{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 26 — 24 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 26,
    "verseCount": 24,
    "navigation": {
      "htmlUrl": "https://latinprayer.org/latin/jeremias/26/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/25.json",
      "previousChapterHtmlUrl": "https://latinprayer.org/latin/jeremias/25/",
      "nextChapter": "https://latinprayer.org/latin/jeremias/27.json",
      "nextChapterHtmlUrl": "https://latinprayer.org/latin/jeremias/27/"
    },
    "crossReferences": {
      "english": "https://latinprayer.org/bible/jeremias/26.json",
      "englishHtmlUrl": "https://latinprayer.org/bible/jeremias/26/",
      "german": "https://latinprayer.org/bibel/jeremias/26.json",
      "germanHtmlUrl": "https://latinprayer.org/bibel/jeremia/26/"
    }
  },
  "citation": "Jeremias 26 (Clementine Vulgate)",
  "verses": [
    {
      "verse": 1,
      "text": "In principio regni Joakim filii Josiæ regis Juda, factum est verbum istud a Domino, dicens :",
      "citation": "Jeremias 26:1 (Clementine Vulgate)"
    },
    {
      "verse": 2,
      "text": "Hæc dicit Dominus : Sta in atrio domus Domini, et loqueris ad omnes civitates Juda, de quibus veniunt ut adorent in domo Domini universos sermones quos ego mandavi tibi ut loquaris ad eos : noli subtrahere verbum,",
      "citation": "Jeremias 26:2 (Clementine Vulgate)"
    },
    {
      "verse": 3,
      "text": "si forte audiant, et convertantur unusquisque a via sua mala, et pœniteat me mali quod cogito facere eis propter malitiam studiorum eorum.",
      "citation": "Jeremias 26:3 (Clementine Vulgate)"
    },
    {
      "verse": 4,
      "text": "Et dices ad eos : Hæc dicit Dominus : Si non audieritis me, ut ambuletis in lege mea quam dedi vobis,",
      "citation": "Jeremias 26:4 (Clementine Vulgate)"
    },
    {
      "verse": 5,
      "text": "ut audiatis sermones servorum meorum prophetarum quos ego misi ad vos, de nocte consurgens, et dirigens, et non audistis :",
      "citation": "Jeremias 26:5 (Clementine Vulgate)"
    },
    {
      "verse": 6,
      "text": "dabo domum istam sicut Silo, et urbem hanc dabo in maledictionem cunctis gentibus terræ.",
      "citation": "Jeremias 26:6 (Clementine Vulgate)"
    },
    {
      "verse": 7,
      "text": "Et audierunt sacerdotes, et prophetæ, et omnis populus, Jeremiam loquentem verba hæc in domo Domini.",
      "citation": "Jeremias 26:7 (Clementine Vulgate)"
    },
    {
      "verse": 8,
      "text": "Cumque complesset Jeremias, loquens omnia quæ præceperat ei Dominus ut loqueretur ad universum populum, apprehenderunt eum sacerdotes, et prophetæ, et omnis populus, dicens : Morte moriatur.",
      "citation": "Jeremias 26:8 (Clementine Vulgate)"
    },
    {
      "verse": 9,
      "text": "Quare prophetavit in nomine Domini, dicens : Sicut Silo erit domus hæc, et urbs ista desolabitur eo quod non sit habitator ? Et congregatus est omnis populus adversus Jeremiam in domo Domini.",
      "citation": "Jeremias 26:9 (Clementine Vulgate)"
    },
    {
      "verse": 10,
      "text": "Et audierunt principes Juda verba hæc, et ascenderunt de domo regis in domum Domini, et sederunt in introitu portæ domus Domini novæ.",
      "citation": "Jeremias 26:10 (Clementine Vulgate)"
    },
    {
      "verse": 11,
      "text": "Et locuti sunt sacerdotes et prophetæ ad principes, et ad omnem populum, dicentes : Judicium mortis est viro huic, quia prophetavit adversus civitatem istam, sicut audistis auribus vestris.",
