{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Isaias, Chapter 29 — 24 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Isaias",
      "slug": "isaias",
      "testament": "OT",
      "order": 27,
      "totalChapters": 66
    },
    "chapter": 29,
    "verseCount": 24,
    "navigation": {
      "htmlUrl": "https://latinprayer.org/latin/isaias/29/",
      "bookIndex": "https://latinprayer.org/latin/isaias/index.json",
      "bookHtmlUrl": "https://latinprayer.org/latin/isaias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/isaias/28.json",
      "previousChapterHtmlUrl": "https://latinprayer.org/latin/isaias/28/",
      "nextChapter": "https://latinprayer.org/latin/isaias/30.json",
      "nextChapterHtmlUrl": "https://latinprayer.org/latin/isaias/30/"
    },
    "crossReferences": {
      "english": "https://latinprayer.org/bible/isaias/29.json",
      "englishHtmlUrl": "https://latinprayer.org/bible/isaias/29/",
      "german": "https://latinprayer.org/bibel/isaias/29.json",
      "germanHtmlUrl": "https://latinprayer.org/bibel/jesaja/29/"
    }
  },
  "citation": "Isaias 29 (Clementine Vulgate)",
  "verses": [
    {
      "verse": 1,
      "text": "Væ Ariel, Ariel civitas, quam expugnavit David ! additus est annus ad annum : solemnitates evolutæ sunt.",
      "citation": "Isaias 29:1 (Clementine Vulgate)"
    },
    {
      "verse": 2,
      "text": "Et circumvallabo Ariel, et erit tristis et mœrens, et erit mihi quasi Ariel.",
      "citation": "Isaias 29:2 (Clementine Vulgate)"
    },
    {
      "verse": 3,
      "text": "Et circumdabo quasi sphæram in circuitu tuo, et jaciam contra te aggerem, et munimenta ponam in obsidionem tuam.",
      "citation": "Isaias 29:3 (Clementine Vulgate)"
    },
    {
      "verse": 4,
      "text": "Humiliaberis, de terra loqueris, et de humo audietur eloquium tuum ; et erit quasi pythonis de terra vox tua, et de humo eloquium tuum mussitabit.",
      "citation": "Isaias 29:4 (Clementine Vulgate)"
    },
    {
      "verse": 5,
      "text": "Et erit sicut pulvis tenuis multitudo ventilantium te, et sicut favilla pertransiens multitudo eorum qui contra te prævaluerunt ;",
      "citation": "Isaias 29:5 (Clementine Vulgate)"
    },
    {
      "verse": 6,
      "text": "eritque repente confestim. A Domino exercituum visitabitur in tonitruo, et commotione terræ, et voce magna turbinis et tempestatis, et flammæ ignis devorantis.",
      "citation": "Isaias 29:6 (Clementine Vulgate)"
    },
    {
      "verse": 7,
      "text": "Et erit sicut somnium visionis nocturnæ multitudo omnium gentium quæ dimicaverunt contra Ariel, et omnes qui militaverunt, et obsederunt, et prævaluerunt adversus eam.",
      "citation": "Isaias 29:7 (Clementine Vulgate)"
    },
    {
      "verse": 8,
      "text": "Et sicut somniat esuriens, et comedit, cum autem fuerit expergefactus, vacua est anima ejus ; et sicut somniat sitiens et bibit, et postquam fuerit expergefactus, lassus adhuc sitit, et anima ejus vacua est : sic erit multitudo omnium gentium quæ dimicaverunt contra montem Sion.",
      "citation": "Isaias 29:8 (Clementine Vulgate)"
    },
    {
      "verse": 9,
      "text": "Obstupescite et admiramini ; fluctuate et vacillate ; inebriamini, et non a vino ; movemini, et non ab ebrietate.",
      "citation": "Isaias 29:9 (Clementine Vulgate)"
    },
    {
      "verse": 10,
