{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 30 — 43 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 30,
    "verseCount": 43,
    "navigation": {
      "htmlUrl": "https://latinprayer.org/latin/genesis/30/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/29.json",
      "previousChapterHtmlUrl": "https://latinprayer.org/latin/genesis/29/",
      "nextChapter": "https://latinprayer.org/latin/genesis/31.json",
      "nextChapterHtmlUrl": "https://latinprayer.org/latin/genesis/31/"
    },
    "crossReferences": {
      "english": "https://latinprayer.org/bible/genesis/30.json",
      "englishHtmlUrl": "https://latinprayer.org/bible/genesis/30/",
      "german": "https://latinprayer.org/bibel/genesis/30.json",
      "germanHtmlUrl": "https://latinprayer.org/bibel/genesis/30/"
    }
  },
  "citation": "Genesis 30 (Clementine Vulgate)",
  "verses": [
    {
      "verse": 1,
      "text": "Cernens autem Rachel quod infecunda esset, invidit sorori suæ, et ait marito suo : Da mihi liberos, alioquin moriar.",
      "citation": "Genesis 30:1 (Clementine Vulgate)"
    },
    {
      "verse": 2,
      "text": "Cui iratus respondit Jacob : Num pro Deo ego sum, qui privavit te fructu ventris tui ?",
      "citation": "Genesis 30:2 (Clementine Vulgate)"
    },
    {
      "verse": 3,
      "text": "At illa : Habeo, inquit, famulam Balam : ingredere ad illam, ut pariat super genua mea, et habeam ex illa filios.",
      "citation": "Genesis 30:3 (Clementine Vulgate)"
    },
    {
      "verse": 4,
      "text": "Deditque illi Balam in conjugium : quæ,",
      "citation": "Genesis 30:4 (Clementine Vulgate)"
    },
    {
      "verse": 5,
      "text": "ingresso ad se viro, concepit, et peperit filium.",
      "citation": "Genesis 30:5 (Clementine Vulgate)"
    },
    {
      "verse": 6,
      "text": "Dixitque Rachel : Judicavit mihi Dominus, et exaudivit vocem meam, dans mihi filium, et idcirco appellavit nomen ejus Dan.",
      "citation": "Genesis 30:6 (Clementine Vulgate)"
    },
    {
      "verse": 7,
      "text": "Rursumque Bala concipiens, peperit alterum,",
      "citation": "Genesis 30:7 (Clementine Vulgate)"
    },
    {
      "verse": 8,
      "text": "pro quo ait Rachel : Comparavit me Deus cum sorore mea, et invalui : vocavitque eum Nephthali.",
      "citation": "Genesis 30:8 (Clementine Vulgate)"
    },
    {
      "verse": 9,
      "text": "Sentiens Lia quod parere desiisset, Zelpham ancillam suam marito tradidit.",
      "citation": "Genesis 30:9 (Clementine Vulgate)"
    },
    {
      "verse": 10,
      "text": "Qua post conceptum edente filium,",
      "citation": "Genesis 30:10 (Clementine Vulgate)"
    },
    {
      "verse": 11,
      "text": "dixit : Feliciter, et idcirco vocavit nomen ejus Gad.",
      "citation": "Genesis 30:11 (Clementine Vulgate)"
    },
    {
      "verse": 12,
      "text": "Peperit quoque Zelpha alterum.",
      "citation": "Genesis 30:12 (Clementine Vulgate)"
    },
    {
      "verse": 13,
      "text": "Dixitque Lia : Hoc pro beatitudine mea : beatam quippe me dicent mulieres : propterea appellavit eum Aser.",
      "citation": "Genesis 30:13 (Clementine Vulgate)"
    },
    {
      "verse": 14,
      "text": "Egressus autem Ruben tempore messis triticeæ in agrum, reperit mandragoras, quas matri Liæ detulit. Dixitque Rachel : Da mihi partem de mandragoris filii tui.",
