{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 34 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 34,
    "verseCount": 31,
    "navigation": {
      "htmlUrl": "https://latinprayer.org/latin/genesis/34/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/33.json",
      "previousChapterHtmlUrl": "https://latinprayer.org/latin/genesis/33/",
      "nextChapter": "https://latinprayer.org/latin/genesis/35.json",
      "nextChapterHtmlUrl": "https://latinprayer.org/latin/genesis/35/"
    },
    "crossReferences": {
      "english": "https://latinprayer.org/bible/genesis/34.json",
      "englishHtmlUrl": "https://latinprayer.org/bible/genesis/34/",
      "german": "https://latinprayer.org/bibel/genesis/34.json",
      "germanHtmlUrl": "https://latinprayer.org/bibel/genesis/34/"
    }
  },
  "citation": "Genesis 34 (Clementine Vulgate)",
  "verses": [
    {
      "verse": 1,
      "text": "Egressa est autem Dina filia Liæ ut videret mulieres regionis illius.",
      "citation": "Genesis 34:1 (Clementine Vulgate)"
    },
    {
      "verse": 2,
      "text": "Quam cum vidisset Sichem filius Hemor Hevæi, princeps terræ illius, adamavit eam : et rapuit, et dormivit cum illa, vi opprimens virginem.",
      "citation": "Genesis 34:2 (Clementine Vulgate)"
    },
    {
      "verse": 3,
      "text": "Et conglutinata est anima ejus cum ea, tristemque delinivit blanditiis.",
      "citation": "Genesis 34:3 (Clementine Vulgate)"
    },
    {
      "verse": 4,
      "text": "Et pergens ad Hemor patrem suum : Accipe, inquit, mihi puellam hanc conjugem.",
      "citation": "Genesis 34:4 (Clementine Vulgate)"
    },
    {
      "verse": 5,
      "text": "Quod cum audisset Jacob absentibus filiis, et in pastu pecorum occupatis, siluit donec redirent.",
      "citation": "Genesis 34:5 (Clementine Vulgate)"
    },
    {
      "verse": 6,
      "text": "Egresso autem Hemor patre Sichem ut loqueretur ad Jacob,",
      "citation": "Genesis 34:6 (Clementine Vulgate)"
    },
    {
      "verse": 7,
      "text": "ecce filii ejus veniebant de agro : auditoque quod acciderat, irati sunt valde, eo quod fœdam rem operatus esset in Israël et, violata filia Jacob, rem illicitam perpetrasset.",
      "citation": "Genesis 34:7 (Clementine Vulgate)"
    },
    {
      "verse": 8,
      "text": "Locutus est itaque Hemor ad eos : Sichem filii mei adhæsit anima filiæ vestræ : date eam illi uxorem :",
      "citation": "Genesis 34:8 (Clementine Vulgate)"
    },
    {
      "verse": 9,
      "text": "et jungamus vicissim connubia : filias vestras tradite nobis, et filias nostras accipite,",
      "citation": "Genesis 34:9 (Clementine Vulgate)"
    },
    {
      "verse": 10,
      "text": "et habitate nobiscum : terra in potestate vestra est : exercete, negotiamini, et possidete eam.",
      "citation": "Genesis 34:10 (Clementine Vulgate)"
    },
    {
      "verse": 11,
      "text": "Sed et Sichem ad patrem et ad fratres ejus ait : Inveniam gratiam coram vobis : et quæcumque statueritis, dabo :",
      "citation": "Genesis 34:11 (Clementine Vulgate)"
    },
    {
      "verse": 12,
      "text": "augete dotem, et munera postulate, et libenter tribuam quod petieritis : tantum date mihi puellam hanc uxorem.",
      "citation": "Genesis 34:12 (Clementine Vulgate)"
    },
    {
      "verse": 13,
      "text": "Responderunt filii Jacob Sichem et patri ejus in dolo, sævientes ob stuprum sororis :",
      "citation": "Genesis 34:13 (Clementine Vulgate)"
    },
    {
      "verse": 14,
      "text": "Non possumus facere quod petitis, nec dare sororem nostram homini incircumciso : quod illicitum et nefarium est apud nos.",
