{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Isaias, Chapter 48 — 22 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Isaias",
      "slug": "isaias",
      "testament": "OT",
      "order": 27,
      "totalChapters": 66
    },
    "chapter": 48,
    "verseCount": 22,
    "navigation": {
      "htmlUrl": "https://latinprayer.org/latin/isaias/48/",
      "bookIndex": "https://latinprayer.org/latin/isaias/index.json",
      "bookHtmlUrl": "https://latinprayer.org/latin/isaias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/isaias/47.json",
      "previousChapterHtmlUrl": "https://latinprayer.org/latin/isaias/47/",
      "nextChapter": "https://latinprayer.org/latin/isaias/49.json",
      "nextChapterHtmlUrl": "https://latinprayer.org/latin/isaias/49/"
    },
    "crossReferences": {
      "english": "https://latinprayer.org/bible/isaias/48.json",
      "englishHtmlUrl": "https://latinprayer.org/bible/isaias/48/",
      "german": "https://latinprayer.org/bibel/isaias/48.json",
      "germanHtmlUrl": "https://latinprayer.org/bibel/jesaja/48/"
    }
  },
  "citation": "Isaias 48 (Clementine Vulgate)",
  "verses": [
    {
      "verse": 1,
      "text": "Audite hæc, domus Jacob, qui vocamini nomine Israël, et de aquis Juda existis ; qui juratis in nomine Domini, et Dei Israël recordamini non in veritate neque in justitia.",
      "citation": "Isaias 48:1 (Clementine Vulgate)"
    },
    {
      "verse": 2,
      "text": "De civitate enim sancta vocati sunt, et super Deum Israël constabiliti sunt : Dominus exercituum nomen ejus.",
      "citation": "Isaias 48:2 (Clementine Vulgate)"
    },
    {
      "verse": 3,
      "text": "Priora ex tunc annuntiavi, et ex ore meo exierunt, et audita feci ea : repente operatus sum, et venerunt.",
      "citation": "Isaias 48:3 (Clementine Vulgate)"
    },
    {
      "verse": 4,
      "text": "Scivi enim quia durus es tu, et nervus ferreus cervix tua, et frons tua ærea.",
      "citation": "Isaias 48:4 (Clementine Vulgate)"
    },
    {
      "verse": 5,
      "text": "Prædixi tibi ex tunc ; antequam venirent, indicavi tibi, ne forte diceres : Idola mea fecerunt hæc, et sculptilia mea et conflatilia mandaverunt ista.",
      "citation": "Isaias 48:5 (Clementine Vulgate)"
    },
    {
      "verse": 6,
      "text": "Quæ audisti, vide omnia ; vos autem, num annuntiastis ? Audita feci tibi nova ex tunc, et conservata sunt quæ nescis.",
      "citation": "Isaias 48:6 (Clementine Vulgate)"
    },
    {
      "verse": 7,
      "text": "Nunc creata sunt et non ex tunc ; et ante diem, et non audisti ea, ne forte dicas : Ecce ego cognovi ea.",
      "citation": "Isaias 48:7 (Clementine Vulgate)"
    },
    {
      "verse": 8,
      "text": "Neque audisti, neque cognovisti, neque ex tunc aperta est auris tua : scio enim quia prævaricans prævaricaberis, et transgressorem ex utero vocavi te.",
      "citation": "Isaias 48:8 (Clementine Vulgate)"
    },
    {
      "verse": 9,
      "text": "Propter nomen meum longe faciam furorem meum, et laude mea infrenabo te, ne intereas.",
      "citation": "Isaias 48:9 (Clementine Vulgate)"
    },
    {
      "verse": 10,
      "text": "Ecce excoxi te, sed non quasi argentum ; elegi te in camino paupertatis.",
      "citation": "Isaias 48:10 (Clementine Vulgate)"
    },
    {
      "verse": 11,
      "text": "Propter me, propter me faciam, ut non blasphemer ; et gloriam meam alteri non dabo.",
      "citation": "Isaias 48:11 (Clementine Vulgate)"
    },
    {
      "verse": 12,
      "text": "Audi me, Jacob, et Israël, quem ego voco : ego ipse, ego primus, et ego novissimus.",
      "citation": "Isaias 48:12 (Clementine Vulgate)"
    },
    {
      "verse": 13,
      "text": "Manus quoque mea fundavit terram, et dextera mea mensa est cælos ; ego vocabo eos, et stabunt simul.",
      "citation": "Isaias 48:13 (Clementine Vulgate)"
    },
    {
      "verse": 14,
      "text": "Congregamini, omnes vos, et audite : quis de eis annuntiavit hæc ? Dominus dilexit eum, faciet voluntatem suam in Babylone, et brachium suum in Chaldæis.",
      "citation": "Isaias 48:14 (Clementine Vulgate)"
    },
    {
      "verse": 15,
      "text": "Ego, ego locutus sum, et vocavi eum ; adduxi eum, et directa est via ejus.",
      "citation": "Isaias 48:15 (Clementine Vulgate)"
    },
    {
      "verse": 16,
      "text": "Accedite ad me et audite hoc : non a principio in abscondito locutus sum : ex tempore antequam fieret, ibi eram : et nunc Dominus Deus misit me, et spiritus ejus.",
      "citation": "Isaias 48:16 (Clementine Vulgate)"
    },
    {
      "verse": 17,
      "text": "Hæc dicit Dominus, redemptor tuus, Sanctus Israël : Ego Dominus Deus tuus, docens te utilia, gubernans te in via qua ambulas.",
      "citation": "Isaias 48:17 (Clementine Vulgate)"
    },
    {
      "verse": 18,
      "text": "Utinam attendisses mandata mea : facta fuisset sicut flumen pax tua, et justitia tua sicut gurgites maris :",
      "citation": "Isaias 48:18 (Clementine Vulgate)"
    },
    {
      "verse": 19,
      "text": "et fuisset quasi arena semen tuum, et stirps uteri tui ut lapilli ejus ; non interisset et non fuisset attritum nomen ejus a facie mea.",
      "citation": "Isaias 48:19 (Clementine Vulgate)"
    },
    {
      "verse": 20,
      "text": "Egredimini de Babylone, fugite a Chaldæis, in voce exsultationis annuntiate : auditum facite hoc, et efferte illud usque ad extrema terræ. Dicite : Redemit Dominus servum suum Jacob.",
      "citation": "Isaias 48:20 (Clementine Vulgate)"
    },
    {
      "verse": 21,
      "text": "Non sitierunt in deserto, cum educeret eos : aquam de petra produxit eis, et scidit petram, et fluxerunt aquæ.",
      "citation": "Isaias 48:21 (Clementine Vulgate)"
    },
    {
      "verse": 22,
      "text": "Non est pax impiis, dicit Dominus.",
      "citation": "Isaias 48:22 (Clementine Vulgate)"
    }
  ]
}