{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 22 — 30 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 22,
    "verseCount": 30,
    "navigation": {
      "htmlUrl": "https://latinprayer.org/latin/jeremias/22/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/21.json",
      "previousChapterHtmlUrl": "https://latinprayer.org/latin/jeremias/21/",
      "nextChapter": "https://latinprayer.org/latin/jeremias/23.json",
      "nextChapterHtmlUrl": "https://latinprayer.org/latin/jeremias/23/"
    },
    "crossReferences": {
      "english": "https://latinprayer.org/bible/jeremias/22.json",
      "englishHtmlUrl": "https://latinprayer.org/bible/jeremias/22/",
      "german": "https://latinprayer.org/bibel/jeremias/22.json",
      "germanHtmlUrl": "https://latinprayer.org/bibel/jeremia/22/"
    }
  },
  "citation": "Jeremias 22 (Clementine Vulgate)",
  "verses": [
    {
      "verse": 1,
      "text": "Hæc dicit Dominus : Descende in domum regis Juda, et loqueris ibi verbum hoc,",
      "citation": "Jeremias 22:1 (Clementine Vulgate)"
    },
    {
      "verse": 2,
      "text": "et dices : Audi verbum Domini, rex Juda, qui sedes super solium David : tu et servi tui, et populus tuus, qui ingredimini per portas istas.",
      "citation": "Jeremias 22:2 (Clementine Vulgate)"
    },
    {
      "verse": 3,
      "text": "Hæc dicit Dominus : Facite judicium et justitiam, et liberate vi oppressum de manu calumniatoris : et advenam, et pupillum, et viduam nolite contristare, neque opprimatis inique, et sanguinem innocentem ne effundatis in loco isto.",
      "citation": "Jeremias 22:3 (Clementine Vulgate)"
    },
    {
      "verse": 4,
      "text": "Si enim facientes feceritis verbum istud, ingredientur per portas domus hujus reges sedentes de genere David super thronum ejus, et ascendentes currus et equos, ipsi, et servi, et populus eorum.",
      "citation": "Jeremias 22:4 (Clementine Vulgate)"
    },
    {
      "verse": 5,
      "text": "Quod si non audieritis verba hæc : in memetipso juravi, dicit Dominus, quia in solitudinem erit domus hæc.",
      "citation": "Jeremias 22:5 (Clementine Vulgate)"
    },
    {
      "verse": 6,
      "text": "Quia hæc dicit Dominus super domum regis Juda : Galaad, tu mihi caput Libani, si non posuero te solitudinem, urbes inhabitabiles !",
      "citation": "Jeremias 22:6 (Clementine Vulgate)"
    },
    {
      "verse": 7,
      "text": "Et sanctificabo super te, interficientem virum et arma ejus : et succident electas cedros tuas, et præcipitabunt in ignem.",
      "citation": "Jeremias 22:7 (Clementine Vulgate)"
    },
    {
      "verse": 8,
      "text": "Et pertransibunt gentes multæ per civitatem hanc, et dicet unusquisque proximo suo : Quare fecit Dominus sic civitati huic grandi ?",
      "citation": "Jeremias 22:8 (Clementine Vulgate)"
    },
    {
      "verse": 9,
      "text": "Et respondebunt : Eo quod dereliquerint pactum Domini Dei sui, et adoraverint deos alienos, et servierint eis.",
      "citation": "Jeremias 22:9 (Clementine Vulgate)"
    },
    {
      "verse": 10,
      "text": "Nolite flere mortuum, neque lugeatis super eum fletu : plangite eum qui egreditur, quia non revertetur ultra, nec videbit terram nativitatis suæ.",
      "citation": "Jeremias 22:10 (Clementine Vulgate)"
    },
    {
      "verse": 11,
      "text": "Quia hæc dicit Dominus ad Sellum, filium Josiæ, regem Juda, qui regnavit pro Josia patre suo, qui egressus est de loco isto : Non revertetur huc amplius,",
      "citation": "Jeremias 22:11 (Clementine Vulgate)"
    },
    {
      "verse": 12,
      "text": "sed in loco ad quem transtuli eum, ibi morietur, et terram istam non videbit amplius.",
      "citation": "Jeremias 22:12 (Clementine Vulgate)"
    },
    {
      "verse": 13,
      "text": "Væ qui ædificat domum suam in injustitia, et cœnacula sua non in judicio : amicum suum opprimet frustra, et mercedem ejus non reddet ei :",
