{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Isaias, Chapter 37 — 38 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Isaias",
      "slug": "isaias",
      "testament": "OT",
      "order": 27,
      "totalChapters": 66
    },
    "chapter": 37,
    "verseCount": 38,
    "navigation": {
      "htmlUrl": "https://latinprayer.org/latin/isaias/37/",
      "bookIndex": "https://latinprayer.org/latin/isaias/index.json",
      "bookHtmlUrl": "https://latinprayer.org/latin/isaias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/isaias/36.json",
      "previousChapterHtmlUrl": "https://latinprayer.org/latin/isaias/36/",
      "nextChapter": "https://latinprayer.org/latin/isaias/38.json",
      "nextChapterHtmlUrl": "https://latinprayer.org/latin/isaias/38/"
    },
    "crossReferences": {
      "english": "https://latinprayer.org/bible/isaias/37.json",
      "englishHtmlUrl": "https://latinprayer.org/bible/isaias/37/",
      "german": "https://latinprayer.org/bibel/isaias/37.json",
      "germanHtmlUrl": "https://latinprayer.org/bibel/jesaja/37/"
    }
  },
  "citation": "Isaias 37 (Clementine Vulgate)",
  "verses": [
    {
      "verse": 1,
      "text": "Et factum est, cum audisset rex Ezechias, scidit vestimenta sua, et obvolutus est sacco, et intravit in domum Domini.",
      "citation": "Isaias 37:1 (Clementine Vulgate)"
    },
    {
      "verse": 2,
      "text": "Et misit Eliacim, qui erat super domum, et Sobnam scribam, et seniores de sacerdotibus, opertos saccis, ad Isaiam, filium Amos, prophetam,",
      "citation": "Isaias 37:2 (Clementine Vulgate)"
    },
    {
      "verse": 3,
      "text": "et dixerunt ad eum : Hæc dicit Ezechias : Dies tribulationis, et correptionis, et blasphemiæ, dies hæc ; quia venerunt filii usque ad partum, et virtus non est pariendi.",
      "citation": "Isaias 37:3 (Clementine Vulgate)"
    },
    {
      "verse": 4,
      "text": "Si quomodo audiat Dominus Deus tuus verba Rabsacis, quem misit rex Assyriorum dominus suus ad blasphemandum Deum viventem et exprobrandum sermonibus quos audivit Dominus Deus tuus : leva ergo orationem pro reliquiis quæ repertæ sunt.",
      "citation": "Isaias 37:4 (Clementine Vulgate)"
    },
    {
      "verse": 5,
      "text": "Et venerunt servi regis Ezechiæ ad Isaiam.",
      "citation": "Isaias 37:5 (Clementine Vulgate)"
    },
    {
      "verse": 6,
      "text": "Et dixit ad eos Isaias : Hæc dicetis domino vestro : Hæc dicit Dominus : Ne timeas a facie verborum quæ audisti, quibus blasphemaverunt pueri regis Assyriorum me.",
      "citation": "Isaias 37:6 (Clementine Vulgate)"
    },
    {
      "verse": 7,
      "text": "Ecce ego dabo ei spiritum, et audiet nuntium, et revertetur ad terram suam, et corruere eum faciam gladio in terra sua.",
      "citation": "Isaias 37:7 (Clementine Vulgate)"
    },
    {
      "verse": 8,
      "text": "Reversus est autem Rabsaces, et invenit regem Assyriorum præliantem adversus Lobnam : audierat enim quia profectus esset de Lachis.",
      "citation": "Isaias 37:8 (Clementine Vulgate)"
    },
    {
      "verse": 9,
      "text": "Et audivit de Tharaca rege Æthiopiæ, dicentes : Egressus est ut pugnet contra te. Quod cum audisset, misit nuntios ad Ezechiam, dicens :",
      "citation": "Isaias 37:9 (Clementine Vulgate)"
    },
    {
      "verse": 10,
