{ "_meta": { "project": "Latin Prayer", "projectUrl": "https://latinprayer.org", "apiDocs": "https://latinprayer.org/llms.txt", "content": "Isaias, Chapter 7 — 25 verses (Clementine Vulgate)", "translation": { "name": "Clementine Vulgate", "language": "la", "languageName": "Latin", "copyright": "Public Domain" }, "book": { "name": "Isaias", "slug": "isaias", "testament": "OT", "order": 27, "totalChapters": 66 }, "chapter": 7, "verseCount": 25, "navigation": { "htmlUrl": "https://latinprayer.org/latin/isaias/7/", "bookIndex": "https://latinprayer.org/latin/isaias/index.json", "bookHtmlUrl": "https://latinprayer.org/latin/isaias/", "translationIndex": "https://latinprayer.org/latin/index.json", "translationHtmlUrl": "https://latinprayer.org/latin/", "previousChapter": "https://latinprayer.org/latin/isaias/6.json", "previousChapterHtmlUrl": "https://latinprayer.org/latin/isaias/6/", "nextChapter": "https://latinprayer.org/latin/isaias/8.json", "nextChapterHtmlUrl": "https://latinprayer.org/latin/isaias/8/" }, "crossReferences": { "english": "https://latinprayer.org/bible/isaias/7.json", "englishHtmlUrl": "https://latinprayer.org/bible/isaias/7/", "german": "https://latinprayer.org/bibel/isaias/7.json", "germanHtmlUrl": "https://latinprayer.org/bibel/jesaja/7/" } }, "citation": "Isaias 7 (Clementine Vulgate)", "verses": [ { "verse": 1, "text": "Et factum est in diebus Achaz, filii Joathan, filii Oziæ, regis Juda, ascendit Rasin, rex Syriæ, et Phacee, filius Romeliæ, rex Israël, in Jerusalem, ad præliandum contra eam : et non potuerunt", "citation": "Isaias 7:1 (Clementine Vulgate)" }, { "verse": 2, "text": "debellare eam. Et nuntiaverunt domui David, dicentes : Requievit Syria super Ephraim. Et commotum est cor ejus, et cor populi ejus, sicut moventur ligna silvarum a facie venti.", "citation": "Isaias 7:2 (Clementine Vulgate)" }, { "verse": 3, "text": "Et dixit Dominus ad Isaiam : Egredere in occursum Achaz, tu et qui derelictus est Jasub, filius tuus, ad extremum aquæductus piscinæ superioris in via agri Fullonis ;", "citation": "Isaias 7:3 (Clementine Vulgate)" }, { "verse": 4, "text": "et dices ad eum : Vide ut sileas ; noli timere, et cor tuum ne formidet a duabus caudis titionum fumigantium istorum, in ira furoris Rasin, regis Syriæ, et filii Romeliæ ;", "citation": "Isaias 7:4 (Clementine Vulgate)" }, { "verse": 5, "text": "eo quod consilium inierit contra te Syria in malum, Ephraim, et filius Romeliæ, dicentes :", "citation": "Isaias 7:5 (Clementine Vulgate)" }, { "verse": 6, "text": "Ascendamus ad Judam, et suscitemus eum, et avellamus eum ad nos, et ponamus regem in medio ejus filium Tabeel.", "citation": "Isaias 7:6 (Clementine Vulgate)" }, { "verse": 7, "text": "Hæc dicit Dominus Deus : Non stabit, et non erit istud ;", "citation": "Isaias 7:7 (Clementine Vulgate)" }, { "verse": 8, "text": "sed caput Syriæ Damascus, et caput Damasci Rasin ; et adhuc sexaginta et quinque anni, et desinet Ephraim esse populus ;", "citation": "Isaias 7:8 (Clementine Vulgate)" }, { "verse": 9, "text": "et caput Ephraim Samaria, et caput Samariæ filius Romeliæ. Si non credideritis, non permanebitis.", "citation": "Isaias 7:9 (Clementine Vulgate)" }, { "verse": 10, "text": "Et adjecit Dominus loqui ad Achaz, dicens :", "citation": "Isaias 7:10 (Clementine Vulgate)" }, { "verse": 11, "text": "Pete tibi signum a Domino Deo tuo, in profundum inferni, sive in excelsum supra.", "citation": "Isaias 7:11 (Clementine Vulgate)" }, { "verse": 12, "text": "Et dixit Achaz : Non petam, et non tentabo Dominum.", "citation": "Isaias 7:12 (Clementine Vulgate)" }, { "verse": 13, "text": "Et dixit : Audite ergo, domus David. Numquid parum vobis est molestos esse hominibus, quia molesti estis et Deo meo ?", "citation": "Isaias 7:13 (Clementine Vulgate)" }, { "verse": 14, "text": "Propter hoc dabit Dominus ipse vobis signum : ecce virgo concipiet, et pariet filium, et vocabitur nomen ejus Emmanuel.", "citation": "Isaias 7:14 (Clementine Vulgate)" }, { "verse": 15, "text": "Butyrum et mel comedet, ut sciat reprobare malum, et eligere bonum.", "citation": "Isaias 7:15 (Clementine Vulgate)" }, { "verse": 16, "text": "Quia antequam sciat puer reprobare malum et eligere bonum, derelinquetur terra quam tu detestaris a facie duorum regum suorum.", "citation": "Isaias 7:16 (Clementine Vulgate)" }, { "verse": 17, "text": "Adducet Dominus super te, et super populum tuum, et super domum patris tui, dies qui non venerunt a diebus separationis Ephraim a Juda, cum rege Assyriorum.", "citation": "Isaias 7:17 (Clementine Vulgate)" }, { "verse": 18, "text": "Et erit in die illa : sibilabit Dominus muscæ quæ est in extremo fluminum Ægypti, et api quæ est in terra Assur ;", "citation": "Isaias 7:18 (Clementine Vulgate)" }, { "verse": 19, "text": "et venient, et requiescent omnes in torrentibus vallium, et in cavernis petrarum, et in omnibus frutetis, et in universis foraminibus.", "citation": "Isaias 7:19 (Clementine Vulgate)" }, { "verse": 20, "text": "In die illa radet Dominus in novacula conducta in his qui trans flumen sunt, in rege Assyriorum, caput et pilos pedum, et barbam universam.", "citation": "Isaias 7:20 (Clementine Vulgate)" }, { "verse": 21, "text": "Et erit in die illa : nutriet homo vaccam boum, et duas oves,", "citation": "Isaias 7:21 (Clementine Vulgate)" }, { "verse": 22, "text": "et præ ubertate lactis comedet butyrum ; butyrum enim et mel manducabit omnis qui relictus fuerit in medio terræ.", "citation": "Isaias 7:22 (Clementine Vulgate)" }, { "verse": 23, "text": "Et erit in die illa : omnis locus ubi fuerint mille vites, mille argenteis, in spinas et in vepres erunt.", "citation": "Isaias 7:23 (Clementine Vulgate)" }, { "verse": 24, "text": "Cum sagittis et arcu ingredientur illuc : vepres enim et spinæ erunt in universa terra.", "citation": "Isaias 7:24 (Clementine Vulgate)" }, { "verse": 25, "text": "Et omnes montes qui in sarculo sarrientur, non veniet illuc terror spinarum et veprium : et erit in pascua bovis, et in conculcationem pecoris.", "citation": "Isaias 7:25 (Clementine Vulgate)" } ] }