{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Isaias, Chapter 14 — 32 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Isaias",
      "slug": "isaias",
      "testament": "OT",
      "order": 27,
      "totalChapters": 66
    },
    "chapter": 14,
    "verseCount": 32,
    "navigation": {
      "htmlUrl": "https://latinprayer.org/latin/isaias/14/",
      "bookIndex": "https://latinprayer.org/latin/isaias/index.json",
      "bookHtmlUrl": "https://latinprayer.org/latin/isaias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/isaias/13.json",
      "previousChapterHtmlUrl": "https://latinprayer.org/latin/isaias/13/",
      "nextChapter": "https://latinprayer.org/latin/isaias/15.json",
      "nextChapterHtmlUrl": "https://latinprayer.org/latin/isaias/15/"
    },
    "crossReferences": {
      "english": "https://latinprayer.org/bible/isaias/14.json",
      "englishHtmlUrl": "https://latinprayer.org/bible/isaias/14/",
      "german": "https://latinprayer.org/bibel/isaias/14.json",
      "germanHtmlUrl": "https://latinprayer.org/bibel/jesaja/14/"
    }
  },
  "citation": "Isaias 14 (Clementine Vulgate)",
  "verses": [
    {
      "verse": 1,
      "text": "Prope est ut veniat tempus ejus, et dies ejus non elongabuntur. Miserebitur enim Dominus Jacob, et eliget adhuc de Israël, et requiescere eos faciet super humum suam ; adjungetur advena ad eos, et adhærebit domui Jacob.",
      "citation": "Isaias 14:1 (Clementine Vulgate)"
    },
    {
      "verse": 2,
      "text": "Et tenebunt eos populi, et adducent eos in locum suum ; et possidebit eos domus Israël super terram Domini in servos et ancillas : et erunt capientes eos qui se ceperant, et subjicient exactores suos.",
      "citation": "Isaias 14:2 (Clementine Vulgate)"
    },
    {
      "verse": 3,
      "text": "Et erit in die illa : cum requiem dederit tibi Deus a labore tuo, et a concussione tua, et a servitute dura qua ante servisti,",
      "citation": "Isaias 14:3 (Clementine Vulgate)"
    },
    {
      "verse": 4,
      "text": "sumes parabolam istam contra regem Babylonis, et dices : Quomodo cessavit exactor ; quievit tributum ?",
      "citation": "Isaias 14:4 (Clementine Vulgate)"
    },
    {
      "verse": 5,
      "text": "Contrivit Dominus baculum impiorum, virgam dominantium,",
      "citation": "Isaias 14:5 (Clementine Vulgate)"
    },
    {
      "verse": 6,
      "text": "cædentem populos in indignatione plaga insanabili, subjicientem in furore gentes, persequentem crudeliter.",
      "citation": "Isaias 14:6 (Clementine Vulgate)"
    },
    {
      "verse": 7,
      "text": "Conquievit et siluit omnis terra, gavisa est et exsultavit ;",
      "citation": "Isaias 14:7 (Clementine Vulgate)"
    },
    {
      "verse": 8,
      "text": "abietes quoque lætatæ sunt super te, et cedri Libani : ex quo dormisti, non ascendet qui succidat nos.",
      "citation": "Isaias 14:8 (Clementine Vulgate)"
    },
    {
      "verse": 9,
      "text": "Infernus subter conturbatus est in occursum adventus tui ; suscitavit tibi gigantes. Omnes principes terræ surrexerunt de soliis suis, omnes principes nationum.",
      "citation": "Isaias 14:9 (Clementine Vulgate)"
    },
    {
      "verse": 10,
      "text": "Universi respondebunt, et dicent tibi : Et tu vulneratus es sicut et nos ; nostri similis effectus es.",
      "citation": "Isaias 14:10 (Clementine Vulgate)"
    },
    {
      "verse": 11,
      "text": "Detracta est ad inferos superbia tua, concidit cadaver tuum ; subter te sternetur tinea, et operimentum tuum erunt vermes.",
      "citation": "Isaias 14:11 (Clementine Vulgate)"
    },
    {
      "verse": 12,
      "text": "Quomodo cecidisti de cælo, Lucifer, qui mane oriebaris ? corruisti in terram, qui vulnerabas gentes ?",
      "citation": "Isaias 14:12 (Clementine Vulgate)"
    },
    {
      "verse": 13,
      "text": "Qui dicebas in corde tuo : In cælum conscendam, super astra Dei exaltabo solium meum ; sedebo in monte testamenti, in lateribus aquilonis ;",
      "citation": "Isaias 14:13 (Clementine Vulgate)"
    },
    {
      "verse": 14,
