{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 23 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 23,
    "verseCount": 40,
    "navigation": {
      "htmlUrl": "https://latinprayer.org/latin/jeremias/23/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/22.json",
      "previousChapterHtmlUrl": "https://latinprayer.org/latin/jeremias/22/",
      "nextChapter": "https://latinprayer.org/latin/jeremias/24.json",
      "nextChapterHtmlUrl": "https://latinprayer.org/latin/jeremias/24/"
    },
    "crossReferences": {
      "english": "https://latinprayer.org/bible/jeremias/23.json",
      "englishHtmlUrl": "https://latinprayer.org/bible/jeremias/23/",
      "german": "https://latinprayer.org/bibel/jeremias/23.json",
      "germanHtmlUrl": "https://latinprayer.org/bibel/jeremia/23/"
    }
  },
  "citation": "Jeremias 23 (Clementine Vulgate)",
  "verses": [
    {
      "verse": 1,
      "text": "Væ pastoribus qui disperdunt et dilacerant gregem pascuæ meæ ! dicit Dominus.",
      "citation": "Jeremias 23:1 (Clementine Vulgate)"
    },
    {
      "verse": 2,
      "text": "Ideo hæc dicit Dominus Deus Israël ad pastores qui pascunt populum meum : Vos dispersistis gregem meum, et ejecistis eos, et non visitastis eos : ecce ego visitabo super vos malitiam studiorum vestrorum, ait Dominus.",
      "citation": "Jeremias 23:2 (Clementine Vulgate)"
    },
    {
      "verse": 3,
      "text": "Et ego congregabo reliquias gregis mei de omnibus terris ad quas ejecero eos illuc : et convertam eos ad rura sua, et crescent et multiplicabuntur.",
      "citation": "Jeremias 23:3 (Clementine Vulgate)"
    },
    {
      "verse": 4,
      "text": "Et suscitabo super eos pastores, et pascent eos : non formidabunt ultra, et non pavebunt, et nullus quæretur ex numero, dicit Dominus.",
      "citation": "Jeremias 23:4 (Clementine Vulgate)"
    },
    {
      "verse": 5,
      "text": "Ecce dies veniunt, dicit Dominus, et suscitabo David germen justum : et regnabit rex, et sapiens erit, et faciet judicium et justitiam in terra.",
      "citation": "Jeremias 23:5 (Clementine Vulgate)"
    },
    {
      "verse": 6,
      "text": "In diebus illis salvabitur Juda, et Israël habitabit confidenter : et hoc est nomen quod vocabunt eum : Dominus justus noster.",
      "citation": "Jeremias 23:6 (Clementine Vulgate)"
    },
    {
      "verse": 7,
      "text": "Propter hoc ecce dies veniunt, dicit Dominus, et non dicent ultra : Vivit Dominus, qui eduxit filios Israël de terra Ægypti,",
      "citation": "Jeremias 23:7 (Clementine Vulgate)"
    },
    {
      "verse": 8,
      "text": "sed : Vivit Dominus, qui eduxit et adduxit semen domus Israël de terra aquilonis, et de cunctis terris ad quas ejeceram eos illuc, et habitabunt in terra sua.",
      "citation": "Jeremias 23:8 (Clementine Vulgate)"
    },
    {
      "verse": 9,
      "text": "Ad prophetas : Contritum est cor meum in medio mei ; contremuerunt omnia ossa mea : factus sum quasi vir ebrius, et quasi homo madidus a vino, a facie Domini, et a facie verborum sanctorum ejus.",
      "citation": "Jeremias 23:9 (Clementine Vulgate)"
    },
    {
      "verse": 10,
      "text": "Quia adulteris repleta est terra, quia a facie maledictionis luxit terra, arefacta sunt arva deserti : factus est cursus eorum malus, et fortitudo eorum dissimilis.",
      "citation": "Jeremias 23:10 (Clementine Vulgate)"
    },
    {
      "verse": 11,
      "text": "Propheta namque et sacerdos polluti sunt, et in domo mea inveni malum eorum, ait Dominus.",