      "citation": "Genesis 34:14 (Clementine Vulgate)"
    },
    {
      "verse": 15,
      "text": "Sed in hoc valebimus fœderari, si volueritis esse similes nostri, et circumcidatur in vobis omne masculini sexus ;",
      "citation": "Genesis 34:15 (Clementine Vulgate)"
    },
    {
      "verse": 16,
      "text": "tunc dabimus et accipiemus mutuo filias vestras ac nostras : et habitabimus vobiscum, erimusque unus populus.",
      "citation": "Genesis 34:16 (Clementine Vulgate)"
    },
    {
      "verse": 17,
      "text": "Si autem circumcidi nolueritis, tollemus filiam nostram, et recedemus.",
      "citation": "Genesis 34:17 (Clementine Vulgate)"
    },
    {
      "verse": 18,
      "text": "Placuit oblatio eorum Hemor, et Sichem filio ejus,",
      "citation": "Genesis 34:18 (Clementine Vulgate)"
    },
    {
      "verse": 19,
      "text": "nec distulit adolescens quin statim quod petebatur expleret : amabat enim puellam valde, et ipse erat inclytus in omni domo patris sui.",
      "citation": "Genesis 34:19 (Clementine Vulgate)"
    },
    {
      "verse": 20,
      "text": "Ingressique portam urbis, locuti sunt ad populum :",
      "citation": "Genesis 34:20 (Clementine Vulgate)"
    },
    {
      "verse": 21,
      "text": "Viri isti pacifici sunt, et volunt habitare nobiscum : negotientur in terra, et exerceant eam, quæ spatiosa et lata cultoribus indiget : filias eorum accipiemus uxores, et nostras illis dabimus.",
      "citation": "Genesis 34:21 (Clementine Vulgate)"
    },
    {
      "verse": 22,
      "text": "Unum est quo differtur tantum bonum : si circumcidamus masculos nostros, ritum gentis imitantes.",
      "citation": "Genesis 34:22 (Clementine Vulgate)"
    },
    {
      "verse": 23,
      "text": "Et substantia eorum, et pecora, et cuncta quæ possident, nostra erunt : tantum in hoc acquiescamus, et habitantes simul, unum efficiemus populum.",
      "citation": "Genesis 34:23 (Clementine Vulgate)"
    },
    {
      "verse": 24,
      "text": "Assensique sunt omnes, circumcisis cunctis maribus.",
      "citation": "Genesis 34:24 (Clementine Vulgate)"
    },
    {
      "verse": 25,
      "text": "Et ecce, die tertio, quando gravissimus vulnerum dolor est : arreptis duo filii Jacob, Simeon et Levi fratres Dinæ, gladiis, ingressi sunt urbem confidenter : interfectisque omnibus masculis,",
      "citation": "Genesis 34:25 (Clementine Vulgate)"
    },
    {
      "verse": 26,
      "text": "Hemor et Sichem pariter necaverunt, tollentes Dinam de domo Sichem sororem suam.",
      "citation": "Genesis 34:26 (Clementine Vulgate)"
    },
    {
      "verse": 27,
      "text": "Quibus egressis, irruerunt super occisos ceteri filii Jacob : et depopulati sunt urbem in ultionem stupri.",
      "citation": "Genesis 34:27 (Clementine Vulgate)"
    },
    {
      "verse": 28,
      "text": "Oves eorum, et armenta, et asinos, cunctaque vastantes quæ in domibus et in agris erant,",
      "citation": "Genesis 34:28 (Clementine Vulgate)"
    },
    {
      "verse": 29,
      "text": "parvulos quoque eorum et uxores duxerunt captivas.",
      "citation": "Genesis 34:29 (Clementine Vulgate)"
    },
    {
      "verse": 30,
      "text": "Quibus patratis audacter, Jacob dixit ad Simeon et Levi : Turbastis me, et odiosum fecistis me Chananæis, et Pherezæis habitatoribus terræ hujus : nos pauci sumus ; illi congregati percutient me, et delebor ego, et domus mea.",
      "citation": "Genesis 34:30 (Clementine Vulgate)"
    },
    {
      "verse": 31,
      "text": "Responderunt : Numquid ut scorto abuti debuere sorore nostra ?",
      "citation": "Genesis 34:31 (Clementine Vulgate)"
    }
  ]
}