{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 42 — 38 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 42,
    "verseCount": 38,
    "navigation": {
      "htmlUrl": "https://latinprayer.org/latin/genesis/42/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/41.json",
      "previousChapterHtmlUrl": "https://latinprayer.org/latin/genesis/41/",
      "nextChapter": "https://latinprayer.org/latin/genesis/43.json",
      "nextChapterHtmlUrl": "https://latinprayer.org/latin/genesis/43/"
    },
    "crossReferences": {
      "english": "https://latinprayer.org/bible/genesis/42.json",
      "englishHtmlUrl": "https://latinprayer.org/bible/genesis/42/",
      "german": "https://latinprayer.org/bibel/genesis/42.json",
      "germanHtmlUrl": "https://latinprayer.org/bibel/genesis/42/"
    }
  },
  "citation": "Genesis 42 (Clementine Vulgate)",
  "verses": [
    {
      "verse": 1,
      "text": "Audiens autem Jacob quod alimenta venderentur in Ægypto, dixit filiis suis : Quare negligitis ?",
      "citation": "Genesis 42:1 (Clementine Vulgate)"
    },
    {
      "verse": 2,
      "text": "audivi quod triticum venundetur in Ægypto : descendite, et emite nobis necessaria, ut possimus vivere, et non consumamur inopia.",
      "citation": "Genesis 42:2 (Clementine Vulgate)"
    },
    {
      "verse": 3,
      "text": "Descendentes igitur fratres Joseph decem, ut emerent frumenta in Ægypto,",
      "citation": "Genesis 42:3 (Clementine Vulgate)"
    },
    {
      "verse": 4,
      "text": "Benjamin domi retento a Jacob, qui dixerat fratribus ejus : Ne forte in itinere quidquam patiatur mali :",
      "citation": "Genesis 42:4 (Clementine Vulgate)"
    },
    {
      "verse": 5,
      "text": "ingressi sunt terram Ægypti cum aliis qui pergebant ad emendum. Erat autem fames in terra Chanaan.",
      "citation": "Genesis 42:5 (Clementine Vulgate)"
    },
    {
      "verse": 6,
      "text": "Et Joseph erat princeps in terra Ægypti, atque ad ejus nutum frumenta populis vendebantur. Cumque adorassent eum fratres sui,",
      "citation": "Genesis 42:6 (Clementine Vulgate)"
    },
    {
      "verse": 7,
      "text": "et agnovisset eos, quasi ad alienos durius loquebatur, interrogans eos : Unde venistis ? Qui responderunt : De terra Chanaan, ut emamus victui necessaria.",
      "citation": "Genesis 42:7 (Clementine Vulgate)"
    },
    {
      "verse": 8,
      "text": "Et tamen fratres ipse cognoscens, non est cognitus ab eis.",
      "citation": "Genesis 42:8 (Clementine Vulgate)"
    },
    {
      "verse": 9,
      "text": "Recordatusque somniorum, quæ aliquando viderat, ait ad eos : Exploratores estis : ut videatis infirmiora terræ venistis.",
      "citation": "Genesis 42:9 (Clementine Vulgate)"
    },
    {
      "verse": 10,
      "text": "Qui dixerunt : Non est ita, domine, sed servi tui venerunt ut emerent cibos.",
      "citation": "Genesis 42:10 (Clementine Vulgate)"
    },
    {
      "verse": 11,
      "text": "Omnes filii unius viri sumus : pacifici venimus, nec quidquam famuli tui machinantur mali.",
      "citation": "Genesis 42:11 (Clementine Vulgate)"
    },
    {
      "verse": 12,
      "text": "Quibus ille respondit : Aliter est : immunita terræ hujus considerare venistis.",
      "citation": "Genesis 42:12 (Clementine Vulgate)"
    },
    {
      "verse": 13,
      "text": "At illi : Duodecim, inquiunt, servi tui, fratres sumus, filii viri unius in terra Chanaan : minimus cum patre nostro est, alius non est super.",
      "citation": "Genesis 42:13 (Clementine Vulgate)"
    },
    {
      "verse": 14,
      "text": "Hoc est, ait, quod locutus sum : exploratores estis.",
      "citation": "Genesis 42:14 (Clementine Vulgate)"
    },
    {
      "verse": 15,
      "text": "Jam nunc experimentum vestri capiam : per salutem Pharaonis non egrediemini hinc, donec veniat frater vester minimus.",
      "citation": "Genesis 42:15 (Clementine Vulgate)"
    },
    {
      "verse": 16,
      "text": "Mittite ex vobis unum, et adducat eum : vos autem eritis in vinculis, donec probentur quæ dixistis utrum vera an falsa sint : alioquin per salutem Pharaonis exploratores estis.",
      "citation": "Genesis 42:16 (Clementine Vulgate)"
    },
    {
      "verse": 17,
      "text": "Tradidit ergo illos custodiæ tribus diebus.",
      "citation": "Genesis 42:17 (Clementine Vulgate)"
    },
    {
      "verse": 18,
      "text": "Die autem tertio eductis de carcere, ait : Facite quæ dixi, et vivetis : Deum enim timeo.",
      "citation": "Genesis 42:18 (Clementine Vulgate)"
    },
    {
      "verse": 19,
