{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 38 — 30 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 38,
    "verseCount": 30,
    "navigation": {
      "htmlUrl": "https://latinprayer.org/latin/genesis/38/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/37.json",
      "previousChapterHtmlUrl": "https://latinprayer.org/latin/genesis/37/",
      "nextChapter": "https://latinprayer.org/latin/genesis/39.json",
      "nextChapterHtmlUrl": "https://latinprayer.org/latin/genesis/39/"
    },
    "crossReferences": {
      "english": "https://latinprayer.org/bible/genesis/38.json",
      "englishHtmlUrl": "https://latinprayer.org/bible/genesis/38/",
      "german": "https://latinprayer.org/bibel/genesis/38.json",
      "germanHtmlUrl": "https://latinprayer.org/bibel/genesis/38/"
    }
  },
  "citation": "Genesis 38 (Clementine Vulgate)",
  "verses": [
    {
      "verse": 1,
      "text": "Eodem tempore, descendens Judas a fratribus suis, divertit ad virum Odollamitem, nomine Hiram.",
      "citation": "Genesis 38:1 (Clementine Vulgate)"
    },
    {
      "verse": 2,
      "text": "Viditque ibi filiam hominis Chananæi, vocabulo Sue : et accepta uxore, ingressus est ad eam.",
      "citation": "Genesis 38:2 (Clementine Vulgate)"
    },
    {
      "verse": 3,
      "text": "Quæ concepit, et peperit filium, et vocavit nomen ejus Her.",
      "citation": "Genesis 38:3 (Clementine Vulgate)"
    },
    {
      "verse": 4,
      "text": "Rursumque concepto fœtu, natum filium vocavit Onan.",
      "citation": "Genesis 38:4 (Clementine Vulgate)"
    },
    {
      "verse": 5,
      "text": "Tertium quoque peperit : quem appellavit Sela ; quo nato, parere ultra cessavit.",
      "citation": "Genesis 38:5 (Clementine Vulgate)"
    },
    {
      "verse": 6,
      "text": "Dedit autem Judas uxorem primogenito suo Her, nomine Thamar.",
      "citation": "Genesis 38:6 (Clementine Vulgate)"
    },
    {
      "verse": 7,
      "text": "Fuit quoque Her primogenitus Judæ nequam in conspectu Domini : et ab eo occisus est.",
      "citation": "Genesis 38:7 (Clementine Vulgate)"
    },
    {
      "verse": 8,
      "text": "Dixit ergo Judas ad Onan filium suum : Ingredere uxorem fratris tui, et sociare illi, ut suscites semen fratri tuo.",
      "citation": "Genesis 38:8 (Clementine Vulgate)"
    },
    {
      "verse": 9,
      "text": "Ille sciens non sibi nasci filios, introiens ad uxorem fratris sui, semen fundebat in terram, ne liberi fratris nomine nascerentur.",
      "citation": "Genesis 38:9 (Clementine Vulgate)"
    },
    {
      "verse": 10,
      "text": "Et idcirco percussit eum Dominus, quod rem detestabilem faceret.",
      "citation": "Genesis 38:10 (Clementine Vulgate)"
    },
    {
      "verse": 11,
      "text": "Quam ob rem dixit Judas Thamar nurui suæ : Esto vidua in domo patris tui, donec crescat Sela filius meus : timebat enim ne et ipse moreretur, sicut fratres ejus. Quæ abiit, et habitavit in domo patris sui.",
      "citation": "Genesis 38:11 (Clementine Vulgate)"
    },
    {
      "verse": 12,
      "text": "Evolutis autem multis diebus, mortua est filia Sue uxor Judæ : qui, post luctum consolatione suscepta, ascendebat ad tonsores ovium suarum, ipse et Hiras opilio gregis Odollamites, in Thamnas.",
      "citation": "Genesis 38:12 (Clementine Vulgate)"
    },
    {
      "verse": 13,
      "text": "Nuntiatumque est Thamar quod socer illius ascenderet in Thamnas ad tondendas oves.",
      "citation": "Genesis 38:13 (Clementine Vulgate)"
    },
    {
      "verse": 14,
      "text": "Quæ, depositis viduitatis vestibus, assumpsit theristrum : et mutato habitu, sedit in bivio itineris, quod ducit Thamnam : eo quod crevisset Sela, et non eum accepisset maritum.",
