{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 41 — 57 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 41,
    "verseCount": 57,
    "navigation": {
      "htmlUrl": "https://latinprayer.org/latin/genesis/41/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/40.json",
      "previousChapterHtmlUrl": "https://latinprayer.org/latin/genesis/40/",
      "nextChapter": "https://latinprayer.org/latin/genesis/42.json",
      "nextChapterHtmlUrl": "https://latinprayer.org/latin/genesis/42/"
    },
    "crossReferences": {
      "english": "https://latinprayer.org/bible/genesis/41.json",
      "englishHtmlUrl": "https://latinprayer.org/bible/genesis/41/",
      "german": "https://latinprayer.org/bibel/genesis/41.json",
      "germanHtmlUrl": "https://latinprayer.org/bibel/genesis/41/"
    }
  },
  "citation": "Genesis 41 (Clementine Vulgate)",
  "verses": [
    {
      "verse": 1,
      "text": "Post duos annos vidit Pharao somnium. Putabat se stare super fluvium,",
      "citation": "Genesis 41:1 (Clementine Vulgate)"
    },
    {
      "verse": 2,
      "text": "de quo ascendebant septem boves, pulchræ et crassæ nimis : et pascebantur in locis palustribus.",
      "citation": "Genesis 41:2 (Clementine Vulgate)"
    },
    {
      "verse": 3,
      "text": "Aliæ quoque septem emergebant de flumine, fœdæ confectæque macie : et pascebantur in ipsa amnis ripa in locis virentibus :",
      "citation": "Genesis 41:3 (Clementine Vulgate)"
    },
    {
      "verse": 4,
      "text": "devoraveruntque eas, quarum mira species et habitudo corporum erat. Expergefactus Pharao,",
      "citation": "Genesis 41:4 (Clementine Vulgate)"
    },
    {
      "verse": 5,
      "text": "rursum dormivit, et vidit alterum somnium : septem spicæ pullulabant in culmo uno plenæ atque formosæ :",
      "citation": "Genesis 41:5 (Clementine Vulgate)"
    },
    {
      "verse": 6,
      "text": "aliæ quoque totidem spicæ tenues, et percussæ uredine oriebantur,",
      "citation": "Genesis 41:6 (Clementine Vulgate)"
    },
    {
      "verse": 7,
      "text": "devorantes omnium priorum pulchritudinem. Evigilans Pharao post quietem,",
      "citation": "Genesis 41:7 (Clementine Vulgate)"
    },
    {
      "verse": 8,
      "text": "et facto mane, pavore perterritus, misit ad omnes conjectores Ægypti, cunctosque sapientes, et accersitis narravit somnium, nec erat qui interpretaretur.",
      "citation": "Genesis 41:8 (Clementine Vulgate)"
    },
    {
      "verse": 9,
      "text": "Tunc demum reminiscens pincernarum magister, ait : Confiteor peccatum meum :",
      "citation": "Genesis 41:9 (Clementine Vulgate)"
    },
    {
      "verse": 10,
      "text": "iratus rex servis suis, me et magistrum pistorum retrudi jussit in carcerem principis militum :",
      "citation": "Genesis 41:10 (Clementine Vulgate)"
    },
    {
      "verse": 11,
      "text": "ubi una nocte uterque vidimus somnium præsagum futurorum.",
      "citation": "Genesis 41:11 (Clementine Vulgate)"
    },
    {
      "verse": 12,
      "text": "Erat ibi puer hebræus, ejusdem ducis militum famulus : cui narrantes somnia,",
      "citation": "Genesis 41:12 (Clementine Vulgate)"
    },
    {
      "verse": 13,
      "text": "audivimus quidquid postea rei probavit eventus ; ego enim redditus sum officio meo, et ille suspensus est in cruce.",
      "citation": "Genesis 41:13 (Clementine Vulgate)"
    },
    {
      "verse": 14,
      "text": "Protinus ad regis imperium eductum de carcere Joseph totonderunt : ac veste mutata obtulerunt ei.",
      "citation": "Genesis 41:14 (Clementine Vulgate)"
    },
    {
      "verse": 15,
      "text": "Cui ille ait : Vidi somnia, nec est qui edisserat : quæ audivi te sapientissime conjicere.",
      "citation": "Genesis 41:15 (Clementine Vulgate)"
    },
    {
      "verse": 16,
      "text": "Respondit Joseph : Absque me Deus respondebit prospera Pharaoni.",
      "citation": "Genesis 41:16 (Clementine Vulgate)"
    },
    {
      "verse": 17,
      "text": "Narravit ergo Pharao quod viderat : Putabam me stare super ripam fluminis,",
      "citation": "Genesis 41:17 (Clementine Vulgate)"
    },
    {