      "text": "Hæc dicetis Ezechiæ regi Judæ, loquentes : Non te decipiat Deus tuus in quo tu confidis, dicens : Non dabitur Jerusalem in manu regis Assyriorum.",
      "citation": "Isaias 37:10 (Clementine Vulgate)"
    },
    {
      "verse": 11,
      "text": "Ecce tu audisti omnia quæ fecerunt reges Assyriorum omnibus terris, quas subverterunt : et tu poteris liberari ?",
      "citation": "Isaias 37:11 (Clementine Vulgate)"
    },
    {
      "verse": 12,
      "text": "Numquid eruerunt eos dii gentium quos subverterunt patres mei, Gozam, et Haram, et Reseph, et filios Eden qui erant in Thalassar ?",
      "citation": "Isaias 37:12 (Clementine Vulgate)"
    },
    {
      "verse": 13,
      "text": "Ubi est rex Emath, et rex Arphad, et rex urbis Sepharvaim, Ana, et Ava ?",
      "citation": "Isaias 37:13 (Clementine Vulgate)"
    },
    {
      "verse": 14,
      "text": "Et tulit Ezechias libros de manu nuntiorum, et legit eos, et ascendit in domum Domini, et expandit eos Ezechias coram Domino :",
      "citation": "Isaias 37:14 (Clementine Vulgate)"
    },
    {
      "verse": 15,
      "text": "et oravit Ezechias ad Dominum, dicens :",
      "citation": "Isaias 37:15 (Clementine Vulgate)"
    },
    {
      "verse": 16,
      "text": "Domine exercituum, Deus Israël, qui sedes super cherubim, tu es Deus solus omnium regnorum terræ : tu fecisti cælum et terram.",
      "citation": "Isaias 37:16 (Clementine Vulgate)"
    },
    {
      "verse": 17,
      "text": "Inclina, Domine, aurem tuam, et audi ; aperi, Domine, oculos tuos, et vide : et audi omnia verba Sennacherib, quæ misit ad blasphemandum Deum viventem.",
      "citation": "Isaias 37:17 (Clementine Vulgate)"
    },
    {
      "verse": 18,
      "text": "Vere enim, Domine, desertas fecerunt reges Assyriorum terras, et regiones earum,",
      "citation": "Isaias 37:18 (Clementine Vulgate)"
    },
    {
      "verse": 19,
      "text": "et dederunt deos earum igni : non enim erant dii, sed opera manuum hominum, lignum et lapis, et comminuerunt eos.",
      "citation": "Isaias 37:19 (Clementine Vulgate)"
    },
    {
      "verse": 20,
      "text": "Et nunc, Domine Deus noster, salva nos de manu ejus, et cognoscant omnia regna terræ quia tu es Dominus solus.",
      "citation": "Isaias 37:20 (Clementine Vulgate)"
    },
    {
      "verse": 21,
      "text": "Et misit Isaias, filius Amos, ad Ezechiam, dicens : Hæc dicit Dominus Deus Israël : Pro quibus rogasti me de Sennacherib, rege Assyriorum,",
      "citation": "Isaias 37:21 (Clementine Vulgate)"
    },
    {
      "verse": 22,
      "text": "hoc est verbum quod locutus est Dominus super eum : Despexit te et subsannavit te, virgo filia Sion ; post te caput movit, filia Jerusalem.",
      "citation": "Isaias 37:22 (Clementine Vulgate)"
    },
    {
      "verse": 23,
      "text": "Cui exprobrasti ? et quem blasphemasti ? et super quem exaltasti vocem, et levasti altitudinem oculorum tuorum ? ad Sanctum Israël.",
      "citation": "Isaias 37:23 (Clementine Vulgate)"
    },
    {
      "verse": 24,
      "text": "In manu servorum tuorum exprobrasti Domino, et dixisti : In multitudine quadrigarum mearum ego ascendi altitudinem montium juga Libani ; et succidam excelsa cedrorum ejus, et electas abietes illius, et introibo altitudinem summitatis ejus, saltum Carmeli ejus.",
      "citation": "Isaias 37:24 (Clementine Vulgate)"
