{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 20 — 18 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 20,
    "verseCount": 18,
    "navigation": {
      "htmlUrl": "https://latinprayer.org/latin/jeremias/20/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/19.json",
      "previousChapterHtmlUrl": "https://latinprayer.org/latin/jeremias/19/",
      "nextChapter": "https://latinprayer.org/latin/jeremias/21.json",
      "nextChapterHtmlUrl": "https://latinprayer.org/latin/jeremias/21/"
    },
    "crossReferences": {
      "english": "https://latinprayer.org/bible/jeremias/20.json",
      "englishHtmlUrl": "https://latinprayer.org/bible/jeremias/20/",
      "german": "https://latinprayer.org/bibel/jeremias/20.json",
      "germanHtmlUrl": "https://latinprayer.org/bibel/jeremia/20/"
    }
  },
  "citation": "Jeremias 20 (Clementine Vulgate)",
  "verses": [
    {
      "verse": 1,
      "text": "Et audivit Phassur filius Emmer, sacerdos, qui constitutus erat princeps in domo Domini, Jeremiam prophetantem sermones istos.",
      "citation": "Jeremias 20:1 (Clementine Vulgate)"
    },
    {
      "verse": 2,
      "text": "Et percussit Phassur Jeremiam prophetam, et misit eum in nervum quod erat in porta Benjamin superiori, in domo Domini.",
      "citation": "Jeremias 20:2 (Clementine Vulgate)"
    },
    {
      "verse": 3,
      "text": "Cumque illuxisset in crastinum, eduxit Phassur Jeremiam de nervo, et dixit ad eum Jeremias : Non Phassur vocavit Dominus nomen tuum, sed Pavorem undique.",
      "citation": "Jeremias 20:3 (Clementine Vulgate)"
    },
    {
      "verse": 4,
      "text": "Quia hæc dicit Dominus : Ecce ego dabo te in pavorem, te et omnes amicos tuos : et corruent gladio inimicorum suorum, et oculi tui videbunt : et omnem Judam dabo in manum regis Babylonis, et traducet eos in Babylonem, et percutiet eos gladio.",
      "citation": "Jeremias 20:4 (Clementine Vulgate)"
    },
    {
      "verse": 5,
      "text": "Et dabo universam substantiam civitatis hujus, et omnem laborem ejus, omneque pretium, et cunctos thesauros regum Juda dabo in manu inimicorum eorum : et diripient eos, et tollent, et ducent in Babylonem.",
      "citation": "Jeremias 20:5 (Clementine Vulgate)"
    },
    {
      "verse": 6,
      "text": "Tu autem, Phassur, et omnes habitatores domus tuæ, ibitis in captivitatem : et in Babylonem venies, et ibi morieris, ibique sepelieris tu, et omnes amici tui, quibus prophetasti mendacium.",
      "citation": "Jeremias 20:6 (Clementine Vulgate)"
    },
    {
      "verse": 7,
      "text": "Seduxisti me, Domine, et seductus sum : fortior me fuisti, et invaluisti : factus sum in derisum tota die ; omnes subsannant me.",
      "citation": "Jeremias 20:7 (Clementine Vulgate)"
    },
    {
      "verse": 8,
      "text": "Quia jam olim loquor, vociferans iniquitatem, et vastitatem clamito : et factus est mihi sermo Domini in opprobrium, et in derisum tota die.",
      "citation": "Jeremias 20:8 (Clementine Vulgate)"
    },
    {
      "verse": 9,
      "text": "Et dixi : Non recordabor ejus, neque loquar ultra in nomine illius : et factus est in corde meo quasi ignis exæstuans, claususque in ossibus meis, et defeci, ferre non sustinens.",
      "citation": "Jeremias 20:9 (Clementine Vulgate)"
    },
    {
      "verse": 10,
      "text": "Audivi enim contumelias multorum, et terrorem in circuitu : Persequimini, et persequamur eum, ab omnibus viris qui erant pacifici mei, et custodientes latus meum : si quomodo decipiatur, et prævaleamus adversus eum, et consequamur ultionem ex eo.",
      "citation": "Jeremias 20:10 (Clementine Vulgate)"
    },
    {
      "verse": 11,
      "text": "Dominus autem mecum est, quasi bellator fortis : idcirco qui persequuntur me cadent, et infirmi erunt : confundentur vehementer, quia non intellexerunt opprobrium sempiternum, quod numquam delebitur.",
      "citation": "Jeremias 20:11 (Clementine Vulgate)"
    },
    {
      "verse": 12,
      "text": "Et tu, Domine exercituum, probator justi, qui vides renes et cor, videam, quæso, ultionem tuam ex eis : tibi enim revelavi causam meam.",
      "citation": "Jeremias 20:12 (Clementine Vulgate)"
    },
    {
      "verse": 13,
      "text": "Cantate Domino, laudate Dominum, quia liberavit animam pauperis de manu malorum.",
      "citation": "Jeremias 20:13 (Clementine Vulgate)"
    },
    {
      "verse": 14,
      "text": "Maledicta dies in qua natus sum ! dies in qua peperit me mater mea non sit benedicta !",
      "citation": "Jeremias 20:14 (Clementine Vulgate)"
    },
    {
      "verse": 15,
      "text": "Maledictus vir qui annuntiavit patri meo, dicens : Natus est tibi puer masculus, et quasi gaudio lætificavit eum !",
      "citation": "Jeremias 20:15 (Clementine Vulgate)"
    },
    {
      "verse": 16,
      "text": "Sit homo ille ut sunt civitates quæ subvertit Dominus, et non pœnituit eum : audiat clamorem mane, et ululatum in tempore meridiano,",
      "citation": "Jeremias 20:16 (Clementine Vulgate)"
    },
    {
      "verse": 17,
      "text": "qui non me interfecit a vulva, ut fieret mihi mater mea sepulchrum, et vulva ejus conceptus æternus !",
      "citation": "Jeremias 20:17 (Clementine Vulgate)"
    },
    {
      "verse": 18,
      "text": "Quare de vulva egressus sum, ut viderem laborem et dolorem, et consumerentur in confusione dies mei ?",
      "citation": "Jeremias 20:18 (Clementine Vulgate)"
    }
  ]
}