      "citation": "Jeremias 23:11 (Clementine Vulgate)"
    },
    {
      "verse": 12,
      "text": "Idcirco via eorum erit quasi lubricum in tenebris : impellentur enim, et corruent in ea : afferam enim super eos mala, annum visitationis eorum, ait Dominus.",
      "citation": "Jeremias 23:12 (Clementine Vulgate)"
    },
    {
      "verse": 13,
      "text": "Et in prophetis Samariæ vidi fatuitatem : prophetabant in Baal, et decipiebant populum meum Israël.",
      "citation": "Jeremias 23:13 (Clementine Vulgate)"
    },
    {
      "verse": 14,
      "text": "Et in prophetis Jerusalem vidi similitudinem adulterantium, et iter mendacii : et confortaverunt manus pessimorum, ut non converteretur unusquisque a malitia sua : facti sunt mihi omnes ut Sodoma, et habitatores ejus quasi Gomorrha.",
      "citation": "Jeremias 23:14 (Clementine Vulgate)"
    },
    {
      "verse": 15,
      "text": "Propterea hæc dicit Dominus exercituum ad prophetas : Ecce ego cibabo eos absinthio, et potabo eos felle : a prophetis enim Jerusalem egressa est pollutio super omnem terram.",
      "citation": "Jeremias 23:15 (Clementine Vulgate)"
    },
    {
      "verse": 16,
      "text": "Hæc dicit Dominus exercituum : Nolite audire verba prophetarum qui prophetant vobis, et decipiunt vos : visionem cordis sui loquuntur, non de ore Domini.",
      "citation": "Jeremias 23:16 (Clementine Vulgate)"
    },
    {
      "verse": 17,
      "text": "Dicunt his qui blasphemant me : Locutus est Dominus : Pax erit vobis : et omni qui ambulat in pravitate cordis sui dixerunt : Non veniet super vos malum.",
      "citation": "Jeremias 23:17 (Clementine Vulgate)"
    },
    {
      "verse": 18,
      "text": "Quis enim affuit in consilio Domini, et vidit, et audivit sermonem ejus ? quis consideravit verbum illius, et audivit ?",
      "citation": "Jeremias 23:18 (Clementine Vulgate)"
    },
    {
      "verse": 19,
      "text": "Ecce turbo Dominicæ indignationis egredietur, et tempestas erumpens super caput impiorum veniet.",
      "citation": "Jeremias 23:19 (Clementine Vulgate)"
    },
    {
      "verse": 20,
      "text": "Non revertetur furor Domini, usque dum faciat et usque dum compleat cogitationem cordis sui : in novissimis diebus intelligetis consilium ejus.",
      "citation": "Jeremias 23:20 (Clementine Vulgate)"
    },
    {
      "verse": 21,
      "text": "Non mittebam prophetas, et ipsi currebant : non loquebar ad eos, et ipsi prophetabant.",
      "citation": "Jeremias 23:21 (Clementine Vulgate)"
    },
    {
      "verse": 22,
      "text": "Si stetissent in consilio meo, et nota fecissent verba mea populo meo, avertissem utique eos a via sua mala, et a cogitationibus suis pessimis.",
      "citation": "Jeremias 23:22 (Clementine Vulgate)"
    },
    {
      "verse": 23,
      "text": "Putasne Deus e vicino ego sum, dicit Dominus, et non Deus de longe ?",
      "citation": "Jeremias 23:23 (Clementine Vulgate)"
    },
    {
      "verse": 24,
      "text": "Si occultabitur vir in absconditis, et ego non videbo eum ? dicit Dominus. Numquid non cælum et terram ego impleo ? dicit Dominus.",
      "citation": "Jeremias 23:24 (Clementine Vulgate)"
    },
    {
      "verse": 25,
      "text": "Audivi quæ dixerunt prophetæ prophetantes in nomine meo mendacium, atque dicentes : Somniavi, somniavi.",
      "citation": "Jeremias 23:25 (Clementine Vulgate)"
    },
    {
      "verse": 26,