    },
    {
      "verse": 25,
      "text": "Ego fodi, et bibi aquam, et exsiccavi vestigio pedis mei omnes rivos aggerum.",
      "citation": "Isaias 37:25 (Clementine Vulgate)"
    },
    {
      "verse": 26,
      "text": "Numquid non audisti quæ olim fecerim ei ? Ex diebus antiquis ego plasmavi illud ; et nunc adduxi, et factum est in eradicationem collium compugnantium, et civitatum munitarum.",
      "citation": "Isaias 37:26 (Clementine Vulgate)"
    },
    {
      "verse": 27,
      "text": "Habitatores earum breviata manu contremuerunt, et confusi sunt. Facti sunt sicut fœnum agri, et gramen pascuæ, et herba tectorum, quæ exaruit antequam maturesceret.",
      "citation": "Isaias 37:27 (Clementine Vulgate)"
    },
    {
      "verse": 28,
      "text": "Habitationem tuam, et egressum tuum, et introitum tuum cognovi, et insaniam tuam contra me.",
      "citation": "Isaias 37:28 (Clementine Vulgate)"
    },
    {
      "verse": 29,
      "text": "Cum fureres adversum me, superbia tua ascendit in aures meas. Ponam ergo circulum in naribus tuis, et frenum in labiis tuis, et reducam te in viam per quem venisti.",
      "citation": "Isaias 37:29 (Clementine Vulgate)"
    },
    {
      "verse": 30,
      "text": "Tibi autem hoc erit signum : comede hoc anno quæ sponte nascuntur, et in anno secundo pomis vescere ; in anno autem tertio seminate et metite, et plantate vineas, et comedite fructum earum.",
      "citation": "Isaias 37:30 (Clementine Vulgate)"
    },
    {
      "verse": 31,
      "text": "Et mittet id quod salvatum fuerit de domo Juda, et quod reliquum est, radicem deorsum, et faciet fructum sursum :",
      "citation": "Isaias 37:31 (Clementine Vulgate)"
    },
    {
      "verse": 32,
      "text": "quia de Jerusalem exibunt reliquiæ, et salvatio de monte Sion : zelus Domini exercituum faciet istud.",
      "citation": "Isaias 37:32 (Clementine Vulgate)"
    },
    {
      "verse": 33,
      "text": "Propterea hæc dicit Dominus de rege Assyriorum : Non intrabit civitatem hanc, et non jaciet ibi sagittam, et non occupabit eam clypeus, et non mittet in circuitu ejus aggerem.",
      "citation": "Isaias 37:33 (Clementine Vulgate)"
    },
    {
      "verse": 34,
      "text": "In via qua venit, per eam revertetur, et civitatem hanc non ingredietur, dicit Dominus.",
      "citation": "Isaias 37:34 (Clementine Vulgate)"
    },
    {
      "verse": 35,
      "text": "Et protegam civitatem istam, ut salvem eam propter me, et propter David, servum meum.",
      "citation": "Isaias 37:35 (Clementine Vulgate)"
    },
    {
      "verse": 36,
      "text": "Egressus est autem angelus Domini, et percussit in castris Assyriorum centum octoginta quinque millia. Et surrexerunt mane, et ecce omnes cadavera mortuorum.",
      "citation": "Isaias 37:36 (Clementine Vulgate)"
    },
    {
      "verse": 37,
      "text": "Et egressus est, et abiit, et reversus est Sennacherib, rex Assyriorum, et habitavit in Ninive.",
      "citation": "Isaias 37:37 (Clementine Vulgate)"
    },
    {
      "verse": 38,
      "text": "Et factum est, cum adoraret in templo Nesroch deum suum, Adramelech et Sarasar, filii ejus, percusserunt eum gladio, fugeruntque in terram Ararat ; et regnavit Asarhaddon, filius ejus, pro eo.",
      "citation": "Isaias 37:38 (Clementine Vulgate)"
    }
  ]
}