      "citation": "Genesis 30:14 (Clementine Vulgate)"
    },
    {
      "verse": 15,
      "text": "Illa respondit : Parumne tibi videtur quod præripueris maritum mihi, nisi etiam mandragoras filii mei tuleris ? Ait Rachel : Dormiat tecum hac nocte pro mandragoris filii tui.",
      "citation": "Genesis 30:15 (Clementine Vulgate)"
    },
    {
      "verse": 16,
      "text": "Redeuntique ad vesperam Jacob de agro, egressa est in occursum ejus Lia, et Ad me, inquit, intrabis : quia mercede conduxi te pro mandragoris filii mei. Dormivitque cum ea nocte illa.",
      "citation": "Genesis 30:16 (Clementine Vulgate)"
    },
    {
      "verse": 17,
      "text": "Et exaudivit Deus preces ejus, concepitque et peperit filium quintum,",
      "citation": "Genesis 30:17 (Clementine Vulgate)"
    },
    {
      "verse": 18,
      "text": "et ait : Dedit Deus mercedem mihi, quia dedi ancillam meam viro meo : appellavitque nomen ejus Issachar.",
      "citation": "Genesis 30:18 (Clementine Vulgate)"
    },
    {
      "verse": 19,
      "text": "Rursum Lia concipiens, peperit sextum filium,",
      "citation": "Genesis 30:19 (Clementine Vulgate)"
    },
    {
      "verse": 20,
      "text": "et ait : Dotavit me Deus dote bona : etiam hac vice mecum erit maritus meus, eo quod genuerim ei sex filios : et idcirco appellavit nomen ejus Zabulon.",
      "citation": "Genesis 30:20 (Clementine Vulgate)"
    },
    {
      "verse": 21,
      "text": "Post quem peperit filiam, nomine Dinam.",
      "citation": "Genesis 30:21 (Clementine Vulgate)"
    },
    {
      "verse": 22,
      "text": "Recordatus quoque Dominus Rachelis, exaudivit eam, et aperuit vulvam ejus.",
      "citation": "Genesis 30:22 (Clementine Vulgate)"
    },
    {
      "verse": 23,
      "text": "Quæ concepit, et peperit filium, dicens : Abstulit Deus opprobrium meum.",
      "citation": "Genesis 30:23 (Clementine Vulgate)"
    },
    {
      "verse": 24,
      "text": "Et vocavit nomen ejus Joseph, dicens : Addat mihi Dominus filium alterum.",
      "citation": "Genesis 30:24 (Clementine Vulgate)"
    },
    {
      "verse": 25,
      "text": "Nato autem Joseph, dixit Jacob socero suo : Dimitte me ut revertar in patriam, et ad terram meam.",
      "citation": "Genesis 30:25 (Clementine Vulgate)"
    },
    {
      "verse": 26,
      "text": "Da mihi uxores, et liberos meos, pro quibus servivi tibi, ut abeam : tu nosti servitutem qua servivi tibi.",
      "citation": "Genesis 30:26 (Clementine Vulgate)"
    },
    {
      "verse": 27,
      "text": "Ait illi Laban : Inveniam gratiam in conspectu tuo, experimento didici, quia benedixerit mihi Deus propter te :",
      "citation": "Genesis 30:27 (Clementine Vulgate)"
    },
    {
      "verse": 28,
      "text": "constitue mercedem tuam quam dem tibi.",
      "citation": "Genesis 30:28 (Clementine Vulgate)"
    },
    {
      "verse": 29,
      "text": "At ille respondit : Tu nosti quomodo servierim tibi, et quanta in manibus meis fuerit possessio tua.",
      "citation": "Genesis 30:29 (Clementine Vulgate)"
    },
    {
      "verse": 30,
      "text": "Modicum habuisti antequam venirem ad te, et nunc dives effectus es : benedixitque tibi Dominus ad introitum meum. Justum est igitur ut aliquando provideam etiam domui meæ.",