      "citation": "Jeremias 26:11 (Clementine Vulgate)"
    },
    {
      "verse": 12,
      "text": "Et ait Jeremias ad omnes principes, et ad universum populum, dicens : Dominus misit me ut prophetarem ad domum istam, et ad civitatem hanc, omnia verba quæ audistis.",
      "citation": "Jeremias 26:12 (Clementine Vulgate)"
    },
    {
      "verse": 13,
      "text": "Nunc ergo bonas facite vias vestras et studia vestra, et audite vocem Domini Dei vestri, et pœnitebit Dominum mali quod locutus est adversum vos.",
      "citation": "Jeremias 26:13 (Clementine Vulgate)"
    },
    {
      "verse": 14,
      "text": "Ego autem ecce in manibus vestris sum : facite mihi quod bonum et rectum est in oculis vestris.",
      "citation": "Jeremias 26:14 (Clementine Vulgate)"
    },
    {
      "verse": 15,
      "text": "Verumtamen scitote et cognoscite quod, si occideritis me, sanguinem innocentem tradetis contra vosmetipsos, et contra civitatem istam, et habitatores ejus : in veritate enim misit me Dominus ad vos, ut loquerer in auribus vestris omnia verba hæc.",
      "citation": "Jeremias 26:15 (Clementine Vulgate)"
    },
    {
      "verse": 16,
      "text": "Et dixerunt principes et omnis populus ad sacerdotes et ad prophetas : Non est viro huic judicium mortis, quia in nomine Domini Dei nostri locutus est ad nos.",
      "citation": "Jeremias 26:16 (Clementine Vulgate)"
    },
    {
      "verse": 17,
      "text": "Surrexerunt ergo viri de senioribus terræ, et dixerunt ad omnem cœtum populi, loquentes :",
      "citation": "Jeremias 26:17 (Clementine Vulgate)"
    },
    {
      "verse": 18,
      "text": "Michæas de Morasthi fuit propheta in diebus Ezechiæ regis Juda, et ait ad omnem populum Juda, dicens : Hæc dicit Dominus exercituum : Sion quasi ager arabitur, et Jerusalem in acervum lapidum erit, et mons domus in excelsa silvarum.",
      "citation": "Jeremias 26:18 (Clementine Vulgate)"
    },
    {
      "verse": 19,
      "text": "Numquid morte condemnavit eum Ezechias rex Juda, et omnis Juda ? numquid non timuerunt Dominum, et deprecati sunt faciem Domini, et pœnituit Dominum mali quod locutus fuerat adversum eos ? Itaque nos facimus malum grande contra animas nostras.",
      "citation": "Jeremias 26:19 (Clementine Vulgate)"
    },
    {
      "verse": 20,
      "text": "Fuit quoque vir prophetans in nomine Domini, Urias filius Semei de Cariathiarim, et prophetavit adversus civitatem istam, et adversus terram hanc, juxta omnia verba Jeremiæ.",
      "citation": "Jeremias 26:20 (Clementine Vulgate)"
    },
    {
      "verse": 21,
      "text": "Et audivit rex Joakim, et omnes potentes et principes ejus, verba hæc, et quæsivit rex interficere eum : et audivit Urias, et timuit, fugitque, et ingressus est Ægyptum.",
      "citation": "Jeremias 26:21 (Clementine Vulgate)"
    },
    {
      "verse": 22,
      "text": "Et misit rex Joakim viros in Ægyptum, Elnathan filium Achobor, et viros cum eo, in Ægyptum,",
      "citation": "Jeremias 26:22 (Clementine Vulgate)"
    },
    {
      "verse": 23,
      "text": "et eduxerunt Uriam de Ægypto, et adduxerunt eum ad regem Joakim, et percussit eum gladio, et projecit cadaver ejus in sepulchris vulgi ignobilis.",
      "citation": "Jeremias 26:23 (Clementine Vulgate)"
    },
    {
      "verse": 24,
      "text": "Igitur manus Ahicam filii Saphan fuit cum Jeremia, ut non traderetur in manus populi, et interficerent eum.",
      "citation": "Jeremias 26:24 (Clementine Vulgate)"
    }
  ]
}