      "citation": "Jeremias 22:13 (Clementine Vulgate)"
    },
    {
      "verse": 14,
      "text": "qui dicit : Ædificabo mihi domum latam, et cœnacula spatiosa : qui aperit sibi fenestras et facit laquearia cedrina, pingitque sinopide.",
      "citation": "Jeremias 22:14 (Clementine Vulgate)"
    },
    {
      "verse": 15,
      "text": "Numquid regnabis quoniam confers te cedro ? pater tuus numquid non comedit et bibit, et fecit judicium et justitiam tunc cum bene erat ei ?",
      "citation": "Jeremias 22:15 (Clementine Vulgate)"
    },
    {
      "verse": 16,
      "text": "Judicavit causam pauperis et egeni in bonum suum : numquid non ideo quia cognovit me ? dicit Dominus.",
      "citation": "Jeremias 22:16 (Clementine Vulgate)"
    },
    {
      "verse": 17,
      "text": "Tui vero oculi et cor ad avaritiam, et ad sanguinem innocentem fundendum, et ad calumniam, et ad cursum mali operis.",
      "citation": "Jeremias 22:17 (Clementine Vulgate)"
    },
    {
      "verse": 18,
      "text": "Propterea hæc dicit Dominus ad Joakim, filium Josiæ, regem Juda : Non plangent eum : Væ frater ! et væ soror ! non concrepabunt ei : Væ domine ! et væ inclyte !",
      "citation": "Jeremias 22:18 (Clementine Vulgate)"
    },
    {
      "verse": 19,
      "text": "Sepultura asini sepelietur, putrefactus et projectus extra portas Jerusalem.",
      "citation": "Jeremias 22:19 (Clementine Vulgate)"
    },
    {
      "verse": 20,
      "text": "Ascende Libanum, et clama, et in Basan da vocem tuam : et clama ad transeuntes, quia contriti sunt omnes amatores tui.",
      "citation": "Jeremias 22:20 (Clementine Vulgate)"
    },
    {
      "verse": 21,
      "text": "Locutus sum ad te in abundantia tua, et dixisti : Non audiam : hæc est via tua ab adolescentia tua, quia non audisti vocem meam.",
      "citation": "Jeremias 22:21 (Clementine Vulgate)"
    },
    {
      "verse": 22,
      "text": "Omnes pastores tuos pascet ventus, et amatores tui in captivitatem ibunt : et tunc confunderis, et erubesces ab omni malitia tua.",
      "citation": "Jeremias 22:22 (Clementine Vulgate)"
    },
    {
      "verse": 23,
      "text": "Quæ sedes in Libano, et nidificas in cedris, quomodo congemuisti cum venissent tibi dolores, quasi dolores parturientis ?",
      "citation": "Jeremias 22:23 (Clementine Vulgate)"
    },
    {
      "verse": 24,
      "text": "Vivo ego, dicit Dominus, quia si fuerit Jechonias filius Joakim regis Juda annulus in manu dextera mea, inde evellam eum,",
      "citation": "Jeremias 22:24 (Clementine Vulgate)"
    },
    {
      "verse": 25,
      "text": "et dabo te in manu quærentium animam tuam, et in manu quorum tu formidas faciem, et in manu Nabuchodonosor regis Babylonis, et in manu Chaldæorum :",
      "citation": "Jeremias 22:25 (Clementine Vulgate)"
    },
    {
      "verse": 26,
      "text": "et mittam te, et matrem tuam quæ genuit te, in terram alienam, in qua nati non estis, ibique moriemini.",
      "citation": "Jeremias 22:26 (Clementine Vulgate)"
    },
    {
      "verse": 27,
      "text": "Et in terram ad quam ipsi levant animam suam ut revertantur illuc, non revertentur.",
      "citation": "Jeremias 22:27 (Clementine Vulgate)"
    },
    {
      "verse": 28,
      "text": "Numquid vas fictile atque contritum vir iste Jechonias ? numquid vas absque omni voluptate ? quare abjecti sunt ipse et semen ejus, et projecti in terram quam ignoraverunt ?",
      "citation": "Jeremias 22:28 (Clementine Vulgate)"
    },
    {
      "verse": 29,
      "text": "Terra, terra, terra, audi sermonem Domini.",
      "citation": "Jeremias 22:29 (Clementine Vulgate)"
    },
    {
      "verse": 30,
      "text": "Hæc dicit Dominus : Scribe virum istum sterilem, virum qui in diebus suis non prosperabitur : nec enim erit de semine ejus vir qui sedeat super solium David, et potestatem habeat ultra in Juda.",
      "citation": "Jeremias 22:30 (Clementine Vulgate)"
    }
  ]
}