      "citation": "Genesis 30:30 (Clementine Vulgate)"
    },
    {
      "verse": 31,
      "text": "Dixitque Laban : Quid tibi dabo ? At ille ait : Nihil volo : sed si feceris quod postulo, iterum pascam, et custodiam pecora tua.",
      "citation": "Genesis 30:31 (Clementine Vulgate)"
    },
    {
      "verse": 32,
      "text": "Gyra omnes greges tuos, et separa cunctas oves varias, et sparso vellere ; quodcumque furvum, et maculosum, variumque fuerit, tam in ovibus quam in capris, erit merces mea.",
      "citation": "Genesis 30:32 (Clementine Vulgate)"
    },
    {
      "verse": 33,
      "text": "Respondebitque mihi cras justitia mea, quando placiti tempus advenerit coram te : et omnia quæ non fuerint varia, et maculosa, et furva, tam in ovibus quam in capris, furti me arguent.",
      "citation": "Genesis 30:33 (Clementine Vulgate)"
    },
    {
      "verse": 34,
      "text": "Dixitque Laban : Gratum habeo quod petis.",
      "citation": "Genesis 30:34 (Clementine Vulgate)"
    },
    {
      "verse": 35,
      "text": "Et separavit in die illa capras, et oves, et hircos, et arietes varios, atque maculosos : cunctum autem gregem unicolorem, id est albi et nigri velleris, tradidit in manu filiorum suorum.",
      "citation": "Genesis 30:35 (Clementine Vulgate)"
    },
    {
      "verse": 36,
      "text": "Et posuit spatium itineris trium dierum inter se et generum, qui pascebat reliquos greges ejus.",
      "citation": "Genesis 30:36 (Clementine Vulgate)"
    },
    {
      "verse": 37,
      "text": "Tollens ergo Jacob virgas populeas virides, et amygdalinas, et ex platanis, ex parte decorticavit eas : detractisque corticibus, in his, quæ spoliata fuerant, candor apparuit : illa vero quæ integra fuerant, viridia permanserunt : atque in hunc modum color effectus est varius.",
      "citation": "Genesis 30:37 (Clementine Vulgate)"
    },
    {
      "verse": 38,
      "text": "Posuitque eas in canalibus, ubi effundebatur aqua : ut cum venissent greges ad bibendum, ante oculos haberent virgas, et in aspectu earum conciperent.",
      "citation": "Genesis 30:38 (Clementine Vulgate)"
    },
    {
      "verse": 39,
      "text": "Factumque est ut in ipso calore coitus, oves intuerentur virgas, et parerent maculosa, et varia, et diverso colore respersa.",
      "citation": "Genesis 30:39 (Clementine Vulgate)"
    },
    {
      "verse": 40,
      "text": "Divisitque gregem Jacob, et posuit virgas in canalibus ante oculos arietum : erant autem alba et nigra quæque, Laban ; cetera vero, Jacob, separatis inter se gregibus.",
      "citation": "Genesis 30:40 (Clementine Vulgate)"
    },
    {
      "verse": 41,
      "text": "Igitur quando primo tempore ascendebantur oves, ponebat Jacob virgas in canalibus aquarum ante oculos arietum et ovium, ut in earum contemplatione conciperent :",
      "citation": "Genesis 30:41 (Clementine Vulgate)"
    },
    {
      "verse": 42,
      "text": "quando vero serotina admissura erat, et conceptus extremus, non ponebat eas. Factaque sunt ea quæ erant serotina, Laban : et quæ primi temporis, Jacob.",
      "citation": "Genesis 30:42 (Clementine Vulgate)"
    },
    {
      "verse": 43,
      "text": "Ditatusque est homo ultra modum, et habuit greges multos, ancillas et servos, camelos et asinos.",
      "citation": "Genesis 30:43 (Clementine Vulgate)"
    }
  ]
}