{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Genesis, Chapter 8 — 22 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Genesis",
      "slug": "genesis",
      "testament": "OT",
      "order": 1,
      "totalChapters": 50
    },
    "chapter": 8,
    "verseCount": 22,
    "navigation": {
      "htmlUrl": "https://latinprayer.org/latin/genesis/8/",
      "bookIndex": "https://latinprayer.org/latin/genesis/index.json",
      "bookHtmlUrl": "https://latinprayer.org/latin/genesis/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/genesis/7.json",
      "previousChapterHtmlUrl": "https://latinprayer.org/latin/genesis/7/",
      "nextChapter": "https://latinprayer.org/latin/genesis/9.json",
      "nextChapterHtmlUrl": "https://latinprayer.org/latin/genesis/9/"
    },
    "crossReferences": {
      "english": "https://latinprayer.org/bible/genesis/8.json",
      "englishHtmlUrl": "https://latinprayer.org/bible/genesis/8/",
      "german": "https://latinprayer.org/bibel/genesis/8.json",
      "germanHtmlUrl": "https://latinprayer.org/bibel/genesis/8/"
    }
  },
  "citation": "Genesis 8 (Clementine Vulgate)",
  "verses": [
    {
      "verse": 1,
      "text": "Recordatus autem Deus Noë, cunctorumque animantium, et omnium jumentorum, quæ erant cum eo in arca, adduxit spiritum super terram, et imminutæ sunt aquæ.",
      "citation": "Genesis 8:1 (Clementine Vulgate)"
    },
    {
      "verse": 2,
      "text": "Et clausi sunt fontes abyssi, et cataractæ cæli : et prohibitæ sunt pluviæ de cælo.",
      "citation": "Genesis 8:2 (Clementine Vulgate)"
    },
    {
      "verse": 3,
      "text": "Reversæque sunt aquæ de terra euntes et redeuntes : et cœperunt minui post centum quinquaginta dies.",
      "citation": "Genesis 8:3 (Clementine Vulgate)"
    },
    {
      "verse": 4,
      "text": "Requievitque arca mense septimo, vigesimo septimo die mensis, super montes Armeniæ.",
      "citation": "Genesis 8:4 (Clementine Vulgate)"
    },
    {
      "verse": 5,
      "text": "At vero aquæ ibant et decrescebant usque ad decimum mensem : decimo enim mense, primo die mensis, apparuerunt cacumina montium.",
      "citation": "Genesis 8:5 (Clementine Vulgate)"
    },
    {
      "verse": 6,
      "text": "Cumque transissent quadraginta dies, aperiens Noë fenestram arcæ, quam fecerat, dimisit corvum,",
      "citation": "Genesis 8:6 (Clementine Vulgate)"
    },
    {
      "verse": 7,
      "text": "qui egrediebatur, et non revertebatur, donec siccarentur aquæ super terram.",
      "citation": "Genesis 8:7 (Clementine Vulgate)"
    },
    {
      "verse": 8,
      "text": "Emisit quoque columbam post eum, ut videret si jam cessassent aquæ super faciem terræ.",
      "citation": "Genesis 8:8 (Clementine Vulgate)"
    },
    {
      "verse": 9,
      "text": "Quæ cum non invenisset ubi requiesceret pes ejus, reversa est ad eum in arcam : aquæ enim erant super universam terram : extenditque manum, et apprehensam intulit in arcam.",
      "citation": "Genesis 8:9 (Clementine Vulgate)"
    },
    {
      "verse": 10,
      "text": "Expectatis autem ultra septem diebus aliis, rursum dimisit columbam ex arca.",
      "citation": "Genesis 8:10 (Clementine Vulgate)"
    },
    {
      "verse": 11,
      "text": "At illa venit ad eum ad vesperam, portans ramum olivæ virentibus foliis in ore suo : intellexit ergo Noë quod cessassent aquæ super terram.",
      "citation": "Genesis 8:11 (Clementine Vulgate)"
    },
    {
      "verse": 12,
      "text": "Expectavitque nihilominus septem alios dies : et emisit columbam, quæ non est reversa ultra ad eum.",
      "citation": "Genesis 8:12 (Clementine Vulgate)"
    },
    {
      "verse": 13,
      "text": "Igitur sexcentesimo primo anno, primo mense, prima die mensis, imminutæ sunt aquæ super terram : et aperiens Noë tectum arcæ, aspexit, viditque quod exsiccata esset superficies terræ.",
      "citation": "Genesis 8:13 (Clementine Vulgate)"
    },
    {
      "verse": 14,
      "text": "Mense secundo, septimo et vigesimo die mensis arefacta est terra.",
      "citation": "Genesis 8:14 (Clementine Vulgate)"
    },
    {
      "verse": 15,
      "text": "Locutus est autem Deus ad Noë, dicens :",
      "citation": "Genesis 8:15 (Clementine Vulgate)"
    },
    {
      "verse": 16,
      "text": "Egredere de arca, tu et uxor tua, filii tui et uxores filiorum tuorum tecum.",
      "citation": "Genesis 8:16 (Clementine Vulgate)"
    },
    {
      "verse": 17,
      "text": "Cuncta animantia, quæ sunt apud te, ex omni carne, tam in volatilibus quam in bestiis et universis reptilibus, quæ reptant super terram, educ tecum, et ingredimini super terram : crescite et multiplicamini super eam.",
      "citation": "Genesis 8:17 (Clementine Vulgate)"
    },
    {
      "verse": 18,
      "text": "Egressus est ergo Noë, et filii ejus : uxor illius, et uxores filiorum ejus cum eo.",
      "citation": "Genesis 8:18 (Clementine Vulgate)"
    },
    {
      "verse": 19,
      "text": "Sed et omnia animantia, jumenta, et reptilia quæ reptant super terram, secundum genus suum, egressa sunt de arca.",
      "citation": "Genesis 8:19 (Clementine Vulgate)"
    },
    {
      "verse": 20,
      "text": "Ædificavit autem Noë altare Domino : et tollens de cunctis pecoribus et volucribus mundis, obtulit holocausta super altare.",
      "citation": "Genesis 8:20 (Clementine Vulgate)"
    },
    {
      "verse": 21,
      "text": "Odoratusque est Dominus odorem suavitatis, et ait : Nequaquam ultra maledicam terræ propter homines : sensus enim et cogitatio humani cordis in malum prona sunt ab adolescentia sua : non igitur ultra percutiam omnem animam viventem sicut feci.",
      "citation": "Genesis 8:21 (Clementine Vulgate)"
    },
    {
      "verse": 22,
      "text": "Cunctis diebus terræ, sementis et messis, frigus et æstus, æstas et hiems, nox et dies non requiescent.",
      "citation": "Genesis 8:22 (Clementine Vulgate)"
    }
  ]
}