      "text": "Quoniam miscuit vobis Dominus spiritum soporis ; claudet oculos vestros : prophetas et principes vestros, qui vident visiones, operiet.",
      "citation": "Isaias 29:10 (Clementine Vulgate)"
    },
    {
      "verse": 11,
      "text": "Et erit vobis visio omnium sicut verba libri signati, quem cum dederint scienti litteras, dicent : Lege istum : et respondebit : Non possum, signatus est enim.",
      "citation": "Isaias 29:11 (Clementine Vulgate)"
    },
    {
      "verse": 12,
      "text": "Et dabitur liber nescienti litteras, diceturque ei : Lege ; et respondebit : Nescio litteras.",
      "citation": "Isaias 29:12 (Clementine Vulgate)"
    },
    {
      "verse": 13,
      "text": "Et dixit Dominus : Eo quod appropinquat populus iste ore suo, et labiis suis glorificat me, cor autem ejus longe est a me, et timuerunt me mandato hominum et doctrinis,",
      "citation": "Isaias 29:13 (Clementine Vulgate)"
    },
    {
      "verse": 14,
      "text": "ideo ecce ego addam ut admirationem faciam populo huic miraculo grandi et stupendo ; peribit enim sapientia a sapientibus ejus, et intellectus prudentium ejus abscondetur.",
      "citation": "Isaias 29:14 (Clementine Vulgate)"
    },
    {
      "verse": 15,
      "text": "Væ qui profundi estis corde, ut a Domino abscondatis consilium ; quorum sunt in tenebris opera, et dicunt : Quis videt nos ? et quis novit nos ?",
      "citation": "Isaias 29:15 (Clementine Vulgate)"
    },
    {
      "verse": 16,
      "text": "Perversa est hæc vestra cogitatio ; quasi si lutum contra figulum cogitet, et dicat opus factori suo : Non fecisti me ; et figmentum dicat fictori suo : Non intelligis.",
      "citation": "Isaias 29:16 (Clementine Vulgate)"
    },
    {
      "verse": 17,
      "text": "Nonne adhuc in modico et in brevi convertetur Libanus in carmel, et carmel in saltum reputabitur ?",
      "citation": "Isaias 29:17 (Clementine Vulgate)"
    },
    {
      "verse": 18,
      "text": "Et audient in die illa surdi verba libri, et de tenebris et caligine oculi cæcorum videbunt.",
      "citation": "Isaias 29:18 (Clementine Vulgate)"
    },
    {
      "verse": 19,
      "text": "Et addent mites in Domino lætitiam, et pauperes homines in Sancto Israël exsultabunt ;",
      "citation": "Isaias 29:19 (Clementine Vulgate)"
    },
    {
      "verse": 20,
      "text": "quoniam defecit qui prævalebat, consummatus est illusor, et succisi sunt omnes qui vigilabant super iniquitatem,",
      "citation": "Isaias 29:20 (Clementine Vulgate)"
    },
    {
      "verse": 21,
      "text": "qui peccare faciebant homines in verbo, et arguentem in porta supplantabant, et declinaverunt frustra a justo.",
      "citation": "Isaias 29:21 (Clementine Vulgate)"
    },
    {
      "verse": 22,
      "text": "Propter hoc, hæc dicit Dominus ad domum Jacob, qui redemit Abraham : Non modo confundetur Jacob, nec modo vultus ejus erubescet ;",
      "citation": "Isaias 29:22 (Clementine Vulgate)"
    },
    {
      "verse": 23,
      "text": "sed cum viderit filios suos, opera manuum mearum in medio sui sanctificantes nomen meum, et sanctificabunt Sanctum Jacob, et Deum Israël prædicabunt ;",
      "citation": "Isaias 29:23 (Clementine Vulgate)"
    },
    {
      "verse": 24,
      "text": "et scient errantes spiritu intellectum, et mussitatores discent legem.",
      "citation": "Isaias 29:24 (Clementine Vulgate)"
    }
  ]
}