{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 25 — 38 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 25,
    "verseCount": 38,
    "navigation": {
      "htmlUrl": "https://latinprayer.org/latin/jeremias/25/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/24.json",
      "previousChapterHtmlUrl": "https://latinprayer.org/latin/jeremias/24/",
      "nextChapter": "https://latinprayer.org/latin/jeremias/26.json",
      "nextChapterHtmlUrl": "https://latinprayer.org/latin/jeremias/26/"
    },
    "crossReferences": {
      "english": "https://latinprayer.org/bible/jeremias/25.json",
      "englishHtmlUrl": "https://latinprayer.org/bible/jeremias/25/",
      "german": "https://latinprayer.org/bibel/jeremias/25.json",
      "germanHtmlUrl": "https://latinprayer.org/bibel/jeremia/25/"
    }
  },
  "citation": "Jeremias 25 (Clementine Vulgate)",
  "verses": [
    {
      "verse": 1,
      "text": "Verbum quod factum est ad Jeremiam, de omni populo Juda, in anno quarto Joakim filii Josiæ regis Juda (ipse est annus primus Nabuchodonosor regis Babylonis),",
      "citation": "Jeremias 25:1 (Clementine Vulgate)"
    },
    {
      "verse": 2,
      "text": "quod locutus est Jeremias propheta ad omnem populum Juda, et ad universos habitatores Jerusalem, dicens :",
      "citation": "Jeremias 25:2 (Clementine Vulgate)"
    },
    {
      "verse": 3,
      "text": "A tertiodecimo anno Josiæ filii Amon regis Juda, usque ad diem hanc, iste tertius et vigesimus annus, factum est verbum Domini ad me, et locutus sum ad vos, de nocte consurgens et loquens, et non audistis.",
      "citation": "Jeremias 25:3 (Clementine Vulgate)"
    },
    {
      "verse": 4,
      "text": "Et misit Dominus ad vos omnes servos suos prophetas, consurgens diluculo, mittensque : et non audistis, neque inclinastis aures vestras ut audiretis,",
      "citation": "Jeremias 25:4 (Clementine Vulgate)"
    },
    {
      "verse": 5,
      "text": "cum diceret : Revertimini unusquisque a via sua mala, et a pessimis cogitationibus vestris, et habitabitis in terra quam dedit Dominus vobis et patribus vestris, a sæculo et usque in sæculum :",
      "citation": "Jeremias 25:5 (Clementine Vulgate)"
    },
    {
      "verse": 6,
      "text": "et nolite ire post deos alienos, ut serviatis eis, adoretisque eos : neque me ad iracundiam provocetis in operibus manuum vestrarum, et non affligam vos.",
      "citation": "Jeremias 25:6 (Clementine Vulgate)"
    },
    {
      "verse": 7,
      "text": "Et non audistis me, dicit Dominus, ut me ad iracundiam provocaretis in operibus manuum vestrarum, in malum vestrum.",
      "citation": "Jeremias 25:7 (Clementine Vulgate)"
    },
    {
      "verse": 8,
      "text": "Propterea hæc dicit Dominus exercituum : Pro eo quod non audistis verba mea,",
      "citation": "Jeremias 25:8 (Clementine Vulgate)"
    },
    {
      "verse": 9,
      "text": "ecce ego mittam et assumam universas cognationes aquilonis, ait Dominus, et Nabuchodonosor regem Babylonis servum meum, et adducam eos super terram istam, et super habitatores ejus, et super omnes nationes quæ in circuitu illius sunt : et interficiam eos, et ponam eos in stuporem et in sibilum, et in solitudines sempiternas.",
      "citation": "Jeremias 25:9 (Clementine Vulgate)"
    },
    {
      "verse": 10,