      "citation": "Genesis 38:14 (Clementine Vulgate)"
    },
    {
      "verse": 15,
      "text": "Quam cum vidisset Judas, suspicatus est esse meretricem : operuerat enim vultum suum, ne agnosceretur.",
      "citation": "Genesis 38:15 (Clementine Vulgate)"
    },
    {
      "verse": 16,
      "text": "Ingrediensque ad eam, ait : Dimitte me ut coëam tecum : nesciebat enim quod nurus sua esset. Qua respondente : Quid dabis mihi ut fruaris concubitu meo ?",
      "citation": "Genesis 38:16 (Clementine Vulgate)"
    },
    {
      "verse": 17,
      "text": "dixit : Mittam tibi hædum de gregibus. Rursumque illa dicente : Patiar quod vis, si dederis mihi arrhabonem, donec mittas quod polliceris.",
      "citation": "Genesis 38:17 (Clementine Vulgate)"
    },
    {
      "verse": 18,
      "text": "Ait Judas : Quid tibi vis pro arrhabone dari ? Respondit : Annulum tuum, et armillam, et baculum quem manu tenes. Ad unum igitur coitum mulier concepit,",
      "citation": "Genesis 38:18 (Clementine Vulgate)"
    },
    {
      "verse": 19,
      "text": "et surgens abiit : depositoque habitu quem sumpserat, induta est viduitatis vestibus.",
      "citation": "Genesis 38:19 (Clementine Vulgate)"
    },
    {
      "verse": 20,
      "text": "Misit autem Judas hædum per pastorem suum Odollamitem, ut reciperet pignus quod dederat mulieri : qui cum non invenisset eam,",
      "citation": "Genesis 38:20 (Clementine Vulgate)"
    },
    {
      "verse": 21,
      "text": "interrogavit homines loci illius : Ubi est mulier quæ sedebat in bivio ? Respondentibus cunctis : Non fuit in loco ista meretrix.",
      "citation": "Genesis 38:21 (Clementine Vulgate)"
    },
    {
      "verse": 22,
      "text": "Reversus est ad Judam, et dixit ei : Non inveni eam : sed et homines loci illius dixerunt mihi, numquam sedisse ibi scortum.",
      "citation": "Genesis 38:22 (Clementine Vulgate)"
    },
    {
      "verse": 23,
      "text": "Ait Judas : Habeat sibi, certe mendacii arguere nos non potest, ego misi hædum quem promiseram : et tu non invenisti eam.",
      "citation": "Genesis 38:23 (Clementine Vulgate)"
    },
    {
      "verse": 24,
      "text": "Ecce autem post tres menses nuntiaverunt Judæ, dicentes : Fornicata est Thamar nurus tua, et videtur uterus illius intumescere. Dixitque Judas : Producite eam ut comburatur.",
      "citation": "Genesis 38:24 (Clementine Vulgate)"
    },
    {
      "verse": 25,
      "text": "Quæ cum duceretur ad pœnam, misit ad socerum suum, dicens : De viro, cujus hæc sunt, concepi : cognosce cujus sit annulus, et armilla, et baculus.",
      "citation": "Genesis 38:25 (Clementine Vulgate)"
    },
    {
      "verse": 26,
      "text": "Qui, agnitis muneribus, ait : Justior me est : quia non tradidi eam Sela filio meo. Attamen ultra non cognovit eam.",
      "citation": "Genesis 38:26 (Clementine Vulgate)"
    },
    {
      "verse": 27,
      "text": "Instante autem partu, apparuerunt gemini in utero : atque in ipsa effusione infantium unus protulit manum, in qua obstetrix ligavit coccinum, dicens :",
      "citation": "Genesis 38:27 (Clementine Vulgate)"
    },
    {
      "verse": 28,
      "text": "Iste egredietur prior.",
      "citation": "Genesis 38:28 (Clementine Vulgate)"
    },
    {
      "verse": 29,
      "text": "Illo vero retrahente manum, egressus est alter : dixitque mulier : Quare divisa est propter te maceria ? et ob hanc causam, vocavit nomen ejus Phares.",
      "citation": "Genesis 38:29 (Clementine Vulgate)"
    },
    {
      "verse": 30,
      "text": "Postea egressus est frater ejus, in cujus manu erat coccinum : quem appellavit Zara.",
      "citation": "Genesis 38:30 (Clementine Vulgate)"
    }
  ]
}