      "verse": 18,
      "text": "et septem boves de amne conscendere, pulchras nimis, et obesis carnibus : quæ in pastu paludis virecta carpebant.",
      "citation": "Genesis 41:18 (Clementine Vulgate)"
    },
    {
      "verse": 19,
      "text": "Et ecce, has sequebantur aliæ septem boves, in tantum deformes et macilentæ, ut numquam tales in terra Ægypti viderim :",
      "citation": "Genesis 41:19 (Clementine Vulgate)"
    },
    {
      "verse": 20,
      "text": "quæ, devoratis et consumptis prioribus,",
      "citation": "Genesis 41:20 (Clementine Vulgate)"
    },
    {
      "verse": 21,
      "text": "nullum saturitatis dedere vestigium : sed simili macie et squalore torpebant. Evigilans, rursus sopore depressus,",
      "citation": "Genesis 41:21 (Clementine Vulgate)"
    },
    {
      "verse": 22,
      "text": "vidi somnium. Septem spicæ pullulabant in culmo uno plenæ atque pulcherrimæ.",
      "citation": "Genesis 41:22 (Clementine Vulgate)"
    },
    {
      "verse": 23,
      "text": "Aliæ quoque septem tenues et percussæ uredine, oriebantur e stipula :",
      "citation": "Genesis 41:23 (Clementine Vulgate)"
    },
    {
      "verse": 24,
      "text": "quæ priorum pulchritudinem devoraverunt. Narravi conjectoribus somnium, et nemo est qui edisserat.",
      "citation": "Genesis 41:24 (Clementine Vulgate)"
    },
    {
      "verse": 25,
      "text": "Respondit Joseph : Somnium regis unum est : quæ facturus est Deus, ostendit Pharaoni.",
      "citation": "Genesis 41:25 (Clementine Vulgate)"
    },
    {
      "verse": 26,
      "text": "Septem boves pulchræ, et septem spicæ plenæ, septem ubertatis anni sunt : eamdemque vim somnii comprehendunt.",
      "citation": "Genesis 41:26 (Clementine Vulgate)"
    },
    {
      "verse": 27,
      "text": "Septem quoque boves tenues atque macilentæ, quæ ascenderunt post eas, et septem spicæ tenues, et vento urente percussæ, septem anni venturæ sunt famis.",
      "citation": "Genesis 41:27 (Clementine Vulgate)"
    },
    {
      "verse": 28,
      "text": "Qui hoc ordine complebuntur :",
      "citation": "Genesis 41:28 (Clementine Vulgate)"
    },
    {
      "verse": 29,
      "text": "ecce septem anni venient fertilitatis magnæ in universa terra Ægypti,",
      "citation": "Genesis 41:29 (Clementine Vulgate)"
    },
    {
      "verse": 30,
      "text": "quos sequentur septem anni alii tantæ sterilitatis, ut oblivioni tradatur cuncta retro abundantia : consumptura est enim fames omnem terram,",
      "citation": "Genesis 41:30 (Clementine Vulgate)"
    },
    {
      "verse": 31,
      "text": "et ubertatis magnitudinem perditura est inopiæ magnitudo.",
      "citation": "Genesis 41:31 (Clementine Vulgate)"
    },
    {
      "verse": 32,
      "text": "Quod autem vidisti secundo ad eamdem rem pertinens somnium : firmitatis indicium est, eo quod fiat sermo Dei, et velocius impleatur.",
      "citation": "Genesis 41:32 (Clementine Vulgate)"
    },
    {
      "verse": 33,
      "text": "Nunc ergo provideat rex virum sapientem et industrium, et præficiat eum terræ Ægypti :",
      "citation": "Genesis 41:33 (Clementine Vulgate)"
    },
    {
      "verse": 34,
      "text": "qui constituat præpositos per cunctas regiones : et quintam partem fructuum per septem annos fertilitatis,",
      "citation": "Genesis 41:34 (Clementine Vulgate)"
    },
    {
      "verse": 35,
      "text": "qui jam nunc futuri sunt, congreget in horrea : et omne frumentum sub Pharaonis potestate condatur, serveturque in urbibus.",
      "citation": "Genesis 41:35 (Clementine Vulgate)"
    },
    {
      "verse": 36,
      "text": "Et præparetur futuræ septem annorum fami, quæ oppressura est Ægyptum, et non consumetur terra inopia.",
      "citation": "Genesis 41:36 (Clementine Vulgate)"
    },
    {
      "verse": 37,
      "text": "Placuit Pharaoni consilium et cunctis ministris ejus :",
      "citation": "Genesis 41:37 (Clementine Vulgate)"
    },
    {
      "verse": 38,
      "text": "locutusque est ad eos : Num invenire poterimus talem virum, qui spiritu Dei plenus sit ?",
      "citation": "Genesis 41:38 (Clementine Vulgate)"
    },
    {