      "text": "Perdamque ex eis vocem gaudii et vocem lætitiæ, vocem sponsi et vocem sponsæ, vocem molæ et lumen lucernæ.",
      "citation": "Jeremias 25:10 (Clementine Vulgate)"
    },
    {
      "verse": 11,
      "text": "Et erit universa terra hæc in solitudinem, et in stuporem : et servient omnes gentes istæ regi Babylonis septuaginta annis.",
      "citation": "Jeremias 25:11 (Clementine Vulgate)"
    },
    {
      "verse": 12,
      "text": "Cumque impleti fuerint septuaginta anni, visitabo super regem Babylonis et super gentem illam, dicit Dominus, iniquitatem eorum, et super terram Chaldæorum, et ponam illam in solitudines sempiternas.",
      "citation": "Jeremias 25:12 (Clementine Vulgate)"
    },
    {
      "verse": 13,
      "text": "Et adducam super terram illam omnia verba mea, quæ locutus sum contra eam, omne quod scriptum est in libro isto, quæcumque prophetavit Jeremias adversum omnes gentes :",
      "citation": "Jeremias 25:13 (Clementine Vulgate)"
    },
    {
      "verse": 14,
      "text": "quia servierunt eis, cum essent gentes multæ, et reges magni : et reddam eis secundum opera eorum, et secundum facta manuum suarum.",
      "citation": "Jeremias 25:14 (Clementine Vulgate)"
    },
    {
      "verse": 15,
      "text": "Quia sic dicit Dominus exercituum, Deus Israël : Sume calicem vini furoris hujus de manu mea, et propinabis de illo cunctis gentibus ad quas ego mittam te.",
      "citation": "Jeremias 25:15 (Clementine Vulgate)"
    },
    {
      "verse": 16,
      "text": "Et bibent, et turbabuntur et insanient a facie gladii quem ego mittam inter eos.",
      "citation": "Jeremias 25:16 (Clementine Vulgate)"
    },
    {
      "verse": 17,
      "text": "Et accepi calicem de manu Domini, et propinavi cunctis gentibus ad quas misit me Dominus,",
      "citation": "Jeremias 25:17 (Clementine Vulgate)"
    },
    {
      "verse": 18,
      "text": "Jerusalem, et civitatibus Juda, et regibus ejus, et principibus ejus, ut darem eos in solitudinem, et in stuporem, et in sibilum, et in maledictionem, sicut est dies ista :",
      "citation": "Jeremias 25:18 (Clementine Vulgate)"
    },
    {
      "verse": 19,
      "text": "Pharaoni regi Ægypti, et servis ejus, et principibus ejus, et omni populo ejus :",
      "citation": "Jeremias 25:19 (Clementine Vulgate)"
    },
    {
      "verse": 20,
      "text": "et universis generaliter : cunctis regibus terræ Ausitidis, et cunctis regibus terræ Philisthiim, et Ascaloni, et Gazæ, et Accaron, et reliquiis Azoti :",
      "citation": "Jeremias 25:20 (Clementine Vulgate)"
    },
    {
      "verse": 21,
      "text": "et Idumææ, et Moab, et filiis Ammon :",
      "citation": "Jeremias 25:21 (Clementine Vulgate)"
    },
    {
      "verse": 22,
      "text": "et cunctis regibus Tyri, et universis regibus Sidonis, et regibus terræ insularum qui sunt trans mare :",
      "citation": "Jeremias 25:22 (Clementine Vulgate)"
    },
    {
      "verse": 23,
      "text": "et Dedan, et Thema, et Buz, et universis qui attonsi sunt in comam :",
      "citation": "Jeremias 25:23 (Clementine Vulgate)"
    },
    {
      "verse": 24,
      "text": "et cunctis regibus Arabiæ, et cunctis regibus occidentis, qui habitant in deserto :",
      "citation": "Jeremias 25:24 (Clementine Vulgate)"
    },
    {
      "verse": 25,
      "text": "et cunctis regibus Zambri, et cunctis regibus Elam, et cunctis regibus Medorum :",
