Num unam, inquit, tantum benedictionem habes, pater ? mihi quoque obsecro ut benedicas. Cumque ejulatu magno fleret,",
      "citation": "Genesis 27:38 (Clementine Vulgate)"
    },
    {
      "verse": 39,
      "text": "motus Isaac, dixit ad eum : In pinguedine terræ, et in rore cæli desuper,",
      "citation": "Genesis 27:39 (Clementine Vulgate)"
    },
    {
      "verse": 40,
      "text": "erit benedictio tua. Vives in gladio, et fratri tuo servies : tempusque veniet, cum excutias et solvas jugum ejus de cervicibus tuis.",
      "citation": "Genesis 27:40 (Clementine Vulgate)"
    },
    {
      "verse": 41,
      "text": "Oderat ergo semper Esau Jacob pro benedictione qua benedixerat ei pater : dixitque in corde suo : Venient dies luctus patris mei, et occidam Jacob fratrem meum.",
      "citation": "Genesis 27:41 (Clementine Vulgate)"
    },
    {
      "verse": 42,
      "text": "Nuntiata sunt hæc Rebeccæ : quæ mittens et vocans Jacob filium suum, dixit ad eum : Ecce Esau frater tuus minatur ut occidat te.",
      "citation": "Genesis 27:42 (Clementine Vulgate)"
    },
    {
      "verse": 43,
      "text": "Nunc ergo, fili mi, audi vocem meam, et consurgens fuge ad Laban fratrem meum in Haran :",
      "citation": "Genesis 27:43 (Clementine Vulgate)"
    },
    {
      "verse": 44,
      "text": "habitabisque cum eo dies paucos, donec requiescat furor fratris tui,",
      "citation": "Genesis 27:44 (Clementine Vulgate)"
    },
    {
      "verse": 45,
      "text": "et cesset indignatio ejus, obliviscaturque eorum quæ fecisti in eum : postea mittam, et adducam te inde huc : cur utroque orbabor filio in uno die ?",
      "citation": "Genesis 27:45 (Clementine Vulgate)"
    },
    {
      "verse": 46,
      "text": "Dixitque Rebecca ad Isaac : Tædet me vitæ meæ propter filias Heth : si acceperit Jacob uxorem de stirpe hujus terræ, nolo vivere.",
      "citation": "Genesis 27:46 (Clementine Vulgate)"
    }
  ]
}