{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 44 — 34 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 44,
    "verseCount": 34,
    "navigation": {
      "htmlUrl": "https://latinprayer.org/latin/genesis/44/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/43.json",
      "previousChapterHtmlUrl": "https://latinprayer.org/latin/genesis/43/",
      "nextChapter": "https://latinprayer.org/latin/genesis/45.json",
      "nextChapterHtmlUrl": "https://latinprayer.org/latin/genesis/45/"
    },
    "crossReferences": {
      "english": "https://latinprayer.org/bible/genesis/44.json",
      "englishHtmlUrl": "https://latinprayer.org/bible/genesis/44/",
      "german": "https://latinprayer.org/bibel/genesis/44.json",
      "germanHtmlUrl": "https://latinprayer.org/bibel/genesis/44/"
    }
  },
  "citation": "Genesis 44 (Clementine Vulgate)",
  "verses": [
    {
      "verse": 1,
      "text": "Præcepit autem Joseph dispensatori domus suæ, dicens : Imple saccos eorum frumento, quantum possunt capere : et pone pecuniam singulorum in summitate sacci.",
      "citation": "Genesis 44:1 (Clementine Vulgate)"
    },
    {
      "verse": 2,
      "text": "Scyphum autem meum argenteum, et pretium quod dedit tritici, pone in ore sacci junioris. Factumque est ita.",
      "citation": "Genesis 44:2 (Clementine Vulgate)"
    },
    {
      "verse": 3,
      "text": "Et orto mane, dimissi sunt cum asinis suis.",
      "citation": "Genesis 44:3 (Clementine Vulgate)"
    },
    {
      "verse": 4,
      "text": "Jamque urbem exierant, et processerant paululum : tunc Joseph accersito dispensatore domus, Surge, inquit, et persequere viros : et apprehensis dicito : Quare reddidistis malum pro bono ?",
      "citation": "Genesis 44:4 (Clementine Vulgate)"
    },
    {
      "verse": 5,
      "text": "scyphus, quem furati estis, ipse est in quo bibit dominus meus, et in quo augurari solet : pessimam rem fecistis.",
      "citation": "Genesis 44:5 (Clementine Vulgate)"
    },
    {
      "verse": 6,
      "text": "Fecit ille ut jusserat : et apprehensis per ordinem locutus est.",
      "citation": "Genesis 44:6 (Clementine Vulgate)"
    },
    {
      "verse": 7,
      "text": "Qui responderunt : Quare sic loquitur dominus noster, ut servi tui tantum flagitii commiserint ?",
      "citation": "Genesis 44:7 (Clementine Vulgate)"
    },
    {
      "verse": 8,
      "text": "pecuniam, quam invenimus in summitate saccorum, reportavimus ad te de terra Chanaan : et quomodo consequens est ut furati simus de domo domini tui aurum vel argentum ?",
      "citation": "Genesis 44:8 (Clementine Vulgate)"
    },
    {
      "verse": 9,
      "text": "apud quemcumque fuerit inventum servorum tuorum quod quæris, moriatur, et nos erimus servi domini nostri.",
      "citation": "Genesis 44:9 (Clementine Vulgate)"
    },
    {
      "verse": 10,
      "text": "Qui dixit eis : Fiat juxta vestram sententiam : apud quemcumque fuerit inventum, ipse sit servus meus, vos autem eritis innoxii.",
      "citation": "Genesis 44:10 (Clementine Vulgate)"
    },
    {
      "verse": 11,
      "text": "Itaque festinato deponentes in terram saccos, aperuerunt singuli.",
      "citation": "Genesis 44:11 (Clementine Vulgate)"
    },
    {
      "verse": 12,
      "text": "Quos scrutatus, incipiens a majore usque ad minimum, invenit scyphum in sacco Benjamin.",
      "citation": "Genesis 44:12 (Clementine Vulgate)"
    },
    {
      "verse": 13,
      "text": "At illi, scissis vestibus, oneratisque rursum asinis, reversi sunt in oppidum.",
      "citation": "Genesis 44:13 (Clementine Vulgate)"
    },
    {
      "verse": 14,
      "text": "Primusque Judas cum fratribus ingressus est ad Joseph (necdum enim de loco abierat) omnesque ante eum pariter in terram corruerunt.",
      "citation": "Genesis 44:14 (Clementine Vulgate)"
    },
    {
      "verse": 15,
      "text": "Quibus ille ait : Cur sic agere voluistis ? an ignoratis quod non sit similis mei in augurandi scientia ?",
      "citation": "Genesis 44:15 (Clementine Vulgate)"
    },
    {
      "verse": 16,