      "citation": "Jeremias 25:25 (Clementine Vulgate)"
    },
    {
      "verse": 26,
      "text": "cunctis quoque regibus aquilonis, de prope et de longe, unicuique contra fratrem suum : et omnibus regnis terræ quæ super faciem ejus sunt : et rex Sesach bibet post eos.",
      "citation": "Jeremias 25:26 (Clementine Vulgate)"
    },
    {
      "verse": 27,
      "text": "Et dices ad eos : Hæc dicit Dominus exercituum, Deus Israël : Bibite, et inebriamini, et vomite : et cadite, neque surgatis a facie gladii quem ego mittam inter vos.",
      "citation": "Jeremias 25:27 (Clementine Vulgate)"
    },
    {
      "verse": 28,
      "text": "Cumque noluerint accipere calicem de manu tua ut bibant, dices ad eos : Hæc dicit Dominus exercituum : Bibentes bibetis :",
      "citation": "Jeremias 25:28 (Clementine Vulgate)"
    },
    {
      "verse": 29,
      "text": "quia ecce in civitate in qua invocatum est nomen meum ego incipiam affligere, et vos quasi innocentes et immunes eritis ? non eritis immunes : gladium enim ego voco super omnes habitatores terræ, dicit Dominus exercituum.",
      "citation": "Jeremias 25:29 (Clementine Vulgate)"
    },
    {
      "verse": 30,
      "text": "Et tu prophetabis ad eos omnia verba hæc, et dices ad illos : Dominus de excelso rugiet, et de habitaculo sancto suo dabit vocem suam : rugiens rugiet super decorem suum : celeuma quasi calcantium concinetur adversus omnes habitatores terræ.",
      "citation": "Jeremias 25:30 (Clementine Vulgate)"
    },
    {
      "verse": 31,
      "text": "Pervenit sonitus usque ad extrema terræ, quia judicium Domino cum gentibus : judicatur ipse cum omni carne. Impios tradidi gladio, dicit Dominus.",
      "citation": "Jeremias 25:31 (Clementine Vulgate)"
    },
    {
      "verse": 32,
      "text": "Hæc dicit Dominus exercituum : Ecce afflictio egredietur de gente in gentem, et turbo magnus egredietur a summitatibus terræ.",
      "citation": "Jeremias 25:32 (Clementine Vulgate)"
    },
    {
      "verse": 33,
      "text": "Et erunt interfecti Domini in die illa, a summo terræ usque ad summum ejus : non plangentur, et non colligentur, neque sepelientur : in sterquilinium super faciem terræ jacebunt.",
      "citation": "Jeremias 25:33 (Clementine Vulgate)"
    },
    {
      "verse": 34,
      "text": "Ululate, pastores, et clamate, et aspergite vos cinere, optimates gregis : quia completi sunt dies vestri ut interficiamini, et dissipationes vestræ : et cadetis quasi vasa pretiosa.",
      "citation": "Jeremias 25:34 (Clementine Vulgate)"
    },
    {
      "verse": 35,
      "text": "Et peribit fuga a pastoribus, et salvatio ab optimatibus gregis.",
      "citation": "Jeremias 25:35 (Clementine Vulgate)"
    },
    {
      "verse": 36,
      "text": "Vox clamoris pastorum, et ululatus optimatum gregis, quia vastavit Dominus pascua eorum :",
      "citation": "Jeremias 25:36 (Clementine Vulgate)"
    },
    {
      "verse": 37,
      "text": "et conticuerunt arva pacis a facie iræ furoris Domini.",
      "citation": "Jeremias 25:37 (Clementine Vulgate)"
    },
    {
      "verse": 38,
      "text": "Dereliquit quasi leo umbraculum suum, quia facta est terra eorum in desolationem a facie iræ columbæ, et a facie iræ furoris Domini.",
      "citation": "Jeremias 25:38 (Clementine Vulgate)"
    }
  ]
}