      "verse": 39,
      "text": "Dixit ergo ad Joseph : Quia ostendit tibi Deus omnia quæ locutus es, numquid sapientiorem et consimilem tui invenire potero ?",
      "citation": "Genesis 41:39 (Clementine Vulgate)"
    },
    {
      "verse": 40,
      "text": "Tu eris super domum meam, et ad tui oris imperium cunctus populus obediet : uno tantum regni solio te præcedam.",
      "citation": "Genesis 41:40 (Clementine Vulgate)"
    },
    {
      "verse": 41,
      "text": "Dixitque rursus Pharao ad Joseph : Ecce, constitui te super universam terram Ægypti.",
      "citation": "Genesis 41:41 (Clementine Vulgate)"
    },
    {
      "verse": 42,
      "text": "Tulitque annulum de manu sua, et dedit eum in manu ejus : vestivitque eum stola byssina, et collo torquem auream circumposuit.",
      "citation": "Genesis 41:42 (Clementine Vulgate)"
    },
    {
      "verse": 43,
      "text": "Fecitque eum ascendere super currum suum secundum, clamante præcone, ut omnes coram eo genu flecterent, et præpositum esse scirent universæ terræ Ægypti.",
      "citation": "Genesis 41:43 (Clementine Vulgate)"
    },
    {
      "verse": 44,
      "text": "Dixit quoque rex ad Joseph : Ego sum Pharao : absque tuo imperio non movebit quisquam manum aut pedem in omni terra Ægypti.",
      "citation": "Genesis 41:44 (Clementine Vulgate)"
    },
    {
      "verse": 45,
      "text": "Vertitque nomen ejus, et vocavit eum, lingua ægyptiaca, Salvatorem mundi. Deditque illi uxorem Aseneth filiam Putiphare sacerdotis Heliopoleos. Egressus est itaque Joseph ad terram Ægypti",
      "citation": "Genesis 41:45 (Clementine Vulgate)"
    },
    {
      "verse": 46,
      "text": "(triginta autem annorum erat quando stetit in conspectu regis Pharaonis), et circuivit omnes regiones Ægypti.",
      "citation": "Genesis 41:46 (Clementine Vulgate)"
    },
    {
      "verse": 47,
      "text": "Venitque fertilitas septem annorum : et in manipulos redactæ segetes congregatæ sunt in horrea Ægypti.",
      "citation": "Genesis 41:47 (Clementine Vulgate)"
    },
    {
      "verse": 48,
      "text": "Omnis etiam frugum abundantia in singulis urbibus condita est.",
      "citation": "Genesis 41:48 (Clementine Vulgate)"
    },
    {
      "verse": 49,
      "text": "Tantaque fuit abundantia tritici, ut arenæ maris coæquaretur, et copia mensuram excederet.",
      "citation": "Genesis 41:49 (Clementine Vulgate)"
    },
    {
      "verse": 50,
      "text": "Nati sunt autem Joseph filii duo antequam veniret fames : quos peperit ei Aseneth filia Putiphare sacerdotis Heliopoleos.",
      "citation": "Genesis 41:50 (Clementine Vulgate)"
    },
    {
      "verse": 51,
      "text": "Vocavitque nomen primogeniti Manasses, dicens : Oblivisci me fecit Deus omnium laborum meorum, et domus patris mei.",
      "citation": "Genesis 41:51 (Clementine Vulgate)"
    },
    {
      "verse": 52,
      "text": "Nomen quoque secundi appellavit Ephraim, dicens : Crescere me fecit Deus in terra paupertatis meæ.",
      "citation": "Genesis 41:52 (Clementine Vulgate)"
    },
    {
      "verse": 53,
      "text": "Igitur transactis septem ubertatis annis, qui fuerant in Ægypto,",
      "citation": "Genesis 41:53 (Clementine Vulgate)"
    },
    {
      "verse": 54,
      "text": "cœperunt venire septem anni inopiæ, quos prædixerat Joseph : et in universo orbe fames prævaluit, in cuncta autem terra Ægypti panis erat.",
      "citation": "Genesis 41:54 (Clementine Vulgate)"
    },
    {
      "verse": 55,
      "text": "Qua esuriente, clamavit populus ad Pharaonem, alimenta petens. Quibus ille respondit : Ite ad Joseph : et quidquid ipse vobis dixerit, facite.",
      "citation": "Genesis 41:55 (Clementine Vulgate)"
    },
    {
      "verse": 56,
      "text": "Crescebat autem quotidie fames in omni terra : aperuitque Joseph universa horrea, et vendebat Ægyptiis : nam et illos oppresserat fames.",
      "citation": "Genesis 41:56 (Clementine Vulgate)"
    },
    {
      "verse": 57,
      "text": "Omnesque provinciæ veniebant in Ægyptum, ut emerent escas, et malum inopiæ temperarent.",
      "citation": "Genesis 41:57 (Clementine Vulgate)"
    }
  ]
}