      "text": "Cui Judas : Quid respondebimus, inquit, domino meo ? vel quid loquemur, aut juste poterimus obtendere ? Deus invenit iniquitatem servorum tuorum : en omnes servi sumus domini mei, et nos, et apud quem inventus est scyphus.",
      "citation": "Genesis 44:16 (Clementine Vulgate)"
    },
    {
      "verse": 17,
      "text": "Respondit Joseph : Absit a me ut sic agam : qui furatus est scyphum, ipse sit servus meus : vos autem abite liberi ad patrem vestrum.",
      "citation": "Genesis 44:17 (Clementine Vulgate)"
    },
    {
      "verse": 18,
      "text": "Accedens autem propius Judas, confidenter ait : Oro, domine mi, loquatur servus tuus verbum in auribus tuis, et ne irascaris famulo tuo : tu es enim post Pharaonem",
      "citation": "Genesis 44:18 (Clementine Vulgate)"
    },
    {
      "verse": 19,
      "text": "dominus meus. Interrogasti prius servos tuos : Habetis patrem aut fratrem ?",
      "citation": "Genesis 44:19 (Clementine Vulgate)"
    },
    {
      "verse": 20,
      "text": "et nos respondimus tibi domino meo : Est nobis pater senex, et puer parvulus, qui in senectute illius natus est : cujus uterinus frater mortuus est : et ipsum solum habet mater sua, pater vero tenere diligit eum.",
      "citation": "Genesis 44:20 (Clementine Vulgate)"
    },
    {
      "verse": 21,
      "text": "Dixistique servis tuis : Adducite eum ad me, et ponam oculos meos super illum.",
      "citation": "Genesis 44:21 (Clementine Vulgate)"
    },
    {
      "verse": 22,
      "text": "Suggessimus domino meo : Non potest puer relinquere patrem suum : si enim illum dimiserit, morietur.",
      "citation": "Genesis 44:22 (Clementine Vulgate)"
    },
    {
      "verse": 23,
      "text": "Et dixisti servis tuis : Nisi venerit frater vester minimus vobiscum, non videbitis amplius faciem meam.",
      "citation": "Genesis 44:23 (Clementine Vulgate)"
    },
    {
      "verse": 24,
      "text": "Cum ergo ascendissemus ad famulum tuum patrem nostrum, narravimus ei omnia quæ locutus est dominus meus.",
      "citation": "Genesis 44:24 (Clementine Vulgate)"
    },
    {
      "verse": 25,
      "text": "Et dixit pater noster : Revertimini, et emite nobis parum tritici.",
      "citation": "Genesis 44:25 (Clementine Vulgate)"
    },
    {
      "verse": 26,
      "text": "Cui diximus : Ire non possumus : si frater noster minimus descenderit nobiscum, proficiscemur simul : alioquin illo absente, non audemus videre faciem viri.",
      "citation": "Genesis 44:26 (Clementine Vulgate)"
    },
    {
      "verse": 27,
      "text": "Ad quæ ille respondit : Vos scitis quod duos genuerit mihi uxor mea.",
      "citation": "Genesis 44:27 (Clementine Vulgate)"
    },
    {
      "verse": 28,
      "text": "Egressus est unus, et dixistis : Bestia devoravit eum : et hucusque non comparet.",
      "citation": "Genesis 44:28 (Clementine Vulgate)"
    },
    {
      "verse": 29,
      "text": "Si tuleritis et istum, et aliquid ei in via contigerit, deducetis canos meos cum mœrore ad inferos.",
      "citation": "Genesis 44:29 (Clementine Vulgate)"
    },
    {
      "verse": 30,
      "text": "Igitur si intravero ad servum tuum patrem nostrum, et puer defuerit (cum anima illius ex hujus anima pendeat),",
      "citation": "Genesis 44:30 (Clementine Vulgate)"
    },
    {
      "verse": 31,
      "text": "videritque eum non esse nobiscum, morietur, et deducent famuli tui canos ejus cum dolore ad inferos.",
      "citation": "Genesis 44:31 (Clementine Vulgate)"
    },
    {
      "verse": 32,
      "text": "Ego proprie servus tuus sim qui in meam hunc recepi fidem, et spopondi dicens : Nisi reduxero eum, peccati reus ero in patrem meum omni tempore.",
      "citation": "Genesis 44:32 (Clementine Vulgate)"
    },
    {
      "verse": 33,
      "text": "Manebo itaque servus tuus pro puero in ministerio domini mei, et puer ascendat cum fratribus suis.",
      "citation": "Genesis 44:33 (Clementine Vulgate)"
    },
    {
      "verse": 34,
      "text": "Non enim possum redire ad patrem meum, absente puero : ne calamitatis, quæ oppressura est patrem meum, testis assistam.",
      "citation": "Genesis 44:34 (Clementine Vulgate)"
    }
  ]
}