      "text": "Si pacifici estis, frater vester unus ligetur in carcere : vos autem abite, et ferte frumenta quæ emistis, in domos vestras,",
      "citation": "Genesis 42:19 (Clementine Vulgate)"
    },
    {
      "verse": 20,
      "text": "et fratrem vestrum minimum ad me adducite, ut possim vestros probare sermones, et non moriamini. Fecerunt ut dixerat,",
      "citation": "Genesis 42:20 (Clementine Vulgate)"
    },
    {
      "verse": 21,
      "text": "et locuti sunt ad invicem : Merito hæc patimur, quia peccavimus in fratrem nostrum, videntes angustiam animæ illius, dum deprecaretur nos, et non audivimus : idcirco venit super nos ista tribulatio.",
      "citation": "Genesis 42:21 (Clementine Vulgate)"
    },
    {
      "verse": 22,
      "text": "E quibus unus Ruben, ait : Numquid non dixi vobis : Nolite peccare in puerum : et non audistis me ? en sanguis ejus exquiritur.",
      "citation": "Genesis 42:22 (Clementine Vulgate)"
    },
    {
      "verse": 23,
      "text": "Nesciebant autem quod intelligeret Joseph, eo quod per interpretem loqueretur ad eos.",
      "citation": "Genesis 42:23 (Clementine Vulgate)"
    },
    {
      "verse": 24,
      "text": "Avertitque se parumper, et flevit : et reversus locutus est ad eos.",
      "citation": "Genesis 42:24 (Clementine Vulgate)"
    },
    {
      "verse": 25,
      "text": "Tollensque Simeon, et ligans illis præsentibus, jussit ministris ut implerent eorum saccos tritico, et reponerent pecunias singulorum in sacculis suis, datis supra cibariis in viam : qui fecerunt ita.",
      "citation": "Genesis 42:25 (Clementine Vulgate)"
    },
    {
      "verse": 26,
      "text": "At illi portantes frumenta in asinis suis, profecti sunt.",
      "citation": "Genesis 42:26 (Clementine Vulgate)"
    },
    {
      "verse": 27,
      "text": "Apertoque unus sacco, ut daret jumento pabulum in diversorio, contemplatus pecuniam in ore sacculi,",
      "citation": "Genesis 42:27 (Clementine Vulgate)"
    },
    {
      "verse": 28,
      "text": "dixit fratribus suis : Reddita est mihi pecunia, en habetur in sacco. Et obstupefacti, turbatique, mutuo dixerunt : Quidnam est hoc quod fecit nobis Deus ?",
      "citation": "Genesis 42:28 (Clementine Vulgate)"
    },
    {
      "verse": 29,
      "text": "Veneruntque ad Jacob patrem suum in terram Chanaan, et narraverunt ei omnia quæ accidissent sibi, dicentes :",
      "citation": "Genesis 42:29 (Clementine Vulgate)"
    },
    {
      "verse": 30,
      "text": "Locutus est nobis dominus terræ dure, et putavit nos exploratores esse provinciæ.",
      "citation": "Genesis 42:30 (Clementine Vulgate)"
    },
    {
      "verse": 31,
      "text": "Cui respondimus : Pacifici sumus, nec ullas molimur insidias.",
      "citation": "Genesis 42:31 (Clementine Vulgate)"
    },
    {
      "verse": 32,
      "text": "Duodecim fratres uno patre geniti sumus : unus non est super, minimus cum patre nostro est in terra Chanaan.",
      "citation": "Genesis 42:32 (Clementine Vulgate)"
    },
    {
      "verse": 33,
      "text": "Qui ait nobis : Sic probabo quod pacifici sitis : fratrem vestrum unum dimittite apud me, et cibaria domibus vestris necessaria sumite, et abite,",
      "citation": "Genesis 42:33 (Clementine Vulgate)"
    },
    {
      "verse": 34,
      "text": "fratremque vestrum minimum adducite ad me, ut sciam quod non sitis exploratores : et istum, qui tenetur in vinculis, recipere possitis : ac deinceps quæ vultis, emendi habeatis licentiam.",
      "citation": "Genesis 42:34 (Clementine Vulgate)"
    },
    {
      "verse": 35,
      "text": "His dictis, cum frumenta effunderent, singuli repererunt in ore saccorum ligatas pecunias, exterritisque simul omnibus,",
      "citation": "Genesis 42:35 (Clementine Vulgate)"
    },
    {
      "verse": 36,
      "text": "dixit pater Jacob : Absque liberis me esse fecistis : Joseph non est super, Simeon tenetur in vinculis, et Benjamin auferetis : in me hæc omnia mala reciderunt.",
      "citation": "Genesis 42:36 (Clementine Vulgate)"
    },
    {
      "verse": 37,
      "text": "Cui respondit Ruben : Duos filios meos interfice, si non reduxero illum tibi : trade illum in manu mea, et ego eum tibi restituam.",
      "citation": "Genesis 42:37 (Clementine Vulgate)"
    },
    {
      "verse": 38,
      "text": "At ille : Non descendet, inquit, filius meus vobiscum : frater ejus mortuus est, et ipse solus remansit : si quid ei adversi acciderit in terra ad quam pergitis, deducetis canos meos cum dolore ad inferos.",
      "citation": "Genesis 42:38 (Clementine Vulgate)"
    }
  ]
}