{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 47 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 47,
    "verseCount": 31,
    "navigation": {
      "htmlUrl": "https://latinprayer.org/latin/genesis/47/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/46.json",
      "previousChapterHtmlUrl": "https://latinprayer.org/latin/genesis/46/",
      "nextChapter": "https://latinprayer.org/latin/genesis/48.json",
      "nextChapterHtmlUrl": "https://latinprayer.org/latin/genesis/48/"
    },
    "crossReferences": {
      "english": "https://latinprayer.org/bible/genesis/47.json",
      "englishHtmlUrl": "https://latinprayer.org/bible/genesis/47/",
      "german": "https://latinprayer.org/bibel/genesis/47.json",
      "germanHtmlUrl": "https://latinprayer.org/bibel/genesis/47/"
    }
  },
  "citation": "Genesis 47 (Clementine Vulgate)",
  "verses": [
    {
      "verse": 1,
      "text": "Ingressus ergo Joseph nuntiavit Pharaoni, dicens : Pater meus et fratres, oves eorum et armenta, et cuncta quæ possident, venerunt de terra Chanaan : et ecce consistunt in terra Gessen.",
      "citation": "Genesis 47:1 (Clementine Vulgate)"
    },
    {
      "verse": 2,
      "text": "Extremos quoque fratrum suorum quinque viros constituit coram rege :",
      "citation": "Genesis 47:2 (Clementine Vulgate)"
    },
    {
      "verse": 3,
      "text": "quos ille interrogavit : Quid habetis operis ? Responderunt : Pastores ovium sumus servi tui, et nos et patres nostri.",
      "citation": "Genesis 47:3 (Clementine Vulgate)"
    },
    {
      "verse": 4,
      "text": "Ad peregrinandum in terra tua venimus : quoniam non est herba gregibus servorum tuorum, ingravescente fame in terra Chanaan : petimusque ut esse nos jubeas servos tuos in terra Gessen.",
      "citation": "Genesis 47:4 (Clementine Vulgate)"
    },
    {
      "verse": 5,
      "text": "Dixit itaque rex ad Joseph : Pater tuus et fratres tui venerunt ad te.",
      "citation": "Genesis 47:5 (Clementine Vulgate)"
    },
    {
      "verse": 6,
      "text": "Terra Ægypti in conspectu tuo est : in optimo loco fac eos habitare, et trade eis terram Gessen. Quod si nosti in eis esse viros industrios, constitue illos magistros pecorum meorum.",
      "citation": "Genesis 47:6 (Clementine Vulgate)"
    },
    {
      "verse": 7,
      "text": "Post hæc introduxit Joseph patrem suum ad regem, et statuit eum coram eo : qui benedicens illi,",
      "citation": "Genesis 47:7 (Clementine Vulgate)"
    },
    {
      "verse": 8,
      "text": "et interrogatus ab eo : Quot sunt dies annorum vitæ tuæ ?",
      "citation": "Genesis 47:8 (Clementine Vulgate)"
    },
    {
      "verse": 9,
      "text": "respondit : Dies peregrinationis meæ centum triginta annorum sunt, parvi et mali, et non pervenerunt usque ad dies patrum meorum quibus peregrinati sunt.",
      "citation": "Genesis 47:9 (Clementine Vulgate)"
    },
    {
      "verse": 10,
      "text": "Et benedicto rege, egressus est foras.",
      "citation": "Genesis 47:10 (Clementine Vulgate)"
    },
    {
      "verse": 11,
      "text": "Joseph vero patri et fratribus suis dedit possessionem in Ægypto in optimo terræ loco, Ramesses, ut præceperat Pharao.",
      "citation": "Genesis 47:11 (Clementine Vulgate)"
    },
    {
      "verse": 12,
      "text": "Et alebat eos, omnemque domum patris sui, præbens cibaria singulis.",
      "citation": "Genesis 47:12 (Clementine Vulgate)"
    },
    {
      "verse": 13,
      "text": "In toto enim orbe panis deerat, et oppresserat fames terram, maxime Ægypti et Chanaan.",
      "citation": "Genesis 47:13 (Clementine Vulgate)"
    },
    {
      "verse": 14,
      "text": "E quibus omnem pecuniam congregavit pro venditione frumenti, et intulit eam in ærarium regis.",
      "citation": "Genesis 47:14 (Clementine Vulgate)"
    },
    {
      "verse": 15,
      "text": "Cumque defecisset emptoribus pretium, venit cuncta Ægyptus ad Joseph, dicens : Da nobis panes : quare morimur coram te, deficiente pecunia ?",