      "text": "ascendam super altitudinem nubium, similis ero Altissimo ?",
      "citation": "Isaias 14:14 (Clementine Vulgate)"
    },
    {
      "verse": 15,
      "text": "Verumtamen ad infernum detraheris, in profundum laci.",
      "citation": "Isaias 14:15 (Clementine Vulgate)"
    },
    {
      "verse": 16,
      "text": "Qui te viderint, ad te inclinabuntur, teque prospicient : Numquid iste est vir qui conturbavit terram, qui concussit regna,",
      "citation": "Isaias 14:16 (Clementine Vulgate)"
    },
    {
      "verse": 17,
      "text": "qui posuit orbem desertum, et urbes ejus destruxit, vinctis ejus non aperuit carcerem ?",
      "citation": "Isaias 14:17 (Clementine Vulgate)"
    },
    {
      "verse": 18,
      "text": "Omnes reges gentium universi dormierunt in gloria, vir in domo sua ;",
      "citation": "Isaias 14:18 (Clementine Vulgate)"
    },
    {
      "verse": 19,
      "text": "tu autem projectus es de sepulchro tuo, quasi stirps inutilis pollutus, et obvolutus cum his qui interfecti sunt gladio, et descenderunt ad fundamenta laci, quasi cadaver putridum.",
      "citation": "Isaias 14:19 (Clementine Vulgate)"
    },
    {
      "verse": 20,
      "text": "Non habebis consortium, neque cum eis in sepultura ; tu enim terram tuam disperdidisti, tu populum tuum occidisti : non vocabitur in æternum semen pessimorum.",
      "citation": "Isaias 14:20 (Clementine Vulgate)"
    },
    {
      "verse": 21,
      "text": "Præparate filios ejus occisioni, in iniquitate patrum suorum : non consurgent, nec hæreditabunt terram, neque implebunt faciem orbis civitatum.",
      "citation": "Isaias 14:21 (Clementine Vulgate)"
    },
    {
      "verse": 22,
      "text": "Et consurgam super eos, dicit Dominus exercituum ; et perdam Babylonis nomen, et reliquias, et germen, et progeniem, dicit Dominus ;",
      "citation": "Isaias 14:22 (Clementine Vulgate)"
    },
    {
      "verse": 23,
      "text": "et ponam eam in possessionem ericii, et in paludes aquarum, et scopabo eam in scopa terens, dicit Dominus exercituum.",
      "citation": "Isaias 14:23 (Clementine Vulgate)"
    },
    {
      "verse": 24,
      "text": "Juravit Dominus exercituum, dicens : Si non, ut putavi, ita erit ; et quomodo mente tractavi,",
      "citation": "Isaias 14:24 (Clementine Vulgate)"
    },
    {
      "verse": 25,
      "text": "sic eveniet : ut conteram Assyrium in terra mea, et in montibus meis conculcem eum ; et auferetur ab eis jugum ejus, et onus illius ab humero eorum tolletur.",
      "citation": "Isaias 14:25 (Clementine Vulgate)"
    },
    {
      "verse": 26,
      "text": "Hoc consilium quod cogitavi super omnem terram ; et hæc est manus extenta super universas gentes.",
      "citation": "Isaias 14:26 (Clementine Vulgate)"
    },
    {
      "verse": 27,
      "text": "Dominus enim exercituum decrevit ; et quis poterit infirmare ? et manus ejus extenta ; et quis avertet eam ?",
      "citation": "Isaias 14:27 (Clementine Vulgate)"
    },
    {
      "verse": 28,
      "text": "In anno quo mortuus est rex Achaz, factum est onus istud :",
      "citation": "Isaias 14:28 (Clementine Vulgate)"
    },
    {
      "verse": 29,
      "text": "Ne lætaris, Philisthæa omnis tu, quoniam comminuta est virga percussoris tui ; de radice enim colubri egredietur regulus, et semen ejus absorbens volucrem.",
      "citation": "Isaias 14:29 (Clementine Vulgate)"
    },
    {
      "verse": 30,
      "text": "Et pascentur primogeniti pauperum, et pauperes fiducialiter requiescent ; et interire faciam in fame radicem tuam, et reliquias tuas interficiam.",
      "citation": "Isaias 14:30 (Clementine Vulgate)"
    },
    {
      "verse": 31,
      "text": "Ulula, porta ; clama civitas ; prostrata est Philisthæa omnis ; ab aquilone enim fumus veniet, et non est qui effugiet agmen ejus.",
      "citation": "Isaias 14:31 (Clementine Vulgate)"
    },
    {
      "verse": 32,
      "text": "Et quid respondebitur nuntiis gentis ? Quia Dominus fundavit Sion, et in ipso sperabunt pauperes populi ejus.",
      "citation": "Isaias 14:32 (Clementine Vulgate)"
    }
  ]
}