      "text": "Usquequo istud est in corde prophetarum vaticinantium mendacium, et prophetantium seductiones cordis sui ?",
      "citation": "Jeremias 23:26 (Clementine Vulgate)"
    },
    {
      "verse": 27,
      "text": "Qui volunt facere ut obliviscatur populus meus nominis mei, propter somnia eorum quæ narrat unusquisque ad proximum suum, sicut obliti sunt patres eorum nominis mei propter Baal ?",
      "citation": "Jeremias 23:27 (Clementine Vulgate)"
    },
    {
      "verse": 28,
      "text": "Propheta qui habet somnium, narret somnium : et qui habet sermonem meum, loquatur sermonem meum vere. Quid paleis ad triticum ? dicit Dominus.",
      "citation": "Jeremias 23:28 (Clementine Vulgate)"
    },
    {
      "verse": 29,
      "text": "Numquid non verba mea sunt quasi ignis, dicit Dominus, et quasi malleus conterens petram ?",
      "citation": "Jeremias 23:29 (Clementine Vulgate)"
    },
    {
      "verse": 30,
      "text": "Propterea ecce ego ad prophetas, ait Dominus, qui furantur verba mea unusquisque a proximo suo.",
      "citation": "Jeremias 23:30 (Clementine Vulgate)"
    },
    {
      "verse": 31,
      "text": "Ecce ego ad prophetas, ait Dominus, qui assumunt linguas suas, et aiunt : Dicit Dominus.",
      "citation": "Jeremias 23:31 (Clementine Vulgate)"
    },
    {
      "verse": 32,
      "text": "Ecce ego ad prophetas somniantes mendacium, ait Dominus, qui narraverunt ea, et seduxerunt populum meum in mendacio suo et in miraculis suis, cum ego non misissem eos, nec mandassem eis : qui nihil profuerunt populo huic, dicit Dominus.",
      "citation": "Jeremias 23:32 (Clementine Vulgate)"
    },
    {
      "verse": 33,
      "text": "Si igitur interrogaverit te populus iste, vel propheta, aut sacerdos, dicens : Quod est onus Domini ? dices ad eos : Vos estis onus : projiciam quippe vos, dicit Dominus.",
      "citation": "Jeremias 23:33 (Clementine Vulgate)"
    },
    {
      "verse": 34,
      "text": "Et propheta, et sacerdos, et populus qui dicit : Onus Domini : visitabo super virum illum et super domum ejus.",
      "citation": "Jeremias 23:34 (Clementine Vulgate)"
    },
    {
      "verse": 35,
      "text": "Hæc dicetis unusquisque ad proximum, et ad fratrem suum : Quid respondit Dominus ? et quid locutus est Dominus ?",
      "citation": "Jeremias 23:35 (Clementine Vulgate)"
    },
    {
      "verse": 36,
      "text": "Et onus Domini ultra non memorabitur : quia onus erit unicuique sermo suus, et pervertistis verba Dei viventis, Domini exercituum, Dei nostri.",
      "citation": "Jeremias 23:36 (Clementine Vulgate)"
    },
    {
      "verse": 37,
      "text": "Hæc dices ad prophetam : Quid respondit tibi Dominus ? et quid locutus est Dominus ?",
      "citation": "Jeremias 23:37 (Clementine Vulgate)"
    },
    {
      "verse": 38,
      "text": "Si autem onus Domini dixeritis, propter hoc hæc dicit Dominus : Quia dixistis sermonem istum : Onus Domini, et misi ad vos dicens : Nolite dicere : Onus Domini :",
      "citation": "Jeremias 23:38 (Clementine Vulgate)"
    },
    {
      "verse": 39,
      "text": "propterea ecce ego tollam vos portans, et derelinquam vos, et civitatem quam dedi vobis et patribus vestris, a facie mea :",
      "citation": "Jeremias 23:39 (Clementine Vulgate)"
    },
    {
      "verse": 40,
      "text": "et dabo vos in opprobrium sempiternum, et in ignominiam æternam, quæ numquam oblivione delebitur.",
      "citation": "Jeremias 23:40 (Clementine Vulgate)"
    }
  ]
}