      "citation": "Genesis 47:15 (Clementine Vulgate)"
    },
    {
      "verse": 16,
      "text": "Quibus ille respondit : Adducite pecora vestra, et dabo vobis pro eis cibos, si pretium non habetis.",
      "citation": "Genesis 47:16 (Clementine Vulgate)"
    },
    {
      "verse": 17,
      "text": "Quæ cum adduxissent, dedit eis alimenta pro equis, et ovibus, et bobus, et asinis : sustentavitque eos illo anno pro commutatione pecorum.",
      "citation": "Genesis 47:17 (Clementine Vulgate)"
    },
    {
      "verse": 18,
      "text": "Venerunt quoque anno secundo, et dixerunt ei : Non celabimus dominum nostrum quod deficiente pecunia, pecora simul defecerunt : nec clam te est, quod absque corporibus et terra nihil habeamus.",
      "citation": "Genesis 47:18 (Clementine Vulgate)"
    },
    {
      "verse": 19,
      "text": "Cur ergo moriemur te vidente ? et nos et terra nostra tui erimus : eme nos in servitutem regiam, et præbe semina, ne pereunte cultore redigatur terra in solitudinem.",
      "citation": "Genesis 47:19 (Clementine Vulgate)"
    },
    {
      "verse": 20,
      "text": "Emit igitur Joseph omnem terram Ægypti, vendentibus singulis possessiones suas præ magnitudine famis. Subjecitque eam Pharaoni,",
      "citation": "Genesis 47:20 (Clementine Vulgate)"
    },
    {
      "verse": 21,
      "text": "et cunctos populos ejus a novissimis terminis Ægypti usque ad extremos fines ejus,",
      "citation": "Genesis 47:21 (Clementine Vulgate)"
    },
    {
      "verse": 22,
      "text": "præter terram sacerdotum, quæ a rege tradita fuerat eis : quibus et statuta cibaria ex horreis publicis præbebantur, et idcirco non sunt compulsi vendere possessiones suas.",
      "citation": "Genesis 47:22 (Clementine Vulgate)"
    },
    {
      "verse": 23,
      "text": "Dixit ergo Joseph ad populos : En ut cernitis, et vos et terram vestram Pharao possidet : accipite semina, et serite agros,",
      "citation": "Genesis 47:23 (Clementine Vulgate)"
    },
    {
      "verse": 24,
      "text": "ut fruges habere possitis. Quintam partem regi dabitis : quatuor reliquas permitto vobis in sementem, et in cibum familiis et liberis vestris.",
      "citation": "Genesis 47:24 (Clementine Vulgate)"
    },
    {
      "verse": 25,
      "text": "Qui responderunt : Salus nostra in manu tua est : respiciat nos tantum dominus noster, et læti serviemus regi.",
      "citation": "Genesis 47:25 (Clementine Vulgate)"
    },
    {
      "verse": 26,
      "text": "Ex eo tempore usque in præsentem diem, in universa terra Ægypti regibus quinta pars solvitur, et factum est quasi in legem, absque terra sacerdotali, quæ libera ab hac conditione fuit.",
      "citation": "Genesis 47:26 (Clementine Vulgate)"
    },
    {
      "verse": 27,
      "text": "Habitavit ergo Israël in Ægypto, id est, in terra Gessen, et possedit eam : auctusque est, et multiplicatus nimis.",
      "citation": "Genesis 47:27 (Clementine Vulgate)"
    },
    {
      "verse": 28,
      "text": "Et vixit in ea decem et septem annis : factique sunt omnes dies vitæ illius, centum quadraginta septem annorum.",
      "citation": "Genesis 47:28 (Clementine Vulgate)"
    },
    {
      "verse": 29,
      "text": "Cumque appropinquare cerneret diem mortis suæ, vocavit filium suum Joseph, et dixit ad eum : Si inveni gratiam in conspectu tuo, pone manum tuam sub femore meo : et facies mihi misericordiam et veritatem, ut non sepelias me in Ægypto :",
      "citation": "Genesis 47:29 (Clementine Vulgate)"
    },
    {
      "verse": 30,
      "text": "sed dormiam cum patribus meis, et auferas me de terra hac, condasque in sepulchro majorum meorum. Cui respondit Joseph : Ego faciam quod jussisti.",
      "citation": "Genesis 47:30 (Clementine Vulgate)"
    },
    {
      "verse": 31,
      "text": "Et ille : Jura ergo, inquit, mihi. Quo jurante, adoravit Israël Deum, conversus ad lectuli caput.",
      "citation": "Genesis 47:31 (Clementine Vulgate